Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Цветкова Матрёна Дмитриевна

Disambig gray.svg Цветкова хушаматлă урăх çынсем çинчен РУВИКИ-ре статьясем пур.
Disambig gray.svg Лаврентьева хушаматлă урăх çынсем çинчен РУВИКИ-ре статьясем пур.

Цветкова Матрёна Дмитриевна (хӗр чухнехи хушамачӗ — Лаврентьева) (1924 ҫулхи чӳкӗн 7-мӗшӗ, Аслӑ Пӑла Тимеш, Елчӗк районӗ, Чӑваш АССР — 2014 ҫулхи чӳкӗн 7-мӗшӗ, Кӗҫӗн Патӑрьел, Патӑрьел районӗ, Чӑваш Республики) — совет ялхуҫалӑхӗн малта пыраканӗ, Чӑваш АССРӗн Елчӗк районӗнчи Ворошилов ячӗллӗ колхоз (1959 ҫултанпа — «Победа» колхоз) колхозникӗ, звеньевойӗ, Социализмла Ӗҫ Паттӑрӗ (1948).

Пурнӑҫӗпе ӗҫӗ-хӗлӗ

1924 ҫулхи чӳк уйӑхӗн 7-мӗшӗнче Чӑваш АССРӗн Елчӗк районӗнчи Аслӑ Пӑла Тимеш ялӗнче хресчен ҫемйинче ҫуралнӑ. Чӑваш. Ялти пуҫламӑш шкулта тата Кушкӑри 7 ҫул вӗренмелли шкулта вӗреннӗ.

1941 ҫулхи юпа уйӑхӗнче Елчӗк крахмалзаводӗнче типӗтекен цехра бригадир пулса ӗҫлеме пуҫланӑ. 1943 ҫулхи нарӑс уйӑхӗнчен Елчӗк районӗнчи Ворошилов ячӗллӗ колхоза куҫнӑ, малтан уй-хир бригадин звеньевойӗ, унтан бригадир пулса вӑй хунӑ.

1947 ҫулхине вӑл ертсе пыракан звено 8 гектар лаптӑкран гектар пуҫне 38,12 центнер тулӑ пухса илнӗ.

СССР Аслӑ Канашӗн Президиумӗн 1948 ҫулхи пушӑн 19-мӗшӗнчи хушӑвӗпе Ленин орденӗ тата «Ҫурлапа Мӑлатук» ылтӑн медаль парса 1947 ҫулта тулӑпа ыраш пысӑк тухӑҫпа пухса илсе колхозӑн МТС ӗҫӗшӗн тӳлемелли обязательствине пурнӑҫланӑшӑн, 1948 ҫулхи ҫуракине пысӑк пахалӑхлӑ вӑрлӑх хатӗрленӗшӗн Матрёна Дмитриевна Лаврентьевана Социализмла Ӗҫ Паттӑрӗ ят панӑ[1].

1948 ҫулхине Иван Дмитриевич Цветков фронтовика качча тухнӑ, Патӑрьел районӗнчи Кӗҫӗн Патӑрьел ялне пуранма куҫнӑ. Унти «Красное Батырево» колхозра (1951 ҫултанпа — Мичурин ячӗллӗ колхоз) вӑй хунӑ, малтан звеньевой пулса, 1949 ҫултанпа — уй-хир ӑсти. Ҫав шутра 1950-1953 ҫулсенче кок-сагыз ӳстерекен уй-хир бригадинче.

1976 ҫулта тивӗҫлӗ канӑва тухнӑ.

8 ача ҫуратса ӳстернӗ.

Кӗҫӗн Патӑрьел ялӗнче пурӑннӑ. 2014 ҫулхи чӳк уйӑхӗн 7-мӗшӗнче, хӑй 90 ҫул тултарнӑ кун вилнӗ[2].

Обществӑлла ӗҫ

Патӑрьел районӗн ӗҫҫынни депутатсен Канашӗн депутатне, Кӗҫӗн Патӑрьел ял Канашӗн депутатне пӗрре мар суйланнӑ. Район сучӗн халӑх заседателӗ пулнӑ.

Хисепӗсем

Астӑвӑм

  • Цветкова Матрёна Дмитриевна ятне Елчӗк районӗн Ӗҫ Мухтавӗпе Паттӑрлӑх Кӗнекине ҫырса хунӑ.
  • Цветкова Матрёна Дмитриевна палӑкне Елчӗк районӗнчи Аслӑ Пӑла Тимеш ялӗнче уҫнӑ Паттӑрсен Аллейинче вырнаҫтарнӑ[3].

Ӑнлантарусем

  1. ^ Указ Президиума Верховного Совета СССР о присвоении М.Д. Лаврентьевой звания Героя Социалистического Труда. (выр.). Люди труда - гордость Чувашии. ГИА ЧР. Ф.Р-1041. Оп. 1. Д. 951. Л. 12. (19 пушӑн 1948).
  2. ^ Скорбим по поводу кончины Героя Социалистического Труда Матрены Дмитриевны Цветковой (выр.). https://gov.cap.ru. Туруновское сельское поселение Батыревского района (7 чӳкӗн 2014).
  3. ^ Аллею Героев открыли в селе Янтиково Яльчикского района (выр.). https://agro.cap.ru. Министерство сельского хозяйства Чувашской Республики (29 юпан 2022).

Вуламалли

  • Агаков, Л. Ҫанталӑка шанса ларнипе мар / Л. Агаков // Пирӗн Социализмлӑ Ӗҫ Геройӗсем : очерксем. — Шупашкар, 1949. — С. 57-61 : сӑн ӳкерчӗк.
  • Пахомов, И. 24 ҫултах ӗҫ геройӗ ятне илнӗ / И. Пахомов // Хресчен сасси. — 2002. — 4 апр.
  • Героиню чествовали на дому // Республика. — 2011. — 8 дек. (№№ 51/53). — С. 92.
  • Лаврентьева Матрена Дмитриевна // Энциклопедия агропромышленного комплекса Чувашской Республики. — Чебоксары, 2017. — С. 319.
  • Лаврентьева Матрена Дмитриевна // Яльчикский район : краткая энцикл. — Чебоксары, 2007. — С. 185.
  • Матросов, И. Звеньевая / И. Матросов // Наши земляки — Герои Социалистического Труда. — Чебоксары, 1971. — С. 65-68 : фот.
  • Мадебейкин, И. Н. Лаврентьева Матрена Дмитриевна / И. Н. Мадебейкин // Чувашская энциклопедия. — Чебоксары, 2008. — Т. 2 : Ж-Л. — С. 415.
  • Краткая чувашская энциклопедия. Алексей Александрович Трофимов, Чувашский государственный институт гуманитарных наук. Чувашское книжное изд-во, 2001. — 525 с.
  • Женщины-матери земли Чувашской, Том 3. Дмитрий Егорович Егоров. Чувашский гос. педагог. университет им. И. Я. Яковлева, 2003. — 276 с.

Каҫӑсем

Категорисем