Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Соколов Валериан Сергеевич

Валериан Сергеевич Соколов (ҫур. 1946 ҫулхи ҫурлан 30-мӗшӗ, Вӑрмар районӗ, Чăваш Автономиллĕ Социализмлă Совет Республики) — совет боксёрӗ. Тӑватӑ хутчен СССР чемпионӗ (1968, 1969, 1971, 1973). Олимп чемпионӗ (1968). СССР тава тивӗҫлӗ спорт мастерӗ (1968). СССР паллӑ боксёрӗ (1968).

Пурнӑҫӗ

1962 ҫулта «Динамо» чӑваш канашӗн бокс секцине пӗрремӗш тренерӗ Н. А. Лукин ертсе пынипе ҫӳреме пуҫланӑ; малалла вара ӑна Г. Н. Герасимов тренер тата наци сборнӑйӑн командин тренерӗ В. И. Огуренков вӗрентнӗ[1].

Тӗрлӗ йывӑрӑш категорисенче 1968, 1969, 1971, 1973 ҫулсенчи СССР чемпионӗ, 1967, 1970, 1971 ҫулсенчи СССР Кубокӗн виҫӗ хут ҫӗнтерӳҫи, 1968 ҫулта Мехикӑра иртнӗ Ҫуллахи XIX Олимп вӑййисен чи ҫӑмӑл йывӑрӑшри чемпионӗ.

Чӑваш ял хуҫалӑх институчӗн механизаци факультетне (1971), Хусанти танк командӗсен аслӑ училищине (1973), Ленинградри физкультура ҫар институчӗн адъюнктурине (1978) вӗренсе пӗтернӗ.

216 ҫапӑҫу ирттернӗ, вӗсенчен 196-шӗнче ҫӗнтернӗ. 1981–1986 ҫулсенче СССР Хеҫпӑшаллӑ вӑйӗсен тӗп тренерӗ, Раҫҫей бокс федерацийӗн тренерсен канашӗн председателӗ пулнӑ.

1970 ҫултанпа КПСС членӗ. Педагогика ӑслӑлӑхӗсен кандидачӗ («Некоторые аспекты надёжности боксёров высокого класса и педагогические методы её совершенствования» темӑпа диссертацине 1977 ҫулта хӳтӗленӗ)[2], Совет Ҫарӗн полковникӗ, отставкӑри Раҫҫей юстици полковникӗ.

Шупашкар хула Канашӗн депутачӗ пулнӑ. 1992 ҫултанпа усламҫӑ ӗҫӗпе аппаланнӑ. 1998 ҫултанпа Раҫҫей бокс федерацийӗн тӗп тренер канашӗн председателӗ пулнӑ. Ун хыҫҫӑн Раҫҫейӗн сборнӑй командисене хатӗрлекен спорт центрӗн спорт кӗрешӗвӗсен управленийӗн пуҫлӑхӗнче ӗҫленӗ.

Халӗ Раҫҫейӗн бокс енӗпе патшалӑх тренерӗ шутланать, ҫӗршывӑн сборнӑй командисене ертсе пырать.

Ҫемйи

Валериан Соколов арӑмӗпе пӗрле икӗ ача пӑхса ӳстернӗ.

Хисепӗсем

  • «Хисеп Палли» орден (1969)[3].
  • 3-мӗш степеньлӗ «СССР Хӗҫ-пӑшаллӑ вӑйӗсенче Тӑван ҫӗршывшӑн вӑй хунӑшӑн» орден.
  • «Физкультурӑпа спорта аталантарас енӗпе тава тивӗҫлӗ ӗҫсемшӗн» хисеп палли (2001).
  • «Чӑваш Республикин умӗнчи тава тивӗҫлӗ ӗҫсемшӗн» орден (2018)[4].
  • Чӑваш Республикин Вӑрмар районӗн хисеплӗ гражданинӗ (2015)[5]

Астӑвӑм

  • Чӑваш Республикин тӗп хулин — Шупашкар хула муниципаллӑ виҫин «В. С. Соколов Олимп чемпионӗ ячӗллӗ спорт шкулӗ» автономи учрежденийӗ.
  • Унӑн ятне Шупашкарти Мускав районӗнчи урама панӑ (2006).
  • Вӑрмар хула евӗрлӗ посёлокӗнче В. С. Соколов парнисемшӗн бокспа республика турнирӗ иртет[6][7].
  • В. Соколов урамӗпе М. Горький проспекчӗ хӗресленнӗ вырӑнта 4-мӗш ҫурт фасадӗ ҫинче асӑну хӑмине вырнаҫтарнӑ[8].

Ӑнлантарусем

  1. ^ Соколов Валериан Сергеевич. Официальный портал Урмарского района. Кабинет Министров Чувашской Республики. Пӑхнӑ кун: 2026 ҫулхи ҫурлан 5-мӗшӗ.
  2. ^ Соколов В. А. Некоторые аспекты надежности боксеров высокого класса и педагогические методы ее совершенствования : диссертация ... кандидата педагогических наук : 13.00.04. — 1977. — 272 с.
  3. ^ День в истории (8 июня) // Советская Чувашия : газета. — 2010. — 8 ҫӗртмен. 2021 ҫулхи авӑнӑн 28-мӗшӗнче архивланӑ.
  4. ^ Указ Главы Чувашской Республики от 04 октября 2018 года № 110 «О награждении орденом „За заслуги перед Чувашской Республикой“» // Официальный портал органов власти Чувашской Республики. — 2018. — 4 юпан.
  5. ^ Почётные граждане Урмарского района. Соколов Валериан Сергеевич // Официальный сайт администрации Урмарского района Чувашской Республики. Пӑхнӑ кун: 2016 ҫулхи утӑн 26-мӗшӗ. Архивланӑ 2016 ҫулхи ҫурлан 18-мӗшӗ.
  6. ^ II прошел республиканский турнир по боксу на призы олимпийского чемпиона В.С. Соколова. Урмарский муниципальный округ (11 раштавӑн 2023). Пӑхнӑ кун: 2026 ҫулхи ҫурлан 5-мӗшӗ.
  7. ^ Прошел республиканский турнир по боксу на призы олимпийского чемпиона В.С. Соколова. Управление физической культуры и спорта администрации города Чебоксары (3 раштавӑн 2022). Пӑхнӑ кун: 2026 ҫулхи ҫурлан 5-мӗшӗ.
  8. ^ Олимпийский чемпион по боксу Валериан Соколов. Урмарский муниципальный округ. Пӑхнӑ кун: 2026 ҫулхи ҫурлан 5-мӗшӗ.

Вуламалли

  • Олимпийская энциклопедия / Павлов С. П.. — Советская энциклопедия, 1980. — 415 с.
  • Соколов Валериан Сергеевич // Большая олимпийская энциклопедия: В 2 т. / Автор-составитель В. Л. Штейнбах. — М.: Олимпия Пресс, 2006.
  • Скородумов, Н. Г. Соколов Валериан Сергеевич // Электронная Чувашская энциклопедия = Чувашская энциклопедия : в 4 т. / Гл. ред. Ю. Н. Исаев. — Чебоксары : Чувашское книжн. изд-во, 2011. — Т. 4: Си—Я. — 797 с. — ISBN 978-5-7670-1931-1. // Чувашский государственный институт гуманитарных наук.

Каҫӑсем

Темӑпа ҫыхӑннисем

Категорисем