Черкесов Леонид Ильич

«РУВИКИ» ирӗклӗ энциклопединчи материал
Disambig gray.svg Черкесов хушаматлă урăх çынсем çинчен РУВИКИ-ре статьясем пур.
Disambig gray.svg Черкесов Леонид хушаматлă урăх çынсем çинчен РУВИКИ-ре статьясем пур.
Ҫын пирки
Черкесов Леонид Ильич
Леонид Черкесов.jpg
Çуралнă вăхăт 13.8.1966(1966-08-13) (58 ҫулта)
Çуралнă вырăн
Альма-матер
Логотип РУВИКИ.Медиа РУВИКИ.Медиа ҫинчи материалсем

Леонид Ильич Черкесов (Раҫҫей Федерацийӗн Патшалӑх Думин VII пухӑвӗн депутачӗ, «Пӗрлӗхлӗ Раҫҫей» фракци пайташӗ. Врач-хирург, медицина ӑслӑлӑхӗсен кандидачӗ. Чӑваш Республикин тава тивӗҫлӗ тухтӑрӗ. Шупашкар хулин Пуҫлӑхӗ (2010—2016).

Кун-ҫулӗ

Пӗлӳ илни

  • Хутар вӑтам шкулӗ[2].
  • И. Н. Ульянов ячӗллӗ Чӑваш патшалӑх университечӗ, медицина факультечӗ, «Сиплев ӗҫӗ» специальноҫ[2] (1989 ҫулта вӗренсе тухнӑ).
  • 1989—1991 ҫулсенче — И. Н. Ульянов ячӗллӗ ЧПУн госпиталь хирургийӗн кафедринче клиника ординатури[2].
  • Медицина ӑслӑлӑхӗсен кандидачӗ (2002, диссертаци теми: «Магнитпа лазер терапийӗ хырӑмлӑх органӗсен ҫивӗч хирурги чирӗсемпе чирлекенсен ксантиноксидаза активлӑхӗ ҫине витӗм кӳни (экспериментлӑ клиника тӗпчевӗ)»)[3].
  • Раҫҫей Федерацийӗн Президенчӗ ҫумӗнчи патшалӑх службин Атӑл-Вятка академийӗ (2005)[4][5].

Карьера

  • 1989 — Шупашкарти агрегат савучӗн поликлиникинчи фельдшер[5].
  • 1991 — васкавлӑ медицина пулӑшӑвӗн пульницин хирурги уйрӑмӗн врач-хирургӗ.
  • 2002–2010 ҫулсенче — «7№ Хула больници» МУЗ тӗп тухтӑрӗ.
  • 2005 ҫултанпа 2010 ҫулччен — Шупашкар хулин депутатсен Пухӑвӗн 4-мӗш пухӑвӗн депутачӗ.
  • 2010 ҫулхи ҫӗртме уйӑхӗнче ӑна «Ҫӗнӗ Шупашкар хула пульници» МУЗ тӗп тухтӑрне лартнӑ[4].
  • 2010 ҫулхи юпан 10-мӗшӗнче ӑна 10-мӗш суйлав округӗнчен Шупашкар хулин депутатсен Пухӑвӗн 5-мӗш пухӑвӗн депутатне суйланӑ. Шупашкар хулин Депутатсен Пухӑвӗн секретарӗ, хула аталанӑвӗн, ҫурт тӑвӑмӑн, архитектура тата ҫӗрпе усӑ курас енӗпе ӗҫлекен яланхи комиссисен пайташӗ пулнӑ; социаллӑ аталанупа экологи енӗпе ӗҫлекен комисси пайташӗ пулнӑ.
  • 2010 ҫулхи юпан 19-мӗшӗнче Шупашкар хула пуҫлӑхне — Шупашкар хулин Депутатсен Пухӑвӗн председательне — суйланӑ.
  • Чӑваш Республикин муниципаллӑ йӗркеленӳсен канашӗн Правлени председателӗ.
  • 2015 ҫулхи авӑнӑн 28-мӗшӗнче Шупашкар хулин пуҫлӑхне — Шупашкар хулин Депутатсен Пухӑвӗн улттӑмӗш пухӑвӗн председательне — суйланӑ[4].
  • Аслӑ квалификаци категориллӗ тухтӑр.
  • 2016 ҫулхи Патшалӑх Думин VII пухӑвӗн депутатне суйланӑ[6].
  • 2016 ҫулхи юпа уйӑхӗн 4-мӗшӗнче Шупашкар хулин депутатсен Пухӑвӗн черетсӗр ларӑвӗнче Леонид Черкесов хӑй ирӗкӗпе Шупашкар хула пуҫлӑхӗн — Шупашкар хулин депутатсен Пухӑвӗн председателӗн — тивӗҫӗсене вӑхӑт тухиччен пурнӑҫлама пӑрахнӑ. Шупашкар хула пуҫлӑхӗн — Шупашкар хулин депутатсен Пухӑвӗн председателӗн — тивӗҫӗсене вӑхӑтлӑха Ирина Всеволодовна Клементьева пурнӑҫлама тытӑннӑ[7].

2016 ҫултан пуҫласа 2019 ҫулччен, Патшалӑх Думин VII пухӑвӗн депутат тивӗҫӗсене пурнӑҫланӑ май, 44 саккун пуҫарӑвӗн тата федераци саккунӗсене улшӑну кӗртессин соавторӗ пулса тӳпе хывнӑ[8].

Общество ӗҫӗ-хӗлӗ

  • «Пӗрлӗхлӗ Раҫҫей» парти пайташӗ, Шупашкар хулинчи вырӑнти партин уйрӑмӗн Вырӑнти политика канашӗн секретарь ҫумӗ[4].
  • Чӑваш Республикинчи муниципаллӑ йӗркеленӳсен канашӗн Правлени председателӗ[9].
  • Атӑлҫи тӑрӑхӗнчи хуласен Ассоциацийӗн Председатель ҫумӗ[10].
  • Раҫҫей Федераци Президенчӗн Атӑлҫи федераци округӗнчи Полномочиллӗ представителӗ ҫумӗнчи вырӑнти хӑй тытӑмлӑха аталантарас енӗпе ӗҫлекен Округри консультаци канашӗн муниципалитетсен кадр политикипе муниципалитетсен кадр резервне йӗркелес енӗпе ӗҫлекен ӗҫ ушкӑнӗн ертӳҫи.
  • Халӑх сывлӑхӗпе пурнӑҫ пахалӑхне лайӑхлатас енӗпе ӗҫлекен «Сывӑ хуласем, районсем, поселоксем» Ассоциаци Президиумӗн пайташӗ [4].
  • 2018 ҫулхи акан 13-мӗшӗнче 441399-7 №-лӗ «Америкӑри Пӗрлешӳллӗ Штатсен тата (е) ытти ют ҫӗршывсен туслӑха хирӗҫлекен ӗҫсене витӗмлемелли (хирӗҫ тӑмалли) мерӑсем ҫинчен» саккун проектне пуҫарса яракансенчен пӗри пулса тӑнӑ, унти иккӗмӗш статьяри 15-мӗш пунктра АПШ-ра, тата урӑх ют патшалӑхсенче туса кӑларнӑ эмелсене РФ лаптӑкне кӳрсе килме чарасси е кӳрсе килес тӗлӗшпе чарусем кӗртме сӗннӗ пулнӑФедераци Канашӗн социаллӑ политике енӗпе ӗҫлекен комитет[14] тата Патшалӑх Думин тӗнчери ӗҫсен енӗпе ӗҫлекен комитет критикленӗ [15].

Хисепӗсем

  • 1999 ҫулта республика шайӗнче иртнӗ конкурс кӑтартӑвӗсемпе ӑна «Чӑваш Республикинчи чи лайӑх хирург» тенӗ;
  • 2008[5] — Чӑваш Республикин тава тивӗҫлӗ тухтӑрӗ;
  • Аслӑ Ҫӗнтерӳ 65 ҫул тултарнӑ тӗле Пӗтӗм Раҫҫейри вӑрҫӑ тата ҫар службин ветеранӗсен обществӑлла организацийӗн медалӗпе чысланӑ;
  • «Чӑваш Республики умӗнчи тава тивӗҫлӗ ӗҫсемшӗн» орден медалӗпе чысланӑ[5];
  • «Шупашкар хули умӗнчи тава тивӗҫлӗ ӗҫсемшӗн» медальпе чысланӑ (2016)[7].

Ҫемье

Авланнӑ, унӑн икӗ ача: хӗрпе ывӑл[4].

Интереслӗ фактсем

Шупашкар мэрӗ Леонид Черкесов пуҫарнипе 2015 ҫулхи чӳк уйӑхӗн 30-мӗшӗнче Шупашкар хула депутачӗсен пухӑвӗн президиумӗн ларӑвӗнче Шупашкар хулипе Турцири Анталья тӑванлашни ҫинчен килӗшӗве пӗр енлӗ йӗркепе пӑрахӑҫлама йышӑннӑ[16].

Ӑнлантарусем

  1. ^ «Край родной, ты сердцу дорог…»: деревня Торханы Шумерлинского района отметила День рождения//Официальный сайт администрации Шумерлинского района (24 августа 2015 г.).
  2. ^ 1, 2 тата 3 Кандидат медицинских наук — Черкесов Леонид Ильич//Официальный сайт администрации Шумерлинского района Чувашской Республики
  3. ^ Электронный каталог диссертаций//Российская государственная библиотека
  4. ^ 1, 2, 3, 4, 5 тата 6 Черкесов Леонид Ильич, Глава города Чебоксары — председатель Чебоксарского городского Собрания депутатов. Биография//Официальный сайт Чебоксарского городского собрания депутатов
  5. ^ 1, 2, 3 тата 4 Гончарова С. В. Черкесов Леонид Ильич//Чувашская энциклопедия
  6. ^ Сведения о проводящихся выборах и референдумах / Сайт ЦИК Российской Федерации
  7. ^ 1 тата 2 По инициативе депутатов в Уставе города Чебоксары планируется закрепление полномочий главы города на непостоянной основе // Официальный сайт администрации города Чебоксары, 04 октября 2016 г.
  8. ^ Объекты законотворчества :: Система обеспечения законодательной деятельности. sozd.duma.gov.ru. Тĕрĕсленĕ 11 Ҫурла уйӑхӗн 2019.
  9. ^ Состав правления Совета муниципальных образований Чувашской Республики//Официальный сайт Совета муниципальных образований Чувашской Республики
  10. ^ Органы управления//Ассоциация городов Поволжья
  11. ^ Законопроект № 441399-7. СОЗД ГАС «Законотворчество». Тĕрĕсленĕ 7 Ҫу уйӑхӗн 2018.
  12. ^ Текст проекта федерального закона (pdf) (2018-04-13). Тĕрĕсленĕ 7 Ҫу уйӑхӗн 2018.
  13. ^ Комитет Совфеда раскритиковал инициативу о запрете импорта американских лекарств. Интерфакс (2018-04-24). Тĕрĕсленĕ 7 Ҫу уйӑхӗн 2018.
  14. ^ Из отзыва комитета на законопроект: «Предлагаемые… меры могут повлечь за собой риски необеспечения граждан РФ необходимыми лекарственными препаратами в связи с отказом от ввоза в РФ препаратов, аналоги которых не производятся на территории России, либо значительно увеличат цены на препараты, не входящие в перечень жизненно необходимых и важнейших лекарственных препаратов»[13].
  15. Lenta.ru (2018-05-03). Тĕрĕсленĕ 7 Ҫу уйӑхӗн 2018.
  16. ^ Чебоксары отказались от побратимских отношений с Антальей//Лента. Ру (3 декабря 2015)

Каҫӑсем

Çăлкуç — «https://cv.ruwiki.ru/w/index.php?title=Черкесов_Леонид_Ильич&oldid=1283688»