Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Артамонов Сергей Геннадьевич

РУВИКИ-ре ҫак хушаматлӑ ытти ҫынсем пирки те статьясем пур: Артамонов; Артамонов Сергей.

Артамонов Сергей Геннадьевич (ҫур. 1977 ҫулхи ҫӑвӑн 26-мӗшӗ, Пӑлапуҫ Нурӑс, Чăваш Автономиллĕ Социализмлă Совет Республики) — Раҫҫей патшалӑх, хуҫалӑх тата общество ӗҫченӗ. Чӑваш Республикин тава тивӗҫлӗ ял хуҫалӑх ӗҫченӗ (2021).

2025 ҫулхи ака уйӑхӗн 24-мӗшӗнчен — Чӑваш Республикин Министрсен Кабинечӗн Председателӗ (2025 ҫулхи нарӑс уйӑхӗн 28-мӗшӗнчен ака уйӑхӗн 23-мӗшӗччен, авӑнӑн 26-мӗшӗнчен юпа уйӑхӗн 2-мӗшӗччен — премьер-министрӑн тивӗҫӗсене пурнӑҫлакан).

Пурнӑҫӗпе ӗҫӗ-хӗлӗ

1977 ҫулхи ҫӑвӑн 26-мӗшӗнче Патӑрьел районӗнчи Пӑлапуҫ Нурӑсра ҫуралнӑ[1].

1999 ҫулта Чӑваш патшалӑх ял хуҫалӑх институчӗн агрономи факультетӗнче пӗлӳ илнӗ. 2013 ҫулта Раҫҫейри коопераци университетӗнчен вӗренсе тухнӑ[1].

1998–2000 ҫулсенче Чӑваш Реcпубликин Патӑрьел районӗнчи «Пашьел» ял хуҫалӑх эртелӗнче агроном пулса ӗҫленӗ[1].

2002–2005 ҫулсенче «Козловский маслодельный завод» УАО-ра коммерци директорӗ, тӗп директор пулнӑ, кайран, 2007 ҫулхи нарӑс уйӑхӗччен, «Букет Чувашии» сӑра вӗретекен савутра суту-илӳпе хуҫалӑх пайӗн пуҫлӑхӗн вырӑнне йышӑннӑ[2].

2007 ҫулпа 2012 ҫулсенче «Вкус» ТМЯП директорӗ, финанс директорӗ пулнӑ. Ҫав хушӑрах 2007 ҫулхи раштав уйӑхӗнчен пуҫласа 2009 ҫулхи чӳк уйӑхӗччен «Бригантина» ТМЯП директорӗ те пулнӑ[2].

2012 ҫулта ӑна Чӑваш Республикин Ҫӗрпӳ районӗн администраци пуҫлӑхне лартнӑ, кунта вӑл 2014 ҫулхи чӳк уйӑхӗччен ӗҫленӗ. Ҫав ҫулах раштав уйӑхӗнче ӑна Чӑваш Республики Пуҫлӑхӗн Администраци Ертӳҫин пӗрремӗш ҫумӗ пулма шанса панӑ, вӑл Шалти политика Управленийӗн начальникӗ пулнӑ[2].

2015 ҫулхи юпа уйӑхӗнче ӑна Чӑваш Республикин ял хуҫалӑх министрне лартнӑ. 2017 ҫулхи кӑрлач уйӑхӗнче ӑна Чӑваш Республикин Министрсен Кабинечӗн председатель ҫумне лартнӑ. 2020 ҫулта республикӑна Олег Николаев ертсе пыма пуҫланӑ хыҫҫӑн вӑл ҫак вырӑна упраса хӑварнӑ[2].

2025 ҫулхи нарӑсӑн 28-мӗшӗнче Олег Николаев кӑларнӑ хушупа Сергей Артамонова Чӑваш Республикин Министрсен Кабинечӗн председателӗн тивӗҫне пурнӑҫлама лартнӑ[3]. Ака уйӑхӗн 24-мӗшӗнче Олег Николаев кӑларнӑ хушупа ӑна Чӑваш Республикин Министрсен Кабинечӗн Председателӗн вырӑнӗнче ҫирӗплетнӗ[4].

2025 ҫулхи авӑн уйӑхӗн 26-мӗшӗнче авӑн уйӑхӗн 12-14-мӗшӗсенче иртнӗ суйлавра ҫӗнтернӗ Чӑваш Республикин Пуҫлӑхӗн Олег Николаевӑн инаугурацийӗ(выр.)чăв. иртнӗ[5]. Унпа пӗрлех Олег Николаев 2025 ҫулхи авӑн 26-мӗшӗнчи 157-мӗш хушӑвӗпе Чӑваш Республикин Конституцийӗн 72 тата 91 статйисемпе килӗшӳллӗн Чӑваш Республикин Министрсен Кабинетне отставкӑна янӑ[6]. Министрсем ҫӗнӗ правительство пухиччен хӑйсен вырӑнӗсенче «тивӗҫӗсене пурнӑҫлакан» статуспа ӗҫлеҫҫӗ[7].

2025 ҫулхи авӑн уйӑхӗн 29-мӗшӗнче Чӑваш Республикин Пуҫлӑхӗ Сергей Артамонов кандидатурине Чӑваш Республикин Министрсен Кабинечӗн Председательне лартма сӗннӗ[8].

2025 ҫулхи юпа уйӑхӗн 2-мӗшӗнче Чӑваш Республикин Патшалӑх Канашӗ XXXVII сессийӗн иккӗмӗш тапхӑрӗнче Чӑваш Республикин Пуҫлӑхне Чӑваш Республикин Министрсен Кабинечӗн Председательне Сергей Артамонова лартма килӗшӳ парасси ҫинчен йышӑннӑ[9]. Чӑваш Республикин Пуҫлӑхӗ Олег Николаев ҫав кунах Чӑваш Республикин Министрсен Кабинечӗн Председательне Сергей Артамонова лартасси ҫинчен хушу алӑ пуснӑ[10].

Парти ӗҫӗ-хӗлӗ

«Пӗрлӗхлӗ Раҫҫей» парти пайташӗ[11].

undefined

2026 ҫулхи пуш уйӑхӗн 31-мӗшӗнче Сергей Артамонов Пӗтӗм Раҫҫейри «Пӗрлӗхлӗ Раҫҫей» политика партийӗн председателӗпе Дмитрий Медведевпа тӗл пулнӑ, унӑн пӗтӗмлетӗвӗсемпе Дмитрий Анатольевич Чӑваш Республикин премьер-министрӗн кандидатурине партин регионти уйрӑмӗн секретарӗ пулма ырланӑ[12][13]. Ҫирӗплетӳ процедури Шупашкарти «Пӗрлӗхлӗ Раҫҫей» партконференцире пулмалла[14].

2026 ҫулхи ака уйӑхӗн 28-мӗшӗнче «Пӗрлӗхлӗ Раҫҫей» партин Чӑваш Республикинчи уйрӑмӗн секретарьне суйланӑ[15].

2026 ҫулхи авӑн уйӑхӗнче иртмелли суйлавра РФ Патшалӑх думине суйланма кандидата тӑратма тивӗҫлисене палӑртмалли «Пӗрлӗхлӗ Раҫҫей» партин праймеризне хутшӑнма хутсем тӑратнӑ[16].

2026 ҫулхи ҫу уйӑхӗнчи «Пӗрлӗхлӗ Раҫҫейӗн» РФ Патшалӑх думине суйланма кандидата тӑратма тивӗҫлисене палӑртмалли умсасӑлавра регионти парти списокӗпе 1-мӗш вырӑн йышӑннӑ[17].

Хисепӗсем

  • Чӑваш Республикин Патшалӑх Канашӗн Хисеп хучӗ (2014);
  • Чӑваш Республикин строительство, архитектура тата ҫурт-йӗрпе коммуналлӑ хуҫалӑх министерствин Хисеп хучӗ (2014);
  • Чӑваш Республикин вӗренӳпе ҫамрӑксен политики министерствин Хисеп хучӗ (2014);
  • Ҫӗрпӳ районӗн хисеплӗ гражданинӗ (2019)
  • «Чӑваш Республики умӗнчи тава тивӗҫлӗ ӗҫсемшӗн» орден медалӗ (2019);
  • Канаш районӗн хисеплӗ гражданинӗ (2021);
  • «Раҫҫей Федерацийӗн вырӑнти хӑйтытӑмлӑха аталантарас ӗҫре пысӑк ҫитӗнӳсем тунӑшӑн» хисеп палли (2020);
  • Чӑваш Республикин тава тивӗҫлӗ ял хуҫалӑх ӗҫченӗ (2021);
  • Патӑрьел районӗн хисеплӗ гражданинӗ (2022);
  • Раҫҫей Федерацийӗн ял хуҫалӑх министерствин Тав хучӗ (2023);
  • Раҫҫей Федерацийӗн ял хуҫалӑх министерствин Хисеп хучӗ (2023);
  • «Чӑваш Республики умӗнчи тава тивӗҫлӗ ӗҫсемшӗн» орден (2024);
  • «Шупашкар хули 555 ҫулта» юбилей медалӗ (2024);
  • «Тӑван Ҫӗршыв умӗнчи тава тивӗҫлӗ ӗҫсемшӗн» орден медалӗн 2-мӗш степенӗ (04.05.2026)[18].

Ӑнлантарусем

  1. ^ 1, 2, 3 Артамонов, Сергей Геннадьевич (государственный деятель; 26.05.1977) (выр.). «Наследие Чувашии». Цифровая библиотека чувашского наследия.
  2. ^ 1, 2, 3, 4 Артамонов Сергей Геннадьевич (выр.). Кабинет Министров Чувашской Республики.
  3. ^ Исполняющим обязанности премьер-министра Чувашии назначили Сергея Артамонова (выр.).
  4. ^ О Председателе Кабинета Министров Чувашской Республики (выр.). О Председателе Кабинета Министров Чувашской Республики (24 акан 2025).
  5. ^ Олег Николаев вступил в должность Главы Чувашии: курс на развитие и заботу о людях (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  6. ^ Об отставке Кабинета Министров Чувашской Республики (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  7. ^ Оксана Казакова. Правительство Чувашии отправлено в отставку (выр.). Информационное агентство «Чувашинформ» (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  8. ^ Оксана Казакова. Сергей Артамонов выдвинут на пост премьер-министра Чувашии (выр.). Информационное агентство «Чувашинформ» (29 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  9. ^ Госсовет поддержал предложение Главы Чувашии назначить Сергея Артамонова Председателем Кабинета Министров Чувашской Республики (выр.). Официальный портал органов власти Чвашской Республики (2 юпан 2025). Пӑхнӑ кун: 2025 ҫулхи юпан 2-мӗшӗ.
  10. ^ О Председателе Кабинета Министров Чувашской Республики (выр.). Портал органов власти Чувашской Республики (2 юпан 2025). Пӑхнӑ кун: 2025 ҫулхи юпан 2-мӗшӗ.
  11. ^ Артамонов Сергей Геннадьевич. Тӗрӗсленӗ: 2026 ҫулхи акан 1-мӗшӗ.
  12. ^ Дмитрий Медведев поддержал кандидатуру председателя кабмина Чувашской Республики на должность секретаря реготделения «Единой России». Тӗрӗсленӗ: 2026 ҫулхи акан 1-мӗшӗ.
  13. ^ Медведев поддержал кандидатуру Артамонова на пост секретаря ЕР в Чувашии. Тӗрӗсленӗ: 2026 ҫулхи акан 1-мӗшӗ.
  14. ^ Сергей Артамонов возглавит региональное отделение «Единой России» в Чувашии (выр.). www.grani21.ru. Пӑхнӑ кун: 2026 ҫулхи акан 1-мӗшӗ.
  15. ^ Сергей Артамонов избран Секретарем регионального отделения партии «Единая Россия» (выр.). Чувашское региональное отделение партии «Единая Россия» (28 акан 2026). Пӑхнӑ кун: 2026 ҫулхи ҫӑвӑн 13-мӗшӗ.
  16. ^ Сергей Артамонов подал документы для участия в предварительном голосовании «Единой России» (выр.). Чувашское региональное отделение партии «Единая Россия» (12 ҫӑвӑн 2026). Пӑхнӑ кун: 2026 ҫулхи ҫӑвӑн 13-мӗшӗ.
  17. ^ Стали известны победители праймериз «Единой России» в Чувашии (выр.). cheb.ru (4 ҫӗртмен 2026). Пӑхнӑ кун: 2026 ҫулхи утӑн 9-мӗшӗ.
  18. ^ Указ Президента Российской Федерации от 04.05.2026 г. № 293 «О награждении государственными наградами Российской Федерации» (выр.). http://www.kremlin.ru. Пӑхнӑ кун: 2026 ҫулхи ҫӑвӑн 13-мӗшӗ.

Вуламалли

  • Чувашская Республика. Глава. О министре сельского хозяйства Чувашской Республики : указ Главы Чувашской Республики [от 5 октября 2015 г. № 145] // Вести Чувашии. — 2015. — 10 окт. (№ 39). — С. 1.
  • Чувашская Республика. Глава. О заместителе Председателя Кабинета Министров Чувашской Республики — министре сельского хозяйства Чувашской Республики» : [о назначении С. Г. Артамонова заместителем Председателя Кабинета Министров Чувашской Республики — министром сельского хозяйства Чувашской Республики] : указ Главы Чувашской Республики [от 23 сентября 2020 года № 248] // Вести Чувашии. — 2020. — 2 окт. (№ 39). — С. 1.
  • Артамонов Сергей Геннадьевич // Энциклопедия агропромышленного комплекса Чувашской Республики. — Чебоксары, 2017. — С. 55.
  • Артамонов, С. Г. «Нисколько не жалею, что приехал работать в Цивильск» : [интервью с С. Г. Артамоновым] / [беседовал Н. Порфирьев ; перевела с чуваш. Л. В. Мурзаева] // Цивильский вестник. — 2014. — 14 февр. (№ 17/18). — С. 2.
  • Васильев, Л. Сессия с дополнением / Л. Васильев // Советская Чувашия. — 2014. — 2 дек. (№ 208). — С. 2.
  • Его стиль — работать в команде : [один день из жизни главы администрации Цивил. р-на Сергея Артамонова / подгот. В. Эверкки] // Республика. — 2014. — 2 июля (№ 29). — С. 5 : фот.
  • Николаева, А. Работа в сельском хозяйстве — перспективное будущее / А. Николаева // Агровыбор Чувашии. — 2019. — № 3 (4). — С. 19-22 : фот. цв.
  • Самукова, Г. Благодарность от цивилян / Г. Самукова // Республика. — 2014. — 4 дек. (№ 54/56). — С. 118 : фот.

Каҫӑсем

Темӑпа ҫыхӑннисем

Категорисем