Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Платонов Николай Алексеевич

Платонов Николай Алексеевич (ҫур. 1955 ҫулхи чӳкӗн 20-мӗшӗ, Самуккасси, Чăваш Автономиллĕ Социализмлă Совет Республики) — Ишлей кирпӗч савучӗн директорӗ, очерксем ҫыракан[1].

Кун-ҫулӗ

Иккассинчи сакӑр ҫул вӗрентекен шкулта вӗреннӗ[2].

Шупашкарти строительство техникумӗнче, И.Н. Ульянов ячӗллӗ Чӑваш патшалӑх университечӗн строительство факультетӗнче, Мускаври потребкоопераци университетӗнче (1999) пӗлӳ илнӗ. Шупашкарти строительство техникумӗнче (1999) вӗренсе тухнӑ хыҫҫӑн икӗ ҫул хӗсметре пулнӑ[1].

Тӗрлӗ ҫулсенче бетонщик, строительство организацийӗнче мастер, «Стройкерамика» савучӗн инженерӗ, 1 № цех начальникӗ пулса ӗҫленӗ. 1990–2012 ҫулсенче Ишлей кирпӗч савучӗн директорӗ пулнӑ. Хӑйӗн ирӗкӗпе каратэ тренерӗ тата «Ишлей тӑрӑхӗнче» хаҫат редакторӗ пулса ӗҫленӗ[3].

Шупашкар районӗн депутатсен пухӑвӗн тӑваттӑмӗш пухӑвӗн депутачӗ[2].

Пултарулӑхӗ

Фольклор ансамблӗнче ташланӑ, юрланӑ. Шупашкар районӗн «Тӑван Ен» хаҫачӗн штатра тӑман корреспонденчӗ[1]. Ҫавӑн пекех вӑл ҫырнӑ материалсем «Хресчен сасси», «Хыпар» хаҫатсенче те пичетленнӗ.

Раҫҫей Федерацийӗн ҫыравҫисен союзӗн пайташӗ (2000)[3].

Вӑл кӑларнӑ кӗнекесем:

  • «Кӳкеҫпе Ишлей тӑрӑхӗнче» (1998),
  • «Ентешсем» (2000);
  • «Мой родной край» (2004);
  • «Будни Чебоксарского района и не только» (2006);
  • «Жизнь - это гора...» (2019);
  • «Хитрелӗх – виҫӗ кунлӑх» (2023).

Спорт

undefined

Николай Алексеевич спортпа туслӑ. Каратэ, футбол тренировкисене хутшӑнать.

Хисепӗсем

  • «Раҫҫей потребкооперацийӗнче чуна парса ӗҫленӗшӗн» паллӑ;
  • Чӑвашпотребсоюз хисеп хучӗ;
  • «Тӑван Ен» хаҫат хисеп хучӗ;
  • Раҫҫей Федерацийӗн Центрсоюз канашӗн хисеп хучӗ;
  • «Ҫулталӑк ҫынни» конкурс ҫӗнтерӳҫи (1998; «Тӑван Ен» хаҫат ирттернӗ конкурс);
  • Чӑваш Республикин тава тивӗҫлӗ строителӗ (2001);
  • Чӑваш Республикин вӑй-хал культурин Хисеп хучӗсем;
  • Алексей Талвир ячӗллӗ Чӑваш Республикин литература премийӗн лауриачӗ;

Ӑнлантарусем

  1. ^ 1, 2, 3 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 322–323. — 505 с.
  2. ^ 1, 2 https://gov.cap.ru/home/93/chebs_w/_razdel/_other/tik/08102006/kandidat/TN_3.htm
  3. ^ 1, 2 http://энциклопедии.наследиечувашии.рф/a/article/2930.html

Вуламалли

  • Ҫитӗнӳсем ахаль килмеҫҫӗ: [Шупашкар районӗнчи Самуккасси ялӗнче ҫуралса ӳснӗ Ишлейри кирпич завочӗн директорӗ Николай Алексеевич Платонов ҫинчен] / Л. Сачкова // Тӑван ен. - 2010. - 13-19 август (№ 96/98). - С. 3.
  • Населенные пункты Чебоксарского района Чувашской Республики : справочник: [посвящ. 80-летию образования Чебокс. р-на / сост. Валентин Алиней (Карпов В. И.)] ; сост. В. Алиней. – Чебоксары : [б.и.], 2008 (Тип. «Новое Время»). – 231 с. : карты, портр.
  • Союз чувашских писателей : справочник / [сост. Г. В. Кириллов]. – Чебоксары : ВОКЦ, 2002. – 144 с. : портр.
  • Шупашкар районĕнче çуралса ÿснĕ çыравçăсем : Библиогр. справочникĕ / сост. Р. П. Романова ; Р. П. Романова пухса хатĕрл. – Кÿкеç : и. ç., 2002. – 60 с.
  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 322–323. — 505 с.

Каҫӑсем

Категорисем