Смирнова Валентина Ильинична

1951 ҫулхи юпа уйӑхӗн 15-мӗшӗнче Чӑваш АССРӗнчи Красноармейски районӗнчи Кайри Карӑк ялӗнче ҫуралнӑ. 1974 ҫулта И. Н. Ульянов ячӗллӗ Чӑваш патшалӑх университечӗн историпе филологи факультетӗнчен вӗренсе тухнӑ. Университет хыҫҫӑн тӑван районӗнчи «Ял пурнӑҫӗ» хаҫата ӗҫе вырнаҫнӑ, унта 1974—1981 ҫулсенче корреспондент, ҫырусен пайӗн пуҫлӑхӗ пулса вӑй хунӑ. 1981 ҫулта «Коммунизм ялавӗ» (1991 ҫултанпа — «Хыпар») хаҫата корреспондент пулса ӗҫлеме куҫнӑ. Тивӗҫлӗ канӑва кайичченех ҫырусемпе социаллӑ пурнӑҫ пайӗн корреспондентӗнче, тишкерӳҫинче вӑй хунӑ.

Ытларах халӑха социаллӑ пулӑшу парас ыйтусемпе ҫырнӑ:

• пенси ыйтӑвӗ,
• аслӑ ӑрурисене, тӑлӑхсене, сусӑрсене, вӑрҫӑпа ӗҫ ветеранӗсене социаллӑ хӳтлӗх парасси,
• халӑха ӗҫпе тивӗҫтересси,
• обществӑлла организацисен ӗҫӗ-хӗлӗ.

2010 ҫулта сусӑрсен пурнӑҫне ҫӗклекен журналист ӗҫӗсен Пӗтӗм Раҫҫейри «Преодоление» конкурсӗнче диплома тивӗҫнӗ.

• Чӑваш Республикин тава тивӗҫлӗ культура ӗҫченӗ^[1] (2010);
• «2002 ҫулхи Пӗтӗм Раҫҫейри халӑх ҫыравне ирттерме хустар хутшӑннӑшӑн» медаль;
• «2010 ҫулхи Пӗтӗм Раҫҫейри халӑх ҫыравне ирттерме хустар хутшӑннӑшӑн» медаль;
• Чӑваш Республикин Культура, национальноҫсен ӗҫӗсен, информатика политикин тата архив ӗҫӗн министерствин Хисеп грамоти (2006);
• Раҫҫей Пенси фончӗн Чӑваш Республикинчи уйрӑмӗн Хисеп грамоти (2006, 2010);
• Чӑваш Республикин сывлӑх сыхлавӗпе социаллӑ аталану министерствин Хисеп грамоти (2009);
• Раҫҫей Федерацийӗн Социаллӑ страхлав территори фончӗн Хисеп грамоти (2010);
• Чӑваш Республикин Халӑха ӗҫпе тивӗҫтерӳ патшалӑх службин Хисеп грамоти (2010);
• Чӑваш Республикинчи Журналистсен союзӗн Хисеп грамоти.