Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Кӗҫӗн Кувшинка

 

Кӗҫӗн Кувшинка — Шупашкар хулин Ҫӗнӗ Кӑнтӑр районӗнчи юханшыв, Кӑкшӑм шывӗн юппи. Тӑршшӗ 6 ҫухрӑма яхӑн.

Кӗҫӗн Кувшинка промзонӑпа уйрӑм ҫуртсемпе пурӑнакансен секторӗ хушшипе юхать, пӗр пайне ҫыран хӗрринчи лаптӑкра нумай хваттерлӗ ҫуртсем тунӑ май коллектор витӗр янӑ[1]. Юханшыв сарлакӑшӗ 5—6 м таран, тарӑнӑшӗ 0,5—1,0 м пуҫласа 1,5 м таран, типӗрех тапхӑрсенче 0,3—0,5 м таран, юхӑм хӑвӑртлӑхӗ 1,2—1,8 м/ҫек таран. Ҫурхи ейӳ вӑрӑмӑшӗпе 15—20 куна тӑсӑлать, ҫуллахи-кӗрхи ӑшӑ ҫанталӑксенче шыв чакать, вӑхӑт-вӑхӑт ҫеҫ ҫумӑр ҫусан тулать, хӗлле шыв тата та сахалланать[2].

Экологи

Шупашкарти ҫумӑр шывӗн чылай пайӗ (2007 ҫулта Шупашкарти ҫумӑр канализацийӗн тытӑмӗ урлӑ юхнӑ шыв калӑпӑшӗ 1,5 миллион м³ кӑтартупа танлашнӑ) — пӗтӗмӗшле калӑпӑшӑн 44,4% — Кӗҫӗн Кувшинка тата Кӑкшӑм юханшывсене юхса тухать[3].

Ку шывсем таса маррисем шутне кӗреҫҫӗ (УКИЗВ = 5 тата 6)[3]. Кӗҫӗн Кувшинка юханшывӗ Шупашкарти ытти пӗчӗк юханшывсем пекех хӑйне тимлӗх уйӑрасса — шывне тасатасса, ҫыранӗсене тирпейлессе — кӗтет. Ку телӗшпе экологсем, симӗс активистсем, ку тӑрӑхра пурӑнакансем ҫулсерен субботниксем ирттереҫҫӗ.

Ячӗ

Ӗлӗкхи ячӗсем: Кувшинка (1793)[4], Кӗҫӗн Кӑкшӑм (1859)[5].

Паллӑ вырӑн

Кӗҫӗн Кувшинкӑн сылтӑм ҫыранӗнче, Шупашкарти Ленин районӗнчи Хевеш тата Ленин Комсомолӗн урамӗсен тӗлӗнче — «Хевеш ҫӑлкуҫӗ» (малтанхи ячӗ — Фомин ҫӑлкуҫӗ) пур[6], ҫӑлкуҫ ҫеккунтра 0,84 литр хӑвӑртлӑхпа тапса тӑрать. Ҫӑлкуҫа тирпей-илем кӗртсе 2014 ҫулта сӑвапланӑ[7].

Вуламалли

  • Дубанов И. С. Озера, реки, родники Чувашии. — Чебоксары, 2008.

Ӑнлантарусем

  1. ^ Протокол № 39 публичных слушаний по проекту планировки и проекту межевания территории микрорайона, ограниченного улицами Эгерский бульвар, Л.Комсомола, Машиностроительный проезд, речка Малая Кувшинка г.Чебоксары. Управление архитектуры и градостроительства администрации города Чебоксары (6 раштавӑн 2016). Архивланӑ 2019 ҫулхи пушӑн 2-мӗшӗ.
  2. ^ Гидрологические характеристики и ресурсы поверхностных вод г.Чебоксары. Муниципальное бюджетное учреждение «Управление экологии города Чебоксары». Архивланӑ 2013 ҫулхи акан 17-мӗшӗ.
  3. ^ 1, 2 Актуальная тема: малые реки г.Чебоксары. Муниципальное бюджетное учреждение «Управление экологии города Чебоксары». Архивланӑ 2019 ҫулхи пушӑн 2-мӗшӗ.
  4. ^ Генеральный геометрический план города Чебоксар и его уезда, состоящий в Казанской губернии. Сочинен в Казанской межевой конторе в 1793 году. ЭтоМесто.ru, www.etomesto.ru.
  5. ^ Списки населённых мест Российской империи, составленные и издаваемые Центральным статистическим комитетом Министерства внутренних дел. — СПб.: изд. Центр. стат. ком. Мин. внутр. дел, 1861—1885. (Вып. 14): Казанская губерния: … по сведениям 1859 года / обраб. А. Артемьевым. — 1866. — LXXIX, 237 с., 1. л. к. — С. 146 (выр.). elib.shpl.ru. Пӑхнӑ кун: 2019 ҫулхи раштавӑн 13-мӗшӗ. Архивланӑ 2018 ҫулхи кӑрлачӑн 19-мӗшӗ. Электронная библиотека Государственной публичной исторической библиотеки
  6. ^ https://forum.na-svyazi.ru/?showtopic=1878954&st=15&p=14120771#entry14120771
  7. ^ В Чебоксарах открылся реконструированный родник «Хевешский». Администрация города Чебоксары (14 чӳкӗн 2014). Архивланӑ 2019 ҫулхи пушӑн 2-мӗшӗ.

Каҫӑсем

Категорисем