Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Игумнов Анатолий Александрович

Disambig gray.svg Игумнов хушаматлă урăх çынсем çинчен РУВИКИ-ре статьясем пур.

Игумнов Анатолий Александрович (1946 ҫулхи ҫӗртмен 29-мӗшӗ, Шупашкар, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР — 2020 ҫулхи раштавӑн 6-мӗшӗ, Шупашкар, Чӑваш Республики — Чӑваш Ен, Раҫҫей Федерацийӗ[1]) — Раҫҫей муниципаллӑ тата патшалӑх ӗҫченӗ. Раҫҫей Федерацин патшалӑх премийӗн лауреачӗ (1999). Шупашкар хула администрацийӗн пуҫлӑхӗ, кайран Шупашкар хула хӑй тытӑмлӑхӗн пуҫлӑхӗ (1995—2002)[2].

Пурнӑҫӗпе ӗҫӗ-хӗлӗ

1946 ҫулхи ҫӗртме уйӑхӗн 29-мӗшӗнче Шупашкарта рабочисен ҫемйинче ҫуралнӑ. Пӗчӗк чухне тӑлӑха юлнӑ, лётчик пулма ӗмӗтленнӗ. 1965 ҫулхи ҫурлан 10-мӗшӗнче Балашоври вӗҫевҫӗсен аслӑ ҫар авиаци училищине(выр.)чăв. вӗренме кӗнӗ. L-29(выр.)чăв., Ил-14(выр.)чăв., Ан-24(выр.)чăв., Ан-26(выр.)чăв., Ли-2(выр.)чăв. самолётсемпе вӗҫнӗ; пӗтӗмӗшле вӗҫев 4 000 сехете яхӑн. Инженер-лейтенант званипе 1969 ҫулта Кавказ лешьен ҫар округӗнче ҫар карьерине пуҫланӑ.

1974—1994 ҫулсенче Украинӑра тӗрлӗ командир должноҫӗсенче хӗсметре тӑнӑ. 1974—1985 ҫулсенче Украинӑра авиаэскадрилья командирӗ, ятарлӑ авиачасть командирӗ пулса ӗҫленӗ. 1985—1990 ҫулсенче Сывлӑш ҫар вӑйӗсен хатӗрлев пайӗнче хӗсметре тӑнӑ, ятарлӑ авиаци чаҫӗн командирӗ пулнӑ, Польшӑн Сывлӑш ҫар вӑйӗсен ҫапӑҫӑва хатӗрлекен пайӗн вӗҫевҫи — аслӑ инспектор. 1990—1994 ҫулсенче Киевра Украинӑн сывлӑш юхӑмӗн управленийӗн автоматизациленӗ тытӑмӗн центрӗн пуҫлӑхӗ пулса хӗсметре тӑнӑ. 1994 ҫулта полковник званийӗпе 28 ҫул хушши хӗсметре тӑнӑ хыҫҫӑн ӗҫрен кӑларнӑ[2].

Шупашкарта

1994 ҫулхи раштавӑн 7-мӗшӗнче Анатолий Игумнова Шупашкар хула администрацийӗн пуҫлӑхӗн ӗҫйӗркелӳ ҫумӗн должноҫне йышӑннӑ. Чӑваш Республикин Президенчӗн 1995 ҫулхи ҫу уйӑхӗн 23-мӗшӗнчи хушавӗпе Шупашкар хула администрацийӗн пуҫлӑхӗн тивӗҫӗсене пурнӑҫлакана лартнӑ. 1996 ҫулхи раштав уйӑхӗнче иртнӗ суйлавра Шупашкар хулин хӑйтытӑмлӑх пуҫлӑхне суйланӑ. 2001 ҫулхи кӑрлачӑн 29-мӗшӗнче хула хӑйтытӑмлӑх пуҫлӑхне иккӗмӗш срока суйланӑ. 2002 ҫултанпа «Элара» АУО тивӗҫтерӳ службине ертсе пынӑ[2].

Рязаньте

2004 ҫулта Анатолий Игумнов Рязань облаҫӗн кӗпӗрнаттӑрӗн должноҫне йышӑнма кандидат пулса суйлав кампанине хутшӑннӑ Георгий Шпакӑн(выр.)чăв. суйлав штабӗнче(выр.)чăв. юрист пулса Шупашкар юрисчӗпе Андрей Чибиспа Рязань хулине кайнӑ[3]. Георгий Шпак суйлавра ҫӗнтернӗ хыҫҫӑн Анатолий Игумнова Рязань облаҫӗн кӗпӗрнаттӑрӗн Рязань хулине аталантарас енӗпе ӗҫлекен пулӑшуҫи пулма ҫирӗплетнӗ, Андрей Чибис вара Рязань облаҫӗн кӗпӗрнаттӑрӗн юридици ыйтӑвӗсемпе ӗҫлекен пулӑшуҫи должноҫне илнӗ[4].

Игумнов ҫавӑн пекех Рязань хула канашӗн депутачӗ пулнӑ. 2005 ҫулта Анатолий Игумнова Рязань хулин мэрӗ вырӑнне ҫирӗплетес енӗпе политика кампанине пуҫарнӑ, ҫапах та Рязань Хула канашӗн депутачӗсем сӗнекен кандидатурӑна ырлама килӗшмен; ҫакӑн чухне Хула канашӗн чылай депутачӗ Чибис вӗсене «хӑратни» пирки пӗлтернӗ[5].

Регионсен аталанӑвӗн институчӗн директорӗнче тата Раҫҫей Федерацийӗн Регионсен аталанӑвӗн министерстви(выр.)чăв. ҫумӗнчи ҫурт-йӗр политики енӗпе ӗҫлекен канашӑн пайташӗнче ӗҫленӗ[2].

2005 ҫултан

2005 ҫулта Шупашкара таврӑннӑ[6], мэр вырӑнне йышӑнас тӗллевпе кандидат пулса суйлав кампанине хутшӑннӑ. Суйлав кунӗччен пӗр уйӑх маларах (2005 ҫулхи юпан 16-мӗшӗнче) хӑйӗн кандидатурине илнӗ[7]. Тепӗр виҫӗ эрнерен Игумнова Чӑваш Республикин хула строительствин тата общество инфраструктурин аталанӑвӗн министрӗн ҫумӗ пулма ҫирӗплетнӗ; ҫак должноҫра 2007 ҫулччен вӑй хунӑ. 2007 ҫултан пуҫласа 2011 ҫулхи нарӑсӑн 2-мӗшӗччен «Авиалинии Чувашии» УАО тӗп директорӗнче ӗҫленӗ; 2011 ҫултан — «Чебоксарские городские электрические сети» УАО тӗп директорӗн общественноҫпа ҫыхӑну тытакан ҫумӗнче[2].

Чӑваш Республикин Патшалӑх канашҫи пулнӑ. «Старко» Фирма ТМЯО (Шупашкар) капиталлӑ строительство директорӗ пулса ӗҫленӗ. Шупашкар хула пухӑвӗн улттӑмӗш суйлавӗн депутачӗ (2015—2020) пулнӑ[2].

2020 ҫулхи раштавӑн 6-мӗшӗнче вилнӗ.

Астӑвӑм

  • Шупашкар хулин Явӑш масарне хисеплӗ ҫынсен пытару аллейинче пытарнӑ.
  • 2022 ҫулта Шупашкарти Ҫӗнӗ хула микрорайонӗнчи урама Игумнов ятне панӑ[8].
  • 2026 ҫулхи ҫӗртме уйӑхӗн 29-мӗшӗнче, Анатолий Игумнов ҫуралнӑранпа 80 ҫул ҫитнӗ кун, республикари массӑллӑ информаци хатӗрӗсенче хула пуҫлӑхне асанса статьясем пичетленӗ[9][10].

Ҫемье

Ывӑлӗ — Игумнов Олег Анатольевич — «Шупашкар аэропорт» Чӑваш Республикин хысна предприятийӗн тӗп директорӗ. Мускаври финанспа юридици академине вӗренсе пӗтернӗ; Раҫҫейӗн ШӖМ тата Следстви комитечӗн органӗсенче следовательте; Калининград хулинче адвокат пулса ӗҫленӗ.

Хисепӗсем

Ӑнлантарусем

  1. ^ Сегодня, 6 декабря, скончался бывший глава самоуправления Чебоксар Анатолий Игумнов. Пӑхнӑ кун: 2025 ҫулхи ҫурлан 27-мӗшӗ. Архивланӑ 2020 ҫулхи раштавӑн 6-мӗшӗ.
  2. ^ 1, 2, 3, 4, 5, 6 Ф. Ф. Фёдоров. Игумнов Анатолий Александрович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2025 ҫулхи авӑнӑн 3-мӗшӗ.
  3. ^ Технократ новой формации, который сделал себя сам: эксперты о врио губернатора Мурманской области Андрее Чибисе (выр.). Клуб регионов (21 пушӑн 2019). Пӑхнӑ кун: 2025 ҫулхи авӑнӑн 3-мӗшӗ.
  4. ^ Александр Рюмин. Губернатору Шпаку предъявлены старые требования (выр.). Газета «Коммерсантъ» (7 акан 2005). Пӑхнӑ кун: 2025 ҫулхи авӑнӑн 3-мӗшӗ.
  5. ^ Иван Трегубов. Шпак проиграл в битве с рязанскими депутатами (выр.). Утро.ру (24 раштавӑн 2004). Пӑхнӑ кун: 2025 ҫулхи авӑнӑн 3-мӗшӗ.
  6. ^ Елена Любарская. Генерал Шпак исчерпал терпение Кремля. Рязанского губернатора обвиняют в незаконном финансировании избирательной кампании (выр.). lenta.ru (15 нарӑсӑн 2005). Пӑхнӑ кун: 2025 ҫулхи авӑнӑн 3-мӗшӗ.
  7. ^ Бывший советник губернатора Андрей Чибис будет работать в крупной федеральной структуре в Москве пїЅпїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅпїЅпїЅ: https://62.ru/text/gorod/159680.html (выр.). 62.ru (18 ҫурлан 2005). Пӑхнӑ кун: 2025 ҫулхи авӑнӑн 3-мӗшӗ.
  8. ^ О присвоении элементу улично-дорожной сети в городе Чебоксары наименования «улица Анатолия Игумнова» и внесении изменений в постановление администрации города Чебоксары от 21.04.2008 № 111 (выр.). Городской округ город Чебоксары Чувашской Республики (4 акан 2022). Пӑхнӑ кун: 2026 ҫулхи ҫӗртмен 30-мӗшӗ.
  9. ^ Альберт Ильин, Валерий Львов. Хозяин города с душой лётчика (выр.). Средство массовой информации сетевое издание «Чувашинформ.рф» (29 ҫӗртмен 2026). Пӑхнӑ кун: 2026 ҫулхи ҫӗртмен 30-мӗшӗ.
  10. ^ Сегодня исполнилось бы 80 лет экс-мэру Чебоксар Анатолию Игумнову (выр.). forum.na-svyazi.ru (29 ҫӗртмен 2026). Пӑхнӑ кун: 2026 ҫулхи ҫӗртмен 30-мӗшӗ.

Вуламалли

  • Игумнов Анатолий Александрович: деятельность мэра г. Чебоксары на страницах печати (1996-2002 гг.) : библиогр. указ. лит. / Нац. б-ка Чуваш. Респ. ; [сост. Г. П. Соловьева, А. В. Матросова]. — Чебоксары : НБ ЧР, 2006. — 44 с.;
  • Анатолий Александрович Игумнов // Хыпар. — 2020. — 8 раштав/декабрь (№ 140). — С. 4 : сӑн ӳкерчӗк;
  • Анатолий Игумнов: отвергая — предлагай, предлагая — действуй // Достояние Республики. — 2019. — № 1 : Летопись, ч. 5. — С. 92-99 : фот.;
  • Бабайкина, Ж. Город им признателен / Ж. Бабайкина // Советская Чувашия. — 2011. — 20 авг. — С. 1;
  • Владимирова, Н. Они делали историю / Н. Владимирова // Чебоксарские новости. — 2011. — 20 авг. — С. 2;
  • Герасимов, И. Полку почетных граждан прибыло / И. Герасимов // Советская Чувашия. — 2011. — 2 июля. — С. 1;
  • Игумнов, А. Анатолий Игумнов: «Я горжусь этим городом» / А. Игумнов // Life & Love (Жизнь и Любовь). — 2015. — № 5 (авг. — сент.). — С. 10-14 : фот. цв.;
  • Игумнов Анатолий Александрович // Строители Чувашии / сост. П. Сымкин. — Чебоксары, 2015. — С. 111;
  • Летчик вернулся в небо // Справедливая Россия — Чувашия. — 2020. — Декабрь (№ 17). — С. 7 : фот.;
  • Петрова, О. «Познакомившись с ним, мы понимали — жизнь уже не будет прежней» / О. Петрова, В. Нардин, Е. Гальперина // Советская Чувашия. — 2020. — 8 декабря (№ 137). — С. 7 : фот.;
  • Почетные граждане города Чебоксары: Игумнов Анатолий Александрович // Чебоксарские новости. — 2023. — 31 октября (№ 121). — С. 4 : фот.;
  • Светлой памяти Игумнова Анатолия Александровича // Советская Чувашия. — 2020. — 8 декабря (№ 137). — С. 4 : фот.;
  • Федоров, Ф. Ф. Игумнов Анатолий Александрович / Ф. Ф. Федоров // Чувашская энциклопедия. — Чебоксары, 2008. — Т. 2 : Ж-Л. — С. 108-109.

Каҫӑсем

Темӑпа ҫыхӑннисем

Категорисем