Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Степанов Владимир Геннадьевич

РУВИКИ-ре ҫак хушаматлӑ ытти ҫынсем пирки те статьясем пур: Степанов; Степанов Владимир.

Степанов Владимир Геннадьевич (ҫур. 1978 ҫулхи пушӑн 7-мӗшӗ, Вăрмар, Чăваш Автономиллĕ Социализмлă Совет Республики) — патшалӑх ӗҫченӗ. 2021 ҫулхи авӑн уйӑхӗн 27-мӗшӗнчен пуҫласа 2025 ҫулхи ҫу уйӑхӗн 11-мӗшӗччен Чӑваш Республикин Министрсен Кабинечӗн Председателӗн ҫумӗ – Чӑваш Республикин сывлӑх сыхлав министрӗ. 2025 ҫулхи ҫу уйӑхӗн 11-мӗшӗнчен — Чӑваш Республикин Министрсен Кабинечӗн Председателӗн ҫумӗ. Чӑваш Республикин тава тивӗҫлӗ врачӗ (2021).

Пурнӑҫӗпе ӗҫӗ-хӗлӗ

1978 ҫулхи пуш уйӑхӗн 7-мӗшӗнче Чӑваш АССРӗн (халӗ — Чӑваш Республики) Вӑрмар районӗнчи Вӑрмар посёлокӗнче ҫуралнӑ.

Вӗренӳ

  • 2001 ҫул — И. Н. Ульянов ячӗллӗ Чӑваш патшалӑх университетӗнче клиника ординатурине вӗренсе пӗтернӗ,
  • 2003 ҫул — И. Н. Ульянов ячӗллӗ Чӑваш патшалӑх университетӗнче куҫӑн мелӗпе аспирантура пӗтернӗ,
  • 2009 ҫул — Чӑваш Республикин Сывлӑх сыхлав министерствин «Врачсен пӗлӗвне ӳстерекен институтра» «Сывлӑх сыхлав ӗҫне йӗркелесси тата халӑх сывлӑхӗ» курс иртнӗ,
  • 2012 ҫул — Раҫҫей Федерацийӗн Президенчӗ ҫумӗнчи Раҫҫей халӑх хуҫалӑхӗпе патшалӑх службин академийӗнче «Сывлӑх сыхлавӗнчи управлени» енӗпе вӗреннӗ,
  • 2015 ҫул — И. Н. Ульянов ячӗллӗ Чӑваш патшалӑх университетӗнче «Медицина пулӑшӑвӗ кӳрес ӗҫри пахалӑх тӗрӗслевӗ» курс иртнӗ,
  • 2017 ҫул — Н. И. Пирогов ячӗллӗ Раҫҫей наци тӗпчев медицина университетӗнче «Педиатри» тата ытти енӗпе пӗлӗвне ӳстернӗ,
  • 2021 ҫул – Раҫҫей Федерацийӗн Центросоюзӗн «Раҫҫей коопераци университечӗ» аслӑ пӗлӳ паракан коммерциллӗ мар вӗрентӳ организацийӗнче «Менеджмент» енӗпе вӗренсе тухнӑ, магистр[1].

Карьера

  • 2007 ҫул — «Хула ача-пӑча 1-мӗш больници» поликлиникӑн участокри педиатри уйрӑмӗн врач-педиатрӗ (Шупашкар),
  • 2010 ҫул — Раҫҫей Федерацийӗн Сывлӑх сыхлавӗпе социаллӑ аталану министерствин Федерацин травматологи, ортопеди тата эндопротезировани центрӗн врач-педиатрӗ (Шупашкар),
  • 2010 ҫулхи авӑн уйӑхӗнчен пуҫласа — Чӑваш Республикин Сывлӑх сыхлав министерствин Республикӑри ача-пӑча клиника больницин йӗркелӳпе методика енӗпе ӗҫлекен тӗп врач ҫумӗ, врач-педиатрӗ,
  • 2013 ҫул – Чӑваш Республикин Сывлӑх сыхлав министерствин Республикӑри ача-пӑча клиника больницин медицина пайӗпе ӗҫлекен тӗп врачӑн ҫумӗ,
  • 2018 ҫул — Чӑваш Республикин Сывлӑх сыхлав министерствин Ҫӗнӗ Шупашкар медицина центрӗн тӗп тухтӑрӗ,
  • Чӑваш Республикин тивӗҫӗсене вӑхӑтлӑха пурнӑҫлакан Пуҫлӑхӗн 2020 ҫулхи нарӑсӑн 11-мӗшӗнчи 36-мӗш хушӑвӗпе Чӑваш Республикин сывлӑх сыхлав министрӗн тивӗҫӗсене вӑхӑтлӑха пурнӑҫлакана лартнӑ[2],
  • Чӑваш Республикин тивӗҫӗсене вӑхӑтлӑха пурнӑҫлакан Пуҫлӑхӗн 2020 ҫулхи пуш уйӑхӗн 20-мӗшӗнчи 77-мӗш хушӑвӗпе Чӑваш Республикин сывлӑх сыхлав министрне лартнӑ[3],
  • Чӑваш Республикин Пуҫлӑхӗн 2020 ҫулхи авӑн уйӑхӗн 23-мӗшӗнчи 251-мӗш хушӑвӗпе Чӑваш Республикин сывлӑх сыхлав министрне лартнӑ.
  • Чӑваш Республикин Пуҫлӑхӗн 2021 ҫулхи авӑн уйӑхӗн 27-мӗшӗнчи 151-мӗш хушӑвӗпе Чӑваш Республикин Министрсен Кабинечӗн Председателӗн ҫумӗ — Чӑваш Республикин сывлӑх сыхлав министрӗ[4].
  • Чӑваш Республикин Пуҫлӑхӗн 2025 ҫулхи ҫу уйӑхӗн 7-мӗшӗнчи 63-мӗш хушӑвӗпе ҫу уйӑхӗн 11-мӗшӗнчен Чӑваш Республикин Министрсен Кабинечӗн Председателӗн ҫумӗ — Чӑваш Республикин сывлӑх сыхлав министрӗ должноҫӗнчен хӑтарнӑ[5].
  • Чӑваш Республикин Пуҫлӑхӗн 2025 ҫулхи ҫу уйӑхӗн 11-мӗшӗнчи 65-мӗш хушӑвӗпе Чӑваш Республикин Министрсен Кабинечӗн Председателӗн ҫумӗ пулма ҫирӗплетнӗ[6].

2025 ҫулхи авӑн уйӑхӗн 26-мӗшӗнче авӑн уйӑхӗн 12-14-мӗшӗсенче иртнӗ суйлавра ҫӗнтернӗ Чӑваш Республикин Пуҫлӑхӗн Олег Николаевӑн инаугурацийӗ(выр.)чăв. иртнӗ[7]. Унпа пӗрлех Олег Николаев 2025 ҫулхи авӑн 26-мӗшӗнчи 157-мӗш хушӑвӗпе Чӑваш Республикин Конституцийӗн 72 тата 91 статйисемпе килӗшӳллӗн Чӑваш Республикин Министрсен Кабинетне отставкӑна янӑ[8]. Министрсем ҫӗнӗ правительство пухиччен хӑйсен вырӑнӗсенче «тивӗҫӗсене пурнӑҫлакан» статуспа ӗҫлеҫҫӗ[9].

2025 ҫулхи юпа уйӑхӗн 3-мӗшӗнче Чӑваш Республикин Пуҫлӑхӗ 172-мӗш хушӑвӗпе Чӑваш Республикин Министрсен Кабинечӗн Председателӗн ҫумӗ пулма ҫирӗплетнӗ[10].

2026 ҫулхи ҫу уйӑхӗнчи «Пӗрлӗхлӗ Раҫҫейӗн» РФ Патшалӑх думине суйланма кандидата тӑратма тивӗҫлисене палӑртмалли умсасӑлавра регионти парти списокӗпе 2-мӗш вырӑн йышӑннӑ, правительство пуҫлӑхне С. Г. Артамонова ҫеҫ выляса янӑ[11].

2026 ҫулхи ҫӗртме уйӑхӗнче «Пӗрлӗхлӗ Раҫҫей» парти регионти конференцийӗнче Чӑваш Республикин Патшалӑх Канашӗн 8-мӗш пухӑвне суйлава хутшӑнма 7-мӗш территори ушкӑнӗпе кандидата тӑратма 1-мӗш номерпе ҫирӗплетнӗ[12].

Хисепӗсем

  • Чӑваш Республикин Сывлӑх сыхлавӗпе социаллӑ аталану министерствин Хисеп грамоти (2014),
  • Раҫҫей Федерацийӗн сывлӑх сыхлав министрӗн Тав хучӗ (2018),
  • Чӑваш Республикин тава тивӗҫлӗ врачӗ (2021)[1].

Ӑнлантарусем

  1. ^ 1, 2 Степанов Владимир Геннадьевич - Заместитель Председателя Кабинета Министров Чувашской Республики – министр здравоохранения Чувашской Республики (выр.). https://medicin.cap.ru. Министерство здравоохранения Чувашской Республик. Пӑхнӑ кун: 2025 ҫулхи авӑнӑн 18-мӗшӗ.
  2. ^ В Чувашии назначен министр здравоохранения (выр.). ИА «Регнум» (11 нарӑсӑн 2020). Пӑхнӑ кун: 2025 ҫулхи авӑнӑн 18-мӗшӗ.
  3. ^ Владимира Степанова утвердили в должности министра здравоохранения (выр.). https://chv.aif.ru. «Аргументы и факты — Чувашия» (21 пушӑн 2020). Пӑхнӑ кун: 2025 ҫулхи авӑнӑн 18-мӗшӗ.
  4. ^ Александра Литвинова. Владимир Степанов стал вице-премьером Чувашии. Указ об этом подписан 27 сентября (выр.). https://pravdapfo.ru. Правда ПФО (27 авӑнӑн 2021). Пӑхнӑ кун: 2025 ҫулхи авӑнӑн 18-мӗшӗ.
  5. ^ О Степанове В.Г. (выр.). Официальный сайт Главы Чувашской Республики (7 ҫӑвӑн 2025). Пӑхнӑ кун: 2025 ҫулхи авӑнӑн 18-мӗшӗ.
  6. ^ О заместителе Председателя Кабинета Министров Чувашской Республики (выр.). Официальный сайт Главы Чувашской Республики (11 ҫӑвӑн 2025). Пӑхнӑ кун: 2025 ҫулхи авӑнӑн 18-мӗшӗ.
  7. ^ Олег Николаев вступил в должность Главы Чувашии: курс на развитие и заботу о людях (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  8. ^ Об отставке Кабинета Министров Чувашской Республики (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  9. ^ Оксана Казакова. Правительство Чувашии отправлено в отставку (выр.). Информационное агентство «Чувашинформ» (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  10. ^ О заместителе Председателя Кабинета Министров Чувашской Республики (выр.). Официальный интернет-портал органов власти Чувашской Республики (3 юпан 2025). Пӑхнӑ кун: 2025 ҫулхи юпан 8-мӗшӗ.
  11. ^ Стали известны победители праймериз «Единой России» в Чувашии (выр.). cheb.ru (4 ҫӗртмен 2026). Пӑхнӑ кун: 2026 ҫулхи утӑн 9-мӗшӗ.
  12. ^ Единая Россия выдвинула кандидатов в депутаты Госсовета Чувашии (выр.). Единая Россия (4 ҫӗртмен 2026). Пӑхнӑ кун: 2026 ҫулхи авӑнӑн 3-мӗшӗ.

Каҫӑсем

Темӑпа ҫыхӑннисем

Категорисем