Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Емельянов Николай Иванович

Disambig gray.svg Емельянов хушаматлă урăх çынсем çинчен РУВИКИ-ре статьясем пур.

Емельянов Николай Иванович (ҫур. 1953 ҫулхи раштавӑн 10-мӗшӗ, Алексеевское[d], Тутар Автономиллĕ Социализмла Совет Республики) — Шупашкар хулин хӑйтытӑмлӑх пуҫлӑхӗ, 2010 ҫултан пуҫласа 2011 ҫулччен Шупашкар хула администрацийӗн пуҫлӑхӗ.

Пурнӑҫӗ

Пӗлӳ илни

1976 ҫулта И. Н. Ульянов ячӗллӗ Чӑваш патшалӑх университетӗнчен вӗренсе тухнӑ.

1994 ҫулта Санкт-Петербургский техника университетӗнче «Экономист-менеджер» специальноҫӗ алла илнӗ[1].

Ӗҫӗ-хӗлӗ

  • 1976 — Ленин ячӗллӗ Свердловск облаҫӗн Тури Салдинӑри металл тирпейлекен савутӑн электромеханикӗ[1].
  • 1979 — Шупашкарти «Росавтоматстром» пӗрлешӗвӗн инженер-конструкторӗ.
  • 1981 — аслӑ мастер, Шупашкарти агрегат савутӗнче цех пуҫлӑхӗн ҫумӗ.
  • 1984 — Шупашкар хулин Мускав район ҫурт-йӗр производствӑпа эксплуатаци тресчӗн ЖЭУ начальникӗ, тӗп инженер, управляющийӗ.
  • 1989 — Мускав райканашӗн ӗҫтӑвком председателӗн ҫумӗ, Мускав район администраци пуҫлӑхӗн пӗрремӗш ҫумӗ, Шупашкар хула администраци пуҫлӑхӗн пӗрремӗш ҫумӗ.
  • 1997 — Шупашкарти «Водоканал» муниципаллӑ унитарлӑ производство предприятийӗн директорӗ.
  • 2002 ҫулхи ҫӗртмен, 4-мӗшӗнчен — Шупашкар хулин хӑйтытӑмлӑх пуҫлӑхӗ.
  • 2005 ҫулхи юпа уйӑхӗн 20-мӗшӗнчен пуҫласа 2010-мӗш ҫулччен — Шупашкар хула пуҫлӑхӗ[1].
  • 2019 ҫултан пуҫласа — «Водоканал» (Шупашкар) АО директорӗн ҫумӗ[2][3].

Наградӑсем

  • II степеньлӗ «Тӑван ҫӗршыв умӗнчи тава тивӗҫлӗ ӗҫсемшӗн» орден медалӗ (2005 ҫулхи чӳкӗн 24-мӗшӗ) — ӗҫри ҫитӗнӳсемшӗн тата нумай ҫул тӳрӗ кӑмӑлпа ӗҫленӗшӗн[4];
  • «Пӗтӗм Раҫҫейри халӑх ҫыравне ирттернӗ вӑхӑтри тава тивӗҫлӗ ӗҫсемшӗн» медаль (2003);
  • «Чӑваш Республики умӗнчи тава тивӗҫлӗ ӗҫсемшӗн» орден (2008 ҫулхи ҫурлан 17-мӗшӗ) — нумай ҫул тухӑҫлӑ ӗҫленӗшӗн тата Чӑваш Республикинчи вырӑнти хӑй тытӑмлӑха йӗркелес тата аталантарас ӗҫе чылай тӳпе хывнӑшӑн[5];
  • Чӑваш Республикин Хисеп хучӗ (2003 ҫулхи раштавӑн 1-мӗшӗ) — республика умӗнчи тава тивӗҫлӗ ӗҫсемшӗн тата нумай ҫул тухӑҫлӑ ӗҫленӗшӗн;
  • Чӑваш Республикин Промышленноҫпа транспорт министерствин Хисеп хучӗ (2003 ҫулхи раштавӑн 8-мӗшӗ) — хула промышленноҫӗпе транспорчӗн аталанӑвне пысӑк тӳпе хывнӑшӑн;
  • III степеньлӗ Сӑваплӑ благовернӑй Даниил Московский кнеҫ орденӗ (РПЦ, 2004) — Шупашкарта храмсене ҫӗклес енӗпе хастар ӗҫленӗшӗн;
  • «Шупашкар хули умӗнчи тава тивӗҫлӗ ӗҫсемшӗн» медаль (2019)[2];
  • Шупашкар хулин хисеплӗ гражданинӗ (2023)[6].

Ҫемьери лару-тӑру

Авланнӑ. 2008 ҫулта 26 ҫулти Иван ывӑлӗ автокатастрофӑра вилнӗ.

Ӑнлантарусем

  1. ^ 1, 2, 3 Емельянов, Николай Иванович (организатор производства; 10.12.1953). «Наследие Чувашии». Цифровая библиотека чувашского наследия. Пӑхнӑ кун: 2025 ҫулхи юпан 20-мӗшӗ.
  2. ^ 1, 2 «Я рад и горд, что вместе с вами мы строили и развивали Чебоксары», — Алексей Ладыков // «Нижегородское телекоммуникационное агентство» («НТА-Приволжье»). — 2019. — 22 ҫурлан. — Дата обращения: 20.10.2025.
  3. ^ Контактные данные (выр.) (АО «Водоканал»). Пӑхнӑ кун: 2025 ҫулхи юпан 20-мӗшӗ.
  4. ^ Указ Президента Российской Федерации от 24 ноября 2005 года № 1363
  5. ^ Указ Президента Чувашской Республики от 17 августа 2008 года № 82
  6. ^ Легендарному градоначальнику вручена высшая муниципальная награда Чебоксар (выр.). г. Чебоксары Чувашской Республики (20 авӑнӑн 2023). Пӑхнӑ кун: 2025 ҫулхи юпан 20-мӗшӗ.

Каçăсем

Темӑпа ҫыхӑннисем

Категорисем