Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Гапликов Сергей Анатольевич

Гапликов Сергей Анатольевич (ҫур. 1970 ҫулхи акан 29-мӗшӗ, Бишкек) — Раҫҫей патшалӑх тат политика ӗҫченӗ.

2004 ҫулхи ака уйӑхӗнчен пуҫласа 2010 ҫулхи ака уйӑхӗччен — Чӑваш Республикин Министрсен Кабинечӗн Председателӗ. 2010—2011 ҫулсенче — Раҫҫей Федерацийӗн правительствин аппарачӗн ертӳҫин ҫумӗ. 2011—2014 ҫулсенче — «Олимпстрой» патшалӑх корпорацийӗн президенчӗ. 2016 ҫулхи авӑнӑн 22-мӗшӗнчен пуҫласа 2020 ҫулхи акан 2-мӗшӗччен — Коми Республикин Пуҫлӑхӗ (2015 ҫулхи авӑнӑн 30-мӗшӗнчен пуҫласа 2016 ҫулхи авӑн уйӑхӗн 22-мӗшӗччен — Пуҫлӑх тивӗҫӗсене вӑхӑтлӑх пурнӑҫлакан).

Пурнӑҫӗпе ӗҫӗ-хӗлӗ

1970 ҫулхи ака уйӑхӗн 29-мӗшӗнче Кӑркӑс ССРӗн Фрунзе[1] (халӗ — Бишкек) хулинче касаксен ҫемьинче[2] ҫуралнӑ. Унӑн мӑн аслашшӗсем Воронеж кӗпӗрнинчен тата Дон ҫинчен тухнӑ ҫынсем пулнӑ, Вӑтам Ази ҫӗрӗсене алла илме кайнӑ[3]. Ашшӗ — Анатолий Гапликов. Амӑшӗ — Светлана Гапликова. Ывӑлӗ виҫҫӗ тултарсан Гапликовсен ҫемйи Ҫӗпӗре — Пӗтӗм Союзри БАМ ударлӑ стройкӑна — кайнӑ[4].

Шкултан вӗренсе тухсан Н. Э. Бауман ячӗллӗ Мускав патшалӑх техника университетне(выр.)чăв. вӗренме кӗнӗ[5]. Пӗрремӗш курс хыҫҫӑн вӑл вӗренӗве татнӑ та хӑй ирӗкӗпе ҫар хӗсметне кайнӑ[6]; малтан Гайжюнайри ВДВ вӗренӳ полкӗнче, кайран Польшӑри Тӗп разведка управленийӗн спецназӗнче[7], Сывлӑш-десант ҫарӗсенче, уйрӑм десант-штурм бригадин разведка ротинче[8] хӗсметре тӑнӑ. Гварди старшини званийӗпе демобилизациленсе[8] аслӑ шкулта малалла вӗренме пуҫланӑ[9]. 1996 ҫулта пӗр вӑхӑтрах МПТУн «Ятарлӑ машиностроени» факультетӗнче «газоимпульс тата динамика хатӗрӗсен инженер-конструкторӗ» специальноҫпа тата МГИМО(выр.)чăв. право факультетӗнче «юрист-международникник»[10] специальноҫпа вӗренсе тухнӑ. 2000 ҫулта Пӗтӗм Раҫҫейри тулаш суту-илӳ академийӗн(выр.)чăв. патшалӑх тулаш экономика службин факультетӗнчен вӗренсе тухнӑ[5].

Шыври поло енӗпе — Раҫҫей тӗнче класлӑ спорт мастерӗ, ЦСКА йышӗнче Европа Кубокӗн ҫӗнтерӳҫи[11].

Карьера

Студент чухне Мускаври машинӑсем тӑвакан ӑслӑлӑхпа тӗпчев институтӗнче инженер-конструктор пулса ӗҫлеме тытӑннӑ[5][10][9]. 1994—1995 ҫулсенче Федераци Канашӗн бюджет комитечӗ ҫумӗнчи эксперт канашӗн йышне кӗнӗ[12] (финанспа промышленность ушкӑнӗсем ҫинчен калакан саккун проектне хатӗрленӗ ҫӗре хутшӑннӑ). 1996 ҫултан пуҫласа 2000 ҫулччен Мускавӑн Хӗвелтухӑҫ административлӑ округӗн префектуринче ӗҫленӗ. Административлӑ-территориллӗ органсен тата обществӑпа политика ҫыхӑнӑвӗсен управленийӗн ертсе пыракан специалисчӗн должноҫӗнчен пуҫланӑ, тулашри экономика ӗҫ-хӗлӗн, регионсем хушшинчи тата тӗнчери ҫыхӑнусен ыйтӑвӗсемпе ӗҫленӗ[13]. 2000 ҫулхи чӳк уйӑхӗнче оперативлӑ-тӗрӗслев управленийӗн массӑллӑ информаци хатӗрӗсемпе регионсем хушшинчи ҫыхӑнупа хутшӑну секторӗн заведующийӗ пулса тӑнӑ[5].

2000 ҫулхи чӳк уйӑхӗнчен пуҫласа 2004 ҫулхи ака уйӑхӗччен консультант пулнӑ, тепӗр ҫултан предприятин экономика департаментӗнче пай пуҫлӑхӗн ҫумӗ, тепӗр ҫур ҫултан — налук политикин департаменчӗн ертӳҫин ҫумӗ, ҫулталӑк ҫурӑран — РФ Экономика аталанӑвӗпе суту-илӳ министерствинче(выр.)чăв. Европа ҫӗршывӗсен департаменчӗн ертӳҫин ҫумӗ пулса тӑнӑ[5][12]. 2004 ҫулхи ака уйӑхӗнче Чӑваш Республикинн президенчӗ Николай Фёдоров 34 ҫулхи Гапликова регион правительствин председателӗ туса хунӑ[5][12][14], ку пуриншӗн те кӗтменлӗх пулса тӑнӑ[15].

2009 ҫулхи нарӑс уйӑхӗнче Раҫҫей Федерацийӗн Президенчӗн патронажӗпе ӗҫлекен управлени кадрӗсен пӗрремӗш ҫӗр ертӳҫӗ йышне кӗртнӗ[12]. 2010 ҫулхи акан 2-мӗшӗнчен пуҫласа 2011 ҫулхи кӑрлач уйӑхӗччен Раҫҫей Федерацийӗн Правительствин аппарачӗн ертӳҫин ҫумӗ пулнӑ, тӳрремӗнех Сергей Собянина пӑхӑнса тӑнӑ[16]. 2011 ҫулхи кӑрлачӑн 31-мӗшӗнчен пуҫласа 2014 ҫулхи авӑнӑн 3-мӗшӗччен «Олимпстрой» патшалӑх компанийӗн президенчӗ пулнӑ, вӑл объектсене 2014 хӗллехи Олимп вӑййисене(выр.)чăв. хатӗрлес енӗпе ӗҫленӗ. 2014 ҫулта Гапликов РФ ҫут ҫанталӑк ресурсӗсен ҫӗнӗ министрӗ пуласси[17], 2015 ҫул пуҫламӑшӗнче — Чӑваш Республикин пуҫлӑхӗ пулма хӑйӗн кандидатурине тӑратасси[18] пирки ҫыркаланӑ. Анчах та икӗ тӗслӗхре те хыпар ҫирӗпленмен.

2021 ҫулта «Ростех» тата Crocus Group компанисен «Техсити Девелопмент» пӗрлехи предприятие ертсе пыма пуҫланӑ[19][20].

Коми Республикин Пуҫлӑхӗ

2015 ҫулхи авӑнӑн 30-мӗшӗнче Раҫҫей Федерацийӗн Президенчӗ Владимир Путин Гапликова Коми Республикин Пуҫлӑхӗн тивӗҫӗсене вӑхӑтлӑха пурнӑҫлакана лартнӑ[21]: унчченхи пуҫлӑх, Вячеслав Гайзер, уголовлӑ ӗҫ фигуранчӗ пулса тӑнӑ[22]. Президент пресс-службинче Путин темиҫе вариантран суйласа Гапликова мала хунине, ку суйлава «унӑн професси тата харпӑр пахалӑхӗсене тӗпе хурса» тунине пӗлтернӗ[17].

undefined

2016 ҫулхи ҫулла «Пӗрлӗхлӗ Раҫҫей» партирен регион пуҫлӑхӗн вырӑнне кандидата тӑратнӑ, авӑнӑн 18-мӗшӗнче вара сасӑлава хутшӑннӑ Коми Республикинче пурӑнакан 281 141 ҫынран 174 567[23] сасӑ пухса суйлавра ҫӗнтернӗ. Суйлавҫӑсен 40,67 % суйлава хутшӑннӑ, ку вӑл ҫӗршыври чи пысӑк кӑтартусенчен пӗри пулнӑ[24]. Гапликовшӑн сасӑлакансен 62,17 % сасӑланӑ[25].

2016 ҫулхи авӑнӑн 22-мӗшӗнче Коми Республикин Пуҫлӑхӗн должноҫне кӗнӗ. Должноҫа кӗнин чаплӑ церемонийӗ Коми Республикин Патшалӑх канашӗн сессийӗн ларӑвӗнче иртнӗ. Гапликов присягӑна икӗ чӗлхепе — комилле тата вырӑсла — каланӑ[26].

Коми Республикине ертсе пынӑ вӑхӑтра общество организацийӗсем, хастарсем тата халӑх енчен час-часах критикленӗ, харкашусене хутшӑннӑ. Общественность[27] енчен час-часах Гапликова отставкӑна яма чӗнсе каланисем илтӗннӗ[28].

2020 ҫулхи ака уйӑхӗн 2-мӗшӗнче регионта кӑшӑлвирус анлӑ сарӑлнипе[29] отставкӑна каясси пирки пӗлтернӗ. «Вӑрах та тимлӗ шухӑшланӑ хыҫҫӑн» ҫак йышӑнӑва йышӑнтӑм тесе каланӑ вӑл[30][31].

2019 ҫулхи кӑрлачӑн 26-мӗшӗнчен «Пӗрлӗхлӗ Раҫҫей» парти Коми регионти политика канашӗн президиумӗн пайташӗ[32].

Класс чинӗ

Раҫҫей Федерацийӗн 2 класлӑ чӑн патшалӑх канашҫи (2010 ҫулхи юпан 9-мӗшӗнчен)[33].

Хисепӗсем

Критика

Чӑваш Республикинн правительствине ертсе пынӑ чух

Чӑваш Республикин премьер-министрӗн постӗнче Гапликов «Тойота» автомобильсене пухакан завод тӑвас енӗпе тупӑшлӑ проект илеймен[39], Чӑваш Енри ял хуҫалӑхӗ вара вӑл ертсе пынӑ вӑхӑтра япӑхса кайнӑ[9].

Чӑваш политикӗсем Сергей Гапликов Чӑваш Республикине мӗнле те пулин пысӑк усӑ кӳмен, социаллӑ пурнӑҫпа экономика блокӗнче тата республика экономикин чӑн секторӗнче ултӑ ҫул хушшинче ним лайӑххипе те палӑрман тесе шутланӑ[39].

Сергей Гапликов премьер-министр чухне интервью паман, информаци уҫлӑхӗнче вара Чӑваш Республикин УФАС пуҫлӑхӗ Вячеслав Борисов пирки харкашуллӑ эпитетсем каланипе уйрӑмах асра юлнӑ[39][40][41].

Олимпстрой

2013 ҫулхи пушӑн 6-мӗшӗнче Раҫҫей Федерацийӗн Шутлав палатин(выр.)чăв. пуҫлӑхӗ Сергей Степашин(выр.)чăв. Федераци Канашӗнче «Олимпстрой» патшалӑх корпорацин 2012 ҫулхи ӗҫ-хӗлне тӗрӗслени ҫинчен отчетпа тухса калаҫнӑ (Сергей Гапликов 2011 ҫулхи кӑрлачӑн 31-мӗшӗнчен пуҫласа «Олимпстрой» корпорацие ертсе пынӑ). Унта, сӑмахран, ҫапла каланӑ:

Тӗрӗслев корпорацин должноҫри ҫыннисем кӑтартнӑ спорт объекчӗсен смета хакне сӑлтавсӑр ӳстерсе янӑ. Пӗтӗмӗшле илсен спорт объекчӗсен смета хакӗ 15,5 млрд тенкӗ хакланнӑ»[42][43].

Шутлав палатин отчёчӗн материалӗсенче ҫавӑн пекех Сочири чылай объект «патшалӑх экспертизине тухманни» пирки те каланӑ. Счёт палатин аудиторӗсен шучӗпе, смета хакланнӑшӑн «Олимпстрой» патшалӑх корпорацин топ-менеджерӗсем, ҫав шутра Сергей Гапликов та, яваплӑ. «Олимпстрой» корпораци пресс-службӑн хӑйӗн заявленийӗнче ҫак айӑплава йышӑнман. Ҫапах та Сочи шалти ӗҫсен управленийӗн следстви управленийӗ «Олимпстройри» тӗрӗслев тӑрӑх 2012 ҫулхи ҫӗртмен 22-мӗшӗнче виҫӗ уголовлӑ ӗҫ пуҫарнӑ[42][44]. 2013 ҫулхи нарӑс уйӑхӗн пуҫламӑшӗнче РФ президенчӗ Владимир Путин Сочири олимп стройкине критикленӗ. Патшалӑх пуҫлӑхӗ Олимп комитечӗн вице-президентне, ҫавӑн пекех «Ҫурҫӗр Кавказри курортсен» пуҫлӑхне Ахмед Билалова пур должноҫран та хӑтарма хушнӑ[45].

Коми Республикине ертсе пынӑ чух

Коми Республикин Правительствин Гапликов ертсе пынипе 2015 ҫулхи юпан 23-мӗшӗнче иртнӗ пӗрремӗш ларӑвӗнче Коми Республикин патшалӑх влаҫӗн органӗсен 19 ертӳҫине выговорсемпе тата асӑрхаттарусем панӑ, ҫавӑн пекех Коми Республикин физкультурӑпа спорт агентствин ертӳҫине Степан Чуракова должноҫри тивӗҫӗсене тӳрккес пурнӑҫланӑшӑн ӗҫрен хӑтарнӑ[46][47].

Гапликова суйлав кампанийӗ вӑхӑтӗнчех критиклеме тытӑннӑ. Ун ан суйлав умӗнхи «Республикӑна ҫӗнӗрен чӗртсе тӑратмалли программа» ячӗпе те, тӗп тезиссемпе те Коми Республикин унчченхи ертӳҫин Вячеслав Гайзерӑн программипе питӗ пӗрешкел пулнӑ. Регионӑн хӑш-пӗр обществӑлла деятелӗсем (сӑмахран, Егор Русский) ӑна пурнӑҫласси пирки иккӗленнӗ, «Республикӑна ҫӗклес ӗмӗтсем» ят панӑ[48]. Каярах Гапликова иккӗленӳллӗ кадр йышӑнӑвӗсемшӗн пӗрре кӑна мар лекнӗ. Сӑмахран, 2016 ҫулхи кӗркунне регион правительствинче ҫӗнӗ должноҫ — вице-премьера статусӗллӗ «Комин ятарлӑ представителӗ»[49] — кӗртнӗ, ҫак должноҫа Чечен-Ингуш Республикинче ҫуралса ӳснӗ Джамал-Лейла Яндиева лартнӑ[50][51]. 2016 ҫулхи чӳкӗн 28-мӗшӗнче Коми Республикин Пуҫлӑхӗн 383-мӗш №-лӗ хушӑвӗпе Коми Республикин культура, туризм тата архив ӗҫӗн министрӗ вырӑнне 23 ҫулхи юрӑҫа тата Ухта хулин культура керменӗн директорне Сергей Емельянова лартнӑ (2016 ҫулхи юпан 21-мӗшӗнчен — министр тивӗҫӗсене пурнӑҫлакан)[52].

2016 ҫулхи кӗркунне Гапликова промышленноҫпа ҫутҫанталӑк министерствисене пӗрлештерессишӗн те критикленӗ: специалистсем ҫакӑ интерессен хирӗҫӳлӗхне ҫуратассине тата экологие сиен кӳрессине палӑртнӑ[53]. Протестлӑ акцисемпе референдум йӗркелеме хӑтланнӑ хыҫҫӑн республика пуҫлӑхӗн ҫут ҫанталӑк министерствине ҫӗнӗрен йӗркелеме тивнӗ[54]. 2017 ҫулта критика вӑйланнӑ. Нарӑсӑ 16-мӗшӗнче иртнӗ пресс-конференцире унӑн эрни-эрнипе Мускавра пулнӑшӑн, суйлав умӗнхи шантарнисене пурнӑҫлама хал ҫитерейменшӗн тӳрре тухма тивнӗ[55]. Общественноҫа критиклеме[56] вӑрҫӑ ҫапӑҫӑвӗсене хутшӑннисене, «афганецсене», паракан компенсацисене пӑрахӑҫлани, ҫавӑн пекех Коми Республикин 144-РЗ № саккунне йышӑнни[57], вӑл чылай ҫемьене шкул умӗнхи учрежденисемшӗн ашшӗ-амӑш тӳлевне компенсацилесси ҫинчен, хушма сӑлтавсем пулса тӑнӑ. Ака уйӑхӗн 5-мӗшӗнче Ухта хулинче, вӑл республикӑра пысӑкӑшӗпе иккӗмӗш вырӑнта, 144-мӗш саккуна пӑрахӑҫланӑшӑн митинг иртнӗ, унта ашшӗ-амӑшӗ ачисемпе тухнӑ[58]. Ҫу уйӑхӗн пуҫламӑшӗнче 144-РЗ № саккуна хирӗҫ пулнине Сыктывкар, Ухта тата Печора ҫыннисем пӗлтернӗ[59]. Change.org онлайн-платформӑра саккуна пӑрахӑҫлассишӗн петици алӑ пусассине йӗркеленӗ.

2018 ҫулхи пушӑн 28-мӗшӗнче Гапликова отставкӑна ярасси пирки общественность пуҫару йӗркеленӗ. Хӑш-пӗр претензисен шутӗнче: республика правительствинче Гайзер командинчи ҫынсем пулни, ҫапӑҫусене хутшӑннисене ҫӑмӑллӑхсем паманни, сахал тупӑшлӑ ҫемьесене субсидисӗр хӑварни, ЖКХ тарифӗсем ӳсни, «Газпром» компанине налук ҫӑмӑллӑхӗсем парса республикӑн бюджетне пысӑк укҫа-тенкӗсӗр хӑварни, 2018 ҫулти Раҫҫей президенчӗн суйлавӗнче суйлавҫӑсене укҫалла илӗртме хӑтланни, республикӑна «вахта мелӗпе» ертсе пыни (кӗпӗрнаттӑра Мускава тӑтӑш ҫӳрени, ӗҫ вырӑнӗнче пӗрмай ҫук тесе айӑпланӑ)[60][61].

Массӑллӑ протестсем регионта Архангельск облаҫӗпе Коми чиккинчи Шиес станцийӗнче ҫӳп-ҫап полигонӗ тумалли плансене пула, ҫавӑн пекех регионти каяшсене илсе тухмалли тарифне ӳстернипе пуҫланнӑ[62]. 2018 ҫулхи ҫурла уйӑхӗнче тата 2019 ҫулхи ака уйӑхӗнче Сыктывкарьте митингсем иртнӗ, ҫитменнине акан 7-мӗшӗнче хирӗҫлекенсем 2011 ҫултанпа пӗрремӗш хут Коми пуҫлӑхӗн администрацийӗ умӗнчи Стефанов лапамӗнче акци ирттернӗ, унта митингсем ирттерме чарнӑ. Вӗҫленсен акцие хутшӑнакансем администрацин алӑк хӑлӑпӗсенче Гапликова резолюци хӑварнӑ, мӗншӗн тесен ҫурт хупӑ пулнӑ[63].

Харпӑрлӑх

2015 ҫулхи тупӑшсем ҫинчен калакан деклараципе килӗшӳллӗн, Гапликов харпӑрлӑхӗнче 65,0 м² лаптӑклӑ хваттерӗн 1/5 пайӗ пулнӑ; 2015 ҫулшӑн тупӑш 7 232 869,48 тенкӗпе танлашнӑ, ҫав шутра транспорт хатӗрне сутнин тупӑшӗ — 2 990 000,00 тенкӗ. Гапликовӑн мӑшӑрӗпе ҫул ҫитмен ачин харпӑрлӑхӗнче, ҫак деклараципе килӗшӳллӗн, 65,0 м² лаптӑклӑ хваттерӗн 1/5 пайӗ (кашнин) пулнӑ. Мӑшӑрӗн уйрӑм харпӑрлӑхӗнче Mercedes-Benz GLA 250 4Matic ҫӑмӑл автомобиль; унӑн тупӑшӗ 2015 ҫулшӑн 619 145,61 тенкӗпе танлашнӑ[64][65].

2016 ҫулта Сергей Гапликовӑн тупӑшӗ 9 122 714,16 тенкӗпе[66], 2017 — 9 350 566,59 тенкӗпе[67], 2018 — 9 918 045,48 тенкӗпе[68] танлашнӑ.

Харпӑр пурнӑҫ

Ҫемье Мускавра пурӑнать[69].

Арӑмӗ — Гапликова Галина Евгеньевна, кил хуҫи арӑмӗ; хӗрӗ — Гапликова Дарья Сергеевна; ывӑлӗ — Гапликов Александр Сергеевич.

Ӑнлантарусем

  1. ^ Сергей Анатольевич Гапликов. Биографическая справка. Пӑхнӑ кун: 2025 ҫулхи юпан 16-мӗшӗ. Архивланӑ 2014 ҫулхи нарӑсӑн 22-мӗшӗ.
  2. ^ Глава Республики Коми — Сергей Анатольевич Гапликов. Пӑхнӑ кун: 2025 ҫулхи юпан 16-мӗшӗ. оригиналтан архивланӑ 2011 ҫулхи нарӑсӑн 15-мӗшӗ.
  3. ^ Откровения десантника Сергея Гапликова | Газета «Трибуна». www.tribuna.nad.ru. Пӑхнӑ кун: 2025 ҫулхи юпан 16-мӗшӗ. Архивланӑ 2019 ҫулхи кӑрлачӑн 20-мӗшӗ.
  4. ^ Сергей Гапликов - «КП»: Ночью сплю три часа. Мой режим дня - минута на объект. 2020 ҫулхи акан 10-мӗшӗнче архивланӑ. Тӗрӗсленӗ: 2025 ҫулхи юпан 16-мӗшӗ.
  5. ^ 1, 2, 3, 4, 5, 6 "Олимпстрой" возглавил Сергей Гапликов. 2017 ҫулхи акан 9-мӗшӗнче архивланӑ. Тӗрӗсленӗ: 2025 ҫулхи юпан 16-мӗшӗ.
  6. ^ Губанова Е. Терпи, казак, атаманом будешь. 1460 дней Сергей Гапликов во власти. «Медиакратия» (29 акан 2008). Пӑхнӑ кун: 2025 ҫулхи юпан 16-мӗшӗ. оригиналтан архивланӑ 2017 ҫулхи акан 9-мӗшӗ.
  7. ^ Несколько любопытных фактов о новом врио главы Коми. 2017 ҫулхи акан 9-мӗшӗнче архивланӑ. Тӗрӗсленӗ: 2025 ҫулхи юпан 16-мӗшӗ.
  8. ^ 1, 2 Биография. Официальный портал Республики Коми. Пӑхнӑ кун: 2025 ҫулхи юпан 16-мӗшӗ. Архивланӑ 2016 ҫулхи юпан 2-мӗшӗ.
  9. ^ 1, 2, 3 Руководить Коми будет Сергей Гапликов - человек Собянина и Лужкова. 2017 ҫулхи авӑнӑн 7-мӗшӗнче архивланӑ. Тӗрӗсленӗ: 2017 ҫулхи акан 7-мӗшӗ.
  10. ^ 1, 2 Сергей Гапликов возглавил Республику Коми. 2017 ҫулхи акан 9-мӗшӗнче архивланӑ. Тӗрӗсленӗ: 2017 ҫулхи акан 7-мӗшӗ.
  11. ^ Сергей Гапликов: «Я надеюсь, это понятно»?. 2017 ҫулхи акан 24-мӗшӗнче архивланӑ. Тӗрӗсленӗ: 2017 ҫулхи акан 7-мӗшӗ.
  12. ^ 1, 2, 3, 4 Чем известен Сергей Гапликов. ИА «БНК» (1 юпан 2015). Пӑхнӑ кун: 2017 ҫулхи акан 8-мӗшӗ. Архивланӑ 2015 ҫулхи юпан 10-мӗшӗ.
  13. ^ "Олимпстрой" возглавил Сергей Гапликов. Справка ИА REGNUM. ИА REGNUM (1 нарӑсӑн 2011). Пӑхнӑ кун: 2020 ҫулхи акан 10-мӗшӗ. Архивланӑ 2020 ҫулхи акан 10-мӗшӗ.
  14. ^ Руководители Правительства Чувашии gov.cap.ru. Пӑхнӑ кун: 2011 ҫулхи утӑн 29-мӗшӗ. Архивланӑ 2014 ҫулхи нарӑсӑн 21-мӗшӗ.
  15. ^ Виктор Иванов. Журналисты Чувашии охарактеризовали врио главы Коми Гапликова позитивно, а «оппозиционные» политики — не очень, 7x7 (2015-10-12). 2020 ҫулхи утӑн 12-мӗшӗнче архивланӑ. Тӗрӗсленӗ: 2020 ҫулхи утӑн 12-мӗшӗ.
  16. ^ Потенциал в наследство , Wayback Machine çинчи 2010 ҫулхи акан 9-мӗшӗнчи копийӗ // Коммерсантъ.
  17. ^ 1, 2 Путин назначил врио главы Коми. Им стал Сергей Гапликов, 7x7 (2015-09-30). 2020 ҫулхи ҫӗртмен 30-мӗшӗнче архивланӑ. Тӗрӗсленӗ: 2020 ҫулхи утӑн 12-мӗшӗ.
  18. ^ Виктор Иванов. Кто такой врио главы Коми Сергей Гапликов?, 7x7 (2015-10-01). 2020 ҫулхи утӑн 12-мӗшӗнче архивланӑ. Тӗрӗсленӗ: 2020 ҫулхи утӑн 12-мӗшӗ.
  19. ^ Крупнейший бизнес-парк России появится на северо-западе Москвы в 2025 году (выр.). РИА Новости (1 чӳкӗн 2021). Пӑхнӑ кун: 2025 ҫулхи юпан 14-мӗшӗ.
  20. ^ Бывший глава Коми возглавил совместный проект «Ростеха» и Crocus Group (выр.). РБК (11 пушӑн 2021). Пӑхнӑ кун: 2025 ҫулхи юпан 14-мӗшӗ.
  21. ^ Сергей Гапликов назначен временно исполняющим обязанности главы Республики Коми. Владимир Путин подписал Указ «Об исполняющем обязанности Главы Республики Коми». Сайт Президента России (30 авӑнӑн 2015). Пӑхнӑ кун: 2017 ҫулхи акан 8-мӗшӗ. Архивланӑ 2016 ҫулхи пушӑн 5-мӗшӗ.
  22. ^ Указ Президента Российской Федерации от 30.09.2015 г. № 496 (выр.). Президент России. Пӑхнӑ кун: 2019 ҫулхи кӑрлачӑн 20-мӗшӗ. Архивланӑ 2019 ҫулхи кӑрлачӑн 20-мӗшӗ.
  23. ^ В Коми на выборах главы победу одержал Сергей Гапликов. komiinform.ru. Пӑхнӑ кун: 2017 ҫулхи пушӑн 20-мӗшӗ. Архивланӑ 2017 ҫулхи ҫурлан 1-мӗшӗ.
  24. ^ Виктор Иванов. Второго тура по выборам главы Коми не будет: победил Гапликов, 7x7 (2016-09-19). 2020 ҫулхи утӑн 12-мӗшӗнче архивланӑ. Тӗрӗсленӗ: 2020 ҫулхи утӑн 12-мӗшӗ.
  25. ^ Сведения о проводящихся выборах и референдумах. Пӑхнӑ кун: 2017 ҫулхи акан 30-мӗшӗ. Архивланӑ 2018 ҫулхи авӑнӑн 15-мӗшӗ.
  26. ^ Сергей Гапликов вступил в должность главы Коми (выр.). РИА Новости (22 авӑнӑн 2016). Пӑхнӑ кун: 2019 ҫулхи кӑрлачӑн 20-мӗшӗ. Архивланӑ 2019 ҫулхи кӑрлачӑн 20-мӗшӗ.
  27. ^ Жители Коми о возможной отставке Сергея Гапликова: «Господи, ты существуешь!» (выр.). pg11.ru. Пӑхнӑ кун: 2020 ҫулхи ҫӗртмен 25-мӗшӗ. Архивланӑ 2020 ҫулхи ҫӗртмен 26-мӗшӗ.
  28. ^ В Коми активисты написали Путину с просьбой отправить в отставку Сергея Гапликова (выр.). pg11.ru. Пӑхнӑ кун: 2020 ҫулхи ҫӗртмен 25-мӗшӗ. Архивланӑ 2018 ҫулхи акан 9-мӗшӗ.
  29. ^ После скандала с 53 зараженными коронавирусом в одной больнице глава Республики Коми подал в отставку | Вечерняя Казань. www.evening-kazan.ru. Пӑхнӑ кун: 2020 ҫулхи ҫӗртмен 25-мӗшӗ. Архивланӑ 2020 ҫулхи ҫӗртмен 26-мӗшӗ.
  30. ^ Даниил Кузнецов, Дмитрий Степановский. Глава Коми Сергей Гапликов объявил об уходе в отставку, 7x7 (2020-04-02). 2020 ҫулхи акан 6-мӗшӗнче архивланӑ. Тӗрӗсленӗ: 2020 ҫулхи утӑн 12-мӗшӗ.
  31. ^ Глава Республики Коми Сергей Гапликов уходит в отставку (выр.). Газета.Ru. Пӑхнӑ кун: 2020 ҫулхи ҫӗртмен 25-мӗшӗ. Архивланӑ 2020 ҫулхи ҫӗртмен 25-мӗшӗ.
  32. ^ Глава Республики Коми вошел в состав регионального политсовета. Пӑхнӑ кун: 2019 ҫулхи нарӑсӑн 2-мӗшӗ. Архивланӑ 2019 ҫулхи нарӑсӑн 2-мӗшӗ.
  33. ^ Указ Президента Российской Федерации от 9 октября 2010 года № 1224 «О присвоении классных чинов государственной гражданской службы Российской Федерации федеральным государственным гражданским служащим Аппарата Правительства Российской Федерации» , Wayback Machine çинчи 2014 ҫулхи нарӑсӑн 22-мӗшӗнчи копийӗ
  34. ^ Награждённые государственными наградами Российской Федерации. Пӑхнӑ кун: 2014 ҫулхи пушӑн 31-мӗшӗ. Архивланӑ 2014 ҫулхи пушӑн 24-мӗшӗ.
  35. ^ Указ Президента Российской Федерации от 18 августа 2010 года № 1019 «О награждении государственными наградами Российской Федерации» , Wayback Machine çинчи 2014 ҫулхи нарӑсӑн 22-мӗшӗнчи копийӗ
  36. ^ Распоряжение Правительства Российской Федерации от 23 апреля 2012 года № 625-р «Об объявлении благодарности Правительства Российской Федерации»
  37. ^ Госкорпорацией будет рулить четвёртый по счету руководитель — 40-летний Сергей Гапликов. Пӑхнӑ кун: 2020 ҫулхи утӑн 16-мӗшӗ. Архивланӑ 2019 ҫулхи кӑрлачӑн 20-мӗшӗ.
  38. ^ Святейший Патриарх Кирилл совершил молебен в храме Нерукотворного Образа Спасителя в Сочи. Пӑхнӑ кун: 2014 ҫулхи нарӑсӑн 6-мӗшӗ. Архивланӑ 2014 ҫулхи нарӑсӑн 9-мӗшӗ.
  39. ^ 1, 2, 3 Итоги недели: Назначения экс-руководства Чувашии и новое правительство. 2017 ҫулхи акан 9-мӗшӗнче архивланӑ. Тӗрӗсленӗ: 2017 ҫулхи акан 7-мӗшӗ.
  40. ^ Чувашское УФАС проигрывает Ладыкову войну за уплотнительную застройку. Пӑхнӑ кун: 2017 ҫулхи акан 7-мӗшӗ. Архивланӑ 2017 ҫулхи акан 9-мӗшӗ.
  41. ^ Неугомонному парню дали по голове: обзор СМИ Чувашии. 2017 ҫулхи акан 9-мӗшӗнче архивланӑ. Тӗрӗсленӗ: 2017 ҫулхи акан 7-мӗшӗ.
  42. ^ 1, 2 "Олимпстрой" отверг обвинения в причастности к удорожанию объектов ОИ. 2017 ҫулхи акан 9-мӗшӗнче архивланӑ. Тӗрӗсленӗ: 2017 ҫулхи акан 7-мӗшӗ.
  43. ^ Олимпийский вид смет. 2017 ҫулхи акан 9-мӗшӗнче архивланӑ. Тӗрӗсленӗ: 2017 ҫулхи акан 7-мӗшӗ.
  44. ^ Первые уголовные дела по Олимпийским стройкам. Пӑхнӑ кун: 2017 ҫулхи акан 7-мӗшӗ. Архивланӑ 2017 ҫулхи акан 9-мӗшӗ.
  45. ^ Счетная палата обвинила "Олимпстрой" в удорожании объектов Игр-2014. 2017 ҫулхи акан 9-мӗшӗнче архивланӑ. Тӗрӗсленӗ: 2017 ҫулхи акан 7-мӗшӗ.
  46. ^ Правительство Коми массово заработало замечания и выговоры (23 юпан 2015). Пӑхнӑ кун: 2017 ҫулхи акан 7-мӗшӗ. Архивланӑ 2015 ҫулхи юпан 24-мӗшӗ.
  47. ^ Врио главы Коми устроил разнос правительству региона за "вопиющий бардак". 2015 ҫулхи чӳкӗн 27-мӗшӗнче архивланӑ. Тӗрӗсленӗ: 2017 ҫулхи акан 7-мӗшӗ.
  48. ^ Николай Цхадая: «Ухта - первый город Республики Коми». www.bnkomi.ru. Пӑхнӑ кун: 2017 ҫулхи ҫӑвӑн 16-мӗшӗ. Архивланӑ 2016 ҫулхи авӑнӑн 11-мӗшӗ.
  49. ^ Спецпредставителем Коми стал выходец из Олимпийского комитета России Джамала-Лейла Яндиев. 7x7-journal.ru. Пӑхнӑ кун: 2017 ҫулхи пушӑн 20-мӗшӗ. Архивланӑ 2017 ҫулхи пушӑн 20-мӗшӗ.
  50. ^ Джамал-Лейла Яндиев станет спецпредставителем Коми — Усинск Онлайн. Пӑхнӑ кун: 2020 ҫулхи утӑн 16-мӗшӗ. Архивланӑ 2019 ҫулхи чӳкӗн 21-мӗшӗ.
  51. ^ Госсовет Коми познакомился с Джамалой-Лейлой Яндиевым " БНК. Пӑхнӑ кун: 2017 ҫулхи ҫӑвӑн 14-мӗшӗ. Архивланӑ 2017 ҫулхи юпан 1-мӗшӗ.
  52. ^ Сергей Емельянов назначен на должность министра культуры, туризма и архивного дела Республики Коми. Новости. Официальный портал Республики Коми (28 чӳкӗн 2016). Пӑхнӑ кун: 2017 ҫулхи акан 7-мӗшӗ. Архивланӑ 2017 ҫулхи акан 7-мӗшӗ.
  53. ^ Максим Поляков. Бывший глава Минпрома Коми Самоделкин: Логику объединения Минпрома и Минприроды мне сложно понять, 7x7 (2016-10-25). 2020 ҫулхи утӑн 12-мӗшӗнче архивланӑ. Тӗрӗсленӗ: 2020 ҫулхи утӑн 12-мӗшӗ.
  54. ^ Виктор Иванов. Глава Коми Гапликов поручил воссоздать министерство природных ресурсов и охраны окружающей среды, 7x7 (2017-06-13). 2020 ҫулхи ҫурлан 13-мӗшӗнче архивланӑ. Тӗрӗсленӗ: 2020 ҫулхи утӑн 12-мӗшӗ.
  55. ^ Большая пресс-конференция Сергея Гапликова. komionline.ru. Пӑхнӑ кун: 2017 ҫулхи пушӑн 20-мӗшӗ. Архивланӑ 2017 ҫулхи нарӑсӑн 18-мӗшӗ.
  56. ^ Ветераны боевых действий Сыктывдинского района возмущены сокращением льгот на оплату ЖКУ. komiinform.ru. Пӑхнӑ кун: 2017 ҫулхи ҫӑвӑн 16-мӗшӗ. Архивланӑ 2017 ҫулхи акан 21-мӗшӗ.
  57. ^ О ВНЕСЕНИИ ИЗМЕНЕНИЯ В ЗАКОН РЕСПУБЛИКИ КОМИ «ОБ ОБРАЗОВАНИИ», Закон Республики Коми от 20 декабря 2016 года № 144-РЗ. Пӑхнӑ кун: 2017 ҫулхи ҫӑвӑн 14-мӗшӗ. Архивланӑ 2017 ҫулхи ҫӑвӑн 25-мӗшӗ.
  58. ^ Ухтинцы высказались за отмену 144-РЗ. www.bnkomi.ru. Пӑхнӑ кун: 2017 ҫулхи ҫӑвӑн 16-мӗшӗ. Архивланӑ 2019 ҫулхи кӑрлачӑн 20-мӗшӗ.
  59. ^ Троянская коляска: родители Сыктывкара и Ухты на Первомае требовали отмены 144-го закона. komionline.ru. Пӑхнӑ кун: 2017 ҫулхи ҫӑвӑн 16-мӗшӗ. Архивланӑ 2017 ҫулхи ҫӑвӑн 9-мӗшӗ.
  60. ^ Общественники Коми начали сбор подписей за отставку главы республики Сергея Гапликова. Пӑхнӑ кун: 2018 ҫулхи акан 9-мӗшӗ. Архивланӑ 2018 ҫулхи акан 9-мӗшӗ.
  61. ^ В Коми активисты написали Путину с просьбой отправить в отставку Сергея Гапликова. Пӑхнӑ кун: 2018 ҫулхи акан 9-мӗшӗ. Архивланӑ 2018 ҫулхи акан 9-мӗшӗ.
  62. ^ Карина Заболотная. «Весь московский мусор будет гнить тут». На митинге КПРФ в Коми протестовали против нового полигона в Архангельской области для отходов из столицы, 7x7 (2018-08-25). 2020 ҫулхи утӑн 5-мӗшӗнче архивланӑ. Тӗрӗсленӗ: 2020 ҫулхи утӑн 5-мӗшӗ.
  63. ^ «Шиес — наш Сталинград». После антимусорного митинга в Сыктывкаре депутат Госсовета Коми Михайлов попытался отдать резолюцию главе республики Гапликову. Пӑхнӑ кун: 2019 ҫулхи ҫӑвӑн 13-мӗшӗ. Архивланӑ 2020 ҫулхи ҫӑвӑн 12-мӗшӗ.
  64. ^ Сведения о доходах, расходах, об имуществе и обязательствах имущественного характера лиц, замещающих государственные должности Республики Коми в системе исполнительной власти Республики Коми, и членов их семей за период с 1 января по 31 декабря 2015 года. Официальный портал Республики Коми (15 акан 2016). Пӑхнӑ кун: 2017 ҫулхи акан 8-мӗшӗ. Архивланӑ 2017 ҫулхи нарӑсӑн 10-мӗшӗ.
  65. ^ Катерина Клепиковская. Сколько заработали кандидаты на пост главы Коми, 7x7 (2016-09-02). 2020 ҫулхи ҫӗртмен 30-мӗшӗнче архивланӑ. Тӗрӗсленӗ: 2020 ҫулхи утӑн 12-мӗшӗ.
  66. ^ Сведения о доходах, расходах, об имуществе и обязательствах имущественного характера лиц, замещающих государственные должности Республики Коми в системе исполнительной власти Республики Коми, и членов их семей за период с 1 января по 31 декабря 2016 года. Официальный портал Республики Коми. Пӑхнӑ кун: 2017 ҫулхи ҫӑвӑн 22-мӗшӗ. Архивланӑ 2017 ҫулхи утӑн 10-мӗшӗ.
  67. ^ За 2017 год Глава Коми Сергей Гапликов заработал 9 миллионов рублей. Пӑхнӑ кун: 2019 ҫулхи ҫӑвӑн 13-мӗшӗ. Архивланӑ 2019 ҫулхи ҫӑвӑн 13-мӗшӗ.
  68. ^ Глава Коми обнародовал свои доходы за 2018 год. Пӑхнӑ кун: 2019 ҫулхи ҫӑвӑн 13-мӗшӗ. Архивланӑ 2019 ҫулхи ҫӑвӑн 13-мӗшӗ.
  69. ^ Вера Сидорова. Факты и слухи про Сергея Гапликова. «Комсомолка» публикует топ фактов о врио главы Коми. «Комсомольская правда» (1 юпан 2015). Пӑхнӑ кун: 2017 ҫулхи акан 8-мӗшӗ. Архивланӑ 2017 ҫулхи акан 9-мӗшӗ.

Каҫӑсем

Темӑпа ҫыхӑннисем

Категорисем