Тӑрӑн тӗп шкулӗ

Тӑрӑн шкулӗ хӑйӗн кун-ҫулне 1883 ҫулта Тӑрӑн салинче уҫнӑ шкултан пуҫлать. Ун чухне вӑл чиркӳ прихучӗн шкулӗ пулнӑ.

1982 ҫулта шкул, Вӑрманкас Тӑрӑн ялӗнче ҫӗнӗ кирпӗч ҫурта купаласа хӑпартнӑ хыҫҫӑн, ҫав яла куҫнӑ.

1969 ҫулхи ака уйӑхӗнче шкула хӑнана Орлов Федот Никитич Совет Союзӗн Паттӑрӗ пырса кайнӑ.

Тӑван Ҫӗршывӑн Аслӑ вӑрҫи вӑхӑтӗнче шкул директорӗ пулса Иванова Нина Александровна, Дмитриева Февронья Дмитриевна, Иванов Александр Иванович ӗҫленӗ. Вӑрҫӑ хыҫҫӑн нумай ҫул хушши (1946–1968) директор ӗҫне Павлов Афанасий Николаевич пурнӑҫланӑ.

1883–1888 ҫулсенче ачасене Ямбиков Яков Петрович вӗрентнӗ. Кайран, 1888–1895 ҫулсенче, Анатолий Смеловский вӗрентме пуҫланӑ. 1895–1914 ҫулсенче ачасене вӗрентекенсен йышӗнче Томасов Тимофей Федорович, Ходяшев Христофор Андреевич, Волкова Елизавета Тимофеевна ятсем ҫырӑнса юлнӑ. Революци тапхӑрӗнче Серафима Кузьминична Романова, Агафья Васильевна Васильева вӗрентнӗ.

Шкулта ачасене тӗрлӗ вӑхӑтра ҫак ҫынсем вӗрентнӗ:

• Андреева Вера Ивановна (пуҫламӑш классен вӗрентекенӗ, 1946–1949 ҫулсем);
• Родионов Тимофей Родионович, Чӑваш АССРӗн тава тивӗҫлӗ вӗрентекенӗ, Ленин орденӗн кавалерӗ;
• Дмитриев Фёдор Дмитриевич, РСФСР тава тивӗҫлӗ вӗрентекенӗ;
• Васильева Марфа Васильевна
• Гурьев Александр Гурьевич
• Ефремова Антонина Трофимовна
• Павлова Раиса Сергеевна
• Шарова Нина Алексеевна

• Андреев Валерий Ильич (1940 ҫ.ҫ.) — техника ӑслӑлӑхӗсен кандидачӗ, ял хуҫалӑх академийӗн доценчӗ.
• Андреев Вениамин Ильич (1936 ҫ.ҫ.) — техника ӑслӑлӑхӗсен кандидачӗ, доцент;
• Андреева-Сергеева Александра Ильинична (1928 ҫ.ҫ.) — педагогика ӑслӑлӑхӗсен кандидачӗ, И.Я. Яковлев ячӗллӗ Чӑваш патшалӑх педагогика университечӗн доценчӗ^[1].
• Родионов Тимофей Родионович (1882—?) — Ленин орденӗн кавалерӗ.
• Смирнов Петр Васильевич (1936 ҫ.ҫ.) — механизатор, Мухтав орденӗн II тата III степеньне тивӗҫнӗскер;
• Михайлов Геннадий Михайлович (1937 ҫ.ҫ.) — Мухтав орденӗн II тата III степеньне тивӗҫнӗскер;
• Щербаков Вениамин Григорьевич (1948—1999) — Чӑваш Республикин тава тивӗҫлӗ агрономӗ;
• Данилов Петр Данилович (1897—1979) — халӑх контролӗ председателӗ, шкул инспекторӗ, «Ӗҫри хастарлӑхшӑн медале тата «Хисеп палли» ордена тивӗҫнӗскер;
• Данилов Михаил Данилович (1908—1975) — биологи ӑслӑлӑхӗсен докторӗ, профессор;
• Гурьев Александр Гурьевич (1928—2006) — экономика ӑслӑлӑхӗсен кандидачӗ;
• Родионова Ирина Изосимовна — филологи ӑслӑлӑхӗсен кандидачӗ, профессор;
• Родионова Регина Николаевна — физикӑпа математика ӑслӑлӑхӗсен кандидачӗ;
• Родионов Владислав Николаевич — физикӑпа математика ӑслӑлӑхӗсен кандидачӗ;
• Николаев Изосим Николаевич (1939 ҫ.ҫ.) — агроном, ял хуҫалӑх ӑслӑлӑхӗсен кандидачӗ;
• Николаев Станислав Николаевич (1950—1999г.) — хирург, медицина ӑслӑлӑхӗсен кандидачӗ, Чӑваш Республикин тава тивӗҫлӗ тухтӑрӗ;
• Николаев Николай Станиславович (1977 ҫ.ҫ.) — медицина ӑслӑлӑхӗсен кандидачӗ, ача-пӑча хирургӗ;
• Гурьев Фадей Гурьевич (1942 ҫ.ҫ.) — Чӑваш Республикин ял хуҫалӑхӗн тава тивӗҫлӗ ӗҫченӗ;
• Степанов Геннадий Степанович (1937 ҫ.ҫ.) — ял хуҫалӑх ӑслӑлӑхӗсен кандидачӗ;
• Николаев Виталий Николаевич (1936 ҫ.ҫ.) — ҫыравҫӑ прозаик, калавсен ярӑмӗн авторӗ, Чӑваш Республикин ял хуҫалӑхӗн тава тивӗҫлӗ ӗҫченӗ;
• Александрова Домна Александровна (1921—1989) — ӗне сӑвакан, Ленин орденӗн кавалерӗ;
• Матросов Филарет Ксенсорович (1948 ҫ.ҫ.) — летчик, подполковник, эскадрилья командирӗ;
• Ходяшев Виктор Христофорович — композитор;
• Смирнов Радомир Васильевич (1941—2001) — халӑха ҫутта кӑларас ӗҫӗн отличникӗ;
• Захаров (Мерчен) Михаил Захарович (1933 ҫ.ҫ.) — Раҫҫей ҫыравҫисен пӗрлӗхӗн тата Раҫҫей журналисчӗсен пӗрлӗхӗн членӗ;
• Суриков Николай Сергеевич (1920—?) — полковник, Тӑван Ҫӗршывӑн Аслӑ вӑрҫине хутшӑннӑскер;
• Григорьев Афанасий Григорьевич (1924—?) — Тӑван Ҫӗршывӑн Аслӑ вӑрҫине хутшӑннӑскер, Тӑван Ҫӗршыв вӑрҫин II степеньлӗ ордена тата «Хисеп палли» ордена тивӗҫнӗскер.

Шкул икӗ хутлӑ кирпӗч ҫуртра вырнаҫнӑ. Шкул ҫумӗнче Тӑван Ҫӗршывӑн Аслӑ вӑрҫинче пуҫ хунисене асӑнса аллея хывнӑ, кӳлепе вырнаҫтарнӑ.

Шкулта шкулчченхи ӳсӗмри ачасен ушкӑнӗсем пур, вӗсене икӗ воспитатель, тата музыка учителӗ пӗлӳ парать^[2].

2024–2025 вӗренӳ ҫулӗнче шкулта 37 ача вӗреннӗ^[3].

Шкулта вӗренекен ачасене вӗри апатпа тивӗҫтереҫҫӗ. Ку енӗпе шкул «Атлашевски» агрофирма» ТМЯП-па килӗшӳ тунӑ. Ачасене ирхи апатпа тата кӑнтӑрлахи апатпа тивӗҫтереҫҫӗ^[4].

Шкулӑн ачасене ҫывӑхри ялсенчен турттарма Газель йышши пӗчӗк микроавтобус пур.