Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Захаров Дмитрий Анатольевич

Disambig gray.svg Захаров хушаматлă урăх çынсем çинчен РУВИКИ-ре статьясем пур.
Disambig gray.svg Захаров Дмитрий хушаматлă урăх çынсем çинчен РУВИКИ-ре статьясем пур.

Захаров Дмитрий Анатольевич (ҫур. 1979 ҫулхи пушӑн 20-мӗшӗ, Опытный, Чăваш Автономиллĕ Социализмлă Совет Республики) — патшалӑх ӗҫченӗ. 2021 ҫулхи чӳк уйӑхӗн 2-мӗшӗнчен вара — Чӑваш Республикин вӗрентӳ министрӗ[1] (2021 ҫулхи авӑн уйӑхӗн 25-мӗшӗнчен — министр тивӗҫӗсене пурнӑҫлакан).

Пурнӑҫӗпе ӗҫӗ-хӗлӗ

1979 ҫулхи пушӑн 20-мӗшӗнче Чӑваш АССРӗн Ҫӗрпӳ районӗнчи Опытнӑй ялӗнче ҫуралнӑ.

Ашшӗ — Анатолий Иванович Захаров, ялхуҫалӑх ӑслӑлӑхӗсен кандидачӗ(выр.)чăв., Ҫӗрпӳ районӗнчи Опытнӑй ялӗнчи Чӑваш патшалӑх ялхуҫалӑх сӑнав станцийӗн директорӗн ҫумӗ, 2000—2010 ҫулсенче Чӑваш патшалӑх ялхуҫалӑх академийӗн экономика факультечӗн деканӗ пулса ӗҫленӗ. Амӑшӗ — пуҫламӑш классен вӗрентекенӗ, шкулти стажӗ 30 ҫул ытла.

1986 ҫулта ҫемье Шупашкара пурӑнма куҫнӑ, Дима авӑн уйӑхӗнче тӗп хулари 16-мӗш шкула (халӗ — 2-мӗш гимнази) пӗрремӗш класа кайнӑ. Шкулта вӗреннӗ вӑхӑтра баскетболпа кӑсӑкланнӑ, театр студине, хӑйсем пухнӑ рок-ансамбле ҫӳренӗ. Шупашкарти пионерсен керменӗнче самолётсен тата карапсен кӳлеписене тӑвассипе, ирӗклӗ кӗрешӳпе кӑсӑкланнӑ, пӗр хушӑ халӑх кӗвӗ хатӗрӗсен ансамбльне ҫӳренӗ. Вӑрҫӑ, ҫар историйӗпе кӑсӑкланнӑ.

2001 ҫулта И. Н. Ульянов ячӗллӗ Чӑваш патшалӑх университечӗн истори факультетӗнчен вӗренсе тухнӑ. Шупашкарти 24-мӗш тата 29-мӗш номерлӗ шкулсенче истори учителӗ пулса ӗҫленӗ. И. Я. Яковлев ячӗллӗ Чӑваш патшалӑх педагогика университетӗнче аспирантура вӗренсе пӗтернӗ.

Чӑваш патшалӑх гуманитари ӑслӑлӑхӗсен институчӗн аслӑ ӑслӑлӑх сотрудникӗ, доцент, кайран И. Я. Яковлев ячӗллӗ Чӑваш патшалӑх педагогика университечӗн истори факультечӗн декан ҫумӗ пулнӑ.

2013 ҫулхи ҫурла уйӑхӗнчен пуҫласа 2021 ҫулхи авӑн уйӑхӗччен Шупашкар хула администрацийӗн вӗрентӳ управленийӗнче — пуҫлӑх ҫумӗ, кайран управлени ертӳҫи пулса ӗҫленӗ.

2021 ҫулхи авӑн уйӑхӗн 25-мӗшӗнче Раҫҫей Федерацийӗн Патшалӑх Думине суйланнӑ Салаева Алла Леонидовна вырӑнне Чӑваш Республикин вӗрентӳпе ҫамрӑксен политикин министрӗн тивӗҫӗсене пурнӑҫлакана лартнӑ[2].

2021 ҫулхи чӳк уйӑхӗн 2-мӗшӗнчен вара — Чӑваш Республикин вӗрентӳпе ҫамрӑксен политикин министрӗ[3], 2023 ҫулхи ака уйӑхӗн 22-мӗшӗнчен — Чӑваш Республикин вӗрентӳ министрӗ[4].

2025 ҫулхи авӑн уйӑхӗн 26-мӗшӗнче авӑн уйӑхӗн 12-14-мӗшӗсенче иртнӗ суйлавра ҫӗнтернӗ Чӑваш Республикин Пуҫлӑхӗн Олег Николаевӑн инаугурацийӗ(выр.)чăв. иртнӗ[5]. Унпа пӗрлех Олег Николаев 2025 ҫулхи авӑн 26-мешӗнчи 157-мӗш хушӑвӗпе Чӑваш Республикин Конституцийӗн 72 тата 91 статйисемпе килӗшӳллӗн Чӑваш Республикин Министрсен Кабинетне отставкӑна янӑ[6]. Министрсем ҫӗнӗ правительство пухиччен хӑйсен вырӑнӗсенче «тивӗҫӗсене пурнӑҫлакан» статуспа ӗҫлеҫҫӗ[7].

2025 ҫулхи юпа уйӑхӗн 3-мӗшӗнче Чӑваш Республикин Пуҫлӑхӗ 175-мӗш хушӑвӗпе Чӑваш Республикин вӗрентӳ министрӗ пулма ҫирӗплетнӗ[8].

2026 ҫулхи ҫу уйӑхӗнчи «Пӗрлӗхлӗ Раҫҫейӗн» Чӑваш Республикин Патшалӑх Канашне суйланма кандидата тӑратма тивӗҫлисене палӑртмалли умсасӑлавра 8-мӗш суйлав округӗпе 2-мӗш вырӑн йышӑннӑ, А. О. Ладыкова выляса янӑ[9].

Ӑслӑлӑх степенӗ

Истори наукисен кандидачӗ. 2004 ҫулхи раштав уйӑхӗнче «Чӑваш Республикинче 1990—2000 ҫулсенчи наципе патшалӑх аталанӑвӗ» темӑпа диссертаци хӳтӗленӗ.

Ӗҫӗсем

  • Захаров Д. А. Национальная государственность Чувашии в условиях распада Советского Союза и становления российского федерализма (1990-1993 гг.): монография. – Чебоксары: Атолл, ЧГПУ им. И. Я. Яковлева. 2006. - 135 с.
  • Захаров Д. А. Национально-государственное строительство в Чувашской Республике в 1990-2000 гг.: автореф. дис. канд. ист. наук: спец. (07.00.02) - Отечественная история [науч. рук. Григорьев В. С.]. – Чебоксары: 2004. - 24 с.
  • Захаров Д. А. Институт президентства в Чувашии (1991-2000 гг.): монография. – Чебоксары: ЧГПУ им. И. Я. Яковлева, 2004. – 116 с.
  • Захаров А. И., Евграфов О. В., Макушев А. Е., Толстова М. Л., Захаров Д. А. Перспективы повышения эффективности хмелеводческого кластера Чувашской Республики // Вестник Марийского государственного университета. Серия «Сельскохозяйственные науки. Экономические науки». 2018. Т. 4. № 2. С. 111–117
  • Захаров Д. А. Работа Верховного Совета Чувашии по реформированию национально-государственного устройства республики (1991-1994 гг.) // Сб. науч. тр. докторантов, науч. сотрудников, аспирантов и студентов. – Чебоксары: ЧГПУ, 2002. Вып. 11. С. 239-244
  • Захаров Д. А. Власть и общество Чувашии в дни августовского путча 1991 г. // Сб. науч. тр. докторантов, науч. сотрудников, аспирантов и студентов. – Чебоксары: ЧГПУ, 2002. Вып. 12. С. 207-210
  • Захаров Д. А. Э. А. Кубарев – последний Председатель Верховного Совета Чувашии // Вестник ЧГПУ. Личность в истории. – Чебоксары: ЧГПУ, 2002. № 5 (29). С. 219-222
  • Захаров Д. А. Конституционные основы создания и функционирования института президентства в Чувашии // Научно-информационный вестник докторантов, аспирантов, студентов. – Чебоксары: ЧГПУ, 2003. № 1 (Том 1). С. 147-152
  • Захаров Д. А. Причины реформирования Верховного Совета Чувашии на рубеже 90-х гг. XX века // Научно-информационный 23 вестник докторантов, аспирантов, студентов. – Чебоксары: ЧГПУ, 2003. № 2. С. 102-106
  • Захаров Д. А. Складывание нормативно-правовой базы института президентства в Чувашии в 1991-1993 гг. // Власть и общество в прошлом и настоящем: региональный аспект. Сб. науч. тр. – Чебоксары: ЧГПУ, 2003. С. 183-188
  • Захаров Д. А. Бюджетное регулирование основных направлений социально-экономического развития Чувашии в годы деятельности Госсовета первого и второго созывов // Социально-экономическое развитие Чувашии: теория и практика: Сб. науч. ст. – Чебоксары: ЧГПУ, 2004. Вып. 4. С. 91-94. 8.
  • Захаров Д. А. Историография национально-государственного строительства в Чувашии на современном этапе // Научно-информационный вестник докторантов, аспирантов, студентов. –Чебоксары: ЧГПУ, 2004. № 1 (3). Том 2. С. 82-87
  • Захаров Д. А. Повесть о недолетевшей эскадрилье // Советская Чувашия, 29 сентября 2021

Хисепӗсем

  • Раҫҫей Федерацийӗн ҫутӗҫ министерствин Хисеп хучӗ (2025)[10];
  • Раҫҫей Федерацийӗн воспитанипе ҫутӗҫ хисеплӗ ӗҫченӗ (2020);
  • Чӑваш Республикин вӗрентӗвӗн тава тивӗҫлӗ ӗҫченӗ (2018);
  • Чӑваш Республикин Пуҫлӑхӗн Тав хучӗ (2017);
  • Чӑваш Республикин Вӗрентӳпе ҫамрӑксен политикин министерствин Хисеп хучӗ (2016);
  • Шупашкар хула депутачӗсен пухӑвӗн Хисеп хучӗ (2014);
  • «Раҫҫей Патриочӗ» медаль (2012).

Ӑнлантарусем

  1. ^ Захаров Дмитрий Анатольевич - министр (выр.). Министерство образования Чувашской Республики. Пӑхнӑ кун: 2025 ҫулхи авӑнӑн 8-мӗшӗ.
  2. ^ Глава Чувашии назначил исполняющего обязанности министра образования (выр.). «Аргументы и факты — Чувашия» (25 авӑнӑн 2021). Пӑхнӑ кун: 2025 ҫулхи авӑнӑн 8-мӗшӗ.
  3. ^ О министре образования и молодежной политики Чувашской Республики (выр.). Портал органов власти Чувашской Республики/ Официальный интернет-портал (2 чӳкӗн 2021). Пӑхнӑ кун: 2025 ҫулхи авӑнӑн 8-мӗшӗ.
  4. ^ О внесении изменения в структуру исполнительных органов Чувашской Республики (выр.). Официальный портал органов власти Чувашской Республики (22 акан 2023). Пӑхнӑ кун: 2025 ҫулхи авӑнӑн 8-мӗшӗ.
  5. ^ Олег Николаев вступил в должность Главы Чувашии: курс на развитие и заботу о людях (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  6. ^ Об отставке Кабинета Министров Чувашской Республики (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  7. ^ Оксана Казакова. Правительство Чувашии отправлено в отставку (выр.). Информационное агентство «Чувашинформ» (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  8. ^ О министре образования Чувашской Республики (выр.). Официальный интернет-портал органов власти Чувашской Республики (3 юпан 2025). Пӑхнӑ кун: 2025 ҫулхи юпан 8-мӗшӗ.
  9. ^ Н. Владимирова. Подведены итоги предварительного голосования «Единой России» (выр.). Автономное учреждение Чувашской Республики «Редакция Шумерлинской газеты “Вперёд”» Министерства цифрового развития, информационной политики и массовых коммуникаций Чувашской Республики. Пӑхнӑ кун: 2026 ҫулхи утӑн 23-мӗшӗ.
  10. ^ Министр образования Чувашии Дмитрий Захаров отмечен высокой наградой за вклад в развитие сферы образования (выр.). Отдел образования администрации Алатырского муниципального округа Чувашской Республики (19 ҫурлан 2025). Пӑхнӑ кун: 2026 ҫулхи акан 20-мӗшӗ.

Каҫӑсем

Темӑпа ҫыхӑннисем

Категорисем