Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Лекарев Сергей Николаевич

Disambig gray.svg Лекарев хушаматлă урăх çынсем çинчен РУВИКИ-ре статьясем пур.

Лекарев Сергей Николаевич (ҫур. 1971 ҫулхи ҫӗртмен 27-мӗшӗ, Ҫӗнӗ Шупашкар) — Раҫҫей регион шайӗнчи хуҫалӑх тата патшалӑх ӗҫченӗ. 2024 ҫулхи ҫурла уйӑхӗн 9-мӗшӗнчен пуҫласа 2025 ҫулхи авӑн уйӑхӗн 12-мӗшӗччен — Чӑваш Республики промышленность тата энергетика министрӗ пулнӑ[1].

Пурнӑҫӗпе ӗҫӗ-хӗлӗ

1971 ҫулхи ҫӗртмен 27-мӗшӗнче Чӑваш АССРӗн Ҫӗнӗ Шупашкар хулинче ҫуралнӑ.

1993 ҫулта И. Н. Ульянов ячӗллӗ Чӑваш патшалӑх университечӗн электротехника факультетне (специальнӑҫӗ — «Промышленность установкисенчи тата технологи комплексӗсенчи электропривод тата автоматизаци») вӗренсе пӗтернӗ. Ҫак университетрах юридици факультетӗнче (специальнӑҫӗ — «Юриспруденци») иккӗмӗш пӗлӳ илнӗ (1997)[2].

2000-мӗш ҫулсен пуҫламӑшӗнче патшалӑх службинче вӑй хунӑ, унтан бизнесра ӗҫленӗ, каярах «Чувашавтодор» АУО банкрота тухичченех унта тӗп директорӑн пӗтӗмӗшле ыйтусемпе ӗҫлекен ҫумӗ пулнӑ.

2020 ҫулхи пуш уйӑхӗнче Чӑваш Республикин промышленнӑҫпа энергетика министерствине ҫӗнӗрен йӗркелесен унта министр ҫумӗ пулнӑ. Александр Доманин министр 2020 ҫулхи ака уйӑхӗнче отставкӑна кайсан, Лекарев пилӗк уйӑх министр тивӗҫӗсене пурнӑҫласа пынӑ. Министр пуканне Евгений Герасимов йышӑнсан каялла министр ҫумӗн должнӑҫне таврӑннӑ, 2021 ҫулхи ҫурла уйӑхӗччен ӗҫленӗ[3].

2021 ҫулхи ҫурла уйӑхӗнчен пуҫласа 2024 ҫулхи ҫӗртме уйӑхӗн 28-мӗшӗччен Чӑваш Республикин Промышленнӑҫа аталантаракан фондӑн ертӳҫин ҫумӗнче вӑй хунӑ, «Эффективлӑ регион» программӑна пурнӑҫлассишӗн яваплӑ пулнӑ[2].

2024 ҫулхи ҫӗртме уйӑхӗн 28-мӗшӗнче Чӑваш Республикин промышленноҫпа энергетика министрӗн тивӗҫӗсене пурнӑҫлакана лартнӑ[4].

2024 ҫулхи ҫурла уйӑхӗн 9-мӗшӗнче Чӑваш Республикин Пуҫлӑхӗ Олег Николаев хӑйӗн хушӑвӗпе Лекарева Чӑваш Республикин промышленноҫпа энергетика министрне ҫирӗплетнӗ[5].

2025 ҫулхи авӑн уйӑхӗн 12-мӗшӗнче Чӑваш Республикин промышленноҫпа энергетика министрӗн должнӑҫӗнчен хӑтарнӑ[6].

2025 ҫулхи авӑн уйӑхӗн 15-мӗшӗнче Чӑваш Республикин промышленноҫпа энергетика министрӗн тивӗҫӗсене пурнӑҫлама Марат Рифкатович Якушева лартнӑ[7].

Ӑнлантарусем

  1. ^ Лекарев Сергей Николаевич - Министр (выр.). Министерство промышленности и энергетики Чувашской Республики — Чăваш Республикин Промышленность тата энергетика министерстви. Пӑхнӑ кун: 2025 ҫулхи авӑнӑн 8-мӗшӗ.
  2. ^ 1, 2 Сергей Лекарев назначен министром промышленности и энергетики Чувашии (выр.). НТА-Приволжье (9 ҫурлан 2024). Пӑхнӑ кун: 2025 ҫулхи авӑнӑн 8-мӗшӗ.
  3. ^ Елена Добролюбова. В Чувашии ушел с должности замминистра промышленности Сергей Лекарев, продолживший череду отставок (выр.). «Версия в Чувашии» (8 утӑн 2021). Пӑхнӑ кун: 2025 ҫулхи авӑнӑн 8-мӗшӗ.
  4. ^ Об исполняющем обязанности министра промышленности и энергетики Чувашской Республики (выр.). Портал органов власти Чувашской Республики - официальный интернет-портал (28 ҫӗртмен 2024). Пӑхнӑ кун: 2025 ҫулхи авӑнӑн 8-мӗшӗ.
  5. ^ О министре промышленности и энергетики Чувашской Республики (выр.). Портал органов власти Чувашской Республики - официальный интернет-портал (9 ҫурлан 2024). Пӑхнӑ кун: 2025 ҫулхи авӑнӑн 8-мӗшӗ.
  6. ^ О Лекареве С.Н. (выр.). Портал органов власти Чувашской Республики (12 авӑнӑн 2025). Пӑхнӑ кун: 2025 ҫулхи авӑнӑн 13-мӗшӗ.
  7. ^ Глава Чувашии Олег Николаев назначил Марата Якушева исполняющим обязанности министра промышленности и энергетики (выр.). Официальный портал органов власти Чувашской Республики (15 авӑнӑн 2025). Пӑхнӑ кун: 2025 ҫулхи авӑнӑн 15-мӗшӗ.

Каҫӑсем

Темӑпа ҫыхӑннисем

Категорисем