Партас

Партас - карп йышши пулă. Кĕлетки çур метра çитет, йывăрăшĕ - 4 килограма. Партас çу уйăхĕнче вăлча сапать. Ун кĕлетки çавракарах, кĕмĕл тĕслĕ. Аялти çунаттисем хĕрлĕрех. Ку пулă шыв хăвăрт юхакан, çĕмĕрт, хăва ӳсекен çыран хĕррине килĕштерет. Апат енчен нимĕн те тиркемест. Хĕллехи вăхăтра е çывăрать, е тĕлĕрсе выртать.

Партаса тытма питĕ йывăр. Çыранта мĕн пуррине аван курать, илтет. Шывра çын ĕмĕлкине курсан та тарса пытанать.