Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Тарасова Лариса Владимировна

Disambig gray.svg Тарасова хушаматлă урăх çынсем çинчен РУВИКИ-ре статьясем пур.

Тарасова Лариса Владимировна (ҫур. 1972 ҫулхи нарӑсӑн 18-мӗшӗ, Хусан) — врач, Чӑваш Республикин тава тивӗҫлӗ врачӗ. 2025 ҫулхи утӑ уйӑхӗн 14-мӗшӗнчен — Чӑваш Республикин сывлӑх сыхлав министрӗ[1].

Професси пӗлӗвӗ

1972 ҫулхи нарӑс уйӑхӗн 18-мӗшӗнче Хусанта ҫуралнӑ[2].

1995 ҫулта И. Н. Ульянов ячӗллӗ Чӑваш патшалӑх университечӗн медицина факультетне «Сиплев ӗҫӗ» специальноҫпа вӗренсе пӗтернӗ. Ку аслӑ шкултах 1995—1996 ҫулсенче — «Терапия» специальноҫпа интернатура(выр.)чăв., 1999 ҫута клиника ординатурине(выр.)чăв. вӗренсе пӗтернӗ[2].

2002 ҫулта кандидат диссертацине хӳтӗленӗ, медицина ӑслӑлӑхӗсен кандидачӗн(выр.)чăв. ӑсчах степеньне тивӗҫнӗ[3].

2003 ҫулта Чулхула патшалӑх медицина академийӗнче(выр.)чăв. «Гастроэнтерологи» специальноҫпа професси пӗлӗвне ӳстернӗ. 2005 ҫулта шалти чир-чӗрсен кафедрин доценчӗ пулса тӑнӑ[3].

2012 ҫулта доктор диссертацине хӳтӗленӗ, медицина ӑслӑлӑхӗсен докторӗн(выр.)чăв. ӑсчах степеньне тивӗҫнӗ[3].

Тӗрлӗ ҫулсенче Чӑваш Республикин Сывлӑх сыхлав министерствин Врачсен квалификацине ӳстермелли институтӗнче, Хусан патшалӑх медицина университетӗнче(выр.)чăв., И. М. Сеченов ячӗллӗ Пӗрремӗш Мускав патшалӑх медицина университетӗнче(выр.)чăв., Санкт-Петербургри Квалификацине ӳстермелли тата професси хатӗрленӗвӗн университетӗнче(выр.)чăв. хушма професси программисене вӗренсе пӗтернӗ[3].

2018 ҫулта И. Я. Яковлев ячӗллӗ Чӑваш патшалӑх педагогика университетӗнче «Патшалӑх тата муниципалитет управленийӗ» программӑна вӗренсе тухнӑ[3].

Карьера

1996 ҫулхи кӑрлач уйӑхӗнчен пуҫласа 1997 ҫулхи ҫурла уйӑхӗччен – В. И. Чапаев ячӗллӗ производство пӗрлешӗвӗн(выр.)чăв. медсанчаҫӗн 1 территори уйрӑмӗн участок службин врач-терапевчӗ[3].

1999 ҫулхи ака уйӑхӗнчен пуҫласа 2025 ҫулччен – И. Н. Ульянов ячӗллӗ Чӑваш патшалӑх университетӗнче преподаватель ӗҫӗнче пулнӑ: шалти чир-чӗр кафедрин ассистенчӗ, шалти чир-чӗр кафедрин доценчӗ, клиника гастроэнтерологийӗпе(выр.)чăв. гепатологи(выр.)чăв. курсӗн заведующийӗ, 1-мӗш госпиталь терапийӗн кафедрин доценчӗ, профессор тата госпиталь терапийӗн кафедрин заведующийӗ[3].

2005 ҫулхи авӑн уйӑхӗнчен пуҫласа 2006 ҫулхи утӑ уйӑхӗччен – Республикӑри гастроэнтерологи центрӗн клиникодиагностика центрӗн ертӳҫи, врач – Чӑваш Республикин Сывлӑх сыхлав министерствин «Республикӑри клиника больници» бюджет учрежденийӗн гастроэнтерологӗ[3].

2006 ҫулхи утӑ уйӑхӗнчен пуҫласа 2017 ҫулхи ҫу уйӑхӗччен Республикӑри гастроэнтерологи центрӗн заведующийӗ, Республика клиника больницин врач–гастроэнтерологӗ[3].

2017 ҫулхи ҫу уйӑхӗнчен пуҫласа 2018 ҫулхи кӑрлач уйӑхӗччен — Республика клиника больницин тӗп врачӗн терапи енӗпе ӗҫлекен ҫумӗ[3].

2018 ҫулхи нарӑс уйӑхӗнчен пуҫласа 2018 ҫулхи ҫӗртме уйӑхӗччен – Чӑваш Республикин Сывлӑх сыхлав министерствин «Врачсен квалификацине ӳстермелли институт» хушма пӗлӳ паракан патшалӑх автономи учрежденийӗн ректорӗ[3].

2018 ҫулхи ҫӗртме уйӑхӗнчен пуҫласа 2021 ҫулхи ҫу уйӑхӗччен – Ханты-Манси автономи округӗнчи Сургут округ клиника больницин тӗп врачӗн терапевт пулӑшӑвӗ енӗпе ӗҫлекен ҫумӗ[3].

2021 ҫулхи ҫу уйӑхӗнчен пуҫласа 2025 ҫулхи утӑ уйӑхӗччен – Чӑваш Республикин Сывлӑх сыхлав министерствин «Республика клиника больници» бюджет учрежденийӗн врач-гастроэнтерологӗ, гастроэнтерологи уйрӑмӗн заведующийӗ[3].

Чӑваш Республикин Пуҫлӑхӗн О. А. Николаевӑн хушӑвӗпе 2025 ҫулхи утӑ уйӑхӗн 14-мӗшӗнче Чӑваш Республикин сывлӑх сыхлав министрне ҫирӗплетнӗ[1].

2006—2018 тата 2021—2025 ҫулсенче Чӑваш Республикин Сывлӑх сыхлав министерствин штатра тӑман тӗп гастроэнтерологӗ шутланнӑ, 2021— 2025 ҫулсенче тата штатра тӑман тӗп специалист-терапевт[3].

Тарасова Л. В. ертсе пынипе Чӑваш Республикинчи вар-хырӑм органсен чирӗсемлӗ пациентсене медицина пулӑшӑвӗ памалли маршрут тата модель йӗрки туса хатӗрленӗ, врач-гастроэнтерологсен территорисен хушшинчи амбулатори кабинечӗсен тытӑмне йӗркеленӗ, вӗсем методика тата сиплев функцийӗсене чылай вӑйлатнӑ. Ҫҫӗнӗлӗхсем юлашки 5 ҫулта вар-хырӑм патологийӗнче вилессине 12% ытла чакарма май панӑ[3].

320 ӑслӑлӑх ӗҫӗн авторӗ (вӗсенчен 130 ытла Раҫҫейри тӗп ӑслӑлӑх журналӗсенче пичетленнӗ), 22 вӗренӳ пособийӗ, вӗсенчен 6-шӗ Раҫҫей Федерацийӗн Вӗрентӳ министерствин грифӗпе, кӑларнӑ. Рационализаторла предложениллӗ 3 патент, ҫӗнӗлӗх шутласа кӑларнӑ икӗ патент пур[3].

2025 ҫулхи авӑн уйӑхӗн 26-мӗшӗнче авӑн уйӑхӗн 12-14-мӗшӗсенче иртнӗ суйлавра ҫӗнтернӗ Чӑваш Республикин Пуҫлӑхӗн Олег Николаевӑн инаугурацийӗ(выр.)чăв. иртнӗ[4]. Унпа пӗрлех Олег Николаев 2025 ҫулхи авӑн 26-мешӗнчи 157-мӗш хушӑвӗпе Чӑваш Республикин Конституцийӗн 72 тата 91 статйисемпе килӗшӳллӗн Чӑваш Республикин Министрсен Кабинетне отставкӑна янӑ[5]. Министрсем ҫӗнӗ правительство пухиччен хӑйсен вырӑнӗсенче «тивӗҫӗсене пурнӑҫлакан» статуспа ӗҫлеҫҫӗ[6].

2025 ҫулхи юпа уйӑхӗн 3-мӗшӗнче Чӑваш Республикин Пуҫлӑхӗ 173-мӗш хушӑвӗпе Чӑваш Республикин сывлӑх сыхлав министрне ҫирӗплетнӗ[7].

Обществӑлла ӗҫ

Раҫҫейри терапевтсен медицина обществин президиумӗн пайташӗ, Раҫҫей гастроэнтерологи ассоциацийӗн(выр.)чăв. пайташӗ, Раҫҫей гастроэнтерологи ассоциацийӗ ҫумӗнчи эксперт канашӗн пайташӗ, Раҫҫей гастроэнтерологӗсен ӑслӑлӑх обществин Атӑл федераци округӗнчи вице-президенчӗ, Чӑваш Республикин терапевчӗсен ӑслӑлӑх обществин председателӗ[2].

«Экспериментальная и клиническая гастроэнтерология», «Терапия» (Мускав) ӑслӑлӑхпапрактика журналӗсен редколлеги пайташӗ[2].

Республика клиника больницин «Гастро-школа» шайӗнче тата массӑллӑ информаци хатӗрӗсенче (радиопа, телевиденипе тухса калаҫса) сывӑ пурнӑҫ йӗркине сарас тӗлӗшпе хастар ӗҫлет. 2015 ҫулта вӑл республикӑри чылай халӑха тимлӗх уйӑрнӑ «Сывлӑх академийӗ» проект йӗркеленӗ. 2017 ҫулта республикӑри «Сывлӑхлӑ Чӑваш Ен» телевидени проектне йӗркеленӗ тата ертсе пынӑ. 2018 ҫултанпа пыршӑлӑх чирӗсем амаланнӑ пациентсем тата тухтӑрсем валли Атӑлҫи шкулӗн йӗркелӳ комитетне ертсе пырать[2].

Вырӑнти общество пӗрлешӗвӗсенчен Чӑваш Республикин Общество палатин улттӑмӗш йышне суйланӑ[2].

2026 ҫулхи ҫу уйӑхӗнчи «Пӗрлӗхлӗ Раҫҫейӗн» Чӑваш Республикин Патшалӑх Канашне суйланма кандидата тӑратма тивӗҫлисене палӑртмалли умсасӑлавра 10-мӗш суйлав округӗпе 1-мӗш вырӑн йышӑннӑ[8].

Хисепӗсем

Ӑнлантарусем

  1. ^ 1, 2 Глава Чувашии Олег Николаев назначил Ларису Тарасову министром здравоохранения республики (выр.). Портал органов власти Чувашской Республики - официальный интернет-портал (14 утӑн 2025). Пӑхнӑ кун: 2025 ҫулхи утӑн 25-мӗшӗ.
  2. ^ 1, 2, 3, 4, 5, 6 Тарасова Лариса Владимировна (выр.). Общественная палата Чувашской Республики. Пӑхнӑ кун: 2025 ҫулхи утӑн 28-мӗшӗ.
  3. ^ 1, 2, 3, 4, 5, 6, 7, 8, 9, 10, 11, 12, 13, 14, 15, 16 Тарасова Лариса Владимировна - Министр (выр.). Официальный портал органов власти Чувашской Республики. Министерство здравоохранения Чувашской Республики. Пӑхнӑ кун: 2025 ҫулхи утӑн 28-мӗшӗ.
  4. ^ Олег Николаев вступил в должность Главы Чувашии: курс на развитие и заботу о людях (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  5. ^ Об отставке Кабинета Министров Чувашской Республики (выр.). Портал органов власти Чувашской Республики (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  6. ^ Оксана Казакова. Правительство Чувашии отправлено в отставку (выр.). Информационное агентство «Чувашинформ» (26 авӑнӑн 2025). Пӑхнӑ кун: 2025 ҫулхи авӑнӑн 29-мӗшӗ.
  7. ^ О министре здравоохранения Чувашской Республики (выр.). Официальный интернет-портал органов власти Чувашской Республики (3 юпан 2025). Пӑхнӑ кун: 2025 ҫулхи юпан 8-мӗшӗ.
  8. ^ Н. Владимирова. Подведены итоги предварительного голосования «Единой России» (выр.). Автономное учреждение Чувашской Республики «Редакция Шумерлинской газеты “Вперёд”» Министерства цифрового развития, информационной политики и массовых коммуникаций Чувашской Республики. Пӑхнӑ кун: 2026 ҫулхи утӑн 23-мӗшӗ.

Каҫӑсем

Темӑпа ҫыхӑннисем

Категорисем