Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Чарли Кауфман

Чарльз Стюарт Кауфман (акăл. Charles Stuart Kaufman; ҫур. 1958 ҫулхи чӳкӗн 19-мӗшӗ, Нью-Йорк, Çĕнĕ Йорк) — Америка сценарисчӗ, режиссёрӗ тата продюсерӗ. Вӑл XX ӗмӗр вӗҫӗнчи тата XXI ӗмӗр пуҫламӑшӗнчи хӑйне евӗрлӗ чи кӑсӑклӑ сценаристсенчен пӗри. Чи лайӑх сценаришӗн паракан «Оскар» премийӗн лауреачӗ.

Пурнӑҫӗ

Чарли Кауфман Нью-Йоркра еврей ҫемйинче ҫуралнӑ, хӗвелтухӑҫ енчи ҫыран хӗрринче ӳснӗ. Пурнӑҫӗн пӗрремӗш ҫулӗсене вӑл Лонг-Айлендра ирттернӗ, Коннектикут штатӗнчи Вест-Хэртфорд шкулне ҫӳренӗ (ҫемйи унта 1972 ҫулта куҫса кайнӑ). 1976 ҫулта шкул пӗтернӗ хыҫҫӑн Чарли малтан Бостон университетне вӗренме кӗнӗ, анчах кӗҫех Нью-Йорк университетне куҫнӑ, унта кино ӳнерне вӗренме тытӑннӑ. Кунта вӑл темиҫе кӗске метражлӑ фильм ӳкернӗ, студентсен спектаклӗсенче актёр пулса вылянӑ. Анчах университета пӗтернӗ хыҫҫӑн Кауфман Миннеаполиса куҫнӑ, унта хаҫатра тата вырӑнти ӳнер музейӗнче ӗҫленӗ. 1990 ҫулта Чарли сценарист карьерине тӑвас тесе Лос-Анджелеса кайнӑ. Вӑл телевиденире ӗҫлеме пуҫланӑ, камит сериалӗсен темиҫе эпизочӗ валли сценари ҫырнӑ.

Унӑн пӗрремӗш тулли метражлӑ «Быть Джоном Малковичем» сценарине тӳрех «Оскар» премине илме тӑратнӑ. Иккӗмӗш номинацине («Адаптация» фильмшӑн) Кауфман хӑй шутласа кӑларнӑ Дональд шӑллӗпе пайланӑ, лешӗ вара Киноакадеми наградине илме тӑратнӑ чӑннипе ҫук пӗрремӗш ҫын пулса тӑнӑ.

Кауфман видеоклипсем ӳкерсе карьерӑна пуҫланӑ режиссёрсемпе икшер фильм тунӑ: Спайк Джонзпа («Быть Джоном Малковичем», «Адаптация») тата Мишель Гондрипе («Звериная натура», «Вечное сияние чистого разума»). Унсӑр пуҫне вӑл Джордж Клунин дебютлӑ «Признания опасного человека» картини валли сценари ҫырнӑ. Кауфман ҫавӑн пекех Филипп Дикӑн «Помутнение» кӗнекине экран ҫине кӑларас ӗҫе хутшӑннӑ, анчах унӑн варианчӗ ӗҫе кайман.

2008 ҫулта Кауфман хӑй ҫырнӑ сценарипе пӗрремӗш хут «Нью-Йорк, Нью-Йорк» фильм ӳкернӗ; питӗ пессимизмла тонпа уйрӑлса тӑракан картина прокатра хӑйне тӳрре кӑларайман, анчах Р. Эберт ӑна вунҫуллӑхӑн чи лайӑх фильмӗ тесе йышӑннӑ[3].

2020 ҫулта Кауфманӑн дебютлӑ «Муравечество» романӗ пичетленсе тухнӑ[4].

Харпӑр пурнӑҫӗ

Вӑл Дениз Монаганпа (акăл. Denise Monaghan) ҫемье ҫавӑрнӑ[5], мӑшӑрӑн Анна ятлӑ хӗр пур[6].

Фильмографи

  • 1999 — «Быть Джоном Малковичем» (сценарист, продюсер).
  • 2001 — «Звериная натура» (сценарист, продюсер).
  • 2002 — «Адаптация» (сценарист, продюсер).
  • 2002 — «Признания опасного человека» (сценарист).
  • 2004 — «Вечное сияние чистого разума» (сценарист, продюсер).
  • 2008 — «Нью-Йорк, Нью-Йорк» (сценарист, продюсер, режиссёр).
  • 2015 — «Аномализа» (сценарист, продюсер, режиссёр).
  • 2020 — «Думаю, как всё закончить» (сценарист, продюсер, режиссёр).
  • 2024 — «Орион и Тьма» (сценарист).

Библиографи

  • 2020 — «Муравечество».

Наградӑсемпе премисем

  • «Оскар» премийӗ:
    • 2015 — Номинаци. Чи лайӑх анимаци фильмӗ — «Аномализа».
    • 2004 — Ҫӗнтерӳ. «Вечное сияние чистого разума» фильмшӑн — чи лайӑх оригиналлӑ сценари.
    • 2002 — Номинаци. «Адаптация» фильмшӑн — чи лайӑх адаптациленӗ сценари.
    • 1999 — Номинаци. «Быть Джоном Малковичем» фильмшӑн — чи лайӑх оригиналлӑ сценари.
  • «Золотой глобус» премийӗ:
    • 2016 — Номинаци. Чи лайӑх анимаци фильмӗ — «Аномализа».
    • 2004 — Номинаци. «Вечное сияние чистого разума» фильмшӑн — чи лайӑх сценари.
    • 2002 — Номинаци. «Адаптация» фильмшӑн — чи лайӑх сценари.
    • 1999 — Номинаци. «Быть Джоном Малковичем» фильмшӑн — чи лайӑх сценари.
  • BAFTA:
    • 2004 — Ҫӗнтерӳ. «Вечное сияние чистого разума» фильмшӑн — чи лайӑх сценари.
    • 2002 — Ҫӗнтерӳ. «Адаптация» фильмшӑн — чи лайӑх сценари.
    • 1999 — Ҫӗнтерӳ. «Быть Джоном Малковичем» фильмшӑн — чи лайӑх сценари.
  • Канн кинофестивалӗ:
    • 2008 Номинаци. Ылтӑн пальма туратти («Синекдоха, Нью-Йорк»).
    • 2008 Номинаци. Ылтӑн камера («Синекдоха, Нью-Йорк»).
  • «Независимый дух» премийӗ:
    • 2000 Ҫӗнтерӳ. «Быть Джоном Малковичем» фильмшӑн — чи лайӑх дебютлӑ сценари.
    • 2009 «Синекдоха, Нью-Йорк»:
      • Номинаци. Чи лайӑх сценари.
      • Ҫӗнтерӳ. Роберт Альтман премийӗ.
      • Ҫӗнтерӳ. Чи лайӑх дебютлӑ фильм («Синекдоха, Нью-Йорк»).
    • 2016 «Аномализа»:
      • Номинаци. Чи лайӑх сценари.
      • Номинаци. Чи лайӑх режиссёр.
      • Номинаци. Чи лайӑх фильм.
  • АПШ сценарисчӗсен гильдийӗн премийӗ:
    • Номинаци. «Быть Джоном Малковичем» фильмшӑн — чи лайӑх оригиналлӑ сценари.
    • Номинаци. «Адаптация» фильмшӑн — чи лайӑх адаптациленӗ сценари.
    • Ҫӗнтерӳ. «Вечное сияние чистого разума» фильмшӑн — чи лайӑх оригиналлӑ сценари.
  • Ача-пӑча тата ҫемье фильмӗсемшӗн паракан «Эмми» премийӗ (акăл. Children's and Family Emmy Awards):
    • Ҫӗнтерӳ. «Орион и Тьма»[7].

Ӑнлантарусем

  1. ^ http://www.beingcharliekaufman.com/index.php?option=com_content&task=view&id=31&Itemid=34
  2. ^ Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #131817876 // Gemeinsame Normdatei (нем.) — 2012—2016.
  3. ^ The best films of the decade — Roger Ebert’s Journal(недоступная ссылка — история). Пӑхнӑ кун: 2010 ҫулхи кӑрлачӑн 16-мӗшӗ. Архивланӑ 2010 ҫулхи утӑн 11-мӗшӗ.
  4. ^ Can Charlie Kaufman Get Out of His Head? – Jon Baskin – The New Yorker. Пӑхнӑ кун: 2022 ҫулхи кӑрлачӑн 3-мӗшӗ. Архивланӑ 2021 ҫулхи пушӑн 4-мӗшӗ.
  5. ^ Logan, Degen Pener,Chris Godley,Bryan. Hollywood’s Biggest Real Estate Deals of the Week: Matthew Perry, Ellen DeGeneres, Sacha Baron Cohen (2011-10-07). Тӗрӗсленӗ: 2025 ҫулхи ҫурлан 28-мӗшӗ.
  6. ^ This Profile of Charlie Kaufman Has Changed (Published 2020) (2020-07-02). Тӗрӗсленӗ: 2025 ҫулхи ҫурлан 28-мӗшӗ.
  7. ^ CHILDREN'S & FAMILY EMMY® AWARDS WINNERS ANNOUNCED! Children's and Family Emmy Awards (15 пушӑн 2025).

Темӑпа ҫыхӑннисем

Категорисем