Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Тюркин Сергей Александрович

Сергей Александрович Тюркин (ҫур. 1984 ҫулхи ҫӗртмен 29-мӗшӗ, Краснослободск, Мордва Автономилле Совет Социализмла Республики[d]) — Раҫҫей патшалӑх ӗҫченӗ, Мордови Республикин финанс министрӗ (2020—2026)[1].

Пурнӑҫӗпе ӗҫӗ-хӗлӗ

Сергей Тюркин 1984 ҫулхи ҫӗртмен 29-мӗшӗнче Мордва АССРӗнчи Краснослободск хулинче ҫуралнӑ.

2006 ҫулта Н. П. Огарёв ячӗллӗ Мордва патшалӑх университечӗн(выр.)чăв. экономика факультетне «Финанс тата кредит» специальнӑҫӗпе, 2011 ҫулта магистратурӑна «Экономика» специальнӑҫӗпе вӗренсе пӗтернӗ.

2006 ҫултан 2019 ҫулччен Саранск хула администрацийӗнче ертсе пыракан специалист, тӗп специалист, финанспа тӗпчев пайӗн ертӳҫин ҫумӗ, финанспа тӗпчев пайӗн пуҫлӑхӗ, финанс департаменчӗн директорӗ пулса ӗҫленӗ[2].

2019—2020 ҫулсенче Мордва Республикин финанс министрӗн пӗрремӗш ҫумӗ пулнӑ.

2020 ҫултан 2021 ҫулччен — правительствӑн председателӗн ҫумӗ — Мордва Республикин финанс министрӗ[3].

Регион правительстви отставкӑна тухнӑ хыҫҫӑн 2021 ҫулхи нарӑс уйӑхӗнчен пуҫласа финанс министрӗн ӗҫне пурнӑҫланӑ.

2022 ҫулхи ҫӗртмен 22-мӗшӗнче Сергей Тюркина Мордва Республикин финанс министрӗ вырӑнне ҫӗнӗрен лартнӑ[4].

Мордва Республикин Шалти ӗҫсен министерствин правонарушенисене сирмелли правительство комисси йышне кӗнӗ[5].

Мордва Республикин Халӑхӑн финанс пӗлӳлӗхне ӳстерессипе ӗҫлекене канашӑн сопредседателӗ пулнӑ[6].

Тюркин ертсе пынӑ чухне Мордва Республикин 2024 ҫулхи бюджетне социаллӑ туса хунӑ, социаллӑ сферӑна мӗнпур тӑкакӑн 54 % янӑ[7]. 2025 ҫулта республика патшалӑх кивҫенне масштаблӑ реструктуризацилеме пуҫланӑ, бюджет кредичӗсен икӗ виҫҫӗмӗш пайне каҫарма заявка панӑ[8][1][9]. Унӑн 2026 ҫулхи регионӑн бюджечӗ профицитлӑ пулнӑ, ҫав вӑхӑтрах тӗп приоритет социаллӑ сфера юлнӑ (пӗтӗм тӑкакӑн 62,2 %)[10].

2026 ҫулхи ҫӗртмен 11-мӗшӗнче Тюркина финанс министрӗнчен хӑтарнӑ. Официаллӑ сӑлтавӗ — унӑн ятарлӑ ҫар операцине хутшӑнакансене регионтан уйӑракан тӳлевсем пирки шухӑшӗ: министр вӗсене тума укҫа-тенкӗ нумай кайнине пӗлтернӗ. Мордови пуҫлӑхӗ Артём Здунов(выр.)чăв. ҫак шухӑшпа килӗшмен, «ятарлӑ ҫар операцие хутшӑнакан хамӑр граждансем ҫинче перекетлемелле мар» тесе палӑртнӑ[11].

2026 ҫулхи ҫурлан 10-мӗшӗнче Чӑваш Республикин финанс министрӗн ӗҫне пурнӑҫлаканӗ вырӑнне лартнӑ[12][13].

Ҫемьи

Авланнӑ, икӗ ывӑл пур[14].

Ӑнлантарусем

  1. ^ 1, 2 Тюркин уволен: за что? Mord-Life (11 ҫӗртмен 2026). Пӑхнӑ кун: 2026 ҫулхи ҫурлан 11-мӗшӗ.
  2. ^ В Мордовии назначен министр финансов республики - ИА REGNUM. Тӗрӗсленӗ: 2026 ҫулхи ҫурлан 11-мӗшӗ.
  3. ^ Министерство финансов Мордовии возглавил Сергей Тюркин (выр.). Вечерний Саранск. Пӑхнӑ кун: 2026 ҫулхи ҫурлан 11-мӗшӗ.
  4. ^ Кадровые перестановки: Министром финансов Мордовии назначен Сергей Тюркин. Тӗрӗсленӗ: 2026 ҫулхи ҫурлан 11-мӗшӗ.
  5. ^ Состав правительственной комиссии по профилактике правонарушений (выр.). 13.мвд.рф. Пӑхнӑ кун: 2026 ҫулхи ҫурлан 11-мӗшӗ.
  6. ^ Постановление Правительства Республики Мордовия от 18 июня 2024 г. N 484 «О внесении изменения в состав Совета по повышению финансовой грамотности населения Республики Мордовия» (выр.). Гарант. Пӑхнӑ кун: 2026 ҫулхи ҫурлан 11-мӗшӗ.
  7. ^ Бюджет Мордовии на 2024г принят в окончательном чтении с дефицитом 0,6% расходов. Interfax-Russia. Пӑхнӑ кун: 2026 ҫулхи ҫурлан 11-мӗшӗ.
  8. ^ Мордовия подала заявку на списание 2/3 госдолга. Столица С. Пӑхнӑ кун: 2026 ҫулхи ҫурлан 11-мӗшӗ.
  9. ^ Мордовия подала заявку на списание 2/3 госдолга. Бюджет.ру. Пӑхнӑ кун: 2026 ҫулхи ҫурлан 11-мӗшӗ.
  10. ^ Утверждены бюджет Мордовии и бюджет ТФОМС на 2026–2028 годы. Официальный портал органов государственной власти Республики Мордовия. Пӑхнӑ кун: 2026 ҫулхи ҫурлан 11-мӗшӗ.
  11. ^ Сергей Тюркин уволен: за что? Mord-Life.com. Пӑхнӑ кун: 2026 ҫулхи ҫурлан 11-мӗшӗ.
  12. ^ Об исполняющем обязанности министра финансов Чувашской Республики (выр.). Официальный портал органов власти Чувашской Республики (10 ҫурлан 2026). Пӑхнӑ кун: 2026 ҫулхи ҫурлан 11-мӗшӗ.
  13. ^ Минфин Чувашии возглавил бывший министр финансов Мордовии (выр.). forum.na-svyazi.ru (10 ҫурлан 2026). Пӑхнӑ кун: 2026 ҫулхи ҫурлан 11-мӗшӗ.
  14. ^ Сергей Тюркин — министр финансов Мордовии (2022-06-23). Тӗрӗсленӗ: 2026 ҫулхи ҫурлан 11-мӗшӗ.

Каҫӑсем

Темӑпа ҫыхӑннисем

Категорисем