Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Ладыков Алексей Олегович

Ладыков Алексей Олегович (ҫур. 1977 ҫулхи ҫӗртмен 11-мӗшӗ, Шупашкар) — Раҫҫей усламҫи, регион шайӗнчи (Чӑваш Республики) патшалӑх тата муниципалитет ӗҫченӗ, ӑсчах-экономист. 2021 ҫултанпа Раҫҫей Федерацийӗн Президенчӗ ҫумӗнчи Чӑваш Республикин полномочиллӗ представителӗ пулса Чӑваш Республикин министрсен кабинетӗнче председатель ҫумӗн вырӑнне йышӑнать[1].

2011—2021 ҫулсенче — Шупашкар хула администрацийӗн пуҫлӑхӗ. Экономика ӑслӑлӑхӗсен кандидачӗ (2004). Чӑваш Республикин тава тивӗҫлӗ строителӗ (2014). «Пӗрлӗхлӗ Раҫҫей» партийӗн Шупашкар хулин вырӑнти уйрӑмӗн Вырӑнти политика канашӗн пайташӗ шутланать[2].

Биографийӗ

Ӑҫта ҫуралнӑ, пӗлӳ илни

Алексей Олегович Чӑваш АССРӗн тӗп хулинче, Шупашкарта, 1977 ҫулхи ҫӗртмен 11-мӗшӗнче ҫуралнӑ. Шупашкар хулинчи 27-мӗш шкулта пӗлӳ пухнӑ. Физика предметне вӗрентекен Артемьева Ольга Николаевна хӑйӗн аса илӗвӗнче ҫапла ҫырнӑ: «Алексей лайӑх вӗреннӗ, мал тӗллевлӗ пулнӑ, мӗн планланине яланах пурнӑҫланӑ, класра ертсе пыракан, хӑйӗн хыҫҫӑн илсе каякан ача пулнӑ»[3].

1999 ҫулта И. Н. Ульянов ячӗллӗ Чӑваш патшалӑх университечӗн экономика факультетӗнче чи лайӑх паллӑсемпе «экономика теорийӗ» специальноҫпе вӗренсе тухнӑ, унӑн «экономист» квалификаци пур. 2005 ҫулта Чулхулари менеджментпа бизнес институчӗн аспирантурине вӗренсе пӗтернӗ. 2004 ҫулта «Исследование структурно-отраслевых изменений в региональной экономической системе» темӑпа диссертаци хӳтӗлесе экономика ӑслӑлӑхӗсен кандидачӗн ӑсчах степеньне тивӗҫнӗ[4].

Усламҫӑ ӗҫӗ-хӗлӗ

2000 ҫултанпа Шупашкар хулин коммерциллӗ организацисенче ӗҫленӗ: хуралпа пушар сигнализацийӗ тӗлӗшӗнчен производствӑра ӗҫлекен «Протект» ТМЯП-ра малтан менеджер пулнӑ, кайран коммерци ыйтӑвӗсемпе ӗҫлекен директор ҫумӗ (2000—2002) пулса ӗҫленӗ, коммерци директорӗн должноҫне йышӑннӑ (2002—2011, 2005 ҫултанпа ытти вырӑна йышӑннипе пӗрле). 2002—2011 ҫулсенче «Инкрит» ТМЯП тӗп директорӗ пулнӑ. Асӑннӑ предприяти 2004 ҫулта «Ҫулталӑкри чи лайӑх пӗчӗк предприяти» диплома тивӗҫнӗ. 2004—2005 ҫулсенче ҫавӑн пекех «Строительная компания «Старатель» ТМЯП-ра (ытти вырӑнсене йышӑннипе пӗрле) коммерци ыйтӑвӗсемпе ӗҫлекен тӗп директорӗн ҫумӗ пулнӑ; 2005 ҫулта асӑннӑ фирмӑн тӗп директор вырӑнне йышӑннӑ[5].

Патшалӑх ӗҫӗнче

2005 ҫултанпа 2011 ҫулччен Шупашкар хула депутачӗсен пухӑвӗн депутачӗ пулнӑ. 2005—2010 ҫулсенче IV пухӑвӗн депутачӗ пулнӑ, 2010—2011 ҫулсенче 2 №-лӗ суйлав округӗнчен V пухӑвӗн депутатне суйланнӑ. Шупашкар хулин депутатсен пухӑвӗн депутачӗ пулнӑ май бюджет енӗпе ӗҫлекен яланхи комисси председателӗ тата хула строительствин, ҫӗр ыйтӑвӗпе тата хула территорине аталантарас енӗпе ӗҫлекен яланхи комисси членӗ пулнӑ[5].

2011 ҫулта ӑна Шупашкар хула администрацийӗн пуҫлӑхне суйланӑ. 2020 ҫулта ӑна асӑннӑ вырӑна ҫӗнӗрен суйланӑ[6]. 2020 ҫултанпа — Атӑлҫи тӑрӑхӗнчи хуласен ассоциацийӗн председатель ҫумӗ[5].

2021 ҫулта, авӑн уйӑхӗн 29-мӗшӗнче ӑна Раҫҫей Федерацийӗн Президенчӗ ҫумӗнчи Чӑваш Республикин полномочиллӗ представителӗн тивӗҫӗсене вӑхӑтлӑха пурнӑҫлама лартнӑ хыҫҫӑн, Шупашкар хулин сити-менеджерӗн должноҫӗнчен хӑйӗн кӑмӑлӗпе кайнӑ[7].

2025 ҫулхи авӑн уйӑхӗн 26-мӗшӗнче авӑн уйӑхӗн 12-14-мӗшӗсенче иртнӗ суйлавра ҫӗнтернӗ Чӑваш Республикин Пуҫлӑхӗн Олег Николаевӑн инаугурацийӗ(выр.)чăв. иртнӗ[8]. Унпа пӗрлех Олег Николаев 2025 ҫулхи авӑн 26-мешӗнчи 157-мӗш хушӑвӗпе Чӑваш Республикин Конституцийӗн 72 тата 91 статйисемпе килӗшӳллӗн Чӑваш Республикин Министрсен Кабинетне отставкӑна янӑ[9]. Министрсем ҫӗнӗ правительство пухиччен хӑйсен вырӑнӗсенче «тивӗҫӗсене пурнӑҫлакан» статуспа ӗҫлеҫҫӗ[10].

2025 ҫулхи юпа уйӑхӗн 3-мӗшӗнче Чӑваш Республикин Пуҫлӑхӗ 170-мӗш хушӑвӗпе Чӑваш Республикин Министрсен Кабинечӗн Председателӗн ҫумӗ — Раҫҫей Федерацийӗн Президенчӗ ҫумӗнчи Чӑваш Республикин полномочиллӗ представителӗ пулма ҫирӗплетнӗ[11].

2026 ҫулхи ҫу уйӑхӗнчи «Пӗрлӗхлӗ Раҫҫейӗн» Чӑваш Республикин Патшалӑх Канашне суйланма кандидата тӑратма тивӗҫлисене палӑртмалли умсасӑлавра 8-мӗш суйлав округӗпе 1-мӗш вырӑн йышӑннӑ[12].

Ӑслӑлӑхри ӗҫӗ-хӗлӗ

Ӑслӑлӑх ӗҫӗсен авторӗ шутланать.

Ҫемье тата харпӑр пурнӑҫӗ

Ҫемье тӗлӗшӗнчен: авланнӑ, икӗ ывӑл (Олег, Иван) тата хӗр (Екатерина) ӳстерет.

Мӑшӑрӗ — Татьяна Ивановна Ладыкова, И. Н. Ульянов ячӗллӗ Чӑваш патшалӑх университечӗн регионти экономикӑпа предпринимательство кафедринче доцент пулса тӑрмашать. Ун ҫине 1500 тата 1218 тӑваткал метр лаптӑклӑ икӗ ҫӗр лаптӑкне ҫырса хунӑ.

Алексей Олеговичӑн аслашшӗ, Митрофан Иванович, Тӑван Ҫӗршывӑн Аслӑ вӑрҫи витӗр тухнӑ, связист пулса ҫӑпӑҫнӑ, Курск пӗккинчи пӗлтерӗшлӗ ҫапӑҫусене хутшӑннӑ.

Критиклени

Диссернет ҫирӗплетнӗ тӑрӑх А. О. Ладыковӑн «Исследование структурно-отраслевых изменений в региональной экономической системе» диссертацийӗнче ытти ӗҫсенчен илнӗ вырӑнсем пур[13].

Наградӑсем

Алексей Олеговичӑн ҫакӑн пек наградӑсемпе хисеплӗ ятсем пур[1][5]:

  • Шупашкар хулин Депутатсен пухӑвӗн Хисеп хучӗ (2010);
  • Раҫҫей МЧСӗн «Маршал Василий Чуйков» астӑвӑм медалӗ (2012);
  • 3-мӗш степеньлӗ Саваплӑ Станислав Императорпа Патша орденӗн кавалерӗ, 22.10./4.11.2013 (4/СI-III-2013 №-лӗ хушу, Мускавра алӑ пуснӑ), Тӑван Ҫӗршыв умӗнчи тава тивӗҫлӗ ӗҫсене шута илсе тата ПИРӖН уйрӑм ырлӑха палӑртнишӗн[14];
  • Чӑваш Республики Пуҫлӑхӗн Тав сӑмахӗ (2014);
  • «Чӑваш Республикин тава тивӗҫлӗ строителӗ» хисеплӗ ят (2014);
  • Шупашкар хулин Депутатсен пухӑвӗн Хисеп хучӗ (2015);
  • «Раҫҫей патшалӑх учреждени ӗҫченӗсен Профсоюзӗ 100 ҫул тултарнӑ май» юбилей палли (2016);
  • Чӑваш Республикин ШӖМӗн Хисеп хучӗ (2017);
  • «Пӗтӗм Раҫҫейри ял хуҫалӑх ҫыравне» ирттерме хутшӑннӑшӑн» уйрӑмлӑх палли (2017);
  • РФ ПФО-ри Полномочиллӗ представителӗн Хисеп хучӗ (2018);
  • «РФ ҫар комиссариачӗсене йӗркеленӗренпе 100 ҫул ҫитни» юбилей медалӗ (2018);
  • «СНГ ҫӗршывӗсен ҫирӗп аталанӑвне тӳпе хывнӑшӑн» астӑвӑм палли-МАГ орденӗ (2018);
  • «Шупашкар хули умӗнчи тава тивӗҫлӗ ӗҫсемшӗн» медаль (2019)[15];
  • «Шупашкар хули 550 ҫул тултарнӑ ятпа» юбилей медалӗ (2019);
  • Чӑваш Республикин Патшалӑх канашӗн Хисеп хучӗ (2021);
  • «Чӑваш Республики умӗнчи тава тивӗҫлӗ ӗҫсемшӗн» орден медалӗ (2021)[16].

Ӑнлантарусем

  1. ^ 1, 2 Ладыков Алексей Олегович (выр.). Правительство Чувашской Республики. Пӑхнӑ кун: 2025 ҫулхи утӑн 3-мӗшӗ.
  2. ^ Ладыков Алексей Олегович. Тӗрӗсленӗ: 2025 ҫулхи утӑн 3-мӗшӗ.
  3. ^ Ладыков Алексей Олегович , Wayback Machine çинчи 2017 ҫулхи ҫурлан 16-мӗшӗнчи копийӗ // sch27.org.ru
  4. ^ Ладыков А. О. Исследование структурно-отраслевых изменений в региональной экономической системе: автореферат дис. ... кандидата экономических наук // Электронный каталог Российской государственной библиотеки.
  5. ^ 1, 2, 3, 4 Государственные и политические деятели : Ладыков Алексей Олегович. nasledie.nbchr.ru. Пӑхнӑ кун: 2025 ҫулхи утӑн 3-мӗшӗ.
  6. ^ «Старым новым сити-менеджером» Чебоксар стал Алексей Ладыков. Тӗрӗсленӗ: 2025 ҫулхи утӑн 3-мӗшӗ.
  7. ^ Экс-сити-менеджера Чебоксар Алексея Ладыкова назначили полпредом Чувашии. Тӗрӗсленӗ: 2025 ҫулхи утӑн 3-мӗшӗ.
  8. ^ Олег Николаев вступил в должность Главы Чувашии: курс на развитие и заботу о людях (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  9. ^ Об отставке Кабинета Министров Чувашской Республики (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  10. ^ Оксана Казакова. Правительство Чувашии отправлено в отставку (выр.). Информационное агентство «Чувашинформ» (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  11. ^ О заместителе Председателя Кабинета Министров Чувашской Республики – полномочном представителе Чувашской Республики при Президенте Российской Федерации (выр.). Официальный интернет-портал органов власти Чувашской Республики (3 юпан 2025). Пӑхнӑ кун: 2025 ҫулхи юпан 8-мӗшӗ.
  12. ^ Н. Владимирова. Подведены итоги предварительного голосования «Единой России» (выр.). Автономное учреждение Чувашской Республики «Редакция Шумерлинской газеты “Вперёд”» Министерства цифрового развития, информационной политики и массовых коммуникаций Чувашской Республики. Пӑхнӑ кун: 2026 ҫулхи утӑн 23-мӗшӗ.
  13. ^ Экспертиза на сайте "Диссернет". Пӑхнӑ кун: 2025 ҫулхи утӑн 3-мӗшӗ. Архивланӑ 2023 ҫулхи нарӑсӑн 11-мӗшӗ.
  14. ^ Императорский и Царский Орден Святого Станислава , Wayback Machine çинчи 2017 ҫулхи ҫурлан 19-мӗшӗнчи копийӗ // www.saintanna.ru
  15. ^ "Я рад и горд, что вместе с вами мы строили и развивали Чебоксары", — Алексей Ладыков // «Нижегородское телекоммуникационное агентство» («НТА-Приволжье»). — 2019. — 22 ҫурлан.
  16. ^ Поздравляем с наградой! ("Новости Чебоксар") (выр.). г. Чебоксары Чувашской Республики (19 ҫурлан 2021). Пӑхнӑ кун: 2025 ҫулхи утӑн 3-мӗшӗ.

Вуламалли

  1. Ладыков Алексей Олегович // Строители Чувашии : [ил. изд.] / сост. Петр Сымкин. - Чебоксары, 2015. - С. 149 : фот.
  2. Михеева, Л. Заботы разные, город общий / Л. Михеева // Чебоксар. новости. - 2019. - 17 сент. - С. 1 : фот.
  3. Новоселова, М. Обменялись опытом : Глава администрации г. Чебоксары Алексей Ладыков провел заседание правления Ассоциации городов Поволжья / М. Новоселова // Чебоксар. новости. - 2019. - 29 авг. - С. 1.
  4. Петров, Е. Прямая линия - прямые поручения : [о прямой линии с главой администрации города Чебоксары Алексеем Ладыковым] / Е. Петров // Российская газета. - 2019. - 18-24 сент. (№ 209). - С. 24. - (Волга-Кама).
  5. Пост принял : [о назначении сити-менеджером г. Чебоксары Алексея Ладыкова] // Моя Империя. - 2011. - № 5/6 (47). - С. 4-5 : цв. ил.

Каҫӑсем

Темӑпа ҫыхӑннисем

Категорисем