Тиса

Ти́са (укр. Тиса, венг. Tisza, словак. Tisa, ним. Theiß) — кăнтăр хĕвеланăç Европăри юханшыв. Дунайăн сулахай тата чи вăрăм юппи. Украинăри Карпатхыç облаçĕнчи Рахов хули патĕнче Хура Тисапа Шурă Тиса пĕрлешнипе пуçланать. Хура Тиса Свидовец хребчĕн кăнтăр-хĕвеланăç тăвайкинче, 1400 м çӳллĕшĕнче пуçланать. Щурă Тиса Черногоры тусен кăнтăр-хĕвеланăç тăвайкинче, 1650 м çӳллĕшĕнче пуçланать. Украина тăрăх 201 çх юхать, вырăнĕ-вырăнĕпе Украина-Румыни тата Украина-Венгри чиккине палăртать. Тиса çинче çак хуласем вырнаçнă: Рахов, Тячев, Хуст, Чоп (Украина); Сигету-Мармацией (Румыни); Домбрад, Токай, Сольнок, Сегед (Венгри).