Чӑваш Республикин гражданла оборона тата чрезвычайлӑ лару-тӑру ыйтӑвӗсемпе ӗҫлекен министерство
Гражданла оборона тата чрезвычайлӑ лару-тӑру ыйтӑвӗсемпе ӗҫлекен министерство — Чăваш Республикин граждан хӳтӗлевӗпе инкеклӗ лару-тӑру ӗҫӗсене йӗркелесе пыракан министерство.
Министр: Павлов Сергей Геннадьевич.
2025 ҫулхи акан 1-мӗшӗччен патшалӑх комитечӗ шайӗнче ӗҫленӗ[1][2].
Министерство тытӑмӗ
Министерство тытӑмӗ ҫакнашкал[3]:
- Граждан хӳтӗлевӗпе инкеклӗ лару-тӑру ӗҫӗсен министрӗ
- Граждан хӳтӗлевӗпе инкеклӗ лару-тӑру ӗҫӗсен министрӗн ҫумӗ — территори хӳтӗлевӗн ыйтӑвӗсен секторӗ заведующийӗ;
- Территори хӳтӗлевӗн ыйтӑвӗсемпе ӗҫлекен сектор;
- Йӗркелӳпе право ӗҫӗн пайӗ;
- Правопа тивӗҫтерекен сектор;
- Инкеклӗ лару-тӑру ҫинчен пӗлтерекен пай;
- Халӑха тата территорисене инкеклӗ лару-тӑруран хӳтӗлес енӗпе ӗҫлекен патшалӑх надзорӗн регионти секторӗ;
- Граждан хӳтӗлевӗпе инкеклӗ лару-тӑру ӗҫӗсен министрӗн ҫумӗ — территори хӳтӗлевӗн ыйтӑвӗсен секторӗ заведующийӗ;
Историйӗ
1993 ҫулхи ҫурла уйӑхӗн 31-мӗшӗнче Чӑваш Республикин Правительстви кӑларнӑ постановленийӗпе Чӑваш Республикин граждан хӳтӗлевӗпе инкеклӗ лару-тӑру комитетне йӗркеленӗ. Комитета ертсе пыма Петьков Виталий Николаевича шанса панӑ[4].
1994 ҫулхи пуш уйӑхӗнче унӑн ятне Чӑваш Республикин граждан хӳтӗлевӗ, инкеклӗ лару-тӑру, ҫутҫанталӑк инкекӗ хыҫҫӑнхи юсав комитечӗ ҫине улӑштарнӑ[4].
1998 ҫулхи авӑн уйӑхӗнче ятне Чӑваш Республикин граждан хӳтӗлевӗпе инкеклӗ лару-тӑру ӗҫӗсен патшалӑх комитечӗ ҫине улӑштарнӑ[4].
2019 ҫулхи акан 30-мӗшӗнче Чӑваш Республикин Пуҫлӑхӗ кӑларнӑ Хушӑвӗпе килӗшӳллӗн вӑл министерство пулса тӑнӑ, министерствӑна ертсе пыма Петров Вениамин Ивановича шанса панӑ. 2020 ҫулхи нарӑсӑн 6-мӗшӗнче министерствӑран каллех патшалӑх комитетне йӗркеленӗ[4].
Чӑваш Республикин Пуҫлӑхӗ Николаев Олег Алексеевич 2021 ҫулхи акан 2-мӗшӗнчи 46-мӗш Хушӑвӗпе Патшалӑх комитечӗн Председательне Яковлев Олег Николаевича лартнӑ, 2022 ҫулхи пушӑн 4-мӗшӗнче кӑларнӑ 30-мӗш Хушӑвӗпе — Павлов Сергей Геннадьевича лартнӑ[4].
2025 ҫулхи акан 1-мӗшӗччен патшалӑх комитечӗ пулнӑ. Чӑваш Республикин Пуҫлӑхӗ Олег Николаев 45 №-лӗ Хушу кӑларнӑ хыҫҫӑн ӑна министерство шайне хӑпартнӑ[1], министр вырӑнӗнче Павлов Сергей Геннадьевичах хӑварнӑ[5].
Ӑнлантарусем
- ^ 1, 2 О Министерстве Чувашской Республики по делам гражданской обороны и чрезвычайным ситуациям (выр.). Портал органов власти Чувашской Республики (1 акан 2025).
- ^ Таисия Ташней. Министерство туса хунӑ. Чӑваш халӑх сайчӗ (1 акан 2025).
- ^ Графическая структура (выр.). Чӑваш Республикин граждан хӳтӗлевӗпе инкеклӗ лару-тӑру ӗҫӗсен министерстви.
- ^ 1, 2, 3, 4, 5 Историческая справка (выр.). Чӑваш Республикин граждан хӳтӗлевӗпе инкеклӗ лару-тӑру ӗҫӗсен министерстви.
- ^ О министре Чувашской Республики по делам гражданской обороны и чрезвычайным ситуациям (выр.). Портал органов власти Чувашской Республики (2 акан 2025).