Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Конюшев Николай Степанович

Конюшев Николай Степанович (1939 ҫулхи кӑрлачӑн 23-мӗшӗ, Калманттай, Вольский район[d] — 2023 ҫулхи чӳкӗн 1-мӗшӗ) — совет саманин тата Раҫҫейӗн кинорежиссёрӗ, актёрӗ. Раҫҫей Федерацийӗн культурӑн тава тивӗҫлӗ ӗҫченӗ (1995).

Вӑл «Белое солнце пустыни» фильмӑн иккӗмӗш режиссёрӗ пек самай палӑрнӑ. Ҫак фильм валли актёрсене суйласа илес ӗҫре пысӑк тӳпе хывнӑ[1].

Пурнӑҫӗ

Вӑл 1939 ҫулхи кӑрлачӑн 23-мӗшӗнче Сарӑту облаҫӗнчи Вольск районӗнчи Калманттай чӑваш ялӗнче ҫуралнӑ. Ҫемье чухӑн пурӑннӑ. Ашшӗ ир вилнӗ, икӗ ача тӑлӑха юлнӑ[1].

1957 ҫулта вырӑнти шкултан вӗренсе тухнӑ. Унпа пӗр кластра вӗреннӗ Роза Ерантаева аса илнӗ тӑрӑх вӗсен класӗ питӗ туслӑ пулнӑ. Николай вара ҫамрӑк чухнех актёр пултарулӑхне кӑтартнӑ. Вӑл театр кружокне ҫӳреме пуҫланӑ. Унта ӑна пур тӗп рольсене те панӑ. Сӑмахран, «Молодая гвардия» спектакльте вӑл Олег Кошевой ролӗнче вылянӑ. Шкул пӗтерсен ҫемье Сарӑту хулине, каярах Мускава пурӑнма куҫнӑ[1].

Мускав патшалӑх университечӗн журналистика факультетӗнче тата ВГИК-ӑн режиссёр факультетӗнче вӗреннӗ.

Иккӗмӗш режиссёр тата ассистент пулса вӑл паллӑ фильмсене ӳкерес ӗҫре хутшӑннӑ. Вӗсен шутне «Белое солнце пустыни» (1970), «12 стульев» (1976) тата «Безымянная звезда» (1978) фильмсем кӗреҫҫӗ[2].

Вӑл «Юность» киностуди патшалӑх предприятийӗн (Ролан Быков фончӗ) директорӗ пулнӑ. Ку организаци 2016 ҫулта хупӑннӑ.

Фильмографи

Режиссёр

  • 1975 — «Дорога» (мелодрама)
  • 1988 — «Лапта» (драма)

Иккӗмӗш режиссёр е режиссёр ассистенчӗ

  • 1970 — «Белое солнце пустыни» (актёрсем енӗпе ӗҫлекен ассистент)
  • 1970 — «Кража» (2-мӗш режиссёр, ҫавӑн пекех роль)
  • 1970 — «Один из нас» (ассистент, ҫавӑн пекех роль)
  • 1974 — «Лев Гурыч Синичкин» (2-мӗш режиссёр)
  • 1976 — «12 стульев» (2-мӗш режиссёр)
  • 1978 — «Безымянная звезда» (2-мӗш режиссёр)
  • 1980 — «Частное лицо» (2-мӗш режиссёр, ҫавӑн пекех роль)

Актёр

  • 1980 — «Частное лицо» — Маркелов (титрсенче кӑтартман)
  • 1981 — «Шофёр на один рейс» — ГАИ инспекторӗ Золотухин
  • 1981 — «20 декабря» — эпизод
  • 1974 — «Одиножды один» — эпизод

Фильм директорӗ

  • 1998 — «Факультет ненужных вещей»

Документлӑ кино

  • 2008 — «Неизвестная версия» (Украина)

Ҫемйи

  • Арӑмӗ — Ольга Ромашко[3].
  • Хӗрӗ — Марина Ромашко, Мускав патшалӑх университечӗн журналистика факультетӗнчен вӗренсе тухнӑ, дизайнер, Швейцарире косметика компанийӗ уҫнӑ[3].
  • Мӑнукӗсем (хӗрачасем) — Александра тата Анастасия Ромашко. Александра Тафтс университетӗнчен тата Сӑнарлӑ ӳнер музейӗнчен (Бостон) вӗренсе тухнӑ, Анастасия вара — Бостон университетӗнче тата Колумби университетӗнчи аспирантурӑра пӗлӳ илнӗ[3].

Астӑвӑм

Ҫуралса ӳснӗ тӑван ялӗнчи шкулта музей кӗтесӗ йӗркеленӗ. Унта паллӑ ентешӗн япалисем, ҫырӑвӗсем тата сӑнӳкерчӗкӗсем упранаҫҫӗ[1].

Ӑнлантарусем

  1. ^ 1, 2, 3, 4 Житель Вольска искал актеров для народной комедии. Саратов 24 (21 чӳкӗн 2019). Пӑхнӑ кун: 2026 ҫулхи пушӑн 13-мӗшӗ.
  2. ^ Николай Конюшев на сайте kino-teatr.ru. Пӑхнӑ кун: 2026 ҫулхи пушӑн 13-мӗшӗ.
  3. ^ 1, 2, 3 Ромашко О. Всем, что я сделала в жизни, я обязана своей семье. romashko.ru. Пӑхнӑ кун: 2026 ҫулхи пушӑн 13-мӗшӗ. Архивланӑ 2024 ҫулхи чӳкӗн 7-мӗшӗ.

Вуламалли

  • Андюков, Василий. Калмантай и «Белое солнце пустыни» // Чӑваш тӗнчи (газета). — 2015, сентябрь/октябрь, № 5 (72). — С. 11.

Категорисем