Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Кӑшавӑш вӑтам шкулӗ

Кӑшавӑш вӑтам шкулӗ — Чӑваш Республикин Шупашкар муниципаллӑ округне кӗрекен Кӑрмӑш ялӗнче вырнаҫнӑ вӑтам шкул.

Адресӗ: Шупашкар районӗ, Кӑрмӑш ялӗ, 9-мӗш пилӗкҫуллӑх урамӗ, 9-мӗш ҫурт[1].

Директорӗ: Ильина Светлана Владимировна[2]

Историйӗ

Хальхи шкул хӑйӗн кун-ҫулне 1890 ҫулта пуҫланӑ, ун чухне, авӑнӑн 15-мӗшӗнче, Сопаккасси ялӗнче Мӑнал вулӑсӗн Кӑшавӑш хутла вӗрентекен шкулне уҫнӑ пулнӑ[3]. Ӑна А. Добросмыслов священник йӗркеленӗ[4].

1908 ҫулхи чӳкӗн 10-мӗшӗнче Кӑшавӑш ялӗнче пӗр класлӑ хутӑш училище ӗҫлеме пуҫланӑ[3].

1911 ҫулта, авӑнӑн 19-мӗшӗнче, Вӑрӑмту ялӗнче пуҫламӑш училище уҫнӑ, вӑл уйрӑм шкул шутланнӑ[3].

1923 ҫулта Кӑшавӑшра комсомол ячейки йӗркеленнӗ, 1925 ҫулта Кӑшавӑл пуҫламӑш шкулӗ уҫӑлнӑ. 1929 ҫулта шкул ултӑ ҫул вӗрентекен шайне куҫнӑ, 1931 ҫулта — ҫичӗ ҫул вӗрентекен шкул шайне. 1929–1934 ҫулсенче шкул ҫумӗнче ликбез ӗҫленӗ[3].

1934 ҫулта вӑл тулли мар вӑтам шкул пулса тӑнӑ, ачасене унта ҫичӗ ҫул вӗрентнӗ[3].

1947 ҫулта Вӑрӑмтури пуҫламӑш шкул Кӑшавӑшри тулли мар вӑтам шкулӑн филиалӗ пулса тӑнӑ. 1952 ҫулта шкула каллех ҫичӗ ҫул вӗренмелли шкул тесе ят панӑ. 1960 ҫулта шкулта ачасене сакӑр ҫул вӗрентме пуҫланӑ[3].

1968 ҫулхи утӑ уйӑхӗнче Вӑрӑмтури пуҫламӑш шкула хупнӑ[3].

1984 ҫулта Кӑрмӑшра ҫӗнӗ шкул ҫуртне туса лартнӑ хыҫҫӑн вӑл унта куҫнӑ, вӑтам шкул пулса тӑнӑ[3].

1988 ҫулхи авӑн уйӑхӗнче шкул ҫумӗнче ӳнер шкулӗ уҫӑлнӑ[3].

Шкулта вӗрентнӗ ҫынсем

  • Семёнова Василиса Фёдоровна (1916–1977) — 1944–1955 ҫулсенче шкулта ачасене вӗрентнӗ.
  • Сергеев Леонид Николаевич (1940–2004) — шкулта ачасене физкультура вӗрентнӗ.
  • Шаронова Надежда Семёновна (1948 ҫ.ҫ.) — вӑрӑмлатнӑ кун воспитателӗ пулса ӗҫленӗ.

Шкултан вӗренсе тухнӑ паллӑ ҫынсем

Хальхи вӑхӑтра

Шкул икӗ хутлӑ ҫуртра вырнаҫнӑ, ӑна 1984 ҫулта туса лартнӑ. Шкулта ҫывӑхри ялсенчи ачасем вӗренеҫҫӗ.

Шкулӑн физика, хими, информатика, вырӑс чӗлхипе литература, истори, акӑлчан чӗлхи, ют чӗлхе, икӗ технологи, ӳнерпе технологи, чӑваш чӗлхи кабинечӗсем пур. Ҫавӑн пекех пуҫламӑш классен тӑватӑ кабинечӗ вырнаҫнӑ[5].

Шкулта вулавӑш тата ун ҫумӗнчи вулавӑш залӗ пур. Унта 14161 экземпляр кӗнеке вырнаҫнӑ, вӗсенчен 5968 кӗнеке — вӗренӳ кӗнекисем. Вӗренӳ процессне тивӗҫлӗ шайра пурнӑҫламашкӑн шкулӑн компьютерсем, принтерсем, мультимедиа проекторӗсем пур[5].

Шкулти ачасене вӗри апатпа тивӗҫтереҫҫӗ. Ҫакӑн валли шкулӑн столовӑй пур — вӑл 78 вырӑнлӑ. Шкулта вӗренекен ачасене апатпа «Атлашевски» агрофирма» ТМЯП тивӗҫтерет[6].

Ӑнлантарусем

  1. ^ Основные сведения (выр.). Муниципальное бюджетное общеобразовательное учреждение "Кшаушская средняя общеобразовательная школа" Чебоксарского муниципального округа Чувашской Республики.
  2. ^ Руководство (выр.). Муниципальное бюджетное общеобразовательное учреждение "Кшаушская средняя общеобразовательная школа" Чебоксарского муниципального округа Чувашской Республики.
  3. ^ 1, 2, 3, 4, 5, 6, 7, 8, 9 Из истории школы (выр.). Добро пожаловать на сайт Кшаушской СОШ.
  4. ^ Кшаушской школе Чебоксарского района - 115 лет (выр.) (2006-04-02).
  5. ^ 1, 2 Материально-техническое обеспечение и оснащенность образовательного процесса. Доступная среда (выр.). Муниципальное бюджетное общеобразовательное учреждение "Кшаушская средняя общеобразовательная школа" Чебоксарского муниципального округа Чувашской Республики.
  6. ^ Организация питания в образовательной организации (выр.). Муниципальное бюджетное общеобразовательное учреждение "Кшаушская средняя общеобразовательная школа" Чебоксарского муниципального округа Чувашской Республики.

Вуламалли

  • Иванов Ю.И. Кшаушской школе 110 лет (1890-2000) / Ю.И.Иванов, В.Е.Сорокин. - Чебоксары: [б.и.], 2000.-112 с .+ [4] л. ил.

Каҫӑсем

Темӑпа ҫыхӑннисем

Категорисем