Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Чибис Андрей Владимирович

Чибис Андрей Владимирович (1979 ҫулхи пушӑн 19-мӗшӗ, Шупашкар, Чӑваш АССР) — Раҫҫей патшалӑх тата политика ӗҫченӗ. 2019 ҫулхи авӑн уйӑхӗн 27-мӗшӗнчен пуҫласа Мурманск облаҫӗн кӗпӗрнаттӑрӗ (2019 ҫулхи пуш уйӑхӗн 21-мӗшӗ — авӑн уйӑхӗн 27-мӗшӗсенче кӗпӗрнаттӑр тивӗҫӗсене пурнӑҫлакан). 2019 ҫулхи чӳкӗн 15-мӗшӗнчен пуҫласа «Пӗрлӗхлӗ Раҫҫей» партин Мурманск облаҫӗнчи регионти уйрӑмӗн секретарӗ. Юридици ӑслӑлӑхӗсен кандидачӗ (2006).

Раҫҫей Федерацийӗн ҫурт-йӗрпе коммуналлӑ хуҫалӑх министрӗн ҫумӗ (2013—2019), Раҫҫей Федерацийӗн Тӗп патшалӑх ҫурт-йӗр инспекторӗ (2014—2019).

Пурнӑҫӗпе ӗҫӗ-хӗлӗ

1979 ҫулхи пуш уйӑхӗн 19-мӗшӗнче Чӑваш АССРӗнчи Шупашкар хулинче Шупашкарти В. И. Чапаев ячӗллӗ производство пӗрлешӗвӗн тӗп директорӗн ҫумӗн Владимир Александрович Чибисӑн ҫемйинче ҫуралнӑ; ашшӗ-амӑшӗпе Чапаев посёлокӗнчи[1] Киров урамӗнче пурӑннӑ. Амӑшӗ — вырӑнти вӑтам шкулта вӗрентекен. Андрейӑн Татьяна ятлӑ йӑмӑкӗ пур.

Шкулта лайӑх вӗреннӗ; Шупашкарти 1-мӗш лицей вӗренсе пӗтернӗ хыҫҫӑн 1996 ҫулта Чибис Мускав коопераци университечӗн(выр.)чăв. Шупашкарти коопераци институчӗн (филиалӗн) юридици факультетне вӗренме кӗнӗ, ӑна 2001 ҫулта вӗренсе пӗтернӗ[2].

1996 ҫулта Чибис харпӑр предприниматель пек регистрациленнӗ[3]. Студент пулнӑ чухне 1999 ҫултан пуҫласа 2001 ҫулччен «Шупашкарти В. И. Чапаев ячӗллӗ производство пӗрлешӗвӗ» ФГУПӑн тытӑмӗнчи «Телец» патшалӑхӑн унитарлӑ ҫыхӑннӑ предприятийӗн юрисконсультӗнче ӗҫленӗ, предприяти директорӗ ашшӗ пулнӑ[4].

2000 ҫулта Шупашкарта Татьяна йӑмӑкӗпе тата арӑмӗпе пӗрле аудитпа тата куҫман пурлӑха хаклассипе ӗҫлекен «Гарант-Консалтинг» ТМЯО учредителӗсен йышӗнче пулнӑ[5]; «Чӑваш Республикин ипотека корпорацийӗ» акционерсен обществине тунӑ чухне ӑна явӑҫтарнӑ. 2001—2002 ҫулсенче — Шупашкарти коопераци институчӗн аспиранчӗ. 2002 ҫулхи чӳк уйӑхӗнче Чибиса «Раҫҫей пӗчӗк тата вӑтам предпринимательствӑна аталантаракан ассоциаци» пӗрлӗхӗн регион уйрӑмӗн соучредителӗсен йышне кӗртнӗ. 2002—2004 ҫулсенче Воронеж территорисен хушшинчи адвокатсен коллегийӗн адвокачӗ шутланнӑ[6].

Чибис РАНХиГСӑн «Патшалӑх управлениӗн аслӑ шкулӗ» институтӗнче «Кӗпӗрнаттӑр шкулӗн» пӗрремӗш пухӑвӗнче вӗреннӗ. 2004 ҫулта И. Н. Ульянов ячӗллӗ Чӑваш патшалӑх университетӗнче Раҫҫей Федерацийӗн халӑх хуҫалӑхӗн организацийӗсем валли управлени кадрӗсем хатӗрлекен программӑпа вӗренсе тухнӑ.

Рязань — Шупашкар

2004 ҫулта Чибиса Рязане Шупашкар хула мэрӗ пулнӑ Анатолий Игумновпа[7] пӗрле Рязань облаҫӗн кӗпӗрнаттӑрӗ суйлавӗн кампанийӗнче Георгий Шпакӑн(выр.)чăв. суйлав штабӗн юрисчӗ пулма чӗннӗ[8]. Шпак ҫӗнтернӗ хыҫҫӑн суйлавра Игумнова кӗпӗрнаттӑр пулӑшуҫине лартнӑ, Чибис вара юридици ыйтӑвӗсемпе кӗпӗрнаттӑр канашҫин должноҫне йышӑннӑ. Суйлав пӗтӗмлетӗвне выляса янӑ кандидат Игорь Морозов хирӗҫлеме пӑхнӑ, вӑл ҫирӗплетнӗ тӑрӑх, Шпак команди кӗпӗрнаттӑр суйлавӗ вӑхӑтӗнче «хура кассӑпа» усӑ курнӑ имӗш[9]. Чибис судра свидетель пулнӑ, суд суйлав валли укҫа-тенкӗ илни ҫинчен Чибис распискине тӗпченӗ[10]. Судра Чибис сых ятне расписка малтанах ҫырса хуни, суйлавра ӗҫленӗшӗн Шпакран укҫа илменни, суйлав штабӗнче «опыт пухас тата имидж ӳстерес» тӗлӗшӗнчен ӗҫлеме интереслӗ пулни ҫинчен каласа ӑнлантарнӑ.

Рязаньре Чибис «Рязань ипотека корпорацийӗ» АУО йӗркеленӗ ҫӗре хутшӑннӑ, корпорацин директорсен канашӗн председателӗ пулнӑ. Ҫав вӑхӑтрах Чибис Патшалӑх Думин депутачӗн Павел Семёновӑн пулӑшаканӗ пулнӑ. 2005 ҫулта, кӗпӗрнаттӑр канашҫи пулнӑ май, вӑл Рязань облаҫ думине суйлав ыйтӑвӗсемшӗн яваплӑ пулнӑ; 2004 ҫулхи кӗпӗрнаттӑр суйлавӗнче Шпак ҫӗнтерӗвне йӗркелекенӗ тата тӗп финансисчӗ шутланнӑ Михаил Бабичӑн командине кӗнӗ[11]. 2005 ҫулта Чибис Игумнова Рязань хула мэрӗ вырӑнне ҫирӗплетес политика кампанине хутшӑннӑ, ҫапах та Рязань хула Канашӗн депутачӗсем сӗнекен кандидатурӑна ырлама килӗшмен; ун чухне хула канашӗн чылай депутачӗ Чибис енчен Игумновшӑн сасӑламасан «хӑратнисем» пулни пирки пӗлтернӗ[12]. Чибис отставкӑна яма ыйтса ҫырнӑ, 2005 ҫулхи ҫурлан 12-мӗшӗнче ӑна Рязань облаҫӗн кӗпӗрнаттӑрӗн канашҫи должнӑҫӗнчен кӑларнӑ[13], ун хыҫҫӑн Шупашкара таврӑннӑ[14].

2005 ҫулта Чибис Шупашкар мэрӗн постне йышӑнма кандидат пулса тӑратнӑ Игумновӑн суйлав кампанине ертсе пынӑ[15]. Суйлав умӗнхи кӗрешӳ вӑхӑтӗнче Игумнов хӑйӗн кандидатурине илнӗ, каярахпа ӑна Чӑваш Республикин хула строительствин тата общество инфраструктурин аталанӑвӗн министрӗн ҫумӗ пулма ҫирӗплетнӗ; Чибиса вара 2005 ҫулта Энвер Аблякимов ертсе пыракан Чӑваш Республикин Президенчӗн Администрацийӗнче ун валли ятарласа туса хунӑ Эксперт пайӗн пуҫлӑхӗн должноҫне лартнӑ. 2006 ҫулта Раҫҫей ШӖМӗн Волгоградри академинче «Договор теплоснабжения в российском гражданском праве» темӑпа диссертаци хӳтӗленнӗ хыҫҫӑн Чибис юридици ӑслӑлӑхӗсен кандидачӗ пулса тӑнӑ; диссертацие ФСИН правопа управлени академийӗн граждан правипе процесс кафедринче пурнӑҫланӑ.

2006—2013

2006 ҫулта Чибиса Раҫҫей Регионӗсен аталанӑвӗн министерствин «Тивӗҫтерекен ҫурт-йӗр» наци проекчӗпе ӗҫлекен пай пуҫлӑхӗн должнӑҫне йышӑннӑ; 2007 ҫултанпа Федерацин ҫурт-йӗр тата коммуналлӑ хуҫалӑх агентствин тивӗҫтерекен ҫурт-йӗр рынокне аталантаракан управленийӗн пуҫлӑхӗ пулнӑ. Минрегионта ӗҫленӗ вӑхӑтра пурӑнмалли ҫурт-йӗре йышлӑ тӑвассин вӑрах сроклӑ стратегине хатӗрлессишӗн явапли тунӑ[16].

2008—2011 ҫулсенче Чибис — «Раҫҫей коммуналлӑ тытӑмӗсем» (РКС) АУОн директорсен канашӗн председателӗ, правлени членӗ, право тата корпораци ыйтӑвӗсемпе ӗҫлекен директорӗ; унӑн яваплӑх зонине компанин юридици блокӗ кӗнӗ[17]. 2009 ҫулхи ҫӗртме уйӑхӗнчен пуҫласа «Водоканалсен наци пӗрлӗхӗ» коммерциллӗ мар организацире ассоциацин вице-президенчӗ шутланнӑ[18].

2011 ҫулхи ҫу уйӑхӗнче Чибиса «Социаллӑ экономика тата политика тӗпчевӗсен институчӗн» (ИСЭПИ) коммерцилле мар фондӑн ӗҫ тӑвакан директорне лартнӑ, унӑн директорсен канашӗн председателӗ Чӑваш Республикин Федераци Канашӗнчи пайташӗ Николай Фёдоров пулнӑ. 2011 ҫулхи ҫурла уйӑхӗнче «ЖКХ Аталану» коммерциллӗ мар юлташлӑха ертсе пынӑ. 2012 ҫултан пуҫласа 2013 ҫулччен — «ЖКХ-Девелопмент» (Мускав) ТМЯО президенчӗ тата хуҫисенчен пӗри.

2012 ҫулхи ҫурла уйӑхӗнчен пуҫласа 2014 ҫулччен Чибис Раҫҫей Правительстви ҫумӗнчи эксперт канашӗн пайташӗ пулнӑ, унта ЖКХ аталанӑвӗпе ӗҫлекен ӗҫ ушкӑнне ертсе пынӑ; ҫак должноҫра Раҫҫей Правительствин аппарачӗпе тата отрасле туртакан вице-премьерпа Дмитрий Козакпа(выр.)чăв. ҫыхӑнса ӗҫленӗ.

Раҫҫей Строительство министерствинче

2013 ҫулхи раштавӑн 6-мӗшӗнчен пуҫласа 2019 ҫулхи пушӑн 21-мӗшӗччен Чибис РФ Строительство тата ҫурт-йӗрпе коммуналлӑ хуҫалӑх министрӗн ҫумӗн должнӑҫне йышӑннӑ, унта ҫурт-йӗрпе коммуналлӑ хуҫалӑхшӑн яваплӑ пулнӑ; 2014 ҫулхи авӑнӑн 12-мӗшӗнчен пуҫласа пӗр вӑхӑтрах Раҫҫей Федерацийӗн тӗп патшалӑх ҫурт-йӗр инспекторӗ пулнӑ.

2016 ҫулта Чибис «Хӑтлӑ хула хутлӑхӗ тӑвасси» проекта ертсе пынӑ. 2018 ҫулхи чӳк уйӑхӗнче Чибиса, «Ӑслӑ хула» проекта ертсе пыраканскере, «цифра ҫумне» — Раҫҫей строительство министрӗн цифра аталанӑвӗшӗн яваплӑ ҫумне лартнӑ. 2015 ҫулхи раштав уйӑхӗнчен пуҫласа — ООНӑн Европӑри экономика комиссийӗн ҫурт-йӗр хуҫалӑхӗпе тата ҫӗрпе усӑ курас енӗпе ӗҫлекен комитечӗн бюро членӗ.

Раҫҫей строительство министерствинче Чибис Раҫҫей Федерацийӗн ҫурт-йӗрпе коммуналлӑ хуҫалӑхӑн 2020 ҫулчченхи тапхӑрти аталанӑвӗн стратегине, «хӑтлӑ хула хутлӑхӗ» туса хурас ыйтусене тимленӗ. 2018 ҫулхи чӳк уйӑхӗнчен пуҫласа ведомствӑра хула хуҫалӑхне цифровизацилес, ҫавӑн пекех Крымпа Севастополе хуҫалӑх валли тата ӗҫмелли шывпа тивӗҫтерес ыйтусемшӗн яваплӑ пулнӑ[19].

Мурманск облаҫӗн кӗпӗрнаттӑрӗ

2019 ҫулхи пушӑн 21-мӗшӗнче Раҫҫей Президенчӗн указӗпе Мурманск облаҫӗн кӗпӗрнаттӑрӗн тивӗҫӗсене вӑхӑтлӑха пурнӑҫлакана лартнӑ[20]. 2019 ҫулхи ака уйӑхӗн 9-мӗшӗнче Мурманск облаҫӗнчи кӗпӗрнаттӑрӗн 2019 ҫулхи суйлавӗнче хутшӑнма хатӗрленнине пӗлтернӗ. Пӗрлехи сасӑлав кунӗнче 2019 ҫулхи авӑнӑн 8-мӗшӗнче суйлаври пӗрремӗш турта 60,07 % кӑтартупа Чибис ҫӗнтернӗ. Унӑн полномочийӗсен срокӗ 2024 ҫулхи авӑн уйӑхӗччен пулнӑ.

2019 ҫулхи авӑнӑн 27-мӗшӗнче Чибис кӗпӗрнаттӑр К. К. Долгова Федераци Канашӗнче регионӑн патшалӑх влаҫӗн ӗҫ тӑвакан органӗнчен представитель пулма уйӑрса лартасси ҫинчен йышӑнӑва алӑ пуснӑ[21]. 2019 ҫулхи чӳк уйӑхӗнче Мурманск облаҫӗнчи «Пӗрлӗхлӗ Раҫҫей» партин регионти уйрӑмне ертсе пыма пуҫланӑ.

2021 ҫулта Мурманск облаҫӗнче ӳкернӗ «Везёт» телесериалта хӑйне хӑй вылянӑ[22].

2024 ҫулхи ҫӗртмен 11-мӗшӗнче «Пӗрлӗхлӗ Раҫҫей» Чибис кандидатурине 2024 ҫулхи авӑн уйӑхӗнче Мурманск облаҫӗн кӗпӗрнаттӑрӗн суйлавне хутшӑнма тӑратнӑ[23].

2024 ҫулхи авӑнӑн 8-мӗшӗнче, сасӑлавӑн пӗрлӗхлӗ кунӗнче, Андрей Чибис кӗпӗрнаттӑр 73,99% сасӑ пухса ҫӗнтернӗ[24].

2024 ҫулхи авӑн уйӑхӗн 25-мӗшӗнче официаллӑ майпа регион кӗпӗрнаттӑрӗн должноҫне кӗнӗ[25].

Тапӑну

2024 ҫулхи ака уйӑхӗн 4-мӗшӗнче Апатитра(выр.)чăв. халӑхпа тӗл пулнӑ хыҫҫӑн Чибиса тапӑннӑ. Ӑна хырӑмран ҫӗҫӗпе амантнӑ[26], Апатит-Киров хула тӗп больницине илсе ҫитернӗ, унта операци тунӑ. Ака уйӑхӗн 5-мӗшӗнче кӗпӗрнаттӑра Мурманск облаҫӗнчи клиника пульницине куҫарнӑ[27]. Ака уйӑхӗн 9-мӗшӗнче реанимацирен хирурги профиллӗ уйрӑма куҫарнӑ[28], ака уйӑхӗн 12-мӗшӗнче пульницӑран кӑларнӑ[29]. Ака уйӑхӗн 18-мӗшӗнче ӗҫлеме пуҫланӑ[30].

Чибиса тапӑнакана тытса чарнӑ. Вӑл вырӑнти маларах ӳт-пӳ енчен ҫӑмӑл сиен кӳнӗшӗн явап тыттарнӑ ҫын Александр Быданов пулнӑ. Ун тӗлӗшпе патшалӑх ӗҫне пурнӑҫлакан ҫынна вӗлерес шутпа тапӑнни пирки уголовлӑ ӗҫ пуҫарнӑ[31]. Ака уйӑхӗн 6-мӗшӗнче суд усал шухӑшлӑ ҫынна арестленӗ[32]. Тапӑнакан следстви вӗҫленсен Чибисран каҫару ыйтма хатӗрри ҫинчен пӗлтернӗ[33].

2024 ҫулхи авӑнӑн 17-мӗшӗнче Апатит хула сучӗ Андрей Чибиса тапӑнни ҫинчен калакан ӗҫе пӑхса тухма присяжнӑйсен коллегине йӗркеленӗ[34].

2024 ҫулхи юпа уйӑхӗн 3-мӗшӗнче айӑпланаканӑн адвокачӗ Александр Москаленко пӗлтернӗ тӑрӑх, Быданов ҫын сывлӑхне йывӑр сиен кӳнӗшӗн айӑпне йышӑннӑ, анчах ҫынна вӗлерме тапӑннӑшӑн айӑпланине йышӑнман[35].

2024 ҫулхи юпа уйӑхӗн 4-мӗшӗнче присяжнӑйсен сучӗ Быданова ҫынна вӗлерме тапӑннӑшӑн айӑплӑ тесе йышӑннӑ[36].

2024 ҫулхи юпа уйӑхӗн 24-мӗшӗнче Быданов Чибиса сывлӑхне сиен кӳресшӗн ҫеҫ мар, вӗлересшӗн пулнине йышӑннӑ[37]. Айӑплав енӗ ӑна ҫирӗп режимлӑ колоние 14,5 ҫула хупса айӑплама ыйтнӑ[38], суд тапӑнакана 13 ҫуллӑха ҫирӗп режимлӑ колоние ӑсатма приговор йышӑннӑ[39].

Хисепӗсем

  • Раҫҫей Федерацийӗн Правительствин Тав хучӗ (2013) — ӗҫри ҫитӗнӳсемшӗн тата нумай ҫул тӳрӗ кӑмӑлпа ӗҫленӗшӗн;
  • Раҫҫей Федерацийӗн Строительство тата ҫурт-йӗрпе коммуналлӑ хуҫалӑх министерствин Хисеп палли;
  • «Мускав облаҫӗ умӗнчи тава тивӗҫлӗ ӗҫсемшӗн» орденӑн III степенӗ (2017);
  • «Ренова» компанисен ушкӑнӗнчи чи лайӑх юрист» преми лауреачӗ (2010) — «Ренова» компанисен ушкӑнӗн корпораци хисепӗ,
  • «Раҫҫейри литературӑллӑ кӗпӗрнаттӑр» хисеплӗ ят — Раҫҫей Писательсен союзӗ 2022 ҫулта панӑ.

Класс чинӗ

Раҫҫей Федерацийӗн 3 класлӑ чӑн патшалӑх канашҫи.

Ҫемйи, харпӑр пурнӑҫӗ тата шухӑшӗсем

Ҫемйи

Андрей Чибис авланнӑ, икӗ ача[40] ӳстерет: хӗр тата ывӑл[41][42] (2015 ҫ. ҫ.). Арӑмӗ — Евгения Владимировна Чибис — экономика ӑслӑхӗсен кандидачӗ[43], экономист тата юрист; бухгалтер учёчӗ, аудит тата бизнес-консалтинг енӗпе ӗҫлет[44]. Ҫемье Мурманскра (2019 ҫултанпа) пурӑнать.

2019 ҫулта Елизавета хӗрӗ Мурманскри ача-пӑча театр шкулне («Актёр ӑсталӑхӗн никӗсӗсем тата режиссура» уйрӑмӗ) вӗренме кӗнӗ[45]. 2022 ҫулхи утӑ уйӑхӗн 29-мӗшӗнче М. В. Ломоносов ячӗллӗ Мускав патшалӑх университетне «Глобаллӑ процессем тата дипломати» факультетне вӗренме кӗнӗ.

Ашшӗ — Чибис Владимир Александрович — Шупашкарти В. И. Чапаев ячӗллӗ производство пӗрлешӗвӗн тӗп директорӗн ҫумӗ пулнӑ, 2019 ҫулччен «Кадр ресурсӗ» ТМЯО (Шупашкар) тытса тӑнӑ. Йӑмӑкӗ — Татьяна Владимировна Кретова — вуншар компанин учредителӗ шутланать, вӗсен хушшинче: «Регион Девелопмент» ТМЯО (аудит), «ЖКХ-Девелопмент» ТМЯО (каяш ҫаврӑнӑшӗн сферинче шырав ӗҫӗсем), «ГАРАНТ-консалтинг» ТМЯО (бухгалтер учёчӗ), «Сибгазстрой» ТМЯО (инженери сечӗсен строительстви)[46].

Шухӑшӗсем

Чибис коммуналлӑ хуҫалӑх пулӑшӑвӗсемшӗн вӑхӑтра тӳлеменшӗн яваплӑха хаярлатасси майлӑ. Вӑл тунӑ анализпа килӗшӳллӗн, «парӑмҫӑсенчен ытларахӑшӗ — ҫителӗклӗ пуян ҫынсем, чи лайӑх тӳлекеннисем вара — шӑпах пенсионерсем, тупӑш енчен чи чухӑннисем, анчах та тӳлес енӗпе чи яваплисем. Вӗсем шӑпах хӑйсемшӗн те, кӳршисемшӗн те тӳлеҫҫӗ»[47].

«ЖКХ Аталану» НП ӗҫ тӑвакан директорӗ пулнӑ май Чибис ҫапла каланӑ: «Енчен те харпӑрҫӑ ҫурт-йӗрне тӗпрен юсанӑшӑн тӳлеме пултараймасть пулсан <…> — ыйту ҫук. <…> Тӳлеме, тытса тама, юсама укҫа пухма пултараймастӑн пулсан — хваттерне тавӑрса пар <…>. <…> Сут, пӗчӗкрех лаптӑклине туян».

Чибис Раҫҫейре дистанци вӗрентӗвне кӗртессине ырлакан ҫын шутланать: «Дистанци вӗрентӗвӗнче пысӑк пуласлӑх. Ҫакна ӑнланмса, усӑ курса вӗрентӳ стандарчӗсенче ӗҫе кӗртмелле. Ҫавӑнпа та авӑн уйӑхӗнченпех (2020) регионта ҫак вӗрентӳ формине хастарлӑн ӗҫе кӗртес енӗпе ӗҫлекен преподавательсем валли хушма хавхалантаракан тӳлевсем уйӑратпӑр. <…> пурне те тивӗҫтерекен модуль тума май пур, предметсен пер пайне ача шкулта вӗренет, тепӗр пайне ашшӗ-амӑшӗпе килӗшсе татӑлнӑ тӑрӑх дистанци формипе усӑ курса вӗренме пултарать. Ҫак практикӑна эпир тепӗр вӗренӳ ҫулӗнчех хута ярӑпӑр».

Санкцисем

Аслӑ Британи[48], Евросоюз[49], АПШ[50] санкци списокӗсене кӗртнӗ. Швейцари, Австрали, Украина тата Ҫӗнӗ Зеланди санкци списокӗсене кӗртнӗ.

Критикӑпа хаклавсем

Чибис хуҫалӑхри тӗрлӗ ертсе пыракан постсенче ӗҫленине тӗрлӗрен хаклакансем пулнӑ. МИХсенче Чӑваш Республикин пӗрремӗш Президенчӗн Николай Фёдоровӑн командинче хӑйӗн карьерине пуҫарса янӑ Чибис Раҫҫей предпринимателӗн Виктор Вексельбергӑн(выр.)чăв. креатури тесе палӑртнӑ[51].

Чӑваш Республикин Министрсен Кабинечӗн председателӗ пулнӑ Энвер Аблякимов сӑмахӗсенчен, Чибиса Чӑваш Республикин Президенчӗн администрацийӗнче эксперт пайӗн пуҫлӑхне лартсан, «унӑн экономикӑри час-часах питлекен экономикӑпа политика пӗтӗмлетӗвӗсемпе ҫыхӑннӑ аналитика справкисем ун чухнехи премьер-министрӑн Сергей Гапликовӑн кӑмӑлне кайман. Андрейӑн ирӗксӗрех кайма тивнӗ, анчах Мускавра та унӑн карьери лайӑх йӗркеленнӗ»[52].

Александр Белов журналист (Шупашкар) шухӑшӗпе, «потенциал пур, ҫӳлти протекцисӗр ҫамрӑк ҫакӑн пек служба ҫулӗпе иртни сайра тӗл пулакан тӗслӗх»[7].

Константин Костин политтехнолог шухӑшӗпе, «Чибисӑн федераци шайӗнчи питӗ лайӑх управлени опычӗ пур, унсӑр пуҫне унӑн патшалӑх пуҫлӑхӗн кирлӗ пулӑшӑвӗ пур. Чи кирли — Чибисӑн — антирейтинг ҫукки»[53]. Раҫҫей политологӗ Михаил Виноградов палӑртнӑ тӑрӑх, Чибиса президент резервне хатӗрлемелли программӑран вӗренсе тухнӑ ытти ҫынсемпе паллашни те пулашать: «Ҫавӑн пекех ҫакӑ Мурманск облаҫӗн интересӗсене федераци шайӗнче татса пама усӑллӑ пулӗ»[54]. «Социаллӑ коммуникацисем» агентство ертӳҫи Илья Паймушкин политтехнолог «Чибис федераци шайӗнчи ҫамрӑк, анчах пысӑк квалификациллӗ специалистӑн хальхи йышши тӗслӗхӗ пулса тӑрать. Ӗҫре вӑл уҫӑлӑха кӑмӑллать» тесе палӑртнӑ[55].

Раҫҫей строителӗсен Ассоциацийӗн президенчӗ Николай Кошман палӑртнӑ тӑрӑх, Раҫҫей Строительство министерствине(выр.)чăв. профессионалсем ҫитмеҫҫӗ, «профессионал мар» тесе шутлакансенчен пӗри министрӑн ҫумӗ Чибис тесе каланӑ[56][57].

Федераци Канашӗн председателӗн пӗрремӗш ҫумӗ Андрей Турчак(выр.)чăв. Чибиса ыйтӑва тарӑннӑн тӗпчекен тата тӗплӗн пӗлекен тесе палӑртнӑ[58].

Ӑнлантарусем

  1. ^ Замминистра строительства и ЖКХ России Андрей Чибис посетил родную школу - ГТРК Чувашия (выр.). www.chgtrk.ru. Пӑхнӑ кун: 2025 ҫулхи авӑнӑн 8-мӗшӗ.
  2. ^ Наши выпускники (выр.). cheb.ruc.su. Пӑхнӑ кун: 2025 ҫулхи авӑнӑн 8-мӗшӗ.
  3. ^ ИП Чибис Андрей Владимирович, Чебоксары, ИНН 212900017066, ОГРНИП 305212814607643 — и другие реквизиты компании, адрес, официальный сайт, телефон — Контур.Фокус (выр.). focus.kontur.ru. Пӑхнӑ кун: 2025 ҫулхи авӑнӑн 8-мӗшӗ.
  4. ^ Андрей Чибис. Главный по ЖКХ и Заполярью. Новости Мурманской области (вчера, сегодня, сейчас) от News-Life (официальный сайт) NL (выр.). web.archive.org. Пӑхнӑ кун: 2025 ҫулхи авӑнӑн 8-мӗшӗ.
  5. ^ Александр Белов. Чибис из Чебоксар стал птицей высокого полета Но молодого замминистра строительства и ЖКХ РФ вряд ли будут ждать в родной Чувашии с распростертыми объятиями (выр.). Правда ПФО (19 раштавӑн 2013). Пӑхнӑ кун: 2025 ҫулхи авӑнӑн 8-мӗшӗ.
  6. ^ Чибис Андрей Владимирович Секретарь Мурманского регионального отделения Партии, губернатор Мурманской области (выр.). Единая Россия. Пӑхнӑ кун: 2025 ҫулхи авӑнӑн 8-мӗшӗ.
  7. ^ 1, 2 Технократ новой формации, который сделал себя сам: эксперты о врио губернатора Мурманской области Андрее Чибисе (выр.). club-rf.ru. Пӑхнӑ кун: 2021 ҫулхи нарӑсӑн 9-мӗшӗ.
  8. ^ Губернатору Шпаку предъявлены старые требования // Коммерсантъ.
  9. ^ Депутат Морозов вскрыл чёрную кассу губернатора Шпака «Коммерсантъ»
  10. ^ Андрей Чибис назначен врио губернатора Мурманской области // vidsboku.com
  11. ^ Портрет предвыборной рязани // businesspress.ru
  12. ^ Шпак проиграл в битве с рязанскими депутатами // utro.ru
  13. ^ Андрей Чибис уволен с должности советника рязанского губернатора // www.rzn.info
  14. ^ Генерал Шпак исчерпал терпение Кремля // lenta.ru
  15. ^ Бывший советник губернатора Андрей Чибис будет работать в крупной федеральной структуре в Москве (выр.). 62.ru (18 ҫурлан 2005). Пӑхнӑ кун: 2021 ҫулхи нарӑсӑн 9-мӗшӗ.
  16. ^ Биография врио губернатора Мурманской области Андрея Чибиса. ТАСС (21 пушӑн 2019).
  17. ^ Лучший PR-менеджер и лучший юрист ГК «РЕНОВА» работают в РКС. www.vladcomsys.ru. Пӑхнӑ кун: 2016 ҫулхи ҫӗртмен 18-мӗшӗ.
  18. ^ «Приватизация» канализации. Пӑхнӑ кун: 2016 ҫулхи ҫӗртмен 18-мӗшӗ.
  19. ^ Биография врио губернатора Мурманской области Андрея Чибиса // ТАСС
  20. ^ Встреча с Андреем Чибисом. Президент России.
  21. ^ Новым сенатором от Мурманской области стал Константин Долгов. РИА Новости (27 авӑнӑн 2019). Пӑхнӑ кун: 2019 ҫулхи юпан 3-мӗшӗ.
  22. ^ Пашенкова, Мария. Андрей Чибис сыграл в сериале самого себя, Комсомольская правда (2021-12-17). Тӗрӗсленӗ: 2022 ҫулхи нарӑсӑн 9-мӗшӗ.
  23. ^ ЕР выдвинула Чибиса кандидатом на выборах главы Мурманской области. АиФ (11 ҫӗртмен 2024). Пӑхнӑ кун: 2024 ҫулхи ҫӗртмен 12-мӗшӗ.
  24. ^ Мурманский избирком назвал рекордными результаты выборов главы региона. Тӗрӗсленӗ: 2024 ҫулхи авӑнӑн 10-мӗшӗ.
  25. ^ Андрей Чибис официально вступил в должность губернатора Мурманской области (25.09.2024). Тӗрӗсленӗ: 2024 ҫулхи авӑнӑн 25-мӗшӗ.
  26. ^ На мурманского губернатора напали с ножом. Тӗрӗсленӗ: 2024 ҫулхи акан 4-мӗшӗ.
  27. ^ Чибиса перевезли в отделение реанимации Мурманской областной больницы (20240405T1739). Тӗрӗсленӗ: 2024 ҫулхи акан 9-мӗшӗ.
  28. ^ Чибиса из реанимации переводят в хирургию Мурманской областной больницы. Тӗрӗсленӗ: 2024 ҫулхи акан 9-мӗшӗ.
  29. ^ Губернатора Чибиса выписали из больницы после покушения с ножом. Тӗрӗсленӗ: 2024 ҫулхи акан 12-мӗшӗ.
  30. ^ Мурманский губернатор Чибис вернулся к работе после нападения (2024-04-18). Тӗрӗсленӗ: 2024 ҫулхи акан 18-мӗшӗ.
  31. ^ Что известно о нападении на губернатора Чибиса. Тӗрӗсленӗ: 2024 ҫулхи акан 5-мӗшӗ.
  32. ^ Суд арестовал фигуранта дела о нападении на губернатора Чибиса до 5 июня (2024-04-06). Тӗрӗсленӗ: 2024 ҫулхи акан 6-мӗшӗ.
  33. ^ Напавший на Чибиса мужчина заявил, что сожалеет о содеянном (2024-04-06). Тӗрӗсленӗ: 2024 ҫулхи акан 6-мӗшӗ.
  34. ^ Суд сформировал коллегию присяжных по делу о нападении на Чибиса (2024-09-17). Тӗрӗсленӗ: 2024 ҫулхи авӑнӑн 18-мӗшӗ.
  35. ^ Ранивший мурманского губернатора не признал вину в покушении на убийство (2024-10-03). Тӗрӗсленӗ: 2024 ҫулхи юпан 3-мӗшӗ.
  36. ^ Присяжные признали виновным обвиняемого в нападении на Чибиса (04.10.2024). Тӗрӗсленӗ: 2024 ҫулхи юпан 4-мӗшӗ.
  37. ^ Напавший на губернатора Чибиса признался в намерении его убить (2024-10-24). Тӗрӗсленӗ: 2024 ҫулхи юпан 24-мӗшӗ.
  38. ^ Нападавшему на мурманского губернатора грозит более 14 лет лишения свободы (2024-10-24). Тӗрӗсленӗ: 2024 ҫулхи юпан 24-мӗшӗ.
  39. ^ Общество Напавшего на губернатора Мурманской области приговорили к 13 годам колонии. iz.ru (24 юпан 2024). Пӑхнӑ кун: 2024 ҫулхи юпан 24-мӗшӗ.
  40. ^ Чибис Андрей Владимирович. Минстрой России.
  41. ^ Биография врио губернатора Мурманской области Андрея Чибиса. ТАСС. Пӑхнӑ кун: 2019 ҫулхи пушӑн 22-мӗшӗ.
  42. ^ Владимир Путин назначил врио губернатора Мурманской области (выр.). www.mvestnik.ru. Пӑхнӑ кун: 2019 ҫулхи пушӑн 22-мӗшӗ.
  43. ^ Евгения Владимировна Чибис. Экономико-информационный механизм внутрихозяйственного управления земельными ресурсами :на примере хозяйствующих субъектов Чувашской Республики. — 2006.
  44. ^ Жена нового главы Мурманской области сделала мужу приятное (выр.). Рамблер/новости. Пӑхнӑ кун: 2019 ҫулхи пушӑн 22-мӗшӗ.
  45. ^ Дочь Андрея Чибиса поступила в Детскую театральную школу // news.myseldon.com
  46. ^ Жена нового главы Мурманской области сделала мужу приятное // news.rambler.ru
  47. ^ Автор поправок о выселении должников: предлагаем не ограничиваться ЖКХ // ria.ru
  48. ^ CONSOLIDATED LIST OF FINANCIAL SANCTIONS TARGETS IN THE UK. ofsistorage.blob.core.windows.net. Пӑхнӑ кун: 2022 ҫулхи раштавӑн 22-мӗшӗ.
  49. ^ Official Journal of the European Union // COUNCIL REGULATION (EU) 2022/2474. — 16 раштавӑн (т. Volume 65). — .
  50. ^ The United States Takes Sweeping Actions on the One Year Anniversary of Russia’s War Against Ukraine. United States Department of State (24 нарӑсӑн 2023).
  51. ^ Интрига без Чибиса, трансфер от Чубайса: неделя в Чувашии // ИА REGNUM
  52. ^ Чибис из Чебоксар стал птицей высокого полета // pravdapfo.ru
  53. ^ Эксперт: врио мурманского губернатора Чибис может к выборам стать публичным политиком». ТАСС (21 пушӑн 2019).
  54. ^ Эксперт: назначение Чибиса на руководящую должность в регионе было ожидаемым». ТАСС (21 пушӑн 2019).
  55. ^ Илья Паймушкин: В работе Андрей Чибис предпочитает открытость». NordNews (26 акан 2019).
  56. ^ Жилищно-коммунальное НЕ хозяйство: кто в ответе и на своем ли месте Андрей Чибис // dom.iastr.ru
  57. ^ Под крылом Чибиса // versia.ru
  58. ^ В Кремле объяснили назначение Андрея Чибиса на должность врио главы Мурманской области (выр.). www.mvestnik.ru. Пӑхнӑ кун: 2021 ҫулхи нарӑсӑн 9-мӗшӗ.

Каҫӑсем

Категорисем