Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Тӑвай вӑтам шкулӗ

Тӑвай вӑтам шкулӗ (выр. Янтиковская средняя школа) — Тӑвай муниципаллӑ округӗнчи пӗтӗмӗшле пӗлӳ паракан вӑтам шкул, Тӑвайра вырнаҫнӑ.

Адресӗ: Чӑваш Республики, Тӑвай районӗ, Тӑвай сали, Ленин урамӗ, 22а ҫурт[1].

Директорӗ: Моряков Евгений Николаевич[1].

Историйӗ

Пӗрремӗш шкула 1862 ҫулта Патшалӑх пурлӑхӗн министерстви уҫнӑ. 1875 ҫулта — Сӑваплӑ Гурий тӑванлӑхӗн шкулӗ[2].

1882 ҫулхи юпан 4-мӗшӗнче — Ҫутӗҫ министерствин Тӑвайри пӗр класлӑ училищи. Училищере 52 ача пӗлӳ илнӗ. Яковлев Иван Яковлевич пӗрремӗш вӗрентекен пек Антон Григорьева вырнаҫтарнӑ. 1885 ҫулта ачасене Михаил Никитич вӗрентнӗ. 1896 ҫулта И. Я. Яковлев учитель вырӑнне Гаврил Фёдорова вырнаҫтарнӑ, 1897 ҫулхи ҫурлан 26-мӗшӗнчен — Николай Ефремова[3].

1902 ҫулхи авӑнӑн 1-мӗшӗнчен пуҫласа шкул Халӑх ҫутӗҫӗн министерствин икӗ класлӑ училище пулса тӑнӑ. 1896 ҫулхи ҫулла Тӑвайри училищене тума тытӑннӑ. Училищерен пӗрремӗш ачасем 1905 ҫулта вӗренсе тухнӑ. 1905–1917 ҫулсенче 10 выпуск вӗрентсе кӑларнӑ, ачасене пӗлӳ илни ҫинчен 292 свидетельство панӑ[2].

1921 ҫултанпа 2-мӗш ступеньлӗ чӑваш совет шкулӗ. 1923 ҫултанпа шкулта сакӑр ҫул вӗрентме пуҫланӑ, 1930 ҫулта вӑл колхоз ҫамрӑкӗсен шкулӗ пулса тӑнӑ[2].

1934 ҫултанпа вӑтам шкул шутланать. Вӑтам шкултан чи малтан ачасем 1937 ҫулта вӗренсе тухнӑ, ҫитӗнсе ҫитни ҫинчен аттестата 12 ача тивӗҫнӗ[2].

1974 ҫулта шкул ҫумӗнче Зоя Космодемьянская Зоя Космодемьянская(выр.)чăв. палӑкне уҫнӑ, пионерсен дружини унӑн ячӗпе хисепленнӗ пулнӑ[3].

1980–1990 ҫулсенче шкулӑн кивӗ ҫуртӗнче шкул ҫумӗнчи интернат ӗҫленӗ. Унта ҫулсерен 50-80- ҫын пурӑннӑ[3].

2005 ҫулхи раштавӑн 30-мӗшӗнче шкулӑн ҫӗнӗ ҫуртне хута янӑ[3].

Шкулта вӗрентнӗ паллӑ ҫынсем

Ленин орденне тивӗҫнисем: Тимофеева А.М., Масленников М.А., Масленникова М.В., Нилов А.Н[2].

Немова Э.И. Ӗҫлӗх Хӗрлӗ Ялав орденне тивӗҫнӗ[2].

РСФСР тава тивӗҫлӗ вӗрентекенӗ ята тивӗҫнисем: Тимофеева А.М., Пятницкая О.В., Пимулин А.А[2].

Чӑваш Республикин тава тивӗҫлӗ вӗрентекенӗсем: Масленников М.А., Нилов А.Н., Леонтьев М.Л., Николаева К.Н., Пятницкая О.В., Лукина М.А., Михайлова Л.М., Шишова О.Ф., Федорова П.М., Николаева М.Е., Васильев В.Н., Ермилова Л.Н., Михайлова А.П., Павлова Е.Г., Захарова С.В., Хвостова Е.И., Моряков Е.Н. Кириллова В.М[2].

Директорсем

Шкулта нумай ҫул хушши директор вырӑнне йышӑннӑ ҫынсем[3]:

  • Масленникова М.В. (1941–1950);
  • Терентьев В.Т. (1963–1973);
  • Иванов В.Г. (1973–1982);
  • Васильев В.Н. (1982–1993);
  • Кириллов А.Н. (2001–2011).

Хальхи вӑхӑтра

2020 ҫулта шкулта ачасене вӗрентекенсен йышӗнче пӗр Раҫҫей Федерацийӗн тава тивӗҫлӗ вӗрентекенӗ, пилӗ Чӑваш Республикин тава тивӗҫлӗ вӗрентекенӗ, «Пӗтӗмӗшле вӗрентӗвӗн хисеплӗ ӗҫченӗ» кӑкӑр паллине тивӗҫнӗ тӑватӑ вӗрентекен ӗҫленӗ[3].

Шкул виҫӗ хутлӑ ҫуртра вырнаҫнӑ. Пӗтӗм пӳлӗмсен пӗтӗмӗшле лаптӑкӗ 7230 тӑваткал метрпа танлашать. Пуҫламӑш классен кабинечӗсем — 11, вырӑс чӗлхипе литературин кабинечӗсем — 4, чӑваш чӗлхи кабинечӗ — 1. Шкулта икӗ спорт залӗ, вулавӑш (25156 кӗнеке), акт залӗ, хореографи залӗ, тренажёр залӗ, медицина пӳлӗмӗ, 180 ача вырнаҫмалӑх столовӑй пур[4].

Ачасене вӗри апатпа тивӗҫтереҫҫӗ. Ку тӗлӗшпе «Янтиковский общепит» ТМЯП-па килӗшӳ тунӑ[5].

2023 ҫулхи пушӑн 23-мӗшӗнче Совет Союзӗн Геройӗ П.Х. Бухтулов ячӗллӗ Тӑвай вӑтам шкулӗ ҫумне Йӑнтӑрччӑ вӑтам шкулне пӗрлештернӗ[6].

Ӑнлантарусем

  1. ^ 1, 2 Руководство (выр.). Муниципальное бюджетное общеобразовательное учреждение «Янтиковская средняя общеобразовательная школа имени Героя Советского Союза Петра Харитоновича Бухтулова» Янтиковского муниципального округа Чувашской Республики. Пӑхнӑ кун: 2025 ҫулхи утӑн 10-мӗшӗ.
  2. ^ 1, 2, 3, 4, 5, 6 Энциклопедия Янтиковского района = Тӑвай районӗн энциклопедийӗ. — «Новое время», 2020. — Т. 1. — С. 595-598. — 636 с. — ISBN 978-5-907246-52-2.
  3. ^ Материально-техническое обеспечение и оснащенность образовательного процесса. Доступная среда (выр.). Муниципальное бюджетное общеобразовательное учреждение «Янтиковская средняя общеобразовательная школа имени Героя Советского Союза Петра Харитоновича Бухтулова» Янтиковского муниципального округа Чувашской Республики. Пӑхнӑ кун: 2025 ҫулхи утӑн 10-мӗшӗ.
  4. ^ Организация питания в образовательной организации (выр.). Муниципальное бюджетное общеобразовательное учреждение «Янтиковская средняя общеобразовательная школа имени Героя Советского Союза Петра Харитоновича Бухтулова» Янтиковского муниципального округа Чувашской Республики. Пӑхнӑ кун: 2025 ҫулхи утӑн 10-мӗшӗ.
  5. ^ О реорганизации муниципального бюджетного общеобразовательного учреждения «Янтиковская средняя общеобразовательная школа имени Героя Советского Союза Петра Харитоновича Бухтулова» Янтиковского муниципального округа Чувашской Республики в форме присоединения к нему муниципального бюджетного общеобразовательного учреждения «Индырчская средняя общеобразовательная школа» Янтиковского муниципального округа Чувашской Республики (выр.). Тăвай муниципаллă округӗ (23 пушӑн 2023).

Вуламалли

  • Энциклопедия Янтиковского района = Тӑвай районӗн энциклопедийӗ. — «Новое время», 2020. — Т. 1. — С. 595-598. — 636 с. — ISBN 978-5-907246-52-2.

Каҫӑсем

Темӑпа ҫыхӑннисем

Категорисем