Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Павлов Сергей Геннадьевич

РУВИКИ-ре ҫак хушаматлӑ ытти ҫынсем пирки те статьясем пур: Павлов; Павлов Сергей.

Павлов Сергей Геннадьевич (ҫур. 1970 ҫулхи ҫурлан 21-мӗшӗ) — патшалӑх ӗҫченӗ.

Пурнӑҫӗпе ӗҫӗ-хӗлӗ

Сергей Геннадьевич 1970 ҫулхи ҫурлан 21-мӗшӗнче ҫуралнӑ[1].

1993 ҫулта милицире ӗҫлеме пуҫланӑ. Ун чухне вӑл Ҫӗнӗ Шупашкарта участок инспекторӗн ӗҫне пурнӑҫланӑ. Каярахпа Чӑваш Республикин Шалти ӗҫсен министерствинче тӗрлӗ пуҫлӑх вырӑнӗсене йышӑннӑ: дознавани пай пуҫлӑхӗ, общество хӑрушсӑрлӑхӗн милицийӗн пуҫлӑхӗ. Каярахпа ӑна, 2009 ҫулта, Шупашкарӑн Ленин район милицийӗн 1-мӗш пайӗн начальникне лартнӑ. 2011 ҫулхи ҫулла вӑл Ҫӗнӗ Шупашкарти шали ӗҫчен пайне ертсе пыма пуҫланӑ[2][1].

2013–2019 ҫулсенче Шупашкарти УМВД начальникӗн вырӑнне йышӑннӑ[3], кайран Ҫӗнӗ Шупашкар хулин «Гражданла оборона тата чрезвычайлӑ лару-тӑру ыйтӑвӗсемпе ӗҫлекен управленине» ертсе пыма пуҫланӑ[1].

2022 ҫулхи пушӑн 4-мӗшӗнче Чӑваш Республикин Пуҫлӑхӗ Олег Николаев кӑларнӑ 30-мӗш Хушӑвӗпе ӑна Чӑваш Республикин гражданла оборона тата чрезвычайлӑ лару-тӑру ыйтӑвӗсемпе ӗҫлекен патшалӑх комитетне ертсе пыма шанса панӑ[4]. 2025 ҫулхи акан 1-мӗшӗнче патшалӑх комитетӗнчен министерство туса хунӑ, тепӗр кун ӑна ҫак ведомствӑн министрне лартнӑ[5][2].

2025 ҫулхи авӑн уйӑхӗн 26-мӗшӗнче авӑн уйӑхӗн 12-14-мӗшӗсенче иртнӗ суйлавра ҫӗнтернӗ Чӑваш Республикин Пуҫлӑхӗн Олег Николаевӑн инаугурацийӗ(выр.)чăв. иртнӗ[6]. Унпа пӗрлех Олег Николаев 2025 ҫулхи авӑн 26-мӗшӗнчи 157-мӗш хушӑвӗпе Чӑваш Республикин Конституцийӗн 72 тата 91 статйисемпе килӗшӳллӗн Чӑваш Республикин Министрсен Кабинетне отставкӑна янӑ[7]. Министрсем ҫӗнӗ правительство пухиччен хӑйсен вырӑнӗсенче «тивӗҫӗсене пурнӑҫлакан» статуспа ӗҫлеҫҫӗ[8].

2025 ҫулхи юпа уйӑхӗн 3-мӗшӗнче Чӑваш Республикин Пуҫлӑхӗ 183-мӗш хушӑвӗпе Чӑваш Республикин гражданла оборона тата чрезвычайлӑ лару-тӑру ыйтӑвӗсен министрӗ пулма ҫирӗплетнӗ[9].

Ҫемье

Авланнӑ, икӗ ача пӑхса ӳстернӗ[3].

Ӑнлантарусем

  1. ^ 1, 2, 3 2025-04-27. Бывший начальник чебоксарской полиции стал заместителем главы ГКЧС Чувашии (выр.), АиФ Чебоксары (2021-05-25).
  2. ^ 1, 2 Сергей Павлов назначен министром Чувашской Республики по делам гражданской обороны и чрезвычайным ситуациям (выр.). Нормативные правовые акты Чувашской Республики.
  3. ^ 1, 2 Назначен новый руководитель УМВД России по Чебоксарам (выр.), Грани.
  4. ^ О Министерстве Чувашской Республики по делам гражданской обороны и чрезвычайным ситуациям (выр.). Портал органов власти Чувашской Республики (1 акан 2025).
  5. ^ О министре Чувашской Республики по делам гражданской обороны и чрезвычайным ситуациям (выр.). Портал органов власти Чувашской Республики (2 акан 2025).
  6. ^ Олег Николаев вступил в должность Главы Чувашии: курс на развитие и заботу о людях (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  7. ^ Об отставке Кабинета Министров Чувашской Республики (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  8. ^ Оксана Казакова. Правительство Чувашии отправлено в отставку (выр.). Информационное агентство «Чувашинформ» (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  9. ^ О министре Чувашской Республики по делам гражданской обороны и чрезвычайным ситуациям (выр.). Официальный интернет-портал органов власти Чувашской Республики (3 юпан 2025). Пӑхнӑ кун: 2025 ҫулхи юпан 8-мӗшӗ.

Каҫӑсем

Темӑпа ҫыхӑннисем

Категорисем