Елизарова Алёна Геннадьевна
| Ҫын пирки | |
| Елизарова Алёна Геннадьевна | |
 | |
| Çуралнă вăхăт | 1977 ҫулхи юпан 3-мӗшӗ (47 ҫулта) |
|---|---|
| Çуралнă вырăн | |
| Гражданлăх | |
| Альма-матер | |
Елизарова Алена Геннадьевна (1977 ҫулхи юпан 3-мӗшӗ, Элӗк, Элӗк районӗ, Чӑваш АССРӗ) — патшалӑх ӗҫченӗ. 2020 ҫулхи авӑн уйӑхӗн 23-мӗшӗнчен вара — Чӑваш Республикин ӗҫпе социаллӑ хӳтлӗх министрӗ (2020 ҫулхи нарӑс уйӑхӗн 11-мӗшӗнчен пуҫласа — министр тивӗҫӗсене пурнӑҫлакан).
Пурнӑҫӗпе ӗҫӗ-хӗлӗ
1977 ҫулхи юпа уйӑхӗн 3-мӗшӗнче Чӑваш АССРӗн Элӗк районӗнчи Элӗк ялӗнче ҫуралнӑ.
1999 ҫулта хӗрлӗ дипломпа И. Н. Ульянов ячӗллӗ Чӑваш патшалӑх университечӗн юридици факультетне «Юриспруденци» специальнӑҫпа вӗренсе пӗтернӗ[1].
2019 ҫулта Чӑваш патшалӑх ялхуҫалӑх академийӗнче «Менеджмент» программипе пӗлӗвне ӳстернӗ[1].
1997 ҫулхи раштав уйӑхӗнчен 2000 утӑ уйӑхӗччен — Шупашкар хулин Мускав район сучӗн суд ларӑвӗсен секретарӗ, тӗп специалисчӗ[1].
2000 ҫулхи утӑ уйӑхӗнчен пуҫласа 2001 ҫулхи утӑ уйӑхӗччен — «Кодекс» Юридици фирми» ТМЯО директорӗ[1].
2001 ҫулхи утӑ уйӑхӗнчен пуҫласа 2018 ҫулхи ҫӗртме уйӑхӗччен — Чӑваш Республикин Президент Администрацийӗн Патшалӑхпа право управленийӗн саккун проекчӗсемпе ӗҫлекен пай консультанчӗ, Чӑваш Республикин Пуҫлахӗн Патшалӑхпа право управленийӗн консультанчӗ, Чӑваш Республикин Пуҫлахӗн Администрацийӗн Патшалӑхпа право управленийӗн саккун проекчӗсемпе ӗҫлекен пай пуҫлӑхӗ[1].
2018 ҫулхи ҫӗртме уйӑхӗнчен пуҫласа 2020 ҫулхи нарӑс уйӑхӗччен — Чӑваш патшалӑх ялхуҫалӑх академийӗн ӗҫйӗркелӳпе право управленийӗн пуҫлӑхӗ[1].
2020 ҫулхи нарӑс уйӑхӗн 11-мӗшӗнчен пуҫласа 2020 ҫулхи авӑн уйӑхӗн 23-мӗшӗччен — Чӑваш Республикин ӗҫпе социаллӑ хӳтлӗх министрӗн тивӗҫӗсене пурнӑҫлакан[2].
Чӑваш Республикин Пуҫлӑхӗн Олег Николаевӑн 2020 ҫулхи авӑн уйӑхӗн 23-мӗшӗнчи 255-мӗш хушӑвӗпе — Чӑваш Республикин ӗҫпе социаллӑ хӳтлӗх министрӗ[3].
Хисепӗсем
- Раҫҫей Федерацийӗн Юстици министерствин Чӑваш Республикинчи Управленийӗн Хисеп грамоти (2012),
- Чӑваш Республикин Пуҫлӑхӗн Тав хучӗ (2017),
- Чӑваш Республикин Патшалӑх Канашӗн Хисеп грамоти (2019)[1],
- «Чӑваш Республики умӗнчи тава тивӗҫлӗ ӗҫсемшӗн» орден медалӗ[4].
Ӑнлантарусем
- ^ 1, 2, 3, 4, 5, 6, 7 Елизарова Алена Геннадьевна - Министр (выр.). Министерство труда и социальной защиты Чувашской Республики.
- ^ Об исполняющем обязанности министра труда и социальной защиты Чувашской Республики (выр.). Глава Чувашской Республики - Официальный сайт (11 Нарӑс уйӑхӗн 2020).
- ^ О министре труда и социальной защиты Чувашской Республики (выр.). Портал органов власти Чувашской Республики - Официальный интернет-портал (23 Авӑн уйӑхӗн 2020).
- ^ О награждении государственными наградами Чувашской Республики (выр.). Портал органов власти Чувашской Республики - Официальный интернет-портал (26 Чӳк уйӑхӗн 2024).
Каҫӑсем
| Председатель | |
|---|---|
| Пӗрремӗш ҫумӗ | |
| ЧР Пуҫлӑхӗн Администраци ертӳҫи | |
| Ҫумӗсем |
|
| Министрсем |
|
