Хан ван Мегерен

Хенрикюс Антониус (Хан) ван Мегерен (гол. Henricus Antonius "Han" van Meegeren; 10 юпа 1889, Девентер — 30 раштав 1947, Амстердам) — нидерланд сăрă ÿнерçи, çын сăнарçи, XX ĕмĕрти чи паллă улталакансенчен пĕри, хăйĕн хайлавĕсене XVII ĕмĕрĕн Ян Вермеер тата Питер де Хох ÿнерçĕсем ăсталанă пек куçкĕртсе ĕнентернĕ. Мегеренăн пултарулăх ĕçĕсене европан ÿнер тĕпчевçисем классиксен унччен пĕлмен ĕçĕсем тесе илнĕ. Мегерен хăйĕн ултавлă ĕçĕсемпе 8 миллион гульден (хальхипе шутласан 25-30 млн $) ытла тупăш ĕçлесе илнĕ.