Тăваньялсем Çеркей
Тăваньялсем Çеркей (1886-1956) — çыравçă, унран та ытларах — культура ĕçлевçи, халăхшăн ĕçлекенсен витеревçи, вĕрентекен. Сăмахран, вăл Тимĕрçенсем Ваççа Аниççи текен çынна тата ыттисене те çĕкленме хытă пулăшнă.
Пурнăçĕ
Тăваньялсем Çеркей (Сергей Семёнович Сорокин) 1886-мĕш çулхи авăн уйăхĕн 15(27)-мĕшĕнче Чĕмпĕр кĕпĕрнин Пăва уесĕнчи Кивĕ Таваньялĕнче (халĕ Тутарстанăн Çĕпрел районĕ) чухăн хресчен килйышĕнче çуралнă[1].
1919-мĕш çулта Пăваран вĕрентевçĕсен пухăвĕнчен таврăннă чухне ăна хурахсем тапăнаççĕ, документсемпе çиелти тумне туртса илеççĕ, аллисене каялла çыхса пуçран тĕллесе переççĕ; вилнĕ тесе улăмпа витсе хăварççĕ[1]. Анчах та вăл сывă юлать, татах та нумай-нумай çул пурăнать.
Пултарулăхĕ
Публицистика тата çырусем
Тăваньялсем Çеркей Хветĕр Уярпа çыру çÿретнĕ, вĕсенчен хăшпĕрисем сыхланса юлнă, пичетленнĕ[1].
Асăрхавсем
- ^ 1, 2, 3 Юмарт Г.Ф. [Тăваньялсем Çеркей пирки.] — "Хыпар" хаçат, 2006, çĕртме, 16