Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Рафикова Лариса Анатольевна

Лари́са Анато́льевна Ра́фикова (ҫур. 1979 ҫулхи акан 11-мӗшӗ) — Раҫҫейри патшалӑх ӗҫченӗ, экономист. 2025 ҫулхи ҫурлан 21-мӗшӗнчен пуҫласа Чӑваш Республикин Экономика аталанӑвӗпе пурлӑх хутшӑнӑвӗсен министрӗн вырӑнне йышӑнать[1]. Чӑваш Республикин тава тивӗҫлӗ экономисчӗ[2].

Пурнӑҫӗ

Малтанхи ҫулсем тата пӗлӗвӗ

1979 ҫулхи акан 11-мӗшӗнче ҫуралнӑ. Вырӑс. 2001 ҫулта И. Н. Ульянов ячӗллӗ Чӑваш патшалӑх университечӗн экономика факультетӗнчен вӗренсе тухнӑ[3].

Ӗҫӗ-хӗлӗ

Патшалӑх службине вырнаҫиччен Лариса Рафикова банк секторӗнче ӗҫленӗ, унта вӑл финанс тата риск тӗлӗшӗпе управленине вӗренме опыт пухнӑ[4].

2007 ҫулта ӑна уйрӑм предприниматель пек регистрациленӗ. Тӗп ӗҫӗ тумтирпе ваккӑн суту-илӳ тӑвасси пулнӑ. Уйрӑм предприниматель ӗҫне 2013 ҫулта хупнӑ.

2020 ҫултанпа Лариса Анатольевна Чӑваш Республикин Экономика аталанӑвӗпе пурлӑх хутшӑнӑвӗсен министерствинче предпринимательство уйрӑмӗн пуҫлӑхӗ пулса ӗҫлеме пуҫланӑ. Унӑн тивӗҫӗсене пӗчӗк(выр.)чăв. тата вӑтам бизнеса пулӑшасси, предпринимательсен пуҫарӑвӗсене аталантарасси тата профильлӗ программӑсене пурнӑҫласси кӗнӗ[5].

2021 ҫулта ӑна министр ҫумӗн вырӑнне лартнӑ, каярахпа вӑл экономика политикипе, инвестицисемшӗн(выр.)чăв. илӗртӳллӗ пулассипе тата муниципалитет пурлӑхне тытса пырассипе ҫыхӑннӑ ыйтусене ертсе пырса министрӑн ҫумӗ пулса тӑнӑ[5].

2025 ҫулхи ҫу уйӑхӗнче Лариса Рафикова министр тивӗҫне пурнӑҫласа пынӑ. 2025 ҫулхи ҫурлан 20-мӗшӗнче Чӑваш Республикин Пуҫлӑхӗ Олег Николаев ӑна Чӑваш Республикин Экономика аталанӑвӗпе пурлӑх хутшӑнӑвӗсен министрӗн вырӑнне лартасси пирки 135-мӗш номерлӗ хушу ҫине алӑ пуснӑ[6]. 2025 ҫулхи ҫурлан 21-мӗшӗнче ӗҫе пикеннӗ[1].

Ҫемйи

Лариса Рафикова Рамиль Тафикович Рафиковпа мӑшӑрланнӑ, упӑшки 2021 ҫулхи чӳкӗн 23-мӗшӗнчен пуҫласа Алтай крайӗн прокурорӗн ҫумӗн вырӑнӗнче ӗҫлет. Рамиль Рафиков 1975 ҫулта Алма-Атара ҫуралнӑ[7].

Хисепӗсем тата ячӗсем

  • Чӑваш Республикин тава тивӗҫлӗ экономисчӗ — Чӑваш Республикин экономикипе финанс системине аталантарас ӗҫе пысӑк тӳпе хывнӑшӑн панӑ[2].

Ӑнлантарусем

  1. ^ 1, 2 Лариса Рафикова назначена министром экономического развития и имущественных отношений Чувашской Республики. Министерство экономического развития и имущественных отношений Чувашской Республики (21 ҫурлан 2025). Пӑхнӑ кун: 2026 ҫулхи утӑн 9-мӗшӗ.
  2. ^ 1, 2 О награждении государственными наградами Чувашской Республики. Глава Чувашской Республики (25 раштавӑн 2024). Пӑхнӑ кун: 2026 ҫулхи утӑн 9-мӗшӗ.
  3. ^ Рафикова Лариса Анатольевна (выр.). Экономический факультет ЧГУ. Пӑхнӑ кун: 2026 ҫулхи утӑн 10-мӗшӗ.
  4. ^ Рафикова Лариса Анатольевна — Министр экономического развития и имущественных отношений Чувашской Республики. Министерство экономического развития и имущественных отношений Чувашской Республики. Пӑхнӑ кун: 2026 ҫулхи утӑн 9-мӗшӗ.
  5. ^ 1, 2 Начальника отдела в Минэке повысили до должности заместителя министра (выр.). Аргументы и Факты. Пӑхнӑ кун: 2026 ҫулхи утӑн 10-мӗшӗ.
  6. ^ Лариса Рафикова назначена главой Минэкономразвития Чувашии, Дмитрий Краснов освобожден от должности вице-премьера. Чебоксары.ру. Пӑхнӑ кун: 2026 ҫулхи утӑн 10-мӗшӗ.
  7. ^ Рафиков Рамиль Тафикович — заместитель прокурора Алтайского края. Генеральная прокуратура Российской Федерации. Пӑхнӑ кун: 2026 ҫулхи утӑн 9-мӗшӗ.

Каҫӑсем

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».

Темӑпа ҫыхӑннисем

Категорисем