Симӗс Чӑваш Ен
«Симӗс Чӑваш Ен» (выр. Зелёная Чувашия) — Чӑваш Республикинче ирттерекен республика экологи фестивалӗ. 2025 ҫулхи форум «Экологи ырлӑхӗ» наци проекчӗ шайӗнче иртнӗ[1].
Фестивале 500 яхӑн ҫын хутшӑннӑ, ҫав шутра влаҫ органӗсемпе общество организацийӗсен ӗҫченӗсем, шкул ачисемпе студентсем, экологи хастарӗсемпе волонтёрсем[1].
Мероприятин тӗп тӗллевӗ – халӑха экологи ыйтӑвӗсене тимлӗх уйӑрма хӑнӑхтарасси, экологи культурине йӗркелесси тата ҫутҫанталӑкпа усӑ курмалли ҫул-йӗре сӳтсе явасси[1].
Пӗрремӗш фестиваль
2013 ҫулхи раштавӑн 20-мӗшӗнче Чӑваш Республикин Наци библиотекинче «Симӗс Чӑваш Ен» эко-фестиваль иртнӗ. Ӑна 2013 ҫул тӑршшӗпе иртнӗ Тӑван тавралӑха сыхлас ӗҫ ҫулталӑкне пӗтӗмлетнине халалланӑ[2]. Ҫавра сӗтел хушшинче Чӑваш Республикин Ҫут ҫанталӑк ресурсӗсен тата экологи министерствин, муниципалитетсен, вӑрмана хӳтӗлекен центрӑн, общество организацийӗсен ӗҫченӗсем регионти экологи проблемисене сӳтсе явнӑ, тавралӑха сыхлас ӗҫ ҫулталӑкӗ шайӗнче иртнӗ мероприятисене пӗтӗмлетнӗ. Пӗтӗмӗшле илсен ҫулталӑк тӑршшӗпе тавралӑха лайӑх енпе тивӗҫтерме тата халӑхӑн экологи пӗлӗвне ӳстерме пулӑшакан 900 ытла мероприяти ирттернине палӑртнӑ. Унта республикӑра пурӑнакан 1 млн яхӑн ҫын хутшӑннӑ[3].
2025 ҫулхи фестиваль
2025 ҫулхи ҫӗртме уйӑхӗн 20-мӗшӗнче эко-фестиваль 13-мӗш хут иртнӗ. 2025 ҫулхи форум «Экологи ырлӑхӗ» наци проекчӗ(выр.)чăв. шайӗнче иртнӗ[1].
Чӑваш Республикин Наци библиотекинче тӗрлӗ тематикӑллӑ площадкӑсем, «Таса Эко Хутлӑхӗ» АНО тата «Экосистема» регион представительствин тӗрлӗ тематикӑллӑ ӑсталӑх класӗсем тата куравсем ӗҫленӗ, тӗп ыйтусем каяшсене тирпейлессипе, энерги перекетлессипе, хуласене симӗслентерессипе тата экологи туризмне(выр.)чăв. аталантарассипе ҫыхӑннӑ. Пластик каяшсене утилизацилес тата энергин альтернативлӑ ҫӑлкуҫӗсемпе усӑ курас ыйтусене уйрӑмах тимлӗх уйӑрнӑ. Унта хутшӑнакансем экологи тӗлӗшӗнчен таса технологисене ӗҫе кӗртессин тата халӑхӑн экологи пӗлӗвне ӳстерессин малашлӑхне сӳтсе явнӑ[1].
Чӑваш Республикин Пуҫлӑхӗ Олег Николаев 2024 ҫулта ведомствӑсен хушшинчи «Чӑваш Ен ҫӑлкуҫӗсем» проекта пурнӑҫланин кӑтартӑвӗсене пысӑк хак панӑ.
«Чӑваш Ен муниципаллӑ округӗсенчи чи лайӑх тирпей-илем кӳнӗ ҫӑлкуҫ» II республика конкурсне тата «Тӑвай тӑрӑхӗнчи «Хура ҫӑлкуҫсем» III фестивале ирттерме палӑртнӑ. Регионти ҫӑлкуҫсене тӗпчесе Чӑваш Енри ҫӑлкуҫсен реестрне тултарас тӗлӗшпе тухса ҫӳрекен экспедицисем ирттереҫҫӗ[1].
Сӑнсен пуххи
Ӑнлантарусем
- ^ 1, 2, 3, 4, 5, 6 Экологический фестиваль «Зелёная Чувашия» в Чебоксарах (выр.). Министерство природных ресурсов и экологии Чувашской Республики (20 ҫӗртмен 2025). Пӑхнӑ кун: 2025 ҫулхи утӑн 9-мӗшӗ.
- ^ Вопросы проведения в 2013 году в Чувашской Республике Года охраны окружающей среды обсудили на рабочем совещании (выр.). Министерство природных ресурсов и экологии Чувашской Республики (7 раштавӑн 2012). Пӑхнӑ кун: 2025 ҫулхи утӑн 9-мӗшӗ.
- ^ В Чувашской Республике прошёл эко-фестиваль "Зелёная Чувашия" (выр.). ФБУ "Российский центр защиты леса" (13 кӑрлачӑн 2014). Пӑхнӑ кун: 2025 ҫулхи утӑн 9-мӗшӗ.