Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Лебедев Константин Васильевич

РУВИКИ-ре ҫак хушаматлӑ ытти ҫынсем пирки те статьясем пур: Лебедев.

Константин Васильевич Лебедев (1921 ҫулхи ҫурлан 18-мӗшӗ, Раздольное, Улатăр уесĕ, Чӗмпӗр кӗпӗрни, РСФСР[d] е Чӑваш автономи облаҫӗ — 2002, Хусан) — совет саманин ҫыравҫи, медицина ӑслӑлӑхӗсен кандидачӗ (1952), СССР Ҫыравҫисен пӗрлӗхӗн пайташӗ (1950).

Пурнӑҫӗ

1921 ҫулхи ҫурлан 18-мӗшӗнче Улатӑр уесӗнчи Сутяжное ялӗнче (хальхи Пӑрачкав районӗнчи Раздольное ялӗ) ҫуралнӑ[1].

Совет-финн вӑрҫине хутшӑннӑ.

1945 ҫулта Хусанти медицина институтне вӗренсе пӗтернӗ. 1946 ҫулта Улатӑр станцийӗнчи поликлиникӑра тухтӑр пулса ӗҫленӗ. 1946 ҫултанпа 1977 ҫулччен Хусанти патшалӑх медицина институтӗнче вӗрентнӗ[1].

Литература ӗҫне 1946 ҫулта калавсемпе повеҫсем пичетлеме пуҫланипе тытӑннӑ. 1949 ҫулта унӑн «Дни испытаний» ятлӑ пӗрремӗш романӗ тухнӑ[1]. Романри ӗҫсем 1943—1946 ҫулсенче пулса иртеҫҫӗ. Тӗп герой — Борис Ростовцев — опера сценине пӑрахать те фронта каять; тылри госпитальсенчен пӗринче унӑн шкулти юлташӗ Юрий Ветров хирург ӗҫлет, сюжет вӗсене пӗр класра вӗреннӗ Рита Хрусталевӑпа ҫыхӑнтарать.

1956 ҫулта иккӗмӗш романӗ — «Люди и степени» — пичетленсе тухнӑ. Вӑл ӑслӑлӑх ӗҫченӗсен хушшинчи хӑй тӗллӗн пурӑнакансен эгоизма тата ҫынна пӑхса ӗҫлессине сивлес тӗллевпе ҫырӑннӑ. Лебедев ҫавӑн пекех Хусанти физиологсем пирки очерксем хатӗрленӗ: «Миславский» (1951, А. В. Кибяковпа пӗрле), «Николай Осипович Ковалевский» (1954)[1] тата ыттисем те.

2000 ҫулхи утӑн 5-мӗшӗнче Хусанта вилнӗ[1].

Хӑш-пӗр ӗҫӗсем

  • Кибяков А. В., Лебедев К. В. Н. А. Миславский (1854—1929). — Медгиз, 1951. — 80 с.
  • Лебедев К. В. Люди и степени: Роман. — Советский писатель, 1958. — 420 с. — 30 000 экз.

Ӑнлантарусем

  1. ^ 1, 2, 3, 4, 5 Кудявнин В. И., Головченко Н. П. Лебедев Константин Васильевич // Чӑваш энциклопедийӗ. — Шупашкар, 2008. — 2-мӗш т. : Ж—Л. — 425 с.

Вуламалли

  • Кудявнин, В. И. Лебедев Константин Васильевич / В. И. Кудявнин, Н. П. Головченко // Чувашская энциклопедия. — Чебоксары, 2008. — Т. 2 : Ж-Л. — С. 425.. — См. текст
  • Литературное Поречье // Порецкие вести. — 2007. — 15 сент. — С. 5.
  • Лоскутов, Н. В. Лебедев Константин Васильевич / Н. В. Лоскутов // Порецкая энциклопедия. — Чебоксары, 2023. — С. 207.
  • Прозаик из села Раздольное. — Текст : электронный // Порецкий муниципальный округ Чувашской Республики : [сайт]. — 2016. — 23 августа.
  • Ялгир, П. Лебедев Константин Васильевич / П. Ялгир // Литературный мир Чувашии / П. Ялгир. — Чебоксары, 2005. — С. 89.

Каҫӑсем

Категорисем