Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Марков Олег Иванович

Disambig gray.svg Марков хушаматлă урăх çынсем çинчен РУВИКИ-ре статьясем пур.

Марков Олег Иванович (ҫур. 1966 ҫулхи ҫӗртмен 19-мӗшӗ, Çĕньял, Чăваш Автономиллĕ Социализмлă Совет Республики[1]) — патшалӑх ӗҫченӗ. 2025 ҫулхи юпа уйӑхӗн 22-мӗшӗнчен вара — Чӑваш Республикин Министрсен Кабинечӗн Председателӗн ҫумӗ.

Пурнӑҫӗпе ӗҫӗ-хӗлӗ

1966 ҫулхи ҫӗртме уйӑхӗн 19-мешенче Чӑваш АССРӗн Ҫӗрпӳ районӗнчи Ҫӗньял ялӗнче ҫуралнӑ[3].

Вӗренӳ

Шупашкар машинӑсем тӑвакан техникума, Чӑваш патшалӑх ял хуҫалӑх академийӗн механизаци факультетне («Ялхуҫалӑх механизацийӗ» специальность), И. Н. Ульянов ячӗллӗ Чӑваш патшалӑх университечӗн строительство факультетне («Ӑшӑпа тата газпа тивӗҫтересси, вентиляци» специальность), Раҫҫей Федерацийӗн Правительстви ҫумӗнчи Халӑх хуҫалӑхӗн академине(выр.)чăв. вӗренсе пӗтернӗ[4].

Карьера

Совет Ҫарӗнче хӗсметре пулнӑ. Хӗсмет хыҫҫӑн 1988 ҫулта Ҫӗрпӳри автоюсавзаводӑн тӗп механикӗн пайӗнче маҫтӑр пулса ӗҫлеме пуҫланӑ. 1995 ҫултанпа «Чӑвашсетьгаз» акционерсен уҫӑ обществин тытӑмӗнче: шӗветнӗ газ кӳрсе килес енӗпе ӗҫлекен маҫтӑр, пӗтӗмӗшле ыйтусемпе ӗҫлекен директор, тӗп инженер, Ҫӗрпӳри филиалӗн директорӗ. 2004—2012 ҫулсенче техника директорӗ, «Чӑвашсетьгаз» АУО тӗп директорӑн пӗрремӗш ҫумӗ – тӗп инженерӗ пулса ӗҫленӗ[4].

2012 ҫулхи ҫурла уйӑхӗнчен пуҫласа 2013 ҫулхи кӑрлач уйӑхӗччен — Чӑваш Республикин строительство, архитектура тата ҫурт-йӗрпе коммуналлӑ хуҫалӑх министрӗн ҫумӗ, 2013 ҫулхи нарӑс уйӑхӗнчен пуҫласа 2016 ҫулхи авӑн уйӑхӗччен — Чӑваш Республикин строительство, архитектура тата ҫурт-йӗрпе коммуналлӑ хуҫалӑх министрӗ[5].

Пӗр вӑхӑтрах 2014 ҫулхи ака уйӑхӗнчен пуҫласа 2015 ҫулхи авӑн уйӑхӗччен тата 2016 ҫулхи ҫу-авӑн уйӑхӗсенче Чӑваш Республикин Министрсен Кабинечӗн Председателӗн ҫумӗ пулнӑ.

Ун хыҫҫӑн «СУ-20» тулли мар яваплӑхлӑ обществӑн тӗп директорӗ пулнӑ.

2025 ҫулхи юпа уйӑхӗн 21-мӗшӗнче Чӑваш Республикин Пуҫлӑхӗ Олег Николаев Олег Маркова Чӑваш Республикин Министрсен Кабинечӗн Председателӗн ҫумӗ пулма ҫирӗплетнӗ[6]. Вӑл Чӑваш Республикин строительство, архитектура тата ҫурт-йӗрпе коммуналлӑ хуҫалӑх, Чӑваш Республикин транспорт тата ҫул-йӗр хуҫалӑхӗн, Чӑваш Республикин ҫутҫанталӑк ресурсӗсен тата экологи министерствисен тата Чӑваш Республикин Ҫурт-йӗр патшалӑх инспекцийӗн ӗҫӗ-хӗлӗшӗн яваплӑ пулӗ[7].

Хисепӗсем

  • Чӑваш Республикин Гражданла оборонӑпа чрезвычайлӑ лару-тӑру ӗҫӗсен патшалӑх комитечӗн Хисеп хучӗ;
  • «Газпром-газораспределени» АУО Хисеп хучӗ;
  • Раҫҫей Федерацийӗн Регионсен аталанӑвӗн министерствин Хисеп хучӗ;
  • «Чӑваш Республики умӗнчи тава тивӗҫлӗ ӗҫсемшӗн» орден медалӗ (2015);
  • Чӑваш Республикин тава тивӗҫлӗ строителӗ (2021);
  • Раҫҫей МЧСӗн «За содружество во имя спасения» медалӗ;
  • Чӑваш Республикин Пуҫлӑхӗн Тав сӑмахӗ[3].

Ӑнлантарусем

  1. ^ 1, 2 Исаев Ю. Н. Чувашская энциклопедия (выр.) — Чувашское книжное издательство, 2006. — С. 2567. — 2567 с. — ISBN 978-5-7670-1471-X
  2. ^ 1, 2, 3 https://наследиечувашии.рф/russian/марков-олег-иванович-государственны/
  3. ^ 1, 2 Марков, Олег Иванович (государственный деятель; 19.06.1966) (выр.). Наследие Чувашии. Национальная библиотека Чувашской Республики. Пӑхнӑ кун: 2025 ҫулхи юпан 22-мӗшӗ.
  4. ^ 1, 2 Марков Олег Иванович (выр.). Официальный портал органов власти Чувашской Республики. Министерство строительства, архитектуры и жилищно-коммунального хозяйства Чувашской Республики. Пӑхнӑ кун: 2025 ҫулхи юпан 22-мӗшӗ.
  5. ^ С. В. Гончарова. Марков Олег Иванович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2025 ҫулхи юпан 22-мӗшӗ.
  6. ^ О заместителе Председателя Кабинета Министров Чувашской Республики (выр.). Официальный интернет-портал органов власти Чувашской Республики (21 юпан 2025). Пӑхнӑ кун: 2025 ҫулхи юпан 22-мӗшӗ.
  7. ^ Анастасия Алексеева. Назначен заместитель председателя Кабмина Чувашии. Олег Марков ранее уже работал в республиканском правительстве (выр.). Интернет-газета «Правда ПФО» (22 юпан 2025). Пӑхнӑ кун: 2025 ҫулхи юпан 22-мӗшӗ.

Вуламалли

  • Марков, О. И. Олег Марков: Тӗллев — ҫурт-йӗр пахалӑхне лайӑхлатасси : [Чӑваш Республикин строительство, архитектура тата ҫурт-йӗрпе коммуналлӑ хуҫалӑх министрӗпе Олег Иванович Марковпа калаҫни / С. Гордеева ҫырса илнӗ] // Хыпар. — 2016. — 10 ҫурла/август. — С. 1-2 : сӑн ӳкерчӗксем;
  • Марков, О. И. Строймин тӳрӗ кӑмӑллисене шырать / О. И. Марков ; Н. Коновалов ҫырса илнӗ] // Хыпар. — 2014. — 25 авӑн. — С. 1 : сӑн ӳкерчӗк;
  • Марков, О. И. Ҫурта тӗпрен юсаттарасси — хуҫа тивӗҫӗ / О. И. Марков ; Ю. Михайлов ҫырса илнӗ // Хыпар. — 2015. — 3 ака. — С. 4 : сӑн ӳкерчӗк;
  • Васильев, Л. Обратная связь: ставка на конкретность / Л. Васильев // Советская Чувашия. — 2015. — 24 марта. — С. 2 : фот.;
  • Гончарова, С. В. Марков Олег Иванович / С. В. Гончарова. — Текст : электронынй // Чувашская энциклопедия. — URL: http://enc.cap.ru/?lnk=5353&t=prsn (дата обращения: 07.09.2020);
  • Марков Олег Иванович // Строители Чувашии / сост. П. Сымкин. — Чебоксары, 2015. — С. 159 : фот.

Каҫӑсем

Темӑпа ҫыхӑннисем

Категорисем