Социаллӑ архитектор
Социаллӑ архитектор (выр. Социальный архитектор) — социаллӑ практикӑсемпе пуҫарусене проектласа пурнӑҫлакан, обществӑри актуаллӑ тӗллевсене татса пама пулӑшакан специалист. Социаллӑ архитектура контекстӗнче вӑл тӗрлӗ социаллӑ ушкӑнсене, институтсемпе патшалӑх тытӑмӗсене ҫыхӑнтаракан пай пулса тӑрать.
2025 ҫулхи авӑнӑн 1-мӗшӗнчен пуҫласа МПУ тата Финанс университечӗ Раҫҫейре чи малтан социаллӑ архитектура енӗпе магистр программисем уҫнӑ[1].
Специальность
«Социаллӑ архитектор» ӑнлав 2020-мӗш ҫулсенче йӗркеленнӗ. Термин этемлӗх аталанӑвӗн хальхи тапхӑрне ӑнлантарса парать, унӑн тӗллевӗ: патшалӑха, бизнеса тата граждансене пӗрлештерекен проектсем урлӑ гражданла обществӑна(выр.)чăв. йӗркелесси.
2025 ҫулхи ҫурла уйӑхӗнче социологсем социаллӑ архитектора малашлӑхри професси тесе каланӑ. Эксперт тӗпчевӗсен социаллӑ тӗпчев институчӗн эксперт пӗрлӗхӗпе хутшӑнса ӗҫлес енӗпе ӗҫлекен управляющи директорӗ Фирдус Алиев каланӑ тӑрӑх, социаллӑ архитектура — нумай шайлӑ конструкци[2]:
Оригиналлӑ текст (выр.)Миссия социального архитектора — содействовать развитию и распространению в России технологий, культуры и практики социального прогнозирования и социального проектирования через объединение всех компетенций, экспертизы, информационных ресурсов в кооперации отдельных специалистов и целых организаций. Наша цель в ближайшее время — наладить процесс формирования и корректировки образа будущего, который будет реализовываться с помощью социальных проектов разного уровня.
Социаллӑ архитекторӑн миссийӗ — Раҫҫейре социаллӑ прогнозпа тата социаллӑ пректлассипе ҫыхӑннӑ технологисене, культурӑна тата практикӑна аталантарма тата сарма пулӑшасси, ҫак ӗҫе уйрӑм специалистсемпе туллин пӗр-пӗр организацисене тухтшӑнтарса мӗнпур компетенцине, экспертизӑна, информаци ресурсӗсене пӗрлештерсе тумалла. Пирӗн ҫывӑх вӑхӑтри тӗллев — тӗрлӗ шайри социаллӑ проектсемпе усӑ курса пурнӑҫланса пыракан пуласлӑх сӑнарне йӗркелеме тата коррекцилеме май паракан процесса хатӗрлесси.
Социаллӑ архитекторсем субъект пуҫлӑхӗсен ҫумӗсен должноҫӗсене йышӑнса регион администрацийӗсенче ӗҫлеме пултараҫҫӗ. Вӗсем демографи политикишӗн, ҫемье хаклӑхӗсемшӗн тата халӑхсен хушшинчи хутшӑнусемшӗн яваплӑ пулма тивӗҫ. ВЦИОМ пуҫлӑхӗ Валерий Фёдоров палӑртнӑ тӑрӑх, влаҫӑн вертикальне ҫӗнӗ специальноҫа интеграцилемешкӗн юрӑхлӑ «лару-тӑру» йӗркелемелле[3]:
Оригиналлӑ текст (выр.)Социальная архитектура стоит на стыке, ранее для этого использовали слово «междисциплинарность», сейчас больше говорят об интегрированности.
Социаллӑ архитектура чикӗре тӑрать, маларах ун валли «междисциплинарность» сӑмахпа усӑ курнӑ, халӗ ытларах интеграциленӳ пирки калаҫаҫҫӗ.
Ҫӗнӗ специальноҫе ӗҫе кӗртнӗ май ВУЗсем хӑйсем валли характерлӑ компетенцисен пуххи ҫине таянасса палӑртнӑ. Тӗслӗхрен, МПУ политологи аспекчӗсем ҫине таянса вӗрентесшӗн, ВШЭ — медиакоммуникацисем ҫине, РАНХиГС — патшалӑх управленийӗ ҫине.
Вӗрентӳре
2025 ҫулхи авӑнӑн 1-мӗшӗнчен Раҫҫейре пӗрремӗш хут социаллӑ архитектура енӗпе магистр программисем уҫнӑ: МПУ политологи факультетӗнче тата РФ правительстви ҫумӗнчи Финанс университечӗн социаллӑ ӑслӑлӑхпа массӑллӑ коммуникацисен факультетӗнче. Ҫавӑн пекех хушма вӗренӳ курсӗсем РГГУра(выр.)чăв. йӗркеленнӗ.
Вӗренӳ планне политика стратегийӗсем, информаципе аналитика сопровожденийӗ, социаллӑ архитектурӑна модельласси тата проектласси, ҫавӑн пекех гражданла хӑйсене палӑртасси енӗпе дисциплинӑсем кӗреҫҫӗ. Магистрантсем политологи, социологи, обществӑлла проектсен коммуникаципе управлени енӗпе теори енчен те пӗлӳ илӗҫ, практикӑра усӑ курма та вӗренӗҫ.
МПУ политологи факультечӗн деканӗ Андрей Шутов каланӑ тӑрӑх, магистратурӑран вӗренсе тухакансем обществӑпа влаҫа тата бизнеса сыпӑнтарса ӗҫлеме, обществӑшӑн пӗлтерӗшлӗ проектсем хатӗрлеме, тӗрлӗ социаллӑ ушкӑнсем хушшинче ҫыхӑну йӗркелеме пултаракан питӗ кирлӗ специалистсем пулса тӑрӗҫ[4].
РФ президенчӗн мониторинг тата социаллӑ процессене тишкерес ыйтусемпе ӗҫлекен управленийӗн пуҫлӑхӗ Александр Харичев хальхи лару-тӑрура пӗлӳпе практикӑна ҫыхӑнтарма тата ҫӗнӗ чӗнӳсем ҫине хӑвӑрт хуравлама пултаракан специалистсем кирлине палӑртнӑ[5].
Регионсенчи социаллӑ архитектура
2024 ҫулта Киров хули хӑйӗн 650 ҫулне палӑртнӑ май влаҫсем регионӑн тӗп хули — «Вырӑс Ҫурҫӗрӗн хапхи» текен метафора шутласа кӑларнӑ. Ҫавӑнтанпа туризм проекчӗсемпе архитектура йышӑнӑвӗсем ҫак темӑпа ҫыхӑннӑ.
Якути кӗпӗрнаттӑрӗ Айсен Николаев якут киновӗпе ытларах кӑсӑкланни пирки каласа панӑ. Ун сӑмахӗсемпе, Раҫҫейре республика Мускав хыҫҫӑн кӑларакан фильмсен шучӗпе иккӗмӗш вырӑн йышӑнать.
Мурманск облаҫӗнче «Ҫурҫӗрте пурӑнасси» кампание хута янӑ. Унти халӑх ҫакӑн пек лозунга аван йышӑннӑ, ҫакӑн хыҫҫӑн региона аталантармалли план ятне те ҫавӑн пекех панӑ[6][7].
Ӑнлантарусем
- ^ В России впервые стартовали магистерские программы по социальной архитектуре (2025-09-01). Тӗрӗсленӗ: 2025 ҫулхи авӑнӑн 26-мӗшӗ.
- ^ Социологи назвали социального архитектора профессией будущего - Российская газета (2025-08-08). Тӗрӗсленӗ: 2025 ҫулхи авӑнӑн 26-мӗшӗ.
- ^ Экспертиза по любым вопросам (2025-08-08). Тӗрӗсленӗ: 2025 ҫулхи авӑнӑн 26-мӗшӗ.
- ^ В России впервые стартовали магистерские программы по социальной архитектуре (2025-09-01). Тӗрӗсленӗ: 2025 ҫулхи авӑнӑн 26-мӗшӗ.
- ^ В российских вузах впервые начали готовить социальных архитекторов (2025-09-01). Тӗрӗсленӗ: 2025 ҫулхи авӑнӑн 26-мӗшӗ.
- ^ В университетах начнут учить на социальных архитекторов (2025-06-19). Тӗрӗсленӗ: 2025 ҫулхи авӑнӑн 26-мӗшӗ.
- ^ Наш Север | Благоустройство (выр.). nashsever51.ru. Пӑхнӑ кун: 2025 ҫулхи авӑнӑн 26-мӗшӗ.