Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Андреев Владимир Васильевич

Disambig gray.svg Андреев хушаматлă урăх çынсем çинчен РУВИКИ-ре статьясем пур.

Владимир Васильевич Андреев - (1966 ҫулхи авӑнӑн 7-мӗшӗ[1], Яманчурел, Чăваш Автономиллĕ Социализмлă Совет Республики — 2024 ҫулхи акан 16-мӗшӗ, Шупашкар) — чăваш спортсменӗ, çăмăл атлет, Олимп вăййисен бронза призёрӗ[2].

Биографи

1966 ҫулхи авӑн уйӑхӗн 7-мӗшӗнче Чӑваш АССРӗн Елчӗк районӗнчи Яманчурел ялӗнче ҫуралнӑ. Ашшӗ-амӑшӗ уйрӑлнине пула амӑшӗпе Лаш Таяпана пурӑнма куҫнӑ. Лаш Таяпа вӑтам шкулне вӗренсе пӗтернӗ.

И. Я. Яковлев ячӗллӗ Чӑваш патшалӑх педагогика институтне вӗренсе пӗтернӗ.

1992 ҫулта Раҫҫейӗн ҫӑмӑл атлетика пӗрлештернӗ командине кӗртнӗ. 1993 ҫулта Германири Штутгартра тӗнче чемпионатӗнче пуҫласа ӑмӑртнӑ, унта 20 ҫухрӑма утса 19-мӗш вырӑн йышӑннӑ. Андреев спорт карьеринче чи ӑнӑҫли 1999—2002 ҫулсенчи тапхӑр пулнӑ. 1999 ҫулта вӑл утас енӗпе Тӗнче кубокӗнче виҫҫӗмӗш пулнӑ, ҫулталӑк каярах Сиднейра 2000 ҫулхи Олимп вӑййисенче 20 километрлӑ дистанцире бронза медаль выляса илнӗ.

2002 ҫулта вӑл икӗ хутчен ҫак дистанцирех — Мюнхенри Европа чемпионатӗнче тата Туринри Тӗнче кубокӗнче — кӗмӗл ҫӗнсе илнӗ. Парижри тӗнче чемпионатӗнче вӑл 10 километра утнӑ ҫӗре хутшӑнса улттӑмӗш пулса тӑнӑ. 2004 ҫулхи Олимп вӑййисенче Афинӑра 20 ҫухрӑма ҫиччӗмӗш утса тухнӑ.

2005 ҫулхи акан 15-мӗшӗнче Андреевӑн допинг-проби салбутанол препарачӗллӗ кӑтарту панӑ, ҫавна май спортсмена ҫулталӑка дисквалификациленӗ. Андреев хӑйӗн спорт карьерине вӗҫленине пӗлтернӗ.

Спорт карьерине вӗҫлесен Шупашкарти тӗрлӗ спорт организацийӗсемпе учрежденийӗсенче ӗҫленӗ, «Спартак» пӑр керменӗн директорӗ пулнӑ.

2024 ҫулхи ака уйӑхӗн 16-мӗшӗнче Шупашкарта пульницӑра вилнӗ[3][4].

Çитĕнĕвĕсем

10 тата 20 çухрӑма хӑвӑрт утас енӗпе ӑмӑртнӑ, унӑн чи пысӑк кӑтартӑвӗсем:

çул ăмăрту хула çитĕнĕвĕ
1989 СССР Чемпионачĕ Мускав Ылтăн
2000 XXVII-мĕш Çуллахи Олимп вăййă Сидней Бронза
2002 Европа чемпионачĕ Мюнхен Кĕмĕл
2002 Кубок Мира Турин Кĕмĕл
2004 XXVIII-мĕш Çуллахи Олимп вăййă Афины 7-мĕш

Хисепӗсем

  • Раҫҫей тава тивӗҫлӗ спорт мастерӗ (2000);
  • Чӑваш Республикин физкультурӑпа спортӑн тава тивӗҫлӗ ӗҫченӗ (2000);
  • Елчӗк районӗн хисеплӗ гражданинӗ (2002);
  • «Чӑваш Республики умӗнчи тава тивӗҫлӗ ӗҫсемшӗн» орден (2007)[5].

Астӑвӑм

  • Елчӗк районӗнчи Лаш Таяпа пӗтӗмӗшле пӗлӳ паракан вӑтам шкул В. В. Андреев ячӗпе хисепленсе тӑрать[6];
  • Лаш Таяпа вӑтам шкулӗн ҫурчӗ ҫине асӑну хӑми вырнаҫтарнӑ[7];
  • Елчӗк районӗнчи Лаш Таяпа ялӗнче ҫулсерен хӑвӑрт утас енӗпе В. В. Андреева асӑнса ӑмӑрту ирттереҫҫӗ[8].

Ӑнлантарусем

  1. ^ Vladimir Andreyev // World Athletics Database
  2. ^ Н. Г. Скородумов. Андреев Владимир Васильевич (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2025 ҫулхи авӑнӑн 25-мӗшӗ.
  3. ^ Скончался призёр Олимпийских игр из Чувашии Владимир Андреев(паллӑ мар). pravdapfo.ru (16 акан 2024). Пӑхнӑ кун: 2024 ҫулхи акан 16-мӗшӗ.
  4. ^ Соболезнуем и скорбим в связи безвременным уходом из жизни Андреева Владимира Васильевича.(паллӑ мар). sshor8.rchuv.ru (16 акан 2024). Пӑхнӑ кун: 2024 ҫулхи акан 16-мӗшӗ.
  5. ^ Указ Президента Чувашской Республики от 15 июня 2007 года № 50 «О награждении орденом „За заслуги перед Чувашской Республикой“»
  6. ^ МБОУ «Лащ-Таябинская СОШ им. В.В.Андреева»(паллӑ мар). ГАНОУ «Центр одаренных детей и молодежи «Эткер» Минобразования Чувашской Республики. Пӑхнӑ кун: 2025 ҫулхи авӑнӑн 25-мӗшӗ.
  7. ^ В селе Лащ-Таяба открыли мемориальную доску призеру Олимпиады Владимиру Васильевичу Андрееву(паллӑ мар). Официальный портал органов власти Чувашской Республики. Яльчикский муниципальный округ (6 юпан 2024). Пӑхнӑ кун: 2025 ҫулхи авӑнӑн 25-мӗшӗ.
  8. ^ Год без «нашего бронзового Володи»(паллӑ мар). Бюджетное учреждение Чувашской Республики дополнительного образования «Спортивная школа олимпийского резерва № 8 имени олимпийской чемпионки Е. Николаевой» (16 акан 2025). Пӑхнӑ кун: 2025 ҫулхи авӑнӑн 25-мӗшӗ.

Вуламалли

  • Андреев, В. Владимир Андреев: Эпӗ экватор урлӑ 2-3 хут та утса ҫаврӑннӑ-тӑр… / В. Андреев ; Р. Власова ҫырса илнӗ ; О. Мальцев сӑн ӳкерчӗкӗсем // Хыпар. — 2014. — 4 юпа. — С. 8-9;
  • Владимир Васильевич Андреев // Елчӗк ен. — 2024. — 19 ака/апрель (№ 15). — С. 11 : сӑн ӳкерчӗк;
  • Кириллова, В. Елчӗксен иккӗмӗш олимпиецӗ / В. Кириллова // Елчӗк ен. — 2020. — 19 раштав (№ 95). — С. 2 : сӑн ӳкерчӗк;
  • Малышкин, Н. Манӑҫмасть олимпиец ячӗ / Н. Малышкин // Елчӗк ен. — 2024. — 11 юпа/октябрь (№ 39). — С. 2 : сӑн ӳкерчӗксем;
  • Сидоров, П. «Илемлӗ те хӑвӑрт чупатӑн» : Владимир Андреевӑн ячӗ ҫӗршыври спорт историйӗнче 15 ҫул ялкӑшрӗ / П. Сидоров // Ҫамрӑксен хаҫачӗ. — 2024. — 25 ака (№ 16). — С. 4 : сӑн ӳкерчӗксем;
  • Сидоров, П. Пӗр ҫулталӑк Владимир Андреевсӑр / П. Сидоров // Хыпар. — 2025. — 18 ака/апрель (№ 29). — С. 15;
  • Владимир Васильевич Андреев: 1966. За спиной — тысячи километров // Спортсмены. — Чебоксары, 2005. — С. 177-182;
  • Вадимов, В. Андреев стал бронзовым призером / В. Вадимов // Советская Чувашия. — 2000. — 23 сент.;
  • Вперед, Чувашия! И удачу в придачу! // Аргументы и факты — Чувашия. — 2000. — Сент. (№ 37). — С. 2;
  • Галкин, В. Звезда погасла… / В. Галкин // Советская Чувашия. — 2024. — 19 апреля (№ 43). — С. 4;
  • Егоров, А. Звезда зажигает на заливе / А. Егоров ; фот. авт. // Советская Чувашия. — 2012. — 29 марта. — С. 16;
  • Их должны знать не только в лицо // Чебоксарские новости. — 2000. — 16 сент.;
  • Кириллов, Ю. За спиной тысячи километров / Ю. Кириллов // Советская Чувашия. — 2003. — 18 апр.;
  • Плотников, Ю. Олимпиец привез в деревню праздник / Ю. Плотников // Советская Чувашия. — 2004. — 14 окт.;
  • Порфирьев, Н. Олимпийцам — высокие награды : [о награждении орденом «За заслуги перед Чувашской Республикой» спортсменов Владимира Андреева, Валентины Егоровой, Елены Николаевой] / Н. Порфирьев // Республика. — 2007. — 27 июня (№ 26). — С. 3;
  • Скородумов, Н. Г. Андреев Владимир Васильевич / Н. Г. Скородумов // Чувашская энциклопедия. — Чебоксары, 2006. — Т. 1 : А-Е. — С. 103;
  • Скородумов, Н. Г. Андреев Владимир Васильевич / Н. Г. Скородумов // Чувашская спортивная энциклопедия / Н. Г. Скородумов. — Чебоксары, 2007. — 34.

Каçăсем

Темӑпа ҫыхӑннисем

Категорисем