Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Максимов Владимир Михайлович

Disambig gray.svg Максимов хушаматлă урăх çынсем çинчен РУВИКИ-ре статьясем пур.
Disambig gray.svg Максимов Владимир хушаматлă урăх çынсем çинчен РУВИКИ-ре статьясем пур.

Максимов Владимир Михайлович (ҫур. 1985 ҫулхи пушӑн 23-мӗшӗ, Кивӗ Вӑрмар, Чăваш Автономиллĕ Социализмлă Совет Республики) — патшалӑх ӗҫченӗ. 2025 ҫулхи кӑрлачӑн 17-мӗшӗнчен — Чӑваш Республикин строительство, архитектура тата ҫурт-йӗрпе коммуналлӑ хуҫалӑх министрӗн тивӗҫӗсене вӑхӑтлӑха пурнӑҫланӑ, ака уйӑхӗн 11-мӗшӗнчен пуҫласа — министр вырӑнне йышӑннӑ[1].

Пурнӑҫӗпе ӗҫӗ-хӗлӗ

1985 ҫулхи пушӑн 23-мӗшӗнче Чӑваш АССРӗн Вӑрмар районӗнчи Кивӗ Вӑрмар ялӗнче ҫуралнӑ.

2007 ҫулта И. Н. Ульянов ячӗллӗ Чӑваш патшалӑх университечӗн экономика факультетне вӗренсе пӗтернӗ[2]. Хыҫҫӑн Атӑл-Вятка патшалӑх службин академийӗн Шупашкар хулинчи филиалӗнче «Патшалӑх тата муниципалитет управленийӗ» специальноҫпа професси енӗпе вӗреннӗ (2009)[3].

2007 ҫулхи чӳк уйӑхӗнчен 2011 ҫулхи ака уйӑхӗччен Чӑваш Республикин Вӑрмар район администрацийӗн строительство тата общество инфраструктурин аталанӑвӗн пайӗнче специалист, специалист-эксперт, ертсе пыракан специалист-эксперт пулса вӑй хунӑ[3].

2011 ҫулхи ҫу уйӑхӗнчен пуҫласа 2016 ҫулхи кӑрлаччен — Чӑваш Республикин Строительство, архитектура тата ҫурт-йӗрпе коммуналлӑ хуҫалӑх министерствин структура подразделенийӗсенче ертсе пыракан специалист-эксперт, сектор заведующийӗ, пай пуҫлӑхӗн ҫумӗ, консультант, пай пуҫлӑхӗ[3].

2016 ҫулхи нарӑсран пуҫласа 2018 ҫулхи ҫурла уйӑхӗччен — Чӑваш Республикин строительство, архитектура тата ҫурт-йӗрпе коммуналлӑ хуҫалӑх министрӗн ҫумӗ[4].

2018 ҫулхи ҫурла уйӑхӗн 30-мӗшӗнчен пуҫласа 2025 ҫулхи кӑрлач уйӑхӗччен — Чӑваш Республикин строительство, архитектура тата ҫурт-йӗрпе коммуналлӑ хуҫалӑх министрӗн пӗрремӗш ҫумӗ[5].

2025 ҫулхи кӑрлач уйӑхӗн 17-мӗшенчен пуҫласа — Чӑваш Республикин строительство, архитектура тата ҫурт-йӗрпе коммуналлӑ хуҫалӑх министрӗн тивӗҫӗсене пурнӑҫлакан[6]. Пӗр кун маларах, кӑрлачӑн 16-мӗшӗнче, Чӑваш Республикин Пуҫлӑхӗ Олег Николаев хӑйӗн хушӑвӗпе министр пулнӑ Коледа Михаил Александровича шанӑҫ ҫухатнипе ӗҫрен кӑларнӑ[7]. Тепӗр темиҫе уйӑхран, акан 11-мӗшӗнче Владимир Михайловича Чӑваш Республикин строительство, архитектура тата ҫурт-йӗрпе коммуналлӑ хуҫалӑх министрӗ пулма ҫирӗплетнӗ[1].

2025 ҫулхи авӑн уйӑхӗн 26-мӗшӗнче авӑн уйӑхӗн 12-14-мӗшӗсенче иртнӗ суйлавра ҫӗнтернӗ Чӑваш Республикин Пуҫлӑхӗн Олег Николаевӑн инаугурацийӗ(выр.)чăв. иртнӗ[8]. Унпа пӗрлех Олег Николаев 2025 ҫулхи авӑн 26-мешӗнчи 157-мӗш хушӑвӗпе Чӑваш Республикин Конституцийӗн 72 тата 91 статйисемпе килӗшӳллӗн Чӑваш Республикин Министрсен Кабинетне отставкӑна янӑ[9]. Министрсем ҫӗнӗ правительство пухиччен хӑйсен вырӑнӗсенче «тивӗҫӗсене пурнӑҫлакан» статуспа ӗҫлеҫҫӗ[10].

2025 ҫулхи юпа уйӑхӗн 3-мӗшӗнче Чӑваш Республикин Пуҫлӑхӗ 177-мӗш хушӑвӗпе Чӑваш Республикин строительство, архитектура тата ҫурт-йӗрпе коммуналлӑ хуҫалӑх министрӗ пулма ҫирӗплетнӗ[11].

Ҫемье

Авланнӑ, 4 ача ӳстерет[3].

Ӑнлантарусем

  1. ^ 1, 2 О министре строительства, архитектуры и жилищно-коммунального хозяйства Чувашской Республики (выр.). Нормативные правовые акты Чувашской Республики (11 акан 2025). Пӑхнӑ кун: 2025 ҫулхи авӑнӑн 18-мӗшӗ.
  2. ^ Выпускники ЭКФ/ Максимов Владимир Михайлович (выр.). Чувашский государственный университет им. И. Н. Ульянова. Пӑхнӑ кун: 2025 ҫулхи авӑнӑн 18-мӗшӗ.
  3. ^ 1, 2, 3, 4 Максимов Владимир Михайлович - И.о. министра строительства, архитектуры и жилищно-коммунального хозяйства Чувашской Республики (выр.). https://minstroy.cap.ru. Министерство строительства, архитектуры и жилищно-коммунального хозяйства Чувашской Республики. Пӑхнӑ кун: 2025 ҫулхи авӑнӑн 18-мӗшӗ.
  4. ^ Мария Грачёва. В Чувашии назначен новый заместитель министра строительства (выр.). «Аргументы и факты — Чувашия» (29 кӑрлачӑн 2016). Пӑхнӑ кун: 2025 ҫулхи авӑнӑн 18-мӗшӗ.
  5. ^ О первом заместителе министра строительства, архитектуры и жилищно-коммунального хозяйства Чувашской Республики (выр.). Автономное учреждение «Центр мониторинга и развития образования» города Чебоксары (30 ҫурлан 2018). Пӑхнӑ кун: 2025 ҫулхи авӑнӑн 18-мӗшӗ.
  6. ^ Об исполняющем обязанности министра строительства, архитектуры и жилищно-коммунального хозяйства Чувашской Республики (выр.). https://glava.cap.ru. Портал органов власти Чувашской Республики. Официальный интернет-портал (17 кӑрлачӑн 2025). Пӑхнӑ кун: 2025 ҫулхи авӑнӑн 18-мӗшӗ.
  7. ^ Об освобождении Коледы М.А. от должности в связи с утратой доверия (выр.). Портал органов власти Чувашской Республики (16 кӑрлачӑн 2025). Пӑхнӑ кун: 2025 ҫулхи авӑнӑн 18-мӗшӗ.
  8. ^ Олег Николаев вступил в должность Главы Чувашии: курс на развитие и заботу о людях (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  9. ^ Об отставке Кабинета Министров Чувашской Республики (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  10. ^ Оксана Казакова. Правительство Чувашии отправлено в отставку (выр.). Информационное агентство «Чувашинформ» (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  11. ^ О министре строительства, архитектуры и жилищно-коммунального хозяйства Чувашской Республики (выр.). Официальный интернет-портал органов власти Чувашской Республики (3 юпан 2025). Пӑхнӑ кун: 2025 ҫулхи юпан 8-мӗшӗ.

Каҫӑсем

Темӑпа ҫыхӑннисем

Категорисем