Социаллӑ пӗлтерӗшлӗ сервиссен реестрӗ

Социаллӑ пӗлтерӗшлӗ сервиссен реестрӗ (е Сайтсен «Шурӑ списокӗ»; выр. Реестр социально значимых сервисов) — Раҫҫейӗн цифра министерстви сӗннӗ проект, унта мобильлӗ интернета сӳнтерсен ӗҫлекен сайтсене палӑртнӑ^[1]. МИХсем пӗлтернӗ тӑрӑх, списока 57 сервис кӗнӗ^[2] — Раҫҫейре вӗсем чи пысӑк компанисем шутланаҫҫӗ, ҫав шута VK, Яндекс, Сбербанк, ВТБ, Озон, Wildberries, Avito, Rutube; РЖД, Раҫҫей почти сервисӗсем тата малта пыракан МИХсем, сӑмахран, Новости РИА тата РБК, кӗнӗ. Ҫавӑн пекех списока Патшалӑх Думин, Федераци Канашӗн, Тӗп прокуратурӑн тата МЧС сайчӗсене кӗртӗҫ^[3].

Цифра министерстви список ытти сайтсемшӗн уҫӑ пулнине, малашне ыттисене те хушассине пӗлтернӗ^[4][5], ведомствӑра ҫавӑн пекех «Фонбет» букмекер кантурӗн сайтне хушни ҫинчен тухнӑ информацие хирӗҫленӗ^[6][7]. 2025 ҫулхи авӑн уйӑхӗнче Цифра аталанӑвӗн, ҫыхӑну тата массӑллӑ коммуникацисен министерстви(выр.)чăв. мобильлӗ интернета чарнӑ чухне усӑ курма май пур сайтсене кашни эрнере ҫӗнетесси ҫинчен пӗлтернӗ. Ведомство пуҫлӑхӗ Максут Шадаев Kazan Digital Week канашлу иртнӗ вӑхзӑтра журналистсене пӗлтернӗ тӑрӑх, списока популярлӑ ресурссен рейтингне тӗпе хурса йӗркелеҫҫӗ, унӑн йышне Госуслуги, «Яндекс», «Контактра», «Одноклассники», Mail.ru сервисӗсем, Max наци мессенджерӗ, Ozon тата Wildberries маркетплейссем, Avito, «Дзен», Rutube, «Мир» тӳлев системин сайчӗ, правительствӑпа президентӑн сайчӗсем, дистанциллӗ электронлӑ сасӑлав федераллӑ платформи, ҫавӑн пекех чи пысӑк ҫыхӑну операторӗсен ресурсӗсем кӗреҫҫӗ^[8].