Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Кадышев Евгений Николаевич

Disambig gray.svg Кадышев хушаматлă урăх çынсем çинчен РУВИКИ-ре статьясем пур.

Кадышев Евгений Николаевич (ҫур. 1962 ҫулхи ҫурлан 8-мӗшӗ, Шупашкар) — Раҫҫей экономисчӗ, аслӑ пӗлӳ йӗркелӳҫи, муниципалитет ӗҫченӗ. Шупашкар хулин пуҫлӑхӗ — Шупашкар хула депутачӗсен Пухӑвӗн председателӗ (2017—2020, 2022—2023 ҫҫ). 2023 ҫулхи чӳк уйӑхӗнчен пуҫласа — Шупашкар хула депутачӗсен Пухӑвӗн председателӗ. Экономика ӑслӑлӑхӗсен докторӗ, профессор.

Пурнӑҫӗпе ӗҫӗ-хӗлӗ

1962 ҫулхи ҫурла уйӑхӗн 8-мӗшӗнче Шупашкарта ҫуралнӑ.

1981 ҫулта Шупашкар энергетика техникумне вӗренсе пӗтернӗ[1]. 1986 ҫулта И. Н. Ульянов ячӗллӗ Чӑваш патшалӑх университетӗнчен, 1993 ҫулта Санкт-Петербург патшалӑх политехника университечӗн(выр.)чăв. аспирантуринчен(выр.)чăв. вӗренсе тухнӑ[1], «Организаци управленийӗн интеграциленӗ тытӑмне тӗпчесси тата проектласси» темӑпа кандидат диссертацине(выр.)чăв. хӳтӗленӗ.

1981 ҫулта Шупашкарти В. И. Чапаев ячӗллӗ производство пӗрлешӗвӗнче(выр.)чăв. электрооборудование юсас енӗпе электромонтерта ӗҫлеме пуҫланӑ. 1986 ҫултанпа И. Н. Ульянов ячӗллӗ Чӑваш патшалӑх университетӗнче ассистент, аслӑ преподаватель, доцент, профессор, кафедра заведующийӗ, управленипе социаллӑ технологисен факультечӗн деканӗ пулса ӗҫленӗ. 2000 ҫулта «Организаци управленийӗн нумай сийлӗ интеграциленӗ тытӑмне йӗркелесси» темӑпа доктор диссертацине хӳтӗленӗ, 2016 ҫултанпа — И. Н. Ульянов ячӗллӗ Чӑваш патшалӑх университечӗн ӑслӑлӑх енӗпе ӗҫлекен проректорӗ. Шупашкар хула пуҫлӑхӗ ҫумӗнчи Общество канашӗн пайташӗ шутланать.

«Пӗрлӗхлӗ Раҫҫей» парти пайташӗ.

2018 ҫулхи чӳк уйӑхӗн 16-мӗшӗнче Раҫҫей Федерацийӗн Ӑслӑлӑхпа аслӑ пӗлӳ министерствин Аттестаци комиссийӗн ларӑвӗнче И. Н. Ульянов ячӗллӗ Чӑваш патшалӑх университечӗн ректорӗн должноҫне йышӑнма тӑратнӑ кандидатурӑсене пӑхса тухнӑ. Пӑхса тухнин пӗтӗмлетӗвӗсем тӑрӑх ректор пулса ӗҫленӗ А. Ю. Александров, И. Н. Ульянов ячӗллӗ Чӑваш патшалӑх университечӗн ӑслӑлӑх енӗпе ӗҫлекен проректорӗн Е. Н. Кадышев, И. Н. Ульянов ячӗллӗ Чӑваш патшалӑх университечӗн истори тата ют ҫӗршывсен культурин кафедрин ертӳҫин О. Н. Широков кандидатурисене ырланӑ[2]. 2018 ҫулхи раштавӑн 12-мӗшӗнче А. Ю. Александрова ректор вырӑнне ҫӗнӗрен суйланӑ.

2020 ҫулхи юпан 8-мӗшӗнче Шупашкар хула депутачӗсен Пухӑвӗн(выр.)чăв. ҫиччӗмӗш суйлавӗн депутачӗсен Шупашкар хула Пухӑвӗн пӗрремӗш ларӑвӗнче Шупашкар хулин ҫӗнӗ пуҫлӑхне — депутатсен Шупашкар хула Пухӑвӗн председательне Олег Кортунова суйланӑ[3], Евгений Кадышев хула пуҫлӑхӗн виҫӗ ҫумӗнчен пӗри тата бюджет енӗпе яланхи комиссин председателӗ пулса тӑнӑ[4].

2021 ҫулта Е. Н. Кадышев (Л. П. Салаевпа, С. А. Васильевпа, Р. И. Александровпа, Д. В. Лобановпа, Н. В. Мулюхинпа пӗрле) «Механикӑлла ӗҫ тӑвакан газ вӑй-хӑватне улӑштараканӗ» шухӑшласа кӑларни пирки патент илнӗ[5].

2022 ҫулхи ҫурлан 26-мӗшӗнче Олег Игоревич Кортунов(выр.)чăв. вилсен 4 кун иртсен Шупашкар хула депутачӗсен Пухӑвӗн черетсӗр ларӑвӗнче Евгений Кадышева Шупашкар хула пуҫлӑхӗн тивӗҫӗсене пурнӑҫлакана суйланӑ.

2025 ҫулхи авӑн уйӑхӗн 14-мӗшӗнче пӗр мандатлӑ 2-мӗш суйлав округӗпе 8-мӗш суйлаври Шупашкар хула депутачӗсен Пухӑвӗн депутатне суйланнӑ[6].

2025 ҫулхи юпа уйӑхӗн 10-мӗшӗнче 8-мӗш суйлаври Шупашкар хула депутачӗсен Пухӑвӗн пӗрремӗш ларӑвӗнче 8-мӗш суйлаври Шупашкар хула депутачӗсен Пухӑвӗн председательне Владимир Анатольевич Доброхотова суйланӑ[7]. «Пӗрлӗхлӗ Раҫҫей» партин Шупашкар хулинчи уйрӑмӗ маларах Кадышевӑн кандидатурине сӗннӗ пулин те, унӑн ку долнӑҫран кайма тивнӗ. Е. Кадышева Бюджетпа ӗҫлекен яланхи комиссин председательне суйланӑ[8].

Ҫемье тата харпӑр пурнӑҫӗ

Евгений Кадышев авланнӑ, икӗ ача ӳстерет. Раҫҫей Федерацийӗн электротехника ӑслӑлӑхӗсен академийӗн чӑн пайташӗ.

Хисепӗсем

  • Чӑваш Республикин тава тивӗҫлӗ ӑслӑлӑх ӗҫченӗ;
  • РФ Вӗрентӳпе ӑслӑлӑх министерствин Хисеп грамоти;
  • Чӑваш Республикин Экономика аталанӑвӗн министерствин Хисеп грамоти;
  • «Чӑваш Республики умӗнчи тава тивӗҫлӗ ӗҫсемшӗн» орден медалӗ (2019)[9]:
  • Чӑваш Республикин Хисеп хучӗ.

Ӑнлантарусем

  1. ^ 1, 2 Яковлев, Г. Е. Кадышев Евгений Николаевич // Электронная Чувашская энциклопедия = Чувашская энциклопедия : в 4 т. / Гл. ред. В. С. Григорьев. — Чебоксары : Чувашское книжн. изд-во, 2008. — Т. 2: Ж—Л. — 491 с. — ISBN 978-5-7670-1549-8. // Чувашский государственный институт гуманитарных наук.
  2. ^ Объявление , Wayback Machine çинчи 2018 ҫулхи раштавӑн 20-мӗшӗнчи копийӗ // www.chuvsu.ru/
  3. ^ Олег Николаев поздравил нового главу города Чебоксары Олега Кортунова с избранием // Официальный портал органов власти Чувашской Республики. — 2020. — 8 юпан. — Дата обращения: 08.10.2020.
  4. ^ Назначены три заместителя главы города Чебоксары // Чебоксарское городское Собрание депутатов. — 2020. — 9 юпан. — Дата обращения: 14.10.2020.
  5. ^ Чебоксарские новости // smartik.ru
  6. ^ Кадышев Евгений Николаевич (с 14.09.2025) (выр.). Чебоксарское городское Собрание депутатов. Пӑхнӑ кун: 2025 ҫулхи юпан 16-мӗшӗ.
  7. ^ Председателем Чебоксарского городского Собрания депутатов избран Владимир Доброхотов (выр.). Официальный портал органов власти Чувашской Республики (11 юпан 2025). Пӑхнӑ кун: 2025 ҫулхи юпан 15-мӗшӗ.
  8. ^ Структура (выр.). Чебоксарское городское Собрание депутатов. Пӑхнӑ кун: 2025 ҫулхи юпан 16-мӗшӗ.
  9. ^ Указ Главы Чувашской Республики от 19 декабря 2019 г. № 151 «О награждении медалью ордена «За заслуги перед Чувашской Республикой» Кадышева Е.Н.» // Официальный портал органов власти Чувашской Республики. — 2019. — 19 раштавӑн.

Вуламалли

  • Кадышев, Е. Н. Ыран мӗн пуласси паян мӗнле ӗҫленинчен килет / Е. Н. Кадышев ; Н. Смирнова ҫырса илнӗ // Хыпар. — 2018. — 6 ака/апрель. — С. 8 : сӑн ӳкерчӗк;
  • Тӗп хулан — ҫӗнӗ пуҫлӑх // Хыпар. — 2017. — 6 юпа/октябрь. — С. 3. — (Ӗнер, паян, ыран / Е. Иванов, В. Багадерова хатӗрленӗ);
  • Михеева, Л. В одной команде / Л. Михеева // Чебоксарские новости. — 2017. — 5 окт. — С. 1 : фот.;
  • Персональная ответственность: В Чебоксарах переходят на новый принцип управления городом : [об избрании на пост председателя Чебоксарского городского Собрания депутатов Евгения Кадышева] // Комсомольская правда. — 2023. — 15-22 ноября (№ 46т). — Прил.: с. 3;
  • Яковлев, Г. Е. Кадышев Евгений Николаевич / Г. Е. Яковлев // Чувашская энциклопедия. — Чебоксары, 2008. — Т. 2 : Ж-Л. — С. 172.

Каҫӑсем

Темӑпа ҫыхӑннисем

Категорисем