Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Степанов Геннадий Фёдорович

Disambig gray.svg Степанов хушаматлă урăх çынсем çинчен РУВИКИ-ре статьясем пур.

Степанов Геннадий Фёдорович(1932 ҫулхи юпан 18-мӗшӗ, Шупашкар — 2016 ҫулхи ҫӑвӑн 13-мӗшӗ, Шупашкар) — спорт гимнастики енӗпе совет саманин тата Раҫҫей тренерӗ, Раҫҫейӗн тава тивӗҫлӗ тренерӗ.

Биографийӗ

1932 ҫулхи юпан 18-мӗшӗнче Шупашкарта ҫуралнӑ[1].

Шупашкарти ачасемпе ҫамрӑксен 1-мӗш спорт шкулӗн вӗренекенӗ. Спорт гимнастики енӗпе СССР спорт мастерӗ (1958). Чӑваш Республикин чемпионӗ, спорт гимнастики енӗпе иртнӗ РСФСР халӑхсен ҫуллахи 1-мӗш спартакиадинче 1-мӗш разрядлӑ спортсменсен хушшинче пӑхӑр призёр пулнӑ (1956)[1].

Литвари физкультура институтӗнчен вӗренсе тухнӑ (1955)[1].

Удмуртире, Молдовӑра, Свердловскра тата Олимп резервӗн Шупашкарти ачасемпе ҫамрӑксен спорт гимнастики енӗпе ятарлӑ спорт шкулӗнче тренер пулса ӗҫленӗ. 70 ытла спорт мастерне, СССРӑн тата Раҫҫейӗн пӗрлештернӗ командине кӗнӗ 20 ытла спортсмена хатӗрленӗ. Вӗсен йышӗнче: Сиднейра иртнӗ ҫуллахи Олимп вӑййисен (2000) пӑхӑр призерӗ Дмитрий Древин, СССР чемпионӗсем Валерий Ложкин тата Вячеслав Хохлов[2].

Юлашки ҫулсенче Чӑваш Республикин Спорт министерствин Олимп резервӗсен ачасемпе ҫамрӑксен 6-мӗш спорт шкулӗнче ӗҫленӗ[2].

Спорт гимнастики енӗпе Пӗтӗм союз (1962) тата халӑхсен хушшинчи (1990) категориллӗ судья[3].

Геннадий Фёдорович пурнӑҫран 2016 ҫулхи ҫу уйӑхӗн 13-мӗшӗнче уйрӑлнӑ. Ӑна Явӑш масарӗнче пытарнӑ [4].

Наградӑсемпе званисем

  • Раҫҫейӗн тава тивӗҫлӗ тренерӗ (1993).

Ӑнлантарусем

  1. ^ 1, 2, 3 Степанов, Геннадий Федорович (выр.). «Наследие Чувашии». Цифровая библиотека чувашского наследия. Пӑхнӑ кун: 2025 ҫулхи авӑнӑн 25-мӗшӗ.
  2. ^ 1, 2 Ушел из жизни Заслуженный тренер России по спортивной гимнастике Геннадий Степанов (выр.). Министерство физической культуры и спорта Чувашской Республики (15 ҫӑвӑн 2016). Пӑхнӑ кун: 2025 ҫулхи авӑнӑн 25-мӗшӗ.
  3. ^ Н.Г. Скородумов. Степанов Геннадий Фёдорович (выр.). Чувашская электронная энциклопедия. Пӑхнӑ кун: 2025 ҫулхи авӑнӑн 25-мӗшӗ.
  4. ^ Ушел из жизни Заслуженный тренер России по спортивной гимнастике Геннадий Степанов (выр.). Чебоксары.ру (16 ҫӑвӑн 2016). Пӑхнӑ кун: 2025 ҫулхи авӑнӑн 25-мӗшӗ.

Ҫӑлкуҫсем

  • Скородумов, Н. Г. Чувашская спортивная энциклопедия / Н. Г. Скородумов. — Чебоксары, 2007. — С. 205.

Категорисем