Фулхэм ФК

Фу́лхэм (акăл. Fulham F.C.) — Лондонăн (Англи) футбол клубĕ. Лондонăн Фулхэм район ячĕпе палăртнă, çавăнтах унăн кил стадионĕ вырнаçнă.^[1]

Клуба 1879 çулта туса хунă, ăна Футбол Лигин Иккĕмĕш Дивизионĕ йышне 1905 çулхи çĕртмен 1-мĕшĕнче кĕртнĕ. Кил стадионĕ — Крэйвен Коттедж, ăна 1896 çулта хута янă.

Хальхи вӑхӑтра Англин футбол лигисен тытӑмӗ ирттерекен чемпионата иккӗмӗш дивизионра хутшăнать.

Команда ячӗ - "дачниксем" (акăл. The Cottagers).

"Фулхэм" пысӑк трофейсене çĕнсе илмен, çапах та хӑйӗн историйӗнче икӗ хутчен пысӑк турнирсен финалне тухнӑ: 1975 ҫулта" дачниксем "Англи Кубокӗн финалне çитнĕ, унта ĕнтĕ Лондонри тепĕр клуб командине — "Вест Хэм Юнайтед" — выляса янӑ; 2010 ҫулта вара Европа лигисен кубокĕнче "Атлетико Мадрид " клуба хушма таймра выляса янă.