Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Иванова Алина Петровна

Disambig gray.svg Иванова хушаматлă урăх çынсем çинчен РУВИКИ-ре статьясем пур.

Иванова Алина Петровна (ҫур. 1969 ҫулхи пушӑн 16-мӗшӗ[1], Килтĕш, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — совет саманин тата Раҫҫейӗн ҫӑмӑл атлетки, спортла утасси тата марафон чупасси енӗпе специалист. СССР тӗнче класлӑ спорт мастерӗ (1988), ҫӑмӑл атлетика енӗпе СССР тава тивӗҫлӗ спорт мастерӗ (1991).

Пурнӑҫӗ

1969 ҫулхи пуш уйӑхӗн 16-мӗшӗнче Чӑваш АССРӗн Етӗрне районӗнчи Килтӗш ялӗнче ҫуралнӑ[2].

Килтӗшри сакӑр ҫул вӗренмелли шкулта вӗреннӗ. Вӑтам пӗлӗве Советски вӑтам шкулӗнче илнӗ. Шкулта вӗреннӗ чухне хӑйӗн ӳсӗмри ушкӑнра тӗрлӗ ӑмӑртӑва хутшӑннӑ. Пӗрремӗш хут ӑмӑртусен ҫӗнтерӳҫи 5-мӗш класра пулса тӑнӑ[3].

Вӑтам шкул хыҫҫӑн 1986 ҫулта Шупашкарти педагогика училищине вӗренме кӗнӗ. Кунта ӑна хӑвӑрт утас енӗпе Чӑваш Ен чемпионӗ Геннадий Грачёв тата Геннадий Семёнов тренер асӑрханӑ. 1986 ҫулта Алина СССР спорт мастерӗн кандидачӗн нормативне пурнӑҫланӑ. Тепӗр ҫулхине, 1987 ҫулта, СССР спорт мастерӗн нормативне пурнӑҫланӑ; 1988 ҫулта — тӗнче шайӗнчи СССР спорт мастерӗн нормативне[3].

Шупашкарти аслӑ спорт ӑсталӑх шкулӗн воспитанници шутланать[4].

1999 ҫулта Чӑваш патшалӑх педагогика университечӗн физкультура факультетӗнчен вӗренсе тухнӑ[2].

Чӑваш Республикин Физкультурӑпа спорт министерствинче инструктор должноҫӗнче тӑрмашнӑ. 2010 ҫулта ӑна Республикӑри олимп резервӗн ятарлӑ 8-мӗш ача-пӑчапа ҫамрӑксен спорт шкулӗн директорне лартнӑ[4].

Алина Пӗтӗм Раҫҫейри ҫӑмӑл атлетика категорийӗн судйи (2017) шутланать[2]. Вӑл Чӑваш республикин хӗрарӑмсен канашӗн пайташӗ[3].

2020 ҫулхи авӑн уйӑхӗнчен пуҫласа Чӑваш Республикин ҫӑмӑл атлетика федерацин ертӳҫи шутланать[4][2].

Алина вӑтам шкултан вӗренсе тухнӑ Советски салинче ҫулсерен Алина Иванова призӗсемшӗн хӑвӑрт утас енӗпе ӑмӑрту ирттереҫҫӗ[3].

Ҫӗнтерӳсем

  • Тӗнче чемпионки (1991 ҫул);
  • Европа чемпионки (1992 ҫул);
  • XXV Олимп вӑййисене (1992 ҫул) Хӑвӑрт утас енӗпе хутшӑннӑ;
  • АПШри тӗнче шайӗнчи марафон турнирӗсен ҫӗнтерӳҫи;
  • Европӑра тата Раҫҫейре иртнӗ Пӗтӗм тӗнчери марафон турнирӗсен ҫӗнтерӳҫи (Ҫӗпӗр тӗнче марафонӗ, 1995 ҫул).

Хисепӗсем

  • Чӑваш Республикин физкультурӑпа спортӑн тава тивӗҫлӗ ӗҫченӗ (1998 ҫул)[4];
  • Чӑваш Республикин Етӗрне районӗн хисеплӗ гражданинӗ (2010)[4];
  • «Чӑваш Республики умӗнчи тава тивӗҫлӗ ӗҫсемшӗн» орден (2019)[2];
  • «Чӑваш автономи облаҫне йӗркеленӗренпе 100 ҫул ҫитни» (2020) астӑвӑм медалӗ;
  • Чӑваш АССР Аслӑ Канаш Президиумӗн Хисеп хучӗ[3];
  • Чӑваш Республикин Пуҫлӑхӗн Тав хучӗ[3].

Ӑнлантарусем

  1. ^ 1, 2 Alina Ivanova // World Athletics Database
  2. ^ 1, 2, 3, 4, 5 Иванова, Алина Петровна (спортсменка; 16.03.1969) (выр.). «Наследие Чувашии». Цифровая библиотека чувашского наследия. Пӑхнӑ кун: 2025 ҫулхи авӑнӑн 18-мӗшӗ.
  3. ^ 1, 2, 3, 4, 5, 6 Наша яркая звезда — Знамя труда Чувашия(паллӑ мар). znamya-truda.ru. Пӑхнӑ кун: 2025 ҫулхи авӑнӑн 18-мӗшӗ.
  4. ^ 1, 2, 3, 4, 5 Н.Г. Скородумов. Иванова Алина Петровна (выр.). Чувашская энциклопедия. Пӑхнӑ кун: 2025 ҫулхи авӑнӑн 18-мӗшӗ.

Вуламалли

Чӑвашла

  • Лаштай, П. Тӗнче чемпионкин ятне илтнӗ пӗрремӗш чӑваш хӗрӗ / П. Лаштай // Ҫамрӑксен хаҫачӗ. — 2019. — 21 пуш (№ 11). — С. 4 : сӑн ӳкерчӗксем.
  • Петров, А. Алина Иванова — чи лайӑх ертӳҫӗ / А. Петров // Хыпар. — 2015. — 11 июнь/ҫӗртме. — С. 6 : сӑн ӳкерчӗк.
  • Степанов, Ю. Чӑваш хӗрӗн тепӗр ҫитӗнӗвӗ / Ю. Степанов // Хыпар. — 2006. — 2 чӳк.

Вырӑсла

  • Данилов, А. Алина Иванова открывает спортивные таланты / А. Данилов // Знамя труда (Ядрин. р-н). — 2022. — 27 мая (№ 37). — С. 3.
  • Иванова, А. П. Вниманию — частицы чемпионов / [А. П. Иванова ; записала Ю. Кольцова] // Республика. — 2022. — 13 апр. (№ 15). — С. 6.
  • Иванова, А. С характером бойца / А. Иванова // Достояние Республики. — 2020. — № 1 : Летопись, ч 6. — С. 76-79.
  • Иванова Алина Петровна: 1969. «Железная» Алина // Спортсмены. — Чебоксары, 2005. — С. 207-216.
  • Иванова Алина Петровна // Чуваши. — Чебоксары, 2008. — С. 417.
  • Казакова, Е. Наша яркая звезда / Е. Казакова // Знамя труда (Ядрин. р-н). — 2022. — 28 окт. (№ 77). — С. 7.
  • Кириллов, Ю. Алина Иванова / Ю. Кириллов // Советская Чувашия. — 1996. — 14 авг.
  • Лидер нашего времени // Советская Чувашия. — 2015. — 9 июня. — С. 1.
  • Неукротимая Алина Иванова // Республика. — 2014. — 8 окт. (№ 44). — С. 7.
  • Плотников, Ю. Алина Иванова возвращается в ходьбу / Ю. Плотников // Почтовый экспресс. — 2010. — 27 окт. — 2 нояб. (№ 43). — С. 13.
  • Плотников, Ю. Продолжая традиции: Алина Иванова — чемпионка СССР / Ю. Плотников // Советская Чувашия. — 1989. — 9 февр.
  • Скворцова, С. Неукротимая Алина Иванова, или Идущая по жизни с улыбкой / С. Скворцова // Республика. — 2015. — 18 марта (№ 10). — С.7
  • Скородумов, Н. Г. Иванова Алина Петровна / Н. Г. Скородумов // Чувашская спортивная энциклопедия. — Чебоксары, 2007. — С. 38.
  • Скородумов, Н. Г. Иванова Алина Петровна / Н. Г. Скородумов // Ядринская энциклопедия. — Чебоксары, 2015. — Т. 1 : А-О. — С. 217.

Каҫӑсем

Темӑпа ҫыхӑннисем

Категорисем