Петрова Ирина Дмитриевна
Петрова Ирина Дмитриевна (ҫур. 1963 ҫулхи кӑрлачӑн 16-мӗшӗ, Ырашпулӑх, Чăваш Автономиллĕ Социализмлă Совет Республики) — педагог, патшалӑх ӗҫне пурнӑҫланӑскер[1]. «Пӗрлӗхлӗ Раҫҫей» парти пайташӗ[1].
Пурнӑҫӗпе ӗҫӗ-хӗлӗ
Ирина Дмитриевна Петрова 1963 ҫулхи кӑрлачӑн 16-мӗшӗнче Шупашкар районӗнчи Ырашпулӑх ялӗнче ҫуралнӑ.
1980 ҫулта Ишекри вӑтам шкултан вӗренсе тухнӑ. Ун хыҫҫӑн И.Я. Яковлев ячӗллӗ Чӑваш патшалӑх педагогика институтне вӗренме кӗнӗ те 1986 ҫулта «Математика вӗрентекенӗ» специальноҫӗ алла илнӗ. 2000 ҫулта Чӑваш Республикин вӗренӳ институтӗнче пӗлӗвне ӳстерсе «Вӗренӳ системинчи педагог-психолог» специальноҫе алла илнӗ.
1984 ҫулта Иваньково шкулӗнче ачасене вӗрентнӗ. Кайран, 1984–1989 ҫулсенче РК ВЛКСМ инструктор пулса ӗҫленӗ, 1989–1992 ҫулсенче Кушкӑ тӗп шкулӗнче ачасене вӗрентнӗ.
1992–1996 тата 1999–2001 ҫулсенче ТР ача-пӑчапа ҫамрӑксен центрӗн методисчӗ пулса тӑрӑшнӑ. 1996–1999 ҫулсенче ӑна Тӑвай район администрацийӗн ҫамрӑксен ӗҫӗпе ӗҫлекен пайӗн заведующийӗ пулма шанса панӑ. 2001 ҫулта ӑна ТР ача-пӑчапа ҫамрӑксен центрӗн директорне лартнӑ, ку вырӑнта вӑл 2004 ҫулччен тӑрӑшнӑ. 2004–2007 ҫулсенче Тӑван районӗн Тӗп вулавӑш директорӗн пуканне йышӑннӑ.
2008 ҫултанпа Пӗтӗм Раҫҫейри «Пӗрлӗхлӗ Раҫҫей» партийӗн Чӑваш Республикинчи уйрӑмӗн ертӳҫи-тӗп специалисчӗ пулса ӗҫленӗ.
Хисепӗсем
2017 ҫулта Ирина Дмитриевнӑна Чӑваш Республикин Патшалӑх Канашӗн Хисеп хучӗпе чысланӑ[1].
Ӑнлантарусем
Вуламалли
- Петрова Ирина Дмитриевна / Энциклопедия Янтиковского района = Тӑвай районӗн энциклопедийӗ / Чувашская Республика ; главный редактор-составитель В. Я. Шакров ; [автор предисловия В. А. Ванерке]. - Чебоксары : Новое Время, 2020. - 634, [2] с.