Александров Андрей Юрьевич

«РУВИКИ» ирӗклӗ энциклопединчи материал
Disambig gray.svg Александров хушаматлă урăх çынсем çинчен РУВИКИ-ре статьясем пур.
Disambig gray.svg Александров Андрей хушаматлă урăх çынсем çинчен РУВИКИ-ре статьясем пур.
Ҫын пирки
Александров Андрей Юрьевич
Александров А.Ю
Çуралнă вăхăт 1966 ҫулхи ҫӑвӑн 21-мӗшӗ(1966-05-21) (60 ҫулта)
Çуралнă вырăн Майкоп хули, Адыгей автономилле облаçĕ, Краснодар крайĕ)
Гражданлăх
Альма-матер
Ĕçлев тĕсĕ экономист
Ĕçе илекен
Ашшĕ Александров Юрий Александрович (1935-2003), ăславçă-хăмлаçă, селекционер
Арăмӗ Надежда Александровна
Ачисем Екатерина, Михаил
Премисемпе чысланисем
медаль «За заслуги в проведении Всероссийской переписи населения»
почётный работник высшего профессионального образования Российской Федерации
медаль «Воину-интернационалисту от благодарного афганского народа»

Александров Андрей Юрьевич (ҫур. 1966 ҫулхи ҫӑвӑн 21-мӗшӗ, Майкоп, Краснодар Ен) — Раҫҫей аслӑ пӗлӳ парас ӗҫ йӗркелӳҫи, ӑсчах-экономист, историк, правовед; регионти (Чӑваш Республики) патшалӑх ӗҫченӗ.

И. Н. Ульянов ячӗллӗ Чӑваш патшалӑх университечӗн ректорӗ, Чӑваш Республикинчи аслӑ шкулсен ректорӗсен канашӗн председателӗ (2014 ҫултанпа). Чӑваш Республикин Патшалӑх Канашӗн VI тата VII суйлавӗсен депутачӗ (2016 ҫултанпа, «Пӗрлӗхлӗ Раҫҫей» партирен), унӑн президиумӗн пайташӗ (2021 ҫултанпа).

Экономика ӑслӑхӗсен кандидачӗ (2004), И. Н. Ульянов ячӗллӗ Чӑваш патшалӑх университечӗн доценчӗ[1] (2006 ҫултанпа); Раҫҫей Федерацийӗн аслӑ професси пӗлӗвӗн хисеплӗ ӗҫченӗ (2013).

Пурнӑҫӗпе ӗҫӗ-хӗлӗ

1966 ҫулхи ҫу уйӑхӗн 21-мӗшӗнче Краснодар крайӗнчи Майкоп хулинче Александров Юрий Александрович паллӑ совет селекционер-ӑсчах ҫемьинче ҫуралнӑ. Ашшӗ-амӑшӗ — Чӑваш Енре ҫуралса ӳснӗскерсем: ашшӗ Паҫпак (Шупашкар районӗ) ялӗнче ҫуралнӑ; амӑшӗ — Советски (Советски районӗ(выр.)чăв.) ялӗнче[2], профессийӗпе — биолог, ӑслӑлӑх лабораторийӗнче ӗҫленӗ. Ашшӗ-амӑшӗ нумай ачаллӑ ҫемьесенчен. Аслашшӗсем иккӗшӗ те — Тӑван Ҫӗршывӑн Аслӑ вӑрҫине хутшӑннӑ, вӗсенчен пӗри 1944 ҫулта пуҫ хунӑ[3].

Хӑй каланӑ тӑрӑх, тӑватӑ ҫулта вулама вӗреннӗ, 8 ҫулта вара Дюман «Виҫӗ мушкетер» кӗнекине(выр.)чăв. вуласа тухнӑ[4]; виҫҫӗмӗш класра чухне хӑйӗн пӗрремӗш укҫине Краснодар крайӗнчи чей плантацийӗсенче ӗҫлесе илнӗ[3] («10 тенкӗ ӗҫлесе илтӗм. / „Орленок“ велосипед туянтӑм, унпа темиҫе ҫул ярӑнтӑм»).

Шкул ҫулӗсенче Андрей Александров ашшӗ-амӑшӗпе пӗрле Чӑваш АССРӗн Ҫӗрпӳ районне куҫса килнӗ, унта унӑн ашшӗ Чӑваш ялхуҫалӑх химийӗн проектпа тӗпчев станцийӗн директорӗнче ӗҫлеме тытӑннӑ[5]. Куҫса килнӗ хыҫҫӑн Ҫӗрпӳри 1-мӗш вӑтам шкулта вӗреннӗ[6]. Шкул ҫулӗсенче маркӑсем пуҫтарнӑ (космос, фауна, живопись. «Маркӑсем вӗсем, тӗрӗссипе каласан, — миниатюрӑллӑ ӳкерчӗксем. Ҫав тери илемлӗ»). Ҫамрӑк натуралистсен кружокне ҫӳренӗ. 1983 ҫулта шкултан вӗренсе тухсан И. Н. Ульянов ячӗллӗ Чӑваш патшалӑх университечӗн историпе филологи факультетне вӗренме кӗнӗ.

1984—1986 ҫулсенче СССР Хӗҫпӑшаллӑ Вӑйӗсен(выр.)чăв. ретӗнче ҫар хӗсметӗнче тӑнӑ. 1984 ҫулхи ҫӗртме уйӑхӗнчен пуҫласа 1984 ҫулхи юпа уйӑхӗччен Туркмен ССР(выр.)чăв. территоринче хӗсметре тӑнӑ, 1984 ҫулхи юпа уйӑхӗнчен пуҫласа 1986 ҫулхи ака уйӑхӗччен — Афганистан Демократиллӗ Республикин(выр.)чăв. территорийӗнчи танк подразделенийӗ шутӗнче; Афган вӑрҫине(выр.)чăв. хутшӑннӑ[7][8]. Ҫар специальноҫӗпе — вӑтам танкӑн(выр.)чăв. механик-водителӗ(выр.)чăв., Т-62 танкӑн(выр.)чăв. механик-водителӗ пулнӑ («Афганистанра эпир тиев турттаракан колоннӑсене персе тӗп тӑвасран сыхланӑ, пӗрле ҫӳренӗ»)[9].

Ҫарта хӗсметре тӑнӑ хыҫҫӑн университетра пӗлӗве малалла тӑснӑ. Аслӑ шкулти «Студентсен ҫуркунни» фестивале хутшӑннӑ («Эпир районсем тӑрӑх агитбригадӑсемпе ҫӳренӗ. Пирӗн команда членӗсем, тӗслӗхрен, студент чухне «Студентсен ҫуркуннин» призёрсем те пулнӑ)[10]. 1987—1989 ҫулсенче студентсен строительство отрядӗнче(выр.)чăв. ӗҫленӗ[11]; 3-мӗш курс пӗтерсен Чӑваш АССРӗн Улатӑр районӗнчи автомобильпе чукун ҫулсем юсанӑ тата тунӑ ҫӗрте ӗҫлекен стройотряд бригадине ертсе пынӑ; ВЛКСМ Чӑваш обкомӗн ССО облаҫри штабӗ хушнипе Молдави ССРӗнчи Кантемир районӗнчи пӗрлештернӗ ялхуҫалӑх отрячӗсем мӗнле ӗҫленине тӗрӗсленӗ[12].

Административлӑ тата политикӑри ӗҫӗ-хӗлӗ

Александров А. Ю. 2014 ҫулхи авӑнӑн 1-мӗшӗнче

1988—1992 ҫулсенче И. Н. Ульянов ячӗллӗ Чӑваш патшалӑх университечӗн комсомол тата профсоюз(выр.)чăв. организацийӗсенче вӑй хунӑ: ВЛКСМ комитечӗн йӗркелӳ ӗҫӗшӗн яваплӑ секретарӗн ҫумӗ, профсоюз комитечӗн пайӗн заведующийӗ. Ҫак тапхӑрта — 1990 ҫулта — Александров «Истори» специальноҫпа историпе филологи факультетне вӗренсе пӗтернӗ. 1992—1999 ҫулсенче аслӑ инженер(выр.)чăв., университетӑн социаллӑ аталану пайӗн пуҫлӑхӗ пулса ӗҫленӗ. 1997—1999 ҫулсенче — университетӑн йӗркелӳ ӗҫӗпе ӗҫлекен проректорӗн ҫумӗ.

1990 ҫултан пуҫласа 1994 ҫулччен Шупашкар хулин Мускав районӗн халӑх депутачӗсен канашӗн депутачӗ пулнӑ. 1994 ҫултан пуҫласа 2000 ҫулччен — Шупашкар хула пуҫлӑхӗн тата Шупашкар хула депутачӗсен пухӑвӗн(выр.)чăв. депутачӗсен Шупашкар хула суйлав комиссийӗн членӗ. 1994 ҫултанпа — университетра ӗҫлекенсен профсоюз комитечӗн членӗ.

1997 ҫулта И. Н. Ульянов ячӗллӗ Чӑваш патшалӑх университечӗн юридици факультетне пӗтерни ҫинчен диплом илнӗ. 1998 ҫулта Студентсен 73-мӗш суйлав округӗнчен (Шупашкар) Чӑваш Республикин Патшалӑх Канашӗн депутатне суйланма кандидат пулса суйлава хутшӑннӑ[13]. 1999 ҫултан пуҫласа 2000 ҫулччен патшалӑх службинче: Чӑваш Республикин Патшалӑх канашӗн председателӗн консультант-канашҫи, Чӑваш Республикин Патшалӑх Канашӗн Аппарачӗн ертӳҫи[14][15]. 2014 ҫулта Александров патшалӑх хӗсмечӗ пирки ҫапла аса илнӗ: «Ку пысӑк шкул пулчӗ, анчах вӑл мана университетран уйӑраймарӗ. Тепӗр икӗ ҫултан университета таврӑнтӑм. Университет сывлӑшӗ мана ҫывӑх»[10].

2000 ҫултан пуҫласа 2010 ҫулччен — И. Н. Ульянов ячӗллӗ Чӑваш патшалӑх университечӗн социаллӑ аталану пайӗн (2003 ҫултанпа — управлени) пуҫлӑхӗ[16]; 2010 ҫултанпа — ҫавӑн пекех юридици факультечӗн халӑх правин кафедрин ертӳҫи[17]; 2000—2009 ҫулсенче университет ректорӗн пулӑшуҫи, ректорат секретарӗн тивӗҫӗсене пурнӑҫланӑ; 2009 ҫултанпа — аслӑ шкулӑн Ӑслалӑх канашӗн(выр.)чăв. ӑсчах-секретарӗ; 2010-па кӑрлач уйӑхӗн 2-мӗшӗччен — университетӑн вӗренӳ ӗҫӗпе ӗҫлекен проректорӗ(выр.)чăв.[16].

2003—2006 ҫулсенче «Семья в России» журналӑн тӗп редактор ҫумӗ тата редакци коллегийӗн пайташӗ шутланнӑ.

Обществӑлла майпа И. Н. Ульянов ячӗллӗ Чӑваш патшалӑх университечӗн ӗҫченӗсен пуҫламӑш профсоюз организацийӗн председателӗн ҫумӗ[18], Социаллӑ страховани, общество апатланӑвӗ, ҫурт-йӗрпе йӑла ыйтӑвӗ енӗпе ӗҫлекен комисси председателӗ[19], юридици факультечӗн деканӗн ҫумӗ пулса ӗҫленӗ. Чӑваш Республикин Пуҫлӑхӗ ҫумӗнчи вӗрентӳ тытӑмне модернизацилес енӗпе ӗҫлекен канашӑн ӗҫ ушкӑнӗн членӗ пулнӑ.

2013 ҫулхи пуш уйӑхӗн 18-мӗшӗнчен пуҫласа — Чӑваш патшалӑх гуманитари ӑслӑлӑхӗсен институчӗн Ӑслӑлӑх канашӗн пайташӗ[20].

2013 ҫулхи раштавӑн 24-мӗшӗнче Александров М. В. Ломоносов ячӗллӗ Мускав патшалӑх университечӗн Фундаменталлӑ библиотекин Интеллектуаллӑ центрӗн ҫуртӗнче Раҫҫей шкул ачисен олимпиадисен канашӗн, Раҫҫейӗн классика университечӗсен Ассоциацийӗн съезчӗн, Классика университечӗн вӗрентӳ енӗпе ӗҫлекен вӗренӳпе методика пӗрлешӗвӗн пленумӗн пӗрлехи ларӑвне хутшӑннӑ[21].

2015 ҫулхи авӑн уйӑхӗн 29-мӗшӗнчен пуҫласа — «Изучение русской культуры» журналӑн редакци коллегийӗн членӗ[22][23], ӑна Раҫҫее тӗпчекен центр Аньхойри университет (Хэфэй хули, КХР) кӑларать. «Вестник Чувашского университета» журналӑн тӗп редакторӗ[24].

2016 ҫулхи авӑн уйӑхӗнчен пуҫласа — Чӑваш Республикин Патшалӑх Канашӗн IV суйлавӗн депутачӗ, «Пӗрлӗхлӗ Раҫҫей» партирен[25]. Чӑваш Республикин Патшалӑх Канашӗн икӗ — (1) социаллӑ политикӑпа наци ыйтӑвӗсемпе ӗҫлекен тата (2) бюджет, финанс тата налук енӗпе ӗҫлекен — комитечӗн пайташӗ[26]. 2021 ҫултанпа Чӑваш Республикин Пуҫлӑхӗ ҫумӗнчи Общество канашӗн председателӗн ҫумӗ шутланать.

2021 ҫулта Андрей Александров республикӑн парламентне суйлас умӗн Патшалӑх Канашӗнчи «Пӗрлӗхлӗ Раҫҫей» фракцин чи пысӑк рейтинг илнӗ депутачӗсенчен пӗри пулса тӑнӑ[27]. Республика парламентне 2021 ҫулхи авӑн уйӑхӗн 19-мӗшӗнче пӗр мандатлӑ округпа суйланнӑ.

Преподаватель тата ӑслӑлӑх ӗҫӗ-хӗлӗ

И. Н. Ульянов ячӗллӗ Чӑваш патшалӑх университечӗн ҫӗнӗ корпусӗ, кунта ҫав шутра юридици факультечӗ вырнаҫнӑ

Преподаватель ӗҫне 1996 ҫулта пуҫӑннӑ. И. Н. Ульянов ячӗллӗ Чӑваш патшалӑх университечӗн юридици, тӗнчери экономика хутшӑнӑвӗсем, экономика тата менеджмент факультечӗсенче вӗрентнӗ.

2004 ҫулта «Регионти классика университечӗн вӗрентӳ комплексӗн тытӑмне йӗркелени» темӑпа экономика ӑслӑлӑхӗсен кандидачӗн диссертацине хатӗрленӗ. 2016 ҫул тӗлне вӗрентӳ тытӑмӗн, халӑха социаллӑ хӳтлӗх парас, патшалӑх органӗсен право ӗҫ-хӗлӗн ҫивӗч ыйтӑвӗсемпе 100 ытла ӑслӑлӑх, вӗренӳ тата вӗренӳпе меслетлӗх ӗҫӗ пичетлесе кӑларнӑ, кӗнеке редакци коллегийӗсен авторӗ, соавторӗ тата пайташӗ пулнӑ.

Раҫҫей Федерацийӗн Вӗрентӳпе ӑслӑлӑх министерстви(выр.)чăв. хушнипе тематика планне пурнӑҫланӑ май Раҫҫей гуманитари ӑслӑлӑх фончӗн гранчӗсемпе ӑслӑлӑх-тӗпчев ӗҫӗсене пурнӑҫлама хутшӑннӑ.

Раҫҫей Федерацийӗнче аслӑ пӗлӳ аталанӑвӗн ҫивӗч ыйтӑвӗсемпе тата юриспруденци ыйтӑвӗсемпе статьясем ҫырать. 2014 ҫулта Александров интервьюсенчен пӗринче ҫапла палӑртнӑ: «Енчен те хӑвӑрӑн статьяна, уйрӑмах гуманитари ӑслӑлӑхӗсемпе, чикӗ леш енче пичетлесе кӑларас тетӗр пулсан, ӑна Раҫҫее хирӗҫлесе ҫырӑр. Тен, вӑл пичетленсе тухӗ. Енчен те эсир Раҫҫей историне объективлӑ ҫутатса паратӑр пулсан, тӗрӗс ҫӑлкуҫсене илсе паратӑр пулсан, ют ҫӗршывсенчи журналсене лекесси чылай кӑткӑсланӗ»[10]. «Пӗрлӗхлӗ Раҫҫей» партин «Истори астӑвӑмӗ» проекчӗн регионти координаторӗ А. Ю. Александров 2022 ҫулхи акан 20-мӗшӗнче каланинчен: «Иртнӗ вӑхӑтри трагедисем тепӗр хут пуласран сыхланма хамӑрӑн историе питӗ асра тытмалла. Уйрӑмах халӗ, ҫамрӑк ӑрусемшӗн фашизм тискерлӗхӗсем учебникри йӗркесем кӑна чухне. Хӑш-пӗр политика вӑйӗсем пур, вӗсем историе пӑсма, ҫамрӑксене хӑйсене кирлӗ пек истори ҫырса кӑтартма тӑрӑшаҫҫӗ»[28].

Ректор

И. Н. Ульянов ячӗллӗ Чӑваш патшалӑх университечӗн Ӑслӑлӑх канашӗ В. Г. Агаков ректор(выр.)чăв. должноҫӗнчен каясси пирки йышӑну тунӑ хыҫҫӑн, юридици факультечӗн Ӑслӑлӑх канашӗ Александрова ректора суйлама кандидата тӑратнӑ. Кандидатурӑна каярахпа 16 факультетӑн Ӑслӑлӑх канашӗсем ырланӑ[29]. Суйлав процедурисем 2013 ҫулхи авӑнӑн 20-мӗшӗнче пуҫланнӑ[30].

2013 ҫулхи юпан 2-мӗшӗнче университетӑн Ӑслӑлӑх канашӗ ректор вырӑнне йышӑнма кандидата тӑратнисен списокне ҫирӗплетнӗ, унта Александровсӑр пуҫне ҫаксем кӗнӗ:

  • Чӑваш Республикин вӗрентӳ тата ҫамрӑксен политикин министрӗ В. Н. Иванов;
  • Чӑваш патшалӑх гуманитари ӑслӑлӑхӗсен институчӗн директорӗ Ю. Н. Исаев;
  • РАНХиГС Шупашкарти филиалӗн социаллӑ технологисен кафедрин заведующийӗ Н. Г. Семедова-Полупан;
  • И. Н. Ульянов ячӗллӗ Чӑваш патшалӑх университечӗн регионти экономикӑпа предпринимательство кафедрин ертӳҫи А. Е. Яковлев[31].

2013 ҫулхи чӳкӗн 8-мӗшӗнче Раҫҫей Федерацийӗн Вӗрентӳпе наука министерствин Аттестаци комиссийӗн ларӑвӗнче Д. В. Ливанов(выр.)чăв. министр ертсе пынипе И. Н. Ульянов ячӗллӗ Чӑваш патшалӑх университечӗн ректорӗн должноҫне йышӑнма тӑратнӑ кандидатурӑсене пӑхса тухнӑ. Пӑхса тухнӑ май А. Ю. Александровпа Ю. Н. Исаев сасӑлава хутшӑнма ырланӑ[32]. 2013 ҫулхи раштавӑн 10-мӗшӗнче ӑслӑлӑхпа педагогика ӗҫченӗсен конференцийӗнче вӑрттӑн сасӑлавпа Александрова И. Н. Ульянов ячӗллӗ Чӑваш патшалӑх университечӗн ректорне суйланӑ. Андрей Александров кандидатуришӗн вӑрттӑн сасӑлав пӗтӗмлетӗвӗ тӑрӑх 221 делегатран 207-шӗ сасӑланӑ[17]. Александрова ректор вырӑнне Раҫҫей Федерацийӗн вӗренӳпе ӑслӑлӑх министрӗн 2013 ҫулхи раштавӑн 23-мӗшӗнчи хушӑвӗпе 2014 ҫулхи кӑрлачӑн 3-мӗшӗнчен пуҫласа 2019 ҫулхи кӑрлачӑн 2-мӗшӗччен ҫирӗплетнӗ. Суйлав умӗн А. Ю. Александров ҫак тӗллевсене палӑртнӑ: «Университет ӗҫченӗсен ӗҫ укҫине ерипен ӳстерсе пырса 2018 ҫул тӗлне профессорпа преподаватель йышӗн вӑтам ӗҫ укҫине Чӑваш Республикин экономикипе вӑтам ӗҫ укҫин шайӗнчен 200 % таран ҫитермелле[33]; Раҫҫей Федерацийӗнчи чӑваш диаспоринче пултаруллӑ абитуриентсене шырамалла».

2014 ҫулхи кӑрлачӑн 30-мӗшӗнче Чӑваш Республикинчи аслӑ шкулсен ректорӗсен канашӗн председательне суйланӑ[34]; Раҫҫей ректорӗсен союзӗн тата Атӑлҫи федераци округӗнчи аслӑ шкулсен ректорӗсен канашӗн пайташӗ. 2014 ҫулхи пушӑн 5-мӗшӗнче Александрова Чӑваш Республикин Пуҫлӑхӗ ҫумӗнчи ӑслӑлӑх тата техника енӗпе Чӑваш Республикин Патшалӑх премийӗсем енӗпе ӗҫлекен комисси йышне кӗртнӗ[35].

2014 ҫулхи акан 8-мӗшӗнче Чӑваш Республикин Министрсен Кабинечӗ пулӑшнипе И. Н. Ульянов ячӗллӗ Чӑваш патшалӑх университечӗн машина тӑвакан факультечӗн никӗсӗ ҫинче Чӑваш Республикин ҫамрӑксен инноваци пултарулӑхӗн центрне уҫнӑ[36]. Ректора суйланӑранпа Александров Мари патшалӑх университечӗн(выр.)чăв. ректорӗн тивӗҫӗсене пурнӑҫлакан М. Н. Швецовпа (2014, пуш, 5)[37], Чӑваш Республикин Пуҫлахӗпе М. В. Игнатьевпа (2014, ака, 8)[38], Патшалӑх Думин вӗренӳ комитечӗн председателӗпе В. А. Никоновпа (2014, юпа, 30)[39] тӗлпулнӑ. 2014 ҫулхи ҫу уйӑхӗн 19-мӗшӗнче Раҫҫей патшалӑх гуманитари университетӗнче(выр.)чăв. Раҫҫей истори обществин(выр.)чăв. пӗрлехи пухӑвӗн ларӑвне хутшӑннӑ[40].

Александров А. Ю. университетран вӗренсе тухнисемпе, 2016 ҫулхи ҫӗртме уйӑхӗ

2014 ҫулхи утӑн 10-мӗшӗнче Раҫҫей ректорӗсен союзӗн(выр.)чăв. черетсӗр съездӗнче Раҫҫей ректорӗсен союзӗн Канашӗн йышне кӗртнӗ[41]. 2014 ҫулхи утӑ уйӑхӗнче Федерацин вӗрентӳпе наука сферинче пӑхса тӑракан службин Аккредитаци коллегийӗн йышӑнӑвне тӗпе хурса А. Ю. Александрова Чӑваш Республикинчи аслӑ пӗлӳ пахалӑхне хаклакан ӗҫ ушкӑнӗн вузсен канашӗ йӗркеленӗ ректорсен йышне кӗртнӗ[42]. 2015 ҫулта Федераци Канашӗнче, Еврази университечӗсен ассоциацийӗн канашӗнче ӗҫлекен К. И. Косачевӑн(выр.)чăв. Федераци Канашӗн пайташӗн пулӑшаканӗ шутланнӑ.

А. Ю. Александров оборонӑпа промышленность комплексӗн предприятийӗсенче ӗҫлекен аслӑ шкулсенчен вӗренсе тухакансене ҫара каяссинчен хӑтармалла тесе шутлакансен йышӗнче («ҫакӑн пек мерӑсем чӑнах та экономикӑн «оборонка» евӗр стратегилле пӗлтерӗшлӗ секторӗн кадр вӑй-хӑватне палӑрмаллах ҫирӗплетме май парӗҫ тесе шутлатӑп)[43].

2015 ҫулхи юпа уйӑхӗн 9-мӗшӗнче Чӑваш Республикин Пуҫлӑхӗпе М. В. Игнатьевпа ӗҫлӗ тӗлпулу ирттернӗ; тӗлпулура ректор Китай Халӑх Республикин Аньхой(выр.)чăв. провинцине ӗҫлӗ ҫул ҫӳревӗн пӗтӗмлетӗвӗсене сӳтсе явнӑ; ректор пӗлтернӗ тӑрӑх, «Нумаях пулмасть университет кустӑрмаллӑ тата гусеницӑллӑ машинӑсен кафедрине уҫнӑ. Ку хӑйне евӗрлӗ кафедра, паянхи кун вӑл темиҫе аслӑ шкулта кӑна пур»[44].

2018 ҫулхи чӳк уйӑхӗн 16-мӗшӗнче Раҫҫей Федерацийӗн Ӑслӑлӑхпа аслӑ пӗлӳ министерствин Аттестаци комиссийӗн ларӑвӗнче И. Н. Ульянов ячӗллӗ Чӑваш патшалӑх университечӗн ректорӗн должноҫне йышӑнма тӑратнӑ кандидатурӑсене пӑхса тухнӑ. Пӑхса тухнин пӗтӗмлетӗвӗсем тӑрӑх А. Ю. Александров, И. Н. Ульянов ячӗллӗ Чӑваш патшалӑх университечӗн ӑслӑлӑх ӗҫӗпе ӗҫлекен проректорне Е. Н. Кадышев, И. Н. Ульянов ячӗллӗ Чӑваш патшалӑх университечӗн истори тата ют ҫӗршывсен культурин кафедрин ертӳҫин О. Н. Широков кандидатурисене ырланӑ[45]. 2018 ҫулхи раштавӑн 12-мӗшӗнче А. Ю. Александрова ректор вырӑнне ҫӗнӗрен суйланӑ.

2022 ҫулхи пуш уйӑхӗн 6-мӗшӗнче Украинӑра ҫар ӗҫӗсем(выр.)чăв. пуҫланнӑ хыҫҫӑн Владимир Путин президент ӗҫӗсене ырланӑ ҫырӑва алӑ пуснӑ[46]. 2022 ҫулхи утӑ уйӑхӗнче Донецк Халӑх Республикине ҫитсе курнӑ, унта Донецкра наука, вӗрентӳ тата воспитани сферисенче ДонНТУ ректорӗпе Александр Аноприенкопа килӗшӳ алӑ пуснӑ[47].

Харпӑр пурнӑҫ, ҫемье

Ҫемье

Андрей Александров Шупашкар хулинче пурӑнать[48]. Мӑшӑрӗ — Надежда Александрова, унпа студент ҫулӗсенче паллашса мӑшӑрланнӑ. Хӗрӗ Екатерина — инвестици енӗпе ӗҫлекен специалист, шкултан кӗмӗл медальпе вӗренсе тухнӑ; ывӑлӗ — Михаил[3].

Амӑшӗн аслашшӗ Фёдоров Гурий Фёдорович Етӗрне уесӗнчи Лапракасси ялӗнче 1913 ҫулхи авӑнӑн 24-мӗшӗнче ҫуралнӑ. 1932 ҫулта Сӗнтӗрвӑрринчи ҫӗр йӗркеленӗвӗпе мелиораци техникумӗнчен вӗренсе тухнӑ. 1934 ҫулта СССР НКЗ хушӑвӗпе Инҫет Тухӑҫ тӑрӑхне тухса кайнӑ, унта вӑл 1935 ҫулччен Байкал-Амур магистралӗн экспедицин тӗпчев партийӗн пуҫлӑхӗ тата топографӗ пулса ӗҫленӗ. 1935 ҫултан пуҫласа 1936 ҫулччен ҫӗр йӗркеленӗвӗн тата ҫӗр ӗҫӗн наркомачӗн мелиорацийӗн управленийӗнче аслӑ проектировщик пулса ӗҫленӗ. 1936 ҫултан пуҫласа 1938 ҫулччен — Хӗрлӗ Ҫар ретӗнче ҫар хӗсметӗнче; 1937 ҫултан пуҫласа 1938 ҫулччен — 6055-мӗш ҫар чаҫӗнче автобронетанк пурлӑхӗн склачӗн пуҫлӑхӗ; 1938 ҫулхи чӳк уйӑхӗнче демобилизациленӗ. 1938—1939 ҫулсенче — Чӑваш АССР ҫӗр ӗҫ наркомачӗн ҫӗр йӗркелӗвӗн тата картографин управленинче аслӑ топограф; 1939—1941 ҫулсенче — аслӑ ҫӗр йӗркелӳҫи. 1941—1942 ҫулсенче — 12-мӗш ҫар управленийӗн ҫар-уй сооруженийӗсене тунӑ ҫӗрте аслӑ инженер. 1942 ҫулхи ҫӑвӑн 10-мӗшӗнче Чӑваш АССР Шӑмат салинче пурӑннӑ Гурий Фёдорова ҫара илнӗ, ӑна Арзамасри училищӗне тепӗр хут аттестациленме тата лейтенант званине пама вӗренме янӑ. 1942 ҫулти раштав уйӑхӗнче миномёт училищине вӗренсе пӗтерсен Волхов фрончӗн 82-мӗш стрелоксен полкӗн миномёт батареин взвочӗн командирне ҫирӗплетнӗ. 1944 ҫулта Рига хули ҫывӑхӗнче йывӑр аманнӑ, 3478-мӗш госпитальте пулнӑ; сипленнӗ хыҫҫӑн 1258-мӗш стрелоксен полкӗнче миномёт батареин взвочӗн командирне лартнӑ. 378-мӗш стрелоксен дивизине салатнӑ хыҫҫӑн 193-мӗш артполкӑн боепитани взвочӗн командирне лартнӑ, 1945 ҫулхи ҫурлан 12-мӗшӗччен унта пулнӑ. 1945 ҫулхи чӳк уйӑхӗнчен пуҫласа — 26-мӗш мотомехдивизин 85-мӗш мотомехполкӗн артснабжени пуҫлӑхӗ. Нарва ҫывӑхӗнчи, Рига патӗнчи, Новгород ҫывӑхӗнчи тапӑну операцийӗсене хутшӑннӑ. Волхов тата 2-мӗш Балтиҫум фрончӗсенче миномёт взвочӗн командирӗ пулнӑ. 1944 ҫулхи утӑн 18-мӗшӗнче Дрисса юханшывне ӑнӑҫлӑ каҫса ҫирӗпленнӗшӗн 378-мӗш стрелоксен дивизин 1258-мӗш стрелоксен полкӗн лейтенанчӗ Гурий Фёдоров Хӗрлӗ Ҫӑлтӑр орденне тивӗҫнӗ. Берлина ҫитнӗ; 1946 ҫулхи авӑнӑн 20-мӗшӗнче демобилизациленӗ. 1963 ҫулхи ака уйӑхӗн 28-мӗшӗнче вилнӗ.

Кӑсӑклану

Андрей Александров футболпа кӑсӑкланать; сывӑ пурнӑҫ йӗркине пропагандӑлать[49]; вӑтӑр ҫул ытла, студент вӑхӑтӗнчен пуҫласа, «Ульяновец» хаҫат парнисемшӗн ирттерекен ҫӑмӑл атлетика ӑмӑртӑвне хутшӑнать[50]. Андрей Александров — Раҫҫей юрисчӗсен ассоциацийӗн членӗ, Афганистанри тата ҫар-вӑрҫӑ инваличӗсен Раҫҫейри общество организацийӗн Чӑваш Республикинчи уйрӑмӗн пайташӗ[26][3].

2015 ҫулхи интервьюра хӑй сӗнме пултаракан ҫыравҫӑсемпе вӗсен хайлавӗсем шутне чи малтан А. С. Пушкина, Л. Н. Толстоя, А. П. Чехова тата Б. Л. Васильева («А зори здесь тихие») кӗртнӗ[51]; 2016 ҫулхи интервьюра юратнӑ кӗнекесем хушшинче ҫавӑн пекех М. А. Булгаковӑн «Белая гвардия», М. А. Шолохов калавӗсене, Ю. В. Бондаревӑн ҫар хайлавӗсене («Берег», «Горячий снег»), В. П. Астафьевӑн «ял» прозине, Ильфпа Петровӑн Остап Бендер ҫинчен ҫырнисене палӑртнӑ.

«Контактра» социаллӑ тетелре профиль пур. Компьютер вӑййисене вылять («Ралли»). Автолюбитель; Раҫҫей хулисем тӑрӑх ҫӳрет («Золотое кольцо России»).

Хисепӗсем

СССР тата Раҫҫей Федерацин чыславӗсем

Афганистан чыславӗсем

Чӑваш Республикин чыславӗсем

  • «Чӑваш Республикин Патшалӑх Канашӗ 20 ҫулта» астӑвӑм медалӗ (2014);
  • Чӑваш Республикин Физкультурӑпа спорт тата туризм министерствин Хисеп грамоти;
  • «Чӑваш автономи облаҫне йӗркеленӗренпе 100 ҫул» (2020) астӑвӑм медалӗ;

Муниципалитет чыславсем

  • Шупашкар хула депутачӗсен пухӑвӗн Хисеп грамоти (2015);
  • «Шупашкар хули 550 ҫул тултарнине асӑнса» юбилей медалӗ (2019)

Патшалӑхӑн мар организацисен наградисем

  • «Раҫҫей профсоюзӗсем100 ҫулта» медаль (2006, Раҫҫейӗн никама пӑхӑнман профсоюзӗсен федерацийӗн(выр.)чăв. чыславӗ);
  • «Ҫапӑҫусен ветеранӗ» медаль(выр.)чăв.;
  • Раҫҫей Федерацийӗн Халӑх вӗрентӗвӗпе ӑслӑлӑх ӗҫченӗсен профсоюзӗн Чӑваш республика комитечӗн Хисеп грамоти;
  • Афганистанри вӑрҫӑ инваличӗсен Пӗрлешӳллӗ обществӑлла организацийӗн Чӑваш республикин организацийӗн Хисеп грамоти;
  • Студентсен хӑй тытӑмлӑх органӗсен аталану сферинче иртнӗ Пӗтӗм Раҫҫейри X конкурсӑн «Ҫулталӑк ректорӗ» номинаци ҫӗнтерӳҫи (2016, ҫӗртме, 23);
  • Чӑваш Республикин муниципаллӑ йӗркеленӳсен канашӗн Хисеп грамоти.

Ӗҫӗсем

  • Александров А. Ю. Конституционные основы реформы высшего профессионального образования в Российской Федерации // Актуальные проблемы юридической науки и правоприменительной практики: Сборник материалов 3-й Международной научно-практической конференции (Чебоксары, 12 декабря 2013 г.). — Чебоксары: Издательство ЧГУ им. И. Н. Ульянова, 2013. — С. 4-8.
  • Александров А. Ю. Концепция опережающего образования в рамках многоуровневой организации образовательного процесса // Известия Российской академии образования. 2002. — № 1. — С. 67-69.
  • Александров А. Ю. Корпоративная социальная ответственность: конспект лекций / А. Ю. Александров, Н. В. Бондаренко. — Чебоксары: Издательство ЧГУ им. И. Н. Ульянова, 2013. — 95 с. ISBN 978-5-7677-1828-3
  • Александров А. Ю. Модернизация региональной системы образования. // Социальная политика в рыночной экономике: Материалы межвуз. науч.-практ. конф. — Чебоксары: Изд-во Чуваш, ун-та, 2001. — С. 25-29.
  • Александров А. Ю. Особенности маркетинга в образовательной среде // Вопросы совершенствования социально-экономических отношений в условиях рынка: Межвуз. сб. науч. трудов. — М.: Вуз и школа, 2003. — С. 27-38.
  • Александров А. Ю. Планирование развития системы образования // Прогнозирование и планирование социально-экономического развития регионов: Материалы Всерос. науч.-практ. конф. — Чебоксары: Изд-во Чуваш. ун-та, 1999. — С. 18-20.
  • Александров А. Ю. Проблемы законодательного регулирования системы образования // Проблемы становления правового государства и гражданского общества в России. Материалы межвузовской научно-практической конференции, 12 декабря 2000 г. г. Чебоксары. — Чебоксары: Издательство ЧГУ им. И. Н. Ульянова, 2001. — с. 3-6
  • Александров А. Ю. Пути совершенствования высшего юридического образования // Актуальные проблемы юридической науки и правоприменительной практики: Сборник материалов научно-практической конференции (Чебоксары, 2 декабря 2011 г.). — Чебоксары: Издательство ЧГУ им. И. Н. Ульянова, 2013. — с. 20-23
  • Александров А. Ю. Финансирование образования // Интеграция образования. Федеральный научно-методический журнал регионального учебного округа при МГУ им. Н. П. Огарёва. 1999. — № 3. — С. 9-11.
  • Александров А. Ю. Формирование системы управления образовательным комплексом регионального классического университета // www.dissercat.com
  • Александров А. Ю., Афанасьев В. В. На основе традиций — к инновациям // www.vovr.ru
  • Александров А. Ю., Кадышев Е. Н. Развитие качества образовательных услуг // Формирование профессиональной культуры специалистов XXI века в техническом университете: Труды междунар. науч.-практ. конф. — СПб.: Изд-во СПбГТУ, 2002. — С. 81-83.
  • Александров А. Ю., Кураков В. Л. Формирование социально ориентированного образовательного комплекса Чувашского госуниверситета // Высшая школа в системе гражданского общества. — М.: Вуз и школа, 2003. — С. 36—55.
  • Кураков В. Л. Образование в системе социальной сферы / В. Л. Кураков, А. Ю. Александров. — М.: Вуз и школа, 2004. — 260 с. ISBN 5-94378-100-5
  • Кураков В. Л. Основные ориентиры развития системы образования России / В. Л. Кураков, А. Ю. Александров // Семья в России. 2004. — № 1. — С. 53-80.
  • Парламентское право Чувашской Республики: хрестоматия. / Авторы-составители: А. Ю. Александров, А. А. Чинчиков. — Чебоксары: Издательство ЧГУ им. И. Н. Ульянова, 2002. — 223 с. ISBN 5-7677-0658-1
  • Социальная политика и формирование здорового образа жизни молодёжи. / В. Л. Кураков, А. Ю. Александров, А. П. Данилов, А. Л. Кураков. — Чебоксары: Издательство ЧГУ им. И. Н. Ульянова, 2004. — 237 с. ISBN 5-7677-0801-0
  • Экономика, управление, образование / Редкол.: С. В. Дармодехин, В. Г. Агаков, А. Ю. Александров. — М.: Вуз и школа, 2005. — 332 с.
  • Экономические аспекты развития нормативно-правовой основы обеспечения парламентской деятельности в Российской Федерации. Материалы круглого стола в рамках VII Петербургского экономического форума. / Редкол.: Александров А. Ю., Братцев В. И., Волгин С. Г., Данилов А. П., Кулаков В. Ф., Кураков Л. П. — Москва: Вуз и школа, 2003. — 124 с.

Ӑнлантарусем

  1. ^ Александров Андрей Юрьевич , Wayback Machine çинчи 2014 ҫулхи ҫӑвӑн 2-мӗшӗнчи копийӗ // www.chuvsu.ru
  2. ^ Долгов В. Н. Избран новый ректор ЧГУ , Wayback Machine çинчи 2014 ҫулхи пушӑн 12-мӗшӗнчи копийӗ // mosentesh2.ucoz.ru
  3. ^ 1, 2, 3, 4 Андрей Юрьевич Александров / Команда нашего округа. 07.09.2016
  4. ^ Личная библиотека. Выпуск 03.02.2016 , Wayback Machine çинчи 2017 ҫулхи кӑрлачӑн 4-мӗшӗнчи копийӗ // chuvashia.rfn.ru
  5. ^ ФГБУ ГЦАС «Чувашский». 50 лет , Wayback Machine çинчи 2015 ҫулхи раштавӑн 22-мӗшӗнчи копийӗ // gov.cap.ru
  6. ^ Студенты и преподаватели ЧГУ — в гостях у цивилян , Wayback Machine çинчи 2014 ҫулхи акан 27-мӗшӗнчи копийӗ // gov.cap.ru
  7. ^ Прошлое необходимо помнить: в Музее боевой и трудовой славы ЧГУ им. И. Н. Ульянова проходят экскурсии для студентов , Wayback Machine çинчи 2014 ҫулхи ҫӑвӑн 23-мӗшӗнчи копийӗ // gov.cap.ru
  8. ^ Ректор ЧГУ им. И. Н. Ульянова Андрей Александров прочитал лекцию студентам на тему «Уроки афганских событий 1979—1989 гг.» , Wayback Machine çинчи 2016 ҫулхи ҫурлан 14-мӗшӗнчи копийӗ // gov.cap.ru
  9. ^ Муханов Егор. «В 3-м классе заработал себе на велосипед». Ректор, сделавший ставку на женский баскетбол , Wayback Machine çинчи 2021 ҫулхи утӑн 31-мӗшӗнчи копийӗ // studentsport.ru
  10. ^ 1, 2, 3 Наталия Васильева. Андрей Александров о поводах для гордости, международных контактах и любви к «Студвесне» , Wayback Machine çинчи 2014 ҫулхи юпан 25-мӗшӗнчи копийӗ // sovch.chuvashia.com
  11. ^ Состоялась Школа для студенческих трудовых отрядов Чувашии , Wayback Machine çинчи 2016 ҫулхи юпан 26-мӗшӗнчи копийӗ // 21zmi.ru
  12. ^ Студенческим строительным отрядам Чувашии — 50 лет , Wayback Machine çинчи 2016 ҫулхи ҫӗртмен 11-мӗшӗнчи копийӗ // gov.cap.ru
  13. ^ Организационно-контрольное управление Администрации Президента Чувашской Республики. Электоральный паспорт. Выборы в Государственный Совет 1994 г. , Wayback Machine çинчи 2014 ҫулхи пушӑн 13-мӗшӗнчи копийӗ // pfo.metod.ru
  14. ^ Чувашская Республика в ноябре 1999 года , Wayback Machine çинчи 2014 ҫулхи ҫӑвӑн 2-мӗшӗнчи копийӗ // www.igpi.ru
  15. ^ Встреча с ректором Чувашского госуниверситета , Wayback Machine çинчи 2014 ҫулхи ҫӗртмен 7-мӗшӗнчи копийӗ // gov.cap.ru
  16. ^ 1, 2 Головина Н. С. Александров Андрей Юрьевич , Wayback Machine çинчи 2014 ҫулхи акан 26-мӗшӗнчи копийӗ // enc.cap.ru
  17. ^ 1, 2 Мария Грачёва. Новым ректором ЧГУ стал проректор по учебной работе вуза , Wayback Machine çинчи 2014 ҫулхи акан 27-мӗшӗнчи копийӗ // www.chv.aif.ru
  18. ^ Пресс-центр профсоюза образования в Чувашии. Актив чувашского профсоюза встретился с членами Совета по правовой работе , Wayback Machine çинчи 2014 ҫулхи акан 27-мӗшӗнчи копийӗ // ed-union.ru
  19. ^ Общая информация , Wayback Machine çинчи 2014 ҫулхи утӑн 7-мӗшӗнчи копийӗ // profkom.chuvsu.ru
  20. ^ Приказ Директора Чувашского государственного института гуманитарных наук от 18 марта 2013 года № 90-д «О новом составе членов Ученого совета» , Wayback Machine çинчи 2014 ҫулхи ҫӑвӑн 2-мӗшӗнчи копийӗ // www.chgign.ru
  21. ^ Проректор А. Ю. Александров принял участие в работе совместного заседания… , Wayback Machine çинчи 2014 ҫулхи ҫӑвӑн 17-мӗшӗнчи копийӗ // cheboksari.bezformata.ru
  22. ^ В Китае прошли Дни Чувашии , Wayback Machine çинчи 2015 ҫулхи раштавӑн 8-мӗшӗнчи копийӗ // chuvashia.rfn.ru
  23. ^ Ректор Чувашского госуниверситета А. Ю. Александров включен в состав редакционной коллегии журнала «Изучение русской культуры» Аньхойского университета (Китай) , Wayback Machine çинчи 2016 ҫулхи пушӑн 4-мӗшӗнчи копийӗ // www.chuvsu.ru
  24. ^ О журнале «Вестник Чувашского университета». Пӑхнӑ кун: 2016 ҫулхи нарӑсӑн 13-мӗшӗ. Архивланӑ 2016 ҫулхи нарӑсӑн 20-мӗшӗ.
  25. ^ Озвучен окончательный состав Госсовета Чувашии шестого созыва , Wayback Machine çинчи 2016 ҫулхи авӑнӑн 24-мӗшӗнчи копийӗ // pravdapfo.ru
  26. ^ 1, 2 Александров Андрей Юрьевич , Wayback Machine çинчи 2016 ҫулхи юпан 20-мӗшӗнчи копийӗ // gov.cap.ru
  27. ^ Александр Белов. «ЕР» в Чувашии готовится в ходе праймериз заменить депутатов с низким КПД на волонтеров , Wayback Machine çинчи 2021 ҫулхи акан 15-мӗшӗнчи копийӗ // pravdapfo.ru
  28. ^ Чувашский госуниверситет присоединился к федеральному проекту «Без срока давности» // chuvash.er.ru
  29. ^ Новым ректором Чувашского госуниверситета имени И. Н. Ульянова избран проректор по учебной работе А. Ю. Александров , Wayback Machine çинчи 2014 ҫулхи ҫӑвӑн 1-мӗшӗнчи копийӗ // cheboksari.bezformata.ru
  30. ^ Проректор Чувашского госуниверситета займёт ректорское кресло 2014 ҫулхи ҫӑвӑн 17-мӗшӗнче архивланӑ. // www.volgainform.ru
  31. ^ Ректор Чувашского госуниверситета отстранён от должности , Wayback Machine çинчи 2014 ҫулхи акан 27-мӗшӗнчи копийӗ // www.chv.aif.ru
  32. ^ Состоялось заседание Аттестационной комиссии Министерства образования и науки Российской Федерации , Wayback Machine çинчи 2014 ҫулхи ҫӑвӑн 2-мӗшӗнчи копийӗ // gigabaza.ru
  33. ^ Александр Белов. Новым ректором чувашского госуниверситета станет проректор или директор , Wayback Machine çинчи 2014 ҫулхи ҫӑвӑн 2-мӗшӗнчи копийӗ // pravdapfo.ru
  34. ^ Состав Совета ректоров вузов Чувашской Республики , Wayback Machine çинчи 2014 ҫулхи ҫӑвӑн 2-мӗшӗнчи копийӗ // sovetrektorov.chuvsu.ru
  35. ^ А. Ю. Александров и А. В. Еремкин введены в состав Комиссии по Государственным премиям Чувашской Республики в области науки и техники , Wayback Machine çинчи 2014 ҫулхи пушӑн 13-мӗшӗнчи копийӗ // cheboksari.bezformata.ru
  36. ^ Михаил Игнатьев принял участие в открытии Центра молодёжного инновационного творчества , Wayback Machine çинчи 2014 ҫулхи ҫӑвӑн 2-мӗшӗнчи копийӗ // www.cheboksary.ru
  37. ^ Рабочая встреча в Марийском государственном университете , Wayback Machine çинчи 2014 ҫулхи ҫӑвӑн 2-мӗшӗнчи копийӗ // www.chuvsu.ru
  38. ^ Михаил Игнатьев открыл Центр молодёжного инновационного творчества на машиностроительном факультете ЧГУ , Wayback Machine çинчи 2014 ҫулхи юпан 6-мӗшӗнчи копийӗ // korpunktrf.ru
  39. ^ Ректор Чувашского госуниверситета А. Ю. Александров принял участие в работе Х съезда Российского союза ректоров , Wayback Machine çинчи 2014 ҫулхи чӳкӗн 4-мӗшӗнчи копийӗ // www.chuvsu.ru
  40. ^ Ректор университета А. Ю. Александров принял участие в заседании общего собрания Российского исторического общества , Wayback Machine çинчи 2014 ҫулхи ҫӑвӑн 21-мӗшӗнчи копийӗ // www.chuvsu.ru
  41. ^ Избран в состав Совета Российского Союза ректоров , Wayback Machine çинчи 2014 ҫулхи утӑн 18-мӗшӗнчи копийӗ // www.chuvsu.ru
  42. ^ Состоялось очередное заседание Совета ректоров вузов Чувашской Республики , Wayback Machine çинчи 2015 ҫулхи утӑн 12-мӗшӗнчи копийӗ // www.tltnews.ru
  43. ^ Герасимова О. Андрей Юрьевич Александров: «Сетевое взаимодействие — показатель качества подготовки кадров с высшим образованием» , Wayback Machine çинчи 2014 ҫулхи юпан 30-мӗшӗнчи копийӗ // www.chuvsu.ru
  44. ^ Михаил Игнатьев встретился с ректором ЧГУ Андреем Александровым , Wayback Machine çинчи 2015 ҫулхи раштавӑн 8-мӗшӗнчи копийӗ // www.cheboksary.ru
  45. ^ Объявление , Wayback Machine çинчи 2018 ҫулхи раштавӑн 20-мӗшӗнчи копийӗ // www.chuvsu.ru/
  46. ^ Обращение Российского Союза ректоров , Wayback Machine çинчи 2022 ҫулхи пушӑн 6-мӗшӗнчи копийӗ // cfuv.ru
  47. ^ ЧГУ заключил соглашение с Донецким национальным техническим университетом // www.cheboksary.ru
  48. ^ Список научных работников по Опытному сельскому поселению , Wayback Machine çинчи 2014 ҫулхи ҫӑвӑн 2-мӗшӗнчи копийӗ // gov.cap.ru
  49. ^ В Чебоксарах торжественно открылась 52-ой легкоатлетическая эстафета на призы газеты «Ульяновец» , Wayback Machine çинчи 2014 ҫулхи ҫӑвӑн 17-мӗшӗнчи копийӗ // www.cheboksary.ru
  50. ^ Алена Казанцева. Университет на старте. Для студентов эстафета — это праздник , Wayback Machine çинчи 2014 ҫулхи ҫӑвӑн 31-мӗшӗнчи копийӗ // sovch.chuvashia.com
  51. ^ Интервью , Wayback Machine çинчи 2015 ҫулхи утӑн 11-мӗшӗнчи копийӗ // www.chuvsu.ru
  52. ^ 1, 2 Александров Андрей Юрьевич , Wayback Machine çинчи 2014 ҫулхи нарӑсӑн 1-мӗшӗнчи копийӗ // www.chuvsu.ru
  53. ^ За содействие донорскому движению // www.rspk.med.cap.ru

Каҫӑсем

Видео
Интервью
Çăлкуç — «https://cv.ruwiki.ru/w/index.php?title=Александров_Андрей_Юрьевич&oldid=2528113»