Патман Николай Кириллович

Николай Патман
Çуралнă вăхăт:	1895 çулхи çăвăн 20-мĕшĕ
Çуралнă вырăн:	Хусан кĕперни (халĕ Комсомольски районӗ, Чăваш Ен)
Вилнĕ вăхăт:	1945 çулхи утăн 13-мĕшĕ
Вилнĕ вырăн:	ГУЛАГ , СССР
Ĕçлев тĕсĕ:	чăваш çыравçи тата сăвăçĕ

Патман Николай Кириллович (паспортри хушамачĕ: Кириллов), (1895 çул, ҫу, 20, Аслă Чурачăк ялĕ (халĕ Чăваш Ен, Комсомольски районӗ) — 1945 çул, утӑ, 13) — чăваш çыравçи.

Кун-çулĕ

1895 çулхи çу уйăхĕн 20-мĕшĕнче халĕ Чăваш Енĕн Комсомольски районне кĕрекен Аслă Чурачăк ялĕнче çуралнă.

Чĕмпĕрти чăваш шкулне вĕренсе пĕтернĕ. Кайран шкулта ачасене вĕрентнĕ. Пĕрремĕш Тĕнче вăрçипе граждан вăрçине хутшăннă. Çартан таврăннă хыççăн «Канаш» хаçат редакцийĕнче, Чăваш ÇП-нче ĕçленĕ.

1937 çулта репрессине лекнĕ. 1945 çулхи утă уйăхĕн 13-мĕшĕнче вилнĕ.

1956 çулта çеç ырă ятне тавăрнă.

Ӗçĕсем

Николай Патман фальетонсем хайланă. 1958 çулта унăн ĕçĕсем «Акатуй» кĕнекере тухнă. 1959 çулта «За что?» (Меншĕн?) кĕнекере вырăсла тухнă.