Борисов Вячеслав Аркадьевич

«РУВИКИ» ирӗклӗ энциклопединчи материал
Disambig gray.svg Борисов хушаматлă урăх çынсем çинчен РУВИКИ-ре статьясем пур.
Ҫын пирки
Борисов Вячеслав Аркадьевич
Борисов Вячеслав Аркадьевич.jpg
Çуралнă вăхăт 1972 ҫулхи ҫӗртмен 29-мӗшӗ(1972-06-29) (53 ҫулта)
Çуралнă вырăн
Гражданлăх
Премисемпе чысланисем
медаль «За заслуги перед Отечеством» 2-й степени

Борисов Вячеслав Аркадьевич (ҫур. 1972 ҫулхи ҫӗртмен 29-мӗшӗ, Туктамăш) — патшалӑх ӗҫченӗ, Чӑваш Республики Пуҫлӑхӗн администраци ертӳҫи[1][2].

Экономика ӑслӑлӑхӗсен кандидачӗ (1999)[3].

Пурнӑҫӗпе ӗҫӗ-хӗлӗ

Вӗренӳ

Тӑван ялӗнчи шкулта, Хӗрлӗ Чутай вӑтам шкулӗнче пӗлӳ илнӗ.

Вячеслав Аркадьевичӑн виҫӗ аслӑ пӗлӳ, вӑл математик-программист (1993 ҫулта И.Н. Ульянов ячӗллӗ ЧПУ пӗтернӗ), патшалӑх тата муниципалитет управленийӗ (1996 ҫулта Раҫҫей Федерацийӗн Президенчӗ ҫумӗнчи Патшалӑх Службин Раҫҫей академийӗнчен вӗренсе тухнӑ), юридици енӗпе вӗренсе тухнӑ[1][4].

1999 ҫулта Раҫҫей Федерацийӗн Президенчӗ ҫумӗнчи Патшалӑх Службин Раҫҫей академийӗнче ӑслӑлӑх ӗҫне хӳтӗлесе экономика ӑслӑлӑхӗсен кандидачӗ пулса тӑнӑ[3].

Ӗҫӗ-хӗлӗ

Хӑйӗн ӗҫ-хӗлне студент чухнех пуҫланӑ — «Радар» производство кооперативӗнче программист пулса ӗҫленӗ[3].

1994 ҫултанпа Чӑваш Республикин Президент администрацийӗнче вӑй хунӑ. 2000 ҫулта ӑна Чӑваш Республикин пурлӑх хутшӑнӑвӗсен министр ҫумӗ пулма лартнӑ, каярах Раҫҫей Федерацийӗн финанс сывлӑхӗпе панкрут енӗпе ӗҫлекен федераллӑ службӑн территориллӗ органӑн пуҫлӑхӗ пулма шанса панӑ[1]. 2004–2006 ҫулсенче Чӑваш Республикин транспорт тата ҫул-йӗр хуҫалӑхӗн министрӗ пулса ӗҫленӗ. Каярахри тепӗр икӗ ҫул хушшинче Чӑваш Республикин Президент администрацийӗнче эксперт пайӗнче тӑрмашнӑ[1].

2008 ҫулхи утӑн 2-мӗшӗнчен пуҫласа 2020 ҫулхи ҫӑвӑн 20-мӗшӗччен чылай вӑхӑт хушши Чӑваш Республикинчи Монополипе кӗрешекен федераллӑ управленийӗн ертӳҫи пулса ӗҫленӗ.

Республикӑн ертӳҫин тивӗҫне вӑхӑтлӑха Олег Николаев пурнӑҫлама тытӑнсан вӑл Вячеслав Борисова администраци пуҫлӑхне лартнӑ[1]. 2025 ҫул тӗлне ҫак ӗҫе пурнӑҫлать[2].

Чӑваш Республикин Пуҫлӑхӗн администраци ертӳҫи пек тӗрлӗ мероприятисене ҫӳрет. Сӑмахран, 2025 ҫулхи ҫурлан 18-мӗшӗнче Хӗрлӗ Чутай муниципаллӑ округне ӗҫлӗ визитпа кайса килнӗ, ку тӑрӑхри «Санккино» предприятие ҫитсе курнӑ[5]. Ҫав ҫулах юпан 17-мӗшӗнче Регионсем хушшинчи IX Сӑваплӑ Гурий вӗрентӳллӗ вулавӗ шайӗнче Шупашкарта иртнӗ миссионерлӑ конференцие хутшӑннӑ, Чӑваш Республикин Пуҫлӑхӗ ятӗнчен сӑмах тухса каланӑ[6].

Хисепӗсем

Хӑйӗн ӗҫӗ-хӗлӗ вӑхӑтӗнче Вячеслав Аркадьевич ҫак хисепсене тивӗҫнӗ[3]:

  • Раҫҫей Федерацийӗн Правительствин тав хучӗ;
  • II степеньлӗ «Тӑван Ҫӗршыв умӗнчи тава тивӗҫлӗ ӗҫсемшӗн» медаль.

Ӑнлантарусем

  1. ^ 1, 2, 3, 4, 5 Бывший глава УФАС Чувашии возглавил администрацию главы республики (выр.). Аргументы и факты (20 ҫӑвӑн 2020).
  2. ^ 1, 2 Структура (выр.). Кабинет Министров Чувашской Республики.
  3. ^ 1, 2, 3, 4 Борисов Вячеслав Аркадьевич, выпускник 1993 года (выр.). Сайт факультета ПМФиИТ (14 ҫӗртмен 2021).
  4. ^ Вячеслав Аркадьевич Борисов назначен руководителем Управления Федеральной антимонопольной службы по Чувашской Республике (выр.). Чăваш Республикин Хĕрлĕ Чутай муниципаллă округĕ (8 ҫурлан 2008).
  5. ^ Вячеслав Борисов с рабочим визитом посетил Красночетайский округ (выр.). Чăваш Республикин Хĕрлĕ Чутай муниципаллă округĕ (19 ҫурлан 2025). Пӑхнӑ кун: 2025 ҫулхи юпан 22-мӗшӗ.
  6. ^ В Чебоксарах в рамках IX Межрегиональных Свято-Гурьевских образовательных чтений в Чувашском государственном университете состоялась научно-практическая миссионерская конференция (выр.). Чувашская митрополия (17 юпан 2025). Пӑхнӑ кун: 2025 ҫулхи юпан 22-мӗшӗ.

Каҫӑсем

Çăлкуç — «https://cv.ruwiki.ru/w/index.php?title=Борисов_Вячеслав_Аркадьевич&oldid=2118279»