Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Якушев Марат Рифкатович

РУВИКИ-ре ҫак хушаматлӑ ытти ҫынсем пирки те статьясем пур: Якушев.

Якушев Марат Рифкатович (ҫур. 1978 ҫулхи кӑрлачӑн 1-мӗшӗ, Шӑнкӑртам, Чăваш Автономиллĕ Социализмлă Совет Республики) — Раҫҫей регион шайӗнчи хуҫалӑх тата патшалӑх ӗҫченӗ. 2025 ҫулхи авӑн уйӑхӗн 15-мӗшӗнчен пуҫласа — Чӑваш Республикин промышленноҫпа энергетика министрӗн тивӗҫӗсене пурнӑҫлакан пулнӑ[1], 2025 ҫулхи раштавӑн 12-мӗшӗнчен пуҫласа — министр[2].

Пурнӑҫӗпе ӗҫӗ-хӗлӗ

1978 ҫулхи кӑрлачӑн 1-мӗшӗнче Чӑваш АССРӗн Патӑрьел районӗнчи Чкаловски (халӗ — Шӑнкӑртам) ялӗнче тутар ҫемйинче ҫуралнӑ[3].

Патӑрьелти 1-мӗш вӑтам шкултан (1995), И. Н. Ульянов ячӗллӗ Чӑваш патшалӑх университетӗнчен (2000) вӗренсе тухнӑ[3].

Шупашкарти пир-авӑр комбинатӗнче тата агрегат заводӗнче, Чӑваш Республикин Патшалӑх Канашӗн депутачӗн Олег Мешковӑн «Букет Чувашии» сӑра фирми" АУО-ра ӗҫленӗ.

2009 ҫултанпа Мешковӑн бизнес-структурисенче ертсе пыракан должноҫсене йышӑннӑ: «Ҫӗмӗрлери ҫӑкӑр завочӗ» ТМЯП, «Ҫӗмӗрлери апат-ҫимӗҫ комбиначӗ» АУО, «Ҫӑкӑр ҫурчӗ» ТМЯП (Ҫӗнӗ Шупашкар), ООО «Океан» (Шупашкар)[3].

2015 ҫулхи чӳкӗн 13-мӗшӗнчен пуҫласа 2025 ҫулхи ҫӗртмен 3-мӗшӗччен «Шупашкарти аш-какай комбиначӗ» тулли мар яваплӑхлӑ пӗрлешӗвӗн (ООО «ЧМК») ертӳҫи пулса ӗҫленӗ[4].

2025 ҫулхи авӑн уйӑхӗн 15-мӗшӗнче Чӑваш Республикин пуҫлӑхӗн Олег Николаевӑн хушӑвӗпе Чӑваш Республикин промышленноҫпа энергетика министрӗн тивӗҫӗсене пурнӑҫлакана ҫирӗплетнӗ. Ҫак постра вӑл Сергей Лекарева улӑштарнӑ, ӑна урӑх ӗҫе куҫнӑ май 2025 ҫулхи авӑн уйӑхӗн 12-мӗшӗнче должноҫран хӑтарнӑ[5].

2025 ҫулхи авӑн уйӑхӗн 26-мӗшӗнче авӑн уйӑхӗн 12-14-мӗшӗсенче иртнӗ суйлавра ҫӗнтернӗ Чӑваш Республикин Пуҫлӑхӗн Олег Николаевӑн инаугурацийӗ(выр.)чăв. иртнӗ[6]. Унпа пӗрлех Олег Николаев 2025 ҫулхи авӑн 26-мӗшӗнчи 157-мӗш хушӑвӗпе Чӑваш Республикин Конституцийӗн 72 тата 91 статйисемпе килӗшӳллӗн Чӑваш Республикин Министрсен Кабинетне отставкӑна янӑ[7]. Министрсем ҫӗнӗ правительство пухиччен хӑйсен вырӑнӗсенче «тивӗҫӗсене пурнӑҫлакан» статуспа ӗҫлеҫҫӗ[8].

2025 ҫулхи раштавӑн 12-мӗшӗнчи 228-мӗш хушупа М. Р. Якушева Чӑваш Республикин промышленноҫпа энергетика министрне лартнӑ[2].

2026 ҫулхи ҫу уйӑхӗнчи «Пӗрлӗхлӗ Раҫҫейӗн» Чӑваш Республикин Патшалӑх Канашне суйланма кандидата тӑратма тивӗҫлисене палӑртмалли умсасӑлавра 11-мӗш суйлав округӗпе 1-мӗш вырӑн йышӑннӑ[9].

Ҫемье

Ашшӗ — Рифкат Якушев (01.03.1951) — Чӑваш Енри Патӑрьел тата Йӗпреҫ районӗсенчи ял хуҫалӑх предприятийӗсенче тӗп агроном, председатель пулса ӗҫленӗ.

Амӑшӗ — Роза Якушева.

Аслӑ пиччӗшӗ — Руслан Якушев (13.12.1976) — «Булгарпиво» АУО (Тутарстан, Ҫыранлӑ Чаллӑ) ертӳҫи пулнӑ. 2018—2025 ҫулсенче — «Пивберри» ТМЯП ертӳҫи, 2025 ҫулхи ҫу уйӑхӗн 7-мӗшӗччен унӑн учредителӗ пулнӑ.

Шӑллӗ — Айрат Якушев (07.08.1983) — уйрӑм предприниматель.

Авланнӑ, икӗ хӗр: Аделия (20.05.2001) Шупашкарти 2-мӗш лицее вӗренсе пӗтернӗ, Самира (04.12.2008) Шупашкар хулинчи 5-мӗш гимназире вӗренет[3].

Кӑсӑклану

Футболпа, хоккейпа, пахча ӗҫӗпе кӑсӑкланать[3].

Факт

Чӑваш Республикин промышленноҫпа энергетика министерствине чӗртсе тӑратнӑ хыҫҫӑн Якушев М.Р. саккӑрмӗш министр, ун умӗн ӗҫленисем:

  • Игорь Воропаев (нарӑс 2020);
  • Александр Доманин (нарӑс—ака 2020);
  • Сергей Лекарев (ака—авӑн 2020);
  • Евгений Герасимов (авӑн 2020 – ҫурла 2021);
  • Александр Кондратьев (юпа 2021 – утӑ 2023);
  • Борис Марковцов (утӑ 2023 – ҫу 2024);
  • Сергей Лекарев (ҫӗртме 2024 – авӑн 2025)[10].

Ӑнлантарусем

  1. ^ Глава Чувашии Олег Николаев назначил Марата Якушева исполняющим обязанности министра промышленности и энергетики (выр.). Официальный портал органов власти Чувашской Республики (15 авӑнӑн 2025). Пӑхнӑ кун: 2025 ҫулхи авӑнӑн 17-мӗшӗ.
  2. ^ 1, 2 О министре промышленности и энергетики Чувашской Республики (выр.). Портал органов власти Чувашской Республики (12 раштавӑн 2025). Пӑхнӑ кун: 2025 ҫулхи раштавӑн 15-мӗшӗ.
  3. ^ 1, 2, 3, 4, 5 Якушев Марат Рифкатович, или Ещё один из «группы Мешкова» (выр.). Дзен. Лаборатория проблем цивилизации (15 авӑнӑн 2025). Пӑхнӑ кун: 2025 ҫулхи авӑнӑн 17-мӗшӗ.
  4. ^ Марат Якушев назначен и.о. министра промышленности и энергетики Чувашии. Тӗрӗсленӗ: 2025 ҫулхи авӑнӑн 17-мӗшӗ.
  5. ^ О Лекареве С.Н. (выр.). Портал органов власти Чувашской Республики (12 авӑнӑн 2025). Пӑхнӑ кун: 2025 ҫулхи авӑнӑн 13-мӗшӗ.
  6. ^ Олег Николаев вступил в должность Главы Чувашии: курс на развитие и заботу о людях (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  7. ^ Об отставке Кабинета Министров Чувашской Республики (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  8. ^ Оксана Казакова. Правительство Чувашии отправлено в отставку (выр.). Информационное агентство «Чувашинформ» (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  9. ^ Н. Владимирова. Подведены итоги предварительного голосования «Единой России» (выр.). Автономное учреждение Чувашской Республики «Редакция Шумерлинской газеты “Вперёд”» Министерства цифрового развития, информационной политики и массовых коммуникаций Чувашской Республики. Пӑхнӑ кун: 2026 ҫулхи утӑн 23-мӗшӗ.
  10. ^ Николаев назначил Якушева министром промышленности и энергетики (выр.). https://forum.na-svyazi.ru (13 раштавӑн 2025). Пӑхнӑ кун: 2025 ҫулхи раштавӑн 15-мӗшӗ.

Каҫӑсем

Темӑпа ҫыхӑннисем

Категорисем