Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Татьяна Друбич

Татьяна Люсьеновна Друбич (ҫур. 1960 ҫулхи ҫӗртмен 7-мӗшӗ, Мускав) — совет саманин тата Раҫҫейӗн театрпа кино актриси. Профессипе — врач-эндокринолог.

Пурнӑҫӗ

Мускавра 1960 ҫулхи ҫӗртмен 7-мӗшӗнче вырӑс тата еврей ҫемйинче ҫуралнӑ[1][2][3].

17 ҫулта чухне ашшӗне, Люсьен Ильич[4] (Леонид Израилевич[5]) Друбича (1932–1978) ҫухатнӑ. Вӑл инженер пулнӑ, Белоруссирен тухнӑскер. Амӑшӗ — Любовь Владимировна Друбич (1933 ҫур.), экономист[6].

Шкулта питӗ лайӑх вӗреннӗ, анчах пулас профессине суйласа илеймен.

1972 ҫулта Инна Туманянӑн «Пятнадцатая весна» фильмӗнче выляма чӗннӗ. Ҫапла вара кинора дебютланӑ. Иккӗмӗш фильм Сергей Соловьёв ӳкернӗ «Сто дней после детства» (1974 ҫул) пулса тӑнӑ. 1983 ҫулта Друбичпа Соловьёв мӑшӑрланнӑ[7].

Кинори икӗ роль ӑнӑҫлӑ пулнӑ пулин те — «Сто дней после детства» фильм тата та ӑнӑҫлӑрах пулса тухнӑ, тӗрлӗ призсене, ҫав шутра Берлин кинофестивалӗн «Серебряный медведь» приза тивӗҫнӗ.

1977 ҫулта шкул пӗтернӗ хыҫҫӑн Татьяна Друбич урӑх професси суйласа илнӗ. Вӑл ВГИКа кӗме килӗшмен, Н. А. Семашко ячӗллӗ Мускаври медицина стоматологи институчӗн сиплев факультетне вӗренме кӗнӗ. Вӗренсе тухнӑ хыҫҫӑн эндокринолог-тухтӑр пулса ӗҫленӗ. Гомеопати енӗпе вӗреннӗ, эндокринолог тата гомеопат ӗҫне пӗрлештерсе пынӑ.

Район поликлиникинче тухтӑр пулса ӗҫленӗ. Сайра-хутра кинора ӳкерӗннӗ, «Советский экран» журнал хуплашки ҫине час-часах лекнӗ.

«Смятение чувств» фильмри роль хыҫҫӑн актриса каллех Сергей Соловьёв ӳкерекен «Спасатель» фильмӑн лапамне лекнӗ. 1980-мӗш ҫулсен вӗҫӗнче Друбич Соловьёвӑн «Асса» тата «Чёрная роза — эмблема печали, красная роза — эмблема любви» фильмӗсенче тӗп рольсене вылянӑ.

Актрисӑн ытти ӗҫсем те пур: Роман Балаянӑн «Храни меня, мой талисман» картининче, Станислав Говорухин ӳкернӗ «Десять негритят» фильмра тата Эльдар Рязановӑн «Привет, дуралеи!» камитӗнче.

1999 ҫулта Валерий Меладзен «Рассветная» клипӗнче ӳкерӗннӗ[8]. 2016 ҫулта Сергей Соловьёвӑн «Ке-ды» фильмӗнче хӑйне хӑй вылянӑ. 2021 ҫулта «Рядом» фильмра ӳкерӗннӗ (ролӗ — психолог)[9].

Мускаври хосписсене пулӑшакан «Вера» ыркӑмӑллӑх фондӗн попечитель канашӗн сопредседателӗ шутланать[10].

2024 ҫул пӗтӗмлетӗвӗсем тӑрӑх Анна Друбич «Мастер и Маргарита» фильмшӑн («Чи лайӑх музыка» номинаци) киноведсемпе кинокритиксем паракан «Шурӑ слон» (Белый слон) премине тивӗҫнӗ[11].

2025 ҫулхи ҫӗртмен 7-мӗшӗнче 65 ҫул тултарнине палӑртнӑ[7][12].

Ҫемье тата харпӑр пурнӑҫӗ

  • Упӑшки — Сергей Соловьёв кинорежиссёр (1944–2021), 1983 ҫулта мӑшӑрланнӑ, 1989 ҫулта уйрӑлнӑ[7].
    • Хӗрӗ — композитор, пианистка Анна Друбич (1984 ҫур.).

Наградӑсемпе премисем

  • «Чи лайӑх хӗрарӑм ролӗ» номинацире «Ника» премине илме тӑратнӑ — Эльдар Рязановӑн «Привет, дуралеи!» фильмри (1996) Ксения Засыпкина ролӗшӗн[13]
  • Раҫҫей киноактерӗсен гильдийӗн «Созвездие» кинофестивалӗн призӗ — «XXI ӗмӗрте тӗнче экранӗнчи чи лайӑх Анна Каренинашӑн» («Анна Каренина» фильм, 2009)[14]
  • Рената Литвинован «Последняя сказка Риты» фильмри (2011) Надежда Михайловна ролӗшӗн — «Иккӗмӗш планри чи лайӑх хӗрарӑм ролӗ» номинацире «Ника» преми лауреачӗ.

Фильмографи

  • 1972 — Пятнадцатая весна — Алёна
  • 1975 — Сто дней после детства — Лена Ерголина
  • 1977 — Смятение чувств — Маша
  • 1979 — Особо опасные… — Таня Шевчук
  • 1980 — Спасатель — Ася Веденеева
  • 1982 — Наследница по прямой — Валерия
  • 1982 — Избранные — Ольга Риос
  • 1986 — Храни меня, мой талисман — Таня
  • 1987 — Асса — Алика
  • 1987 — Воскресные прогулки, киноальманах, новелла «Испытатель» — испытатель хӗрӗ
  • 1987 — Десять негритят — Вера Клейторн
  • 1988 — Чёрный монах — Таня Песоцкая (Марина Неёлова сасӑланӑ)
  • 1989 — Чёрная роза — эмблема печали, красная роза — эмблема любви — Александра
  • 1991 — Анна Карамазофф — узбек хӗрарӑмӗ
  • 1994–2002 — Иван Тургенев. Метафизика любви (фильма вӗҫлемен) — Полина Виардо
  • 1996 — Привет, дуралеи! — Ксения Засыпкина / Полина Дерулен, унӑн асламӑшӗ
  • 2000 — Москва — Ольга
  • 2002 — Гололёд — лифтри хӗрарӑм
  • 2003 — О любви — Елена Попова
  • 2009 — 2-Асса-2 — Алика Алданова
  • 2009 — Анна Каренина — Анна Каренина
  • 2009 — Доброволец — Шторм амӑшӗ
  • 2012 — Последняя сказка Риты — Надя
  • 2016 — Ке-ды — камео
  • 2020 — Переаттестация (кӗске метражлӑ фильм) — кукамӑшӗ
  • 2021 — Рядом — психолог[9]
Документалистика
  • «Татьяна Друбич» документлӑ фильм, «САС. Те, с которыми я...» циклтан (Сергей Соловьёвӑн автор программи; ГТРК «Культура», 2010)[15]

Телекуравра

  • «Намедни. Наша эра» (НТВ, 1998, 1975–1991 ҫулсем ҫинчен калакан серисем) — комментатор

Ӑнлантарусем

  1. ^ Быков, Дмитрий. Татьяна Друбич: Есть две травмы: любовь и возраст (выр.) (Интервью). Sobesednik.ru (2 ҫӗртмен 2009). Пӑхнӑ кун: 2026 ҫулхи нарӑсӑн 5-мӗшӗ. Архивланӑ 2019 ҫулхи акан 4-мӗшӗ.
  2. ^ Диляра Тасбулатова. Древнерусская еврейка (выр.) (Эксклюзивное интервью). Jewish.ru (24 акан 2015). Пӑхнӑ кун: 2026 ҫулхи нарӑсӑн 5-мӗшӗ. Архивланӑ 2015 ҫулхи акан 26-мӗшӗ.
  3. ^ Изабелла Слуцкая. Татьяна Друбич в кино и в жизни (выр.). Еженедельная интернет-газета «Мы здесь» (5 ҫӑвӑн 2011). Пӑхнӑ кун: 2026 ҫулхи нарӑсӑн 5-мӗшӗ. Архивланӑ 2016 ҫулхи пушӑн 4-мӗшӗ.
  4. ^ Двамал. Памятники отцу, дяде и деду Татьяны Друбич на Востряковском еврейском кладбище (выр.). Bozaboza.narod.ru. Пӑхнӑ кун: 2026 ҫулхи нарӑсӑн 5-мӗшӗ. Архивланӑ 2008 ҫулхи кӑрлачӑн 3-мӗшӗ.
  5. ^ Nadezhda Drubich (англ.). Holocaust Survivors and Victims Database. United States Holocaust Memorial Museum. Пӑхнӑ кун: 2026 ҫулхи нарӑсӑн 5-мӗшӗ.
  6. ^ Татьяна Друбич: «Не надо суетиться» (выр.). «Алеф». Ежемесячный международный еврейский журнал. Пӑхнӑ кун: 2026 ҫулхи нарӑсӑн 5-мӗшӗ. Архивланӑ 2016 ҫулхи пушӑн 4-мӗшӗ.
  7. ^ 1, 2, 3 «Я всегда пишу „врач"». Куда пропала Татьяна Друбич (выр.). Газета.Ru (6 ҫӗртмен 2025). Пӑхнӑ кун: 2026 ҫулхи нарӑсӑн 5-мӗшӗ.
  8. ^ Рассветная (выр.). Клипы. V-MELADZE.RU. Пӑхнӑ кун: 2026 ҫулхи нарӑсӑн 5-мӗшӗ. Архивланӑ 2017 ҫулхи акан 3-мӗшӗ.
  9. ^ 1, 2 Фильм «Рядом» (2021) — актёры и роли (выр.). Kinonews.ru. Пӑхнӑ кун: 2026 ҫулхи нарӑсӑн 5-мӗшӗ.
  10. ^ Попечительский совет (выр.). Фонд помощи хосписам «Вера». Пӑхнӑ кун: 2026 ҫулхи нарӑсӑн 5-мӗшӗ. Архивланӑ 2012 ҫулхи раштавӑн 11-мӗшӗ.
  11. ^ Объявлены лауреаты премии киноведов «Белый слон» (выр.). Teatral-online.ru (26 кӑрлачӑн 2025). Пӑхнӑ кун: 2026 ҫулхи нарӑсӑн 5-мӗшӗ.
  12. ^ Татьяне Друбич исполнилось 65 лет: почему Татьяна Друбич ушла от Сергея Соловьёва (выр.). Pravda-nn.ru (9 ҫӗртмен 2025). Пӑхнӑ кун: 2026 ҫулхи нарӑсӑн 5-мӗшӗ.
  13. ^ Номинанты за 1996 (выр.). Национальная кинематографическая премия «Ника». Пӑхнӑ кун: 2026 ҫулхи нарӑсӑн 5-мӗшӗ. Архивланӑ 2010 ҫулхи акан 4-мӗшӗ.
  14. ^ Татьяна Друбич (выр.). Имена. Энциклопедия отечественного кино. Пӑхнӑ кун: 2026 ҫулхи нарӑсӑн 5-мӗшӗ. Архивланӑ 2014 ҫулхи пушӑн 1-мӗшӗ.
  15. ^ Татьяна Друбич (видео) (выр.). Телеканал «Культура». Пӑхнӑ кун: 2026 ҫулхи нарӑсӑн 5-мӗшӗ.

Каҫӑсем

Темӑпа ҫыхӑннисем

Категорисем