Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Семёнов Геннадий Семёнович

РУВИКИ-ре ҫак хушаматлӑ ытти ҫынсем пирки те статьясем пур: Семёнов.

Семёнов Геннадий Семёнович (1945 ҫулхи чӳкӗн 12-мӗшӗ, Мăн Выла, Чăваш Автономиллĕ Социализмлă Совет Республики — 2021 ҫулхи нарӑсӑн 14-мӗшӗ) — спорт уттипе совет ҫӑмӑл атлечӗ, совет тата Раҫҫей тренерӗ.

Кун-ҫулӗ

Геннадий Семёнов 1945 ҫулхи чӳкӗн 12-мӗшӗнче Чӑваш АССРӗн (халӗ Чӑваш Ен) Элӗк районӗнчи Мӑн Вылӑ ялӗнче ҫуралнӑ.

1970 ҫулта Мускавра ГЦОЛИФК вӗренсе пӗтернӗ[1].

Шупашкарти аслӑ спорт ӑсталӑхӗн шкулӗнче ҫӑмӑл атлетика енӗпе ӑсталӑхне туптанӑ. Спорт уттипе Чӑваш АССР чемпионӗ тата рекордсменӗ пулнӑ[1].

СССР спорт мастерӗ (1968)[1].

Ӑмӑртусенче хутшӑнма пӑрахнӑ хыҫҫӑн Шупашкарти аслӑ спорт ӑсталӑхӗн шкулӗн тренерӗ пулса ӗҫленӗ, республикӑри спорт утти шкулӗн директорӗ пулнӑ. СССР тата Раҫҫей 50 ытла спорт мастерне, тӗнче шайӗнчи 20 спорт мастерне, икӗ тава тивӗҫлӗ спорт мастерне, ҫав шутра 1996 ҫулхи ҫуллахи Олимп вӑййисен чемпионкине Елена Николаевӑна тата тӗнче чемпионкине, Алина Иванова рекордсменкӑна вӗрентсе кӑларнӑ[1].

1992 ҫулта Барселонӑри ҫуллахи Олимп вӑййисенче спорт уттипе пӗрлештернӗ командӑн аслӑ тренерӗ пулнӑ[1].

РСФСР тава тивӗҫлӗ тренерӗ (1984). СССР тава тивӗҫлӗ тренерӗ (1991). Чӑваш АССРӗн тава тивӗҫлӗ физкультурӑпа спорт ӗҫченӗ (1982)[1].

2015 ҫулта Элӗк районӗн хисеплӗ гражданинӗ ятне тивӗҫнӗ[1].

2021 ҫулхи нарӑсӑн 14-мӗшӗнче вилнӗ.

Ҫемье

Пиччӗшӗ — Василий Семёнович Семёнов (1933–2002), ҫӑмӑл атлет, спорт уттипе РСФСР тава тивӗҫлӗ тренерӗ[2].

Шӑллӗ — Виктор Семёнович Семёнов (1949 ҫ. ҫ.), ҫӑмӑл атлет, спорт уттипе СССР тава тивӗҫлӗ тренерӗ[3].

Астӑвӑм

2015 ҫулхи раштавӑн 25-мӗшӗнчен пуҫласа Мӑн Вылӑри вӑтам шкул пӗр тӑван Семёновсен ячӗпе хисепленет[4].

Ӑнлантарусем

  1. ^ 1, 2, 3, 4, 5, 6, 7 Скородумов Н. Г. Семёнов Геннадий Семёнович // Чувашская энциклопедия. — Чебоксары, 2009. — Т. 3. М-Се. 2021 ҫулхи утӑн 9-мӗшӗнче архивланӑ.
  2. ^ Скородумов Н. Г. Семёнов Василий Семёнович // Чувашская энциклопедия. — Чебоксары, 2009. — Т. 3. М-Се. 2021 ҫулхи утӑн 9-мӗшӗнче архивланӑ.
  3. ^ Скородумов Н. Г. Семёнов Виктор Семёнович // Чувашская энциклопедия. — Чебоксары, 2009. — Т. 3. М-Се. — . 2021 ҫулхи утӑн 9-мӗшӗнче архивланӑ.
  4. ^ Спортивная гордость Чувашии: братья Семеновы из с. Большая Выла. Аликовский район Чувашской Республики. Пӑхнӑ кун: 2021 ҫулхи утӑн 3-мӗшӗ. Архивланӑ 2021 ҫулхи утӑн 20-мӗшӗ.

Вуламалли

  • Вӗсем чи лайӑххисем / В. Григорьев хатӗрленӗ // Тантӑш. — 2008. — 17 кӑрлач (№ 2). — С. 10.
  • Геннадий Семенович Семенов : [некролог] // Пурнӑҫ ҫулӗпе (Элӗк районӗ). — 2021. — 19 нарӑс. — С. 12 : сӑн ӳкерчӗк.
  • Ефимов, Л. А. Семенов Геннадий Семенович / Л. А. Ефимов // Аликовская энциклопедия = Элӗк энциклопедийӗ. — Чебоксары, 2009. — С. 471.
  • Иванский, В. Шагом, но быстро / В. Иванский // Аргументы и факты. — 2006. — № 48 (нояб-дек.) — Прил.: с. 11. — (Аргументы и факты — Чувашия).
  • Семенов Геннадий Семенович // Чуваши. — Чебоксары, 2008. — С. 411-412.
  • Скородумов, Н. Г. Семенов Геннадий Семенович / Н. Г. Скородумов // Чувашская энциклопедия. — Чебоксары, 2009. — Т. 3 : М-Се. — С. 654.
  • Скородумов, Н. Г. Семенов Геннадий Семенович / Н. Г. Скородумов // Чувашская спортивная энциклопедия / Н. Г. Скородумов. — Чебоксары, 2007. — С. 29.
  • Юркин, С. В Чувашии — свой государственный тренер. / С. Юркин // Советская Чувашия. — 1992. — 12 марта.

Каҫӑсем

Категорисем