СИЗОпа тӗрмесенче ӗҫлекенсен кунӗ
| Уяв | |
| СИЗОпа тӗрмесенче ӗҫлекенсен кунӗ | |
| Тӗсӗ | Патшалӑх уявӗ |
|---|---|
| Ҫирӗплетнӗ | 2006, авӑн, 14 |
| Йӗркеленӗ | ФСИН директорӗ |
| Палӑртаҫҫӗ | кашни ҫул |
| Кун | юпа, 31 |
| Уявлаҫҫӗ |
 Раҫҫей Федерацийӗ |
| Ҫыхӑннӑ | СССР-та СИЗО-сем йӗркелени |
СИЗОпа тӗрме ӗҫченӗсен кунӗ — Раҫҫей Федерацийӗнчи следстви изоляторӗсенче (СИЗО) тата тӗрмесенче ӗҫлекен мӗнпур ҫынсен професси уявӗ.
Раҫҫейре ку датӑна ҫулсерен юпа уйӑхӗн 31-мӗшӗнче паллӑ тӑваҫҫӗ[1].
Историйӗ тата уявлани
2006 ҫулхи авӑнӑн 14-мӗшӗнче Федерацин айӑплава пурнӑҫлакан службин ертӳҫи Юрий Иванович Калинин Хушу алӑ пусса[1] юпан 31-мӗшне професси уявӗ тесе палӑртнӑ, ӑна «СИЗОпа тӗрме ӗҫченӗсен кунӗ» ят панӑ.
«СИЗОпа тӗрме ӗҫченӗсен кунне» ирттермелли куна ӑнсӑртран суйламан: 1963 ҫулхи юпан 31-мӗшӗнче РСФСР Обществӑлла йӗркене сыхлакан министерствин коллегийӗ Совет Союзӗнче пуҫиле ӗҫӗн системинче ҫӗнӗ учреждени тӗсне — следстви изоляторне — тӑвасси пирки йышӑну тунӑ.
«СИЗОпа тӗрме ӗҫченӗсен кунӗ» — Раҫҫей ФСИН тытӑмӗнче ӗҫлекен 50 пин ытла ҫыннӑн професси уявӗ.
Ӑнлантарусем
- ^ 1, 2 Приказ директора ФСИН. Пӑхнӑ кун: 7 Чӳк уйӑхӗн 2009. Архивланӑ 4 Пуш уйӑхӗн 2016 ҫул.