Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Кубарев Геннадий Павлович

Disambig gray.svg Кубарев хушаматлă урăх çынсем çинчен РУВИКИ-ре статьясем пур.

Кубарев Геннадий Павлович (1895 ҫулхи ҫурлан 27-мӗшӗ, Комсомольски — 1975 ҫулхи ҫӑвӑн 11-мӗшӗ, Смоленск) — чӑваш журналисчӗ, политика тата общество ӗҫченӗ. Чӑваш пичетне йӗркелекенсенчен пӗри[1].

Пурнӑҫӗпе ӗҫӗ-хӗлӗ

1895 ҫулхи ҫурлан 27-мӗшӗнче Ҫӗрпӳ уесӗнчи Аслӑ Каҫал салинче ҫуралнӑ[2][1].

1916 ҫулта Етӗрнери чӑн училищӗре пӗлӳ илнӗ. Етӗрнере тухса тӑракан «Известия» хаҫат редакторӗ, Етӗрне тата Царевёкокшайск РКП(б) уес комитечӗсен секретарӗ пулса ӗҫленӗ[1].

Геннадий Павлович РОСТА чӑваш уйрӑмне, журналистсен клубне йӗркеленӗ, облсофпрофӑн культура енӗпе вӗрентекен пая ертсе пынӑ, партин Чӑваш обкомӗн агитпром заведующийӗ пулса ӗҫленӗ[1].

1920 ҫултан пуҫласа «Чӑваш Ен» хаҫат редакторӗ пулса ӗҫленӗ. 1922 ҫулта ӑна «Известия Татарского ЦИКа» хаҫат редакторӗн ҫумне лартнӑ[1].

1923 пуҫламӑшӗнчен 1942 ҫул вӗҫӗччен ЦК хушнипе Раҫҫейӗн кӑнтӑр енӗнче тата Ҫурҫӗр Кавказра журналист ӗҫне пурнӑҫланӑ. 1942 ҫулхи юпа уйӑхӗнчен Пермь облаҫӗнчи Березники(выр.)чăв. хулинчи савутра тухса тӑракан «За большевистскую стройку» хаҫат редакторӗ пулнӑ. 1943 ҫулхи ака уйӑхӗнче ӑна Краснодар крайӗн радиокӑларӑмсен комитечӗн председательне лартнӑ. 1944 ҫулта Смоленск облаҫӗн радиокӑларӑмсен комитетне ертсе пыма пуҫланӑ. 1952–1958 ҫулсенче Смоленск облаҫӗнче тухса тӑракан хаҫатсен редакцийӗсенче ӗҫленӗ[3].

1975 ҫулхи ҫӑвӑн 11-мӗшӗнче вилнӗ. Ӑна Смоленскри Новодевичи масарӗнче пытарнӑ[3].

Хисепӗсем

1967 ҫулта Геннадий Павловича Ӗҫлӗх Хӗрлӗ Ялав орденӗпе чысланӑ[4].

Ӑнлантарусем

  1. ^ 1, 2, 3, 4, 5 Кубарев, Геннадий Павлович (общественно-политический деятель; 27.08.1895-11.05.1975) (выр.). «Наследие Чувашии». Цифровая библиотека чувашского наследия. Пӑхнӑ кун: 2025 ҫулхи ҫурлан 4-мӗшӗ.
  2. ^ Халӗ — Комсомольски муниципаллӑ округӗнчи Комсомольски сали.
  3. ^ 1, 2 Кубарев Геннадий Павлович (выр.). Смоленский некрополь. Пӑхнӑ кун: 2025 ҫулхи ҫурлан 4-мӗшӗ.
  4. ^ В.Н. Клементьев. Кубарев Геннадий Павлович (выр.). Чувашская эгнциклопедия. Пӑхнӑ кун: 2025 ҫулхи ҫурлан 4-мӗшӗ.

Вуламалли

  • Григорьев, В. Я. Кубарев Геннадий Павлович / В. Я. Григорьев // Энциклопедия Комсомольского района. — Чебоксары, 2009. — С. 325.
  • Изоркин, А. В. Призвание — журналист / А. В. Изоркин // Их имена останутся в истории. — Чебоксары, 1993. — Вып. 1. — С. 66-70.
  • Клементьев, В. Н. Кубарев Геннадий Павлович / В. Н. Клементьев // Чувашская энциклопедия. — Чебоксары, 2008. — Т. 2 : Ж-Л. — С. 377.
  • Кубарев Геннадий Павлович // Энциклопедия чувашской журналистики и печати. — Чебоксары, 2014. — С. 230.

Каҫӑсем

Категорисем